ترجمة مواقع الإنترنت

الأربعاء، يناير 31، 2007

نصائح تغيظ

ايوة صح العنوان كده فعلا نصائح تغيظ
كل الناس قالوا اكيد ان انا هأقول نصائح لناس تانية غايظانى
لأ مش كده أنا هأقول نصائح ليكم من عندى و النصائح دى علشان تغيظو الناس اللى بيزورا مدوناتكم و يمكن تقدروا تطفشوهم
النصيحة الاولى
علشان تعمى الغلبان اللى جاى يزورك اتعمد انك تختار الوان غامقة سودة مثلا و اكتب بلون غامق زى اللون البنفسجى او اللون الازرق
النصيحة التانية
اختار اصغر بنط تقدر عليه او اختار اكبر بنط لغاية ما الكلام يدخل فى بعضه
التالتة
كتر من الصور فى مدونتك لأنها اسهل وسيلة علشان تخلى الموقع يفتح ببطء يشل اللى امه دعت عليه و دخل عندك
الرابعة
طريقة تانية بجانب الصور لتبطئ الموقع انك تكتر من اكواد الجافا و خصوصا الاكواد اللى بتغير شكل الماوس و الاكواد اللى بتحطلك فراشة طايرة فى موقعك
الخامسة
يا سلام تعمل اعلانات كتير علشان تتوه السادة الزائرين و ما ياخدوش بالهم من مواضيعك اساسا و بالذات الاعلانات اللى بتفتح فى شاشة لوحدها
السادسة
احسن حاجة تعملها تبطألك الموقع و تغيظ اللى دخله انك تحط خلفية صوتية لمدونتك و يا ريت تعيد نفسها تلقائيا
السابعة
تخلى صفحة التعليقات تفتح فى شاشة مستقلة علشان تكتر للزبون الشاشات المفتوحة فى جهازه يمكن جهازه يهنج و الا حاجة
التامنة
تحط صورة مستفزة فى البروفايل بتاعك و يا سلام بقى تبقى غتت و الا دمك تقيل علشان تكملها
التاسعة
.......................
.......................
.......................
.......................
النصيحة العاشرة
ما تسألنيش عن التاسعة

هناك 23 تعليقًا:

Waleed Fareed يقول...

اديني اول واحد بعلق
واااااااااا هدف
الله يا خالد بس كان ليا سؤال هو النصيحة التاسعة قبيحة ولا ايه
p:

Unknown يقول...

بجد نصايح مفيدة تستخدم فيه النصيحة المقلوبة لتأكيد العكس
بس النصيحة العاشرة ممكن توافينى بها
تعالى لى فى المدونة
تحياتى

khaled يقول...

شرفت يا عم وليد و انت ما خدتش بالنصيحة العاشرة علشان كده سألتنى ع التاسعة
ابو امل
نورت و انا جايلك فى الطريق

غير معرف يقول...

lol interesting advices,I thought the same :p
very nice blog man !

a visitor from Tunisia

khaled يقول...

hi aymen
welcome
i remembered you, i saw your name in oussama's blog
thanks for entering here

khaled يقول...

aymen
tunnis is my second country

Rivendell** يقول...

الله الله الله دا ايه التخبيط في الحلل دا

نظام الكلام ليكي يا جارة

ماشي ماشي

khaled يقول...

ههههههههههههههههه
لأ لأ مافيش تخبيط فى الحلل و لا حاجة ثم اساسا مفيش حلل علشان نخبط فيها
هههههههههههههه
انا دخلت مدونتك قبل كده و لقيتها حلوة خاااااالص و مش بطيييييييييئة خااااااالص
و ماشى ع المقلب اللى عملتيه فيه بتاع التاج ده

غير معرف يقول...

for me ,any arabic country is my country :)

khaled يقول...

that what is expected from good people like you aymen

vision يقول...

ههههههههههههههههههههههههههههه

حلوه متسألونيش ايه هى التساعه والله انت جامد اوى
جديده دى بس فعلاا انت قوووووولت كل الحاجات الى فعلاا بتففففرررررررس لما تفتح مدونة حد وفعلاا قديره بانها تطفش اجدع واحد موضوع جديد وجامد توشكر يا ذوووووق

khaled يقول...

انتى اللى ذوق و شرفتينى جدا

Oussama يقول...

إيه ده يا خالد, إنت موّتني من الضحك يا راجل. إوعى تحاول تأخذ بالنصايح دي و تعملها في الموقع بتاعك.

khaled يقول...

طب انت ايه رأيك؟
عارف
انا هاعمل بالنصايح دى لو حد دخل و لا علقش

LuaY SakR يقول...

قشطة عليك يا بو خالد

مش عارف شكلي كده اعرف واحد مطبق النصايح دي كلها في المدونتين اللي عاملهم

مطبقها بحاذافرها يعني

انا الاول كنت فاكر ان النصايح دي بشكل عام كده

لكن النصيحة التامنة خلتني اتأكد ان صاحبنا ده عند حس استفزازي زيادة عن اللزوم

انا هابقي انبهه للحاجات دي

بس بصراحة يعني

انا هارد بلسانه في شوية نقط والباقي هاحاول اقنعه بيه

موضوع الصور ممكن يبقي ليه تأثير فعال لو الصور دي خفيفة -وخصوصا لو كان الموضوع تخيلي
يعني بيطلب منك نوع من التخيل

موضوع الصوت بيكون ليه هدف لزياده الاحساس بروح المدونة

موضوع الصورة المستفذة

اولا يمكن دي صورته بجد

ثانيا لو مش صورته ممكن يكون بيحبها اوي
او شايف ان ده اقرب كاراكتر ليه

مش احسن ما يكدب عليك ويحط صورة براد بت ولا مادلين طبر حتى

khaled يقول...

قشطة يا لؤى
انت فين ياراجل
انت كدة هاتدبسنى مع صاحبنا ده و انا ماكنتش اقصد حد بعينه
ههههههههههههه
اما بخصوص الصور و الصوتيات فممكن تكون صورة جودتها عالية مثلا 640*480
عايز احطها بجودة 300*300 اقوم احطها بأصلها من غير تصغير ده هيبطأ التحميل لان الكمبيوتر بيحمل المساحة الاصلية و كل ما صغرت الدقة كل ما المساحة قلت و سرعة التحميل زادت و ممكن اقلل الدقة من اى برنامج صور زى الفوتوشوب
و الصوت برضه لما اختار ملف صوت يبقى اختار اقل مساحة و كمان اختبر السايت بتاعى بعد كل ده و ما اعملش زحمة فى موقعى تبطأهولى

Ma 3lina يقول...

i wanted to say these before coz people just post topics without looking how the colors nd the background match

khaled يقول...

yes it's so important
:)

gygy_ahmed يقول...

الاول ازيك يا خالد

واللهانا نسيت اذا كنت خالد ولا مين

كنت لسه حالا باظبط المدونة بتاعتىوبما انى جديدة فى التدوين سمعت كلامك كله وحاولت انفذه بس عندى مشكله كبيرة
جدا جدا جدا جدا

المشكله الاولىان الموقع اللىبندخل عليه علشان نسجل ونعرف عدد الزوار مش بيشتغل عندى ابدا مش عارفه ليه؟


والمشكلةالتانية

ان مدونتى رغم انى انا اللى مختارة كل حاجة فيها بس دايما مش عجبانى وعايزة اغير فيها حاجات كتير

يعنى مثلا السايدبار نفسى يبقى علىالشمال مش على اليمين

وكمان حجمه يصغر شويه

حاجات كتير بصراحه

بس على اى حال جزاك الله خيرا

khaled يقول...


اولا ازيك يا جى جى
ثانيا انا خالد بلحمه و بعضمه
ثالثا مشكلتك مش كبيرة خااااااالص
بالعكس دى صغيرة قوى جدا خالص
مشكلتك الاولى حلها انك تدخلى الموقع ده

http://www.freeweblogger.com/

و مشكلتك التانية بسيطة جدا برضه و هى اختيار قالب
template
تانى او تنسخى قالب خارجى فيه اللى انتى عاوزاه
شفتى بقى بسيطة ازاى؟

gygy_ahmed يقول...

شكرا على اهتمامك يا خالد

بس المشكله بتاعة الموقع ده انه مش بيخل عندى اصلا مش باعرف اختارولا اسجل فيه اصلا وبافضل اعمل ريفريش ريفريش ريفريش علشان حد يرد عليا بس برده مفيش فايدة

لو ممكن تبعتلىالكود احطه عندى وخلاص يكون يا ريت وشكرا ومية مية

كلام لوجيك يقول...

نصائح ذهبيه ولا تقدر بثمن يا صديقى العزيز
بس نسيت كمان تضيف قصة الفريفيكيشن وورد فى الكومنت عشان تخنق الزبون وتعقدوا فى عيشته وتخليه يكره انه يعلق عندك تانى
ولن اقتنع بقصة مقاومة
spam
والكلام ده ابدا

تحياتى واحتراماتى

khaled يقول...

ساكا ما كا
فيريفيكيشن وورد
ده حتى اسمها يخنق
مش عارف ايه اللى هايستفادو منه و لو سألت اى واحد فيهم مش هايعرف يعنى ايه سبام
شكرا لمرورك

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro