ترجمة مواقع الإنترنت

الأربعاء، يناير 31، 2007

تاج تاج تاج

بقولها تلات مرات و باكشف راسى و اقول منك لله يا اللى كنت السبب
منك لله يا سوه دبستينى فى التاج ده
ما انا كنت قاعد فى حالى
منك لله يوديكى الجنة ان شاء الله
الاسئلة
إيه اللي هيحصل لإيميلك لما تموت؟
مش عارف
لما اموت هاعرف ساعتها
اديت الباسوورد لحد قبل كده؟
لا لا لا
اسمك؟
خاااااااااااااااااااااااااااااااالد
اسم الدلع المشهور بيه وسط اصحابك؟
خللود
عمرك؟
تلاتين سنة
برجك؟
ششش هص
ما باهتمش
مجال دراستك ؟
كله و الا حتة منه؟
انا اساسا خريج كلية التجارة قسم اقتصاد مع انى شغال فى مجال شبكات الكمبيوتر و ده مجال دراستى التانى
شخصيتك نوعها ايه ؟
يعنى ايه؟
اه بالصودا
انا طيب وهاااااادى جدا و نرفوووز جدا ازاى ما اعرفش بس ممكن تقول ان نرفزتى مابتطلعش بسهولة و ما بتبانش لحد و خصوصا اللى بحبهم
المود بتاعك؟
حسب الحالة اما تطلب
وقت فراغك بتعمل فيه ايه ؟
كمبيوتر كمبيوتر كمبيوتر
الأكلة المفضلة؟
المكرونة ام بشاميل و محشى ورق الخص
الصفات اللي اخدتها من باباك؟
الهدوء و الطيبة و العقل
الصفات اللي اخدتها من مامتك؟
السمار و الذكاء
اكتر ست حاجات بتكرهها ؟
الغباء
الجهل
الخيانة
الكذب
الغتاتة
قلة الادب
اكتر ست حاجات بتحبها؟
الدين
العلم
الصدق
الاخلاص
الاخلاق
الطيبة
الشغل بالنسبه لك؟
استمرار الحياة و مزيد من العلم
الانترنت بالنسبالك؟
شغل
تعليم
مراسلات
التاج التاني
خمس حاجات ماحدش يعرفها عنى؟
انى ساعات بحس ان ماليش اصدقاء و ساعات بحس ان اللى حواليا مش مخلصينلى
باااااااااس خلاااااااااااااااااااص كفاية حرااااام
امرر التاج لمين؟
لمها ميمو و نوهيل و الكلام نوعان و الاباصيرى و الوردة السوداء

هناك 6 تعليقات:

Oussama يقول...

أنا بصراحة بأموت في التاجز و كنت أتمنى لو توقع في فخ أكتر من تاجزين. عايزين بقه تاجز تالت و رابع. عايزين نعرف عنك أكتر و أكتر. إنت فعلا واحد جامد أوي و دمك خفيف.

khaled يقول...

ربنا يخليك يا اسامة و انا باعتز بيك و بكلامك

إنـســانة يقول...

كل دى الخمس حاجات اللى محدش يعرفهم؟؟
لا كتير الصراحة
عاوزين شوية ضمير ياناااااس
مش كدة
:D

khaled يقول...

طب بالعقل كده حاجات مش عايز يعرفها عنى الناس انشرها ع الملأ؟
هههههههههههههههههههه
و بعدين انا نسيت اقول فى المدونة ان ماعنديش ضميييييييييييييير
ههههههههههههههههههههههه

الأباصيرى يقول...

طيب مش تبعتلى حد يقوللى أنك كنت عازمنى على التاج

على العموم ولايهمك كلنا لها

khaled يقول...

هههههههه
اى خدمة تدبيسة مفتكسة
بس بجد انا بعتلك فى مدونتك ازاى ماوصلتكش؟

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro