ترجمة مواقع الإنترنت

الخميس، يناير 25، 2007

المذاهب و الشيعة

اليومين دول فيه موضة واخدة الكل و كل الناس بتتكلم فيها و بقت لبانة فى بق كل واحد
اللبانة دى اقصد الموضة دى هى التقريب بين السنة و الشيعة و يتكلم فيها اللى يسوى و اللى ما يسواش و عاملينلها مؤتمر فى الدوحة حاضره عن السنة الشيخ يوسف القرضاوى و عن الشيعة اية الله تسخيرى الايرانى
و فى المؤتمر ده بيحاولوا يوهمونا ان الشيعة مذهب زى اى مذهب سنى يعنى عايزين يعملوه زى المذهب الحنفى و المالكى و الشافعى و الحنبلى
طيب ايه هو تعريف المذهب و ايه هى المذاهب الاربعة و الفرق بينهم علشان نعرف ايه الفرق بينهم و بين المذهب الشيعى؟؟
اولا احب اوضح ان دين الاسلام له ناحيتين اساسيتين و هما العقائد و العبادات
و ان اختلاف المذاهب الاربعة السنية فى جانب العبادات و ما بيختلفوش فى جانب العقائد و هى الشئ الثابت اللى بيفرق بين المسلم و غير المسلم
العقيدة او الايمان خمسة اركان و هى الايمان بالله و كتبه و رسله و ملائكته و بالقضاء خيره و شره و دى شئ متفق عليه كل الفقهاء فى المذاهب الاربعة و الاختلاف فى الناحية دى يخرج من الملة
اما الناحية الفقهية او جانب العبادات و المعاملات اللى فيه اختلافات كتيرة بين المذاهب لاتخرج من الملة و انما هو رحمة لينا زى ما قال الامام مالك لأن فيه تيسير كتير ع المسلمين
طيب ايه سبب الاختلافات دى؟
سببها حاجتين اساسيتين : السبب الاول ان من الممكن ان يكون هناك حديث صحيح وصل لأمام فيأخذ بيه و يفتى بناءا عليه و ما وصلش للتانى او وصله و لقى فيه ضعف فمايعملش بيه
السبب الثانى هى اختلاف مصادر التشريع بينهم يعنى ايه؟
يعنى ان عالم الدين علشان يفتى فى مسألة او يصدر حكم عليها لازم يكون اخذ فتواه من دليل قوى مش من رأيه الخاص و الادلة دى متعددة
زى ايه؟
زى القران و السنة و كل المذاهب بتقدمهم على كل الادلة و ده مفيهوش اختلاف
يعنى الفقيه او العالم لما يصدر حكم معين يشوف القران صدر فيه الحكم ده و الا لأ؟ لو لقى يبقى ياخد بيه و مايلتفتش لغيره و لو مالاقاش الحكم ده يشوف السنة و هى الاحاديث الصحيحة المنقولة عن النبى صلى الله عليه و سلم
طيب لو مالقاش فى الاتنين؟
يبقى ييجى هنا مصادر اخرى بيختلف فى ترتيبها الفقهاء و اختلاف الترتيب ده (طبعا الترتيب بعد القران و السنة) هو سبب اختلاف الفقهاء
من امثلة المصادر دى فتاوى الصحابة و القياس
المذهب الحنبلى مثلا لا يعترف بالقياس او بياخد بيه فى اضيق الحدود و المذهب الحنفى بيتوسع فى استخدام القياس و القياس ده يعنى لو فيه مسألة ملهاش دليل و فيه مسألة تانية متشابهة معاها نبقى نحكم على التانية نفس الحكم
زى مسألة المخدرات حكمها التحريم قياسا على الخمر لأنها مشتركة معاها فى نفس العلة و هى ذهاب العقل
و المصدر التانى اللى الفقهاء الاربعة بياخدوا بيه و هو السنة يعنى كل حديث صحيح و صلنا و اتفقوا على كتب معينة شاملة لمعظم الادلة المستخدمة فى التشريع و هى الكتب الستة و هى صحيح البخارى و صحيح مسلم و سنن الترمذى و النسائى و ابن ماجه و سنن ابى داود
و البخارى و مسلم اصح كتابين بعد القران باتفاق العلماء يعنى انهم شاملين الاحاديث الصحيحة بس بعكس الكتب الاربعة التانية اللى ممكن تشتمل على الصحيح و الضعيف
و الشيعة بقى مابتعترفش بالسنة النبوية بتاعتنا يعنى ما بتعترفش بالاحاديث الصحيحة اللى هى المصدر الثانى للتشريع يعنى هدمت ركن اساسى من الشريعة الاسلامية اللى من غيرها تبقى فيه احكام كتييييييييييير مالهاش اساس
ما بيعترفوش الا بالاحاديث المنقولة عن الشيعة فقط و ما قلة هذه الاحاديث ناهيك عن ضعف معظمها ان لم يكن كذبه
يبقى ماينفعش نعمل مذهب خامس من غير السنة النبوية و هى المصدر الثانى الاساسى و اللى قائم عليه المذاهب الاربعة
والشيعة مابتاخدش بفتاوى الصحابة و الذى يعتبر المصدر الثالث للتشريع لأنهم ببساطة بيلعنوهم بالذات ابى بكر و عمر لأن فى رأيهم ان الصحابة ما نفذوش وصية الرسول بولاية على
طيب ما هو على و فاطمة رضى الله عنهما بايعوا لابى بكر و عمر و عثمان رضى الله عنهم اجمعين
و هل الصحابة كلهم غلطوا لما بايعوا ليهم؟ يعنى الشيعة اللى همه لا صحابة و لا تابعين هيبقوا احسن من الصحابة و هيعرفوا اللى معرفهوش؟ تيجى ازاى؟
اما من ناحية العقائد فعقيدتنا ان نؤمن بالله و رسله و لانفرق بين احد من رسله و ان الرسل معصومون فقط يعنى مافيش
بشر معصوم الا الانبياء و ده اللى مختلفين فيه مع الشيعة اللى بيعتبروا ائمتهم معصومون و بيعتبروا ان الوحى ما انقطعش بموت الرسول صلى الله عليه و سلم
يبقى الناس دول بينفخوا فى قربة مقطوعة و الا لأ؟
يا عالم ارحمونا بقى سيبوا الدين فى حاله
ملحوظة : المراجع اللى جبت منها الكلام ده كتير منها كتب العقائد زى شرح العقيدة الطحاوية لابن عز و فيه كتاب جميل لابن الجوزى و هو تلبيس ابليس فيه كلام كتير عن الفرق الشاذة وامور الفقه عن كتب الفقه للمذاهب الاربعة و كتب اصول الفقه و القواعد الفقهية مثل القواعد الفقهية للشيخ محمد بكر اسماعيل
اسمع عن عقائد الشيعة للشيخ أسامة سليمان



تعديل: خطبة أخرى اكثر من رائعة تكشف عقيدة الشيعة من كتبهم


تعديل: اقرأ نبذة عن الشيعة

هناك 19 تعليقًا:

إنـســانة يقول...

العلم نورٌ والله
اصلى مكنتش فاهمة اوى فى المذاهب
بس اسلوبك بسيط والحمد لله فهمت
وعرفت الفرق الشاسع بين السنة والشيعة
ربنا يكرمك ويعزك يارب

khaled يقول...

خطوة عزيزة يا ياسمين بجد انتى تنورى اى مكان تدخليه
و الموضوع ده علشان نعرف فضل العلماء علينا و قد ايه بيتعبوا علشان بيقدمولنا علم اقدر افهمه و افهمه لغيرى فى الوقت اللى ماسكينهم شتايم و تقطيع فى لحومهم
و لكن الناس دول لازم يعرفوا ان لحوم العلماء مسمومة

الوردة السودة يقول...

افادك الله زى مافدتنا
وبجد موضوع مهم جدا
ربنا يكتر من امثالك

khaled يقول...

شكرا لزيارتك الجميلة يا وردة و الفايدة الحقيقية ان نعرف ديننا كويس علشان منسمحش لأى حد يلعبلنا فى دماغنا براحته و نعرف أعداء ديننا كويس قوى و الخطبتين بجد جامدين قوى و فيهم الفايدة

غير معرف يقول...

أدلة الشيعة على أن مذهبهم هو الحق من كتب السنة و مراجعهم

http://www.alhak.org/newbook/start.htm

للأسف انك انسان لا تفقه في الدين شيء, و تكتب كأنك علامة زمانك

انتبه لما تكتبه فله اثر كبير على المسلمين

Oussama يقول...

Very interesting and informative post Khaled. Anonymous: what are you talking about?

khaled يقول...

الاخ المجهول ما تكشف عن نفسك و تقولنا انت بتجيب كلامك منين؟
احب اقولك انى قريت فى كتب الشيعة و لعلامتكم الخمينى و لنعمة الله الجزيرى و كمان كتاب الموسوى
ده غير كتب السنةو انت اللى عامل فيها انك عالم اتكلم بالحجة و أيد رأيك و قول مصادرك
اما بخصوص الادعاءات اللى فى اللينك بتاعك فهارد عليك فيها انما تقول ايه فى ادعاءكم انتم ان الرسول كتم ولاية على و ان الحسين احسن من الرسول و سبكم لعائشة ووصفها بالزنا اعزها الله و هل تعرف شيئا عن الجبت و الطاغوت عندكم؟
انه ابوبكر وعمر و هل تعرف دعاء اللعن ؟ انه دعاء تلعناهما فيه
ما قولك؟
اعلن عن نفسك و تكلم بالدليل و انا ان شاء الله سوف اذكر هذه الحقائق مؤيدة بمصادرها من كتبكم انتم ايها الشيعى ان شاء الله
و ادعوكم جميعا لسماع الخطب الملحقة لان بها فوائد عظيمة
اما كلامى انا ايها الشيعى فقد قلت بعض من مصادرى و من يريد الاستزادة ممكن اذكر له المزيد
شكرا لك اخى اسامة لزيارتك و كلامك الجميل

khaled يقول...

الاخ المجهول ثانية
فتحت الموقع الذى اشرت اليه و تصفحته على عجل و علمت منه بعض المآخذ اللتى تدعونها عن علماء السنة و لم اقرأها كلها فى هذا الوقت القصير لكن احب ان اتكلم فى ملخص صغير عن بعض الامور
اولا: فى جزء الطعن بالله فى امور
تدعون ان الرسول اساء و العياذ بالله الى الله عندما ذكر حديث خلق ادم عليه السلام على صورته
و كذلك الاحاديث اللتى تتكلم عن صفات الله كالسمع و البصر و اليد و القدم تكلم عنها علماء العقيدة من قديم الازل ردا على اليهود و النصارى و الفرق الضالة الاخرى كالمعتزلة و الجهمية و الرافضة و كثير
و ثبت ان الله له صفات و اسماء ثابتة بالقران و السنة و نحن نصدقها بدون تكييف او تشبيه اى انه ثابت ان الله يتكلم كما فى القران
و كلم الله موسى تكليما
ولكن ليس كهيئتنا فى الكلام
و كذلك السمع و البصر
ليس كهيئتنا لا نسأل عن الكيفية و لا نشبهه كأحد من خلقه
و الكلام فى العقيدة له كتب و لها علماؤها الاجلاء ليست مجال لمناقشاتنا
اما الكلام عن السور اللتى وردت بها احاديث بالنسخ اى برفع الاية اى لم تعد تَقرأ فهذا اسمه علم الناسخ و المنسوخ و هو علم ثابت و معروف
و لكن قل لى بالله عليك اينا يحرف القران نحن ام انتم؟
انكم قلتم فى كتبكم ان المهدى بتاعكم سيأتى بالقران كاملا و هو سبعة عشر الف اية مع ان القران ستة الاف و ستمائةو ستين اية فقط؟
من منا تكلم عن الايات و السور فى ولاية على و اللتى لم يخبرنا بها الرسول او الصحابة على حد زعمكم؟
هل قرأت كتاب كشف الاسرار للخمينى بتاعكم؟
هل قرأت كتاب فصل الخطاب فى اثبات تحريف كتاب رب الارباب للنورى الطبرسى بتاعكم و اللذى امتدحهه الخمينى من أجل الكلام اللذى قاله؟

khaled يقول...

و شكرا لك ان ذكرت مصدر من مصادركم اللتى سوف نستخدمها ضدكم ان شاء الله
هههههههههههههههههههههههه
و كذلك موقعك هذا افادنى بأن ذكر موقع للأحاديث الشريفة كنت ابحث عنه
ههههههههههههههههههههههههههههههه

khaled يقول...

ايها الشيعى المجهول
خد اللينك ده و قوللى ايه رأيك؟
http://www.fnoor.com/media01.htm
اللينك ده فيه شرائط سمعية و مرئية للشيعة انفسهم تتدث عن معتقدات الشيعة
و شهد شاهد من اهلها
ارجو من الجميع زيارة هذا الموقع

غير معرف يقول...

فتوى الشيعه لقتل السنه

http://www.youtube.com/watch?v=9LgnC-55xdA

amany يقول...

موضوع السنة والشيعة موضوع ليس باليسر وليس سهلا لان الان المنطقة العربية تعيش اسوء حقبة تاريخية رجعنا الى الوراء كثيرا ولعصر القتن وهى انشغال المسلميين ببعضهم البعض وذبح بعضهم البعض لماذا هذا التوقيت الان ومن وراء هذه الفتنة وليس هناك تقريب بين السنة والشيعة لان فى اختلاف فى ثوابت ولا يمكن التراجع عنها والحل الامثل اجتماع علماء السنة والشيعة لاخماد الفتنة وليس للتقريب بدلا من فوات الاوان وثم نبكى على اللبن المسكوب

khaled يقول...

شكرا اخى المجهول الثانى على ملف الفيديو
شكرا امانى على زيارتك
و عندك حق فى ان الفتنة بين السنة و الشيعة كبيرة مش سهلة و احنا مع التقريب السياسى و التحالف بس مش التقريب المذهبى الدينى لأن ده مستحيل

Memo يقول...

حاجه رائعه انك بتقرا عن الفروق من الكتب المعروفه و المشهود لها بالصحه و لكن برضو موضحتش عايز توصل بايه من الفروق دي
تحياتي

khaled يقول...

مش فاهم سؤالك يا ميمو؟
لو تقصدى عايز ايه من البوست كله يبقى اقولك ان انا قلته فى الاخر ان موضوع التقريب بين السنة و الشيعة ده لعب عيال
عايزين دين هجين بزرميط ما ينفعش
تحالف سياسى او عسكرى ماشى
انما اعتراف بالمذهب الشيعى؟
لأ
و لو تقصدى عايز ايه من الفروق بين المذاهب فأنا وضحت معنى المذهب و الفرق بينهم علشان لما نتكلم عن الاعتراف بالمذهب الشيعى او التقريب يبقى لازم نكون فاهمين
لازم نعرف ديننا قبل ما نتكلم على حاجة زى دى

غريب يقول...

اسمحوا لى اولا ان اقول ان ليس هناك فتنه لان الفتنه تكون بين ابناء الوطن الواحد او العقيده الواحده القبيله او مالى هنالك ولكن لانى عن نفسى وهذا راى شخصى هم لايمتوا لنا نحن المسلمين بصله لقد حولواالعقيده ولانفسهم بالطبع اصبحوا مثل المسيحين فى العصور الوسطى حينما بدات تظهر طوائف واشكال من المسيحيه غريبه كليا عن القطبيين الرئسيين فى المسيحيه ومن هذه الطوائف من حلل الطلاق والزنا وشرب الخمر فهم كل همهم من زمان ان يحولو المسلمين عن الدين القويم النقطه اخرى انت كمسلم هل تحتاج لواسطه او راهب او امام لتتقرب من الله وهم ليسوا بمذهب اين هم من المذاهب فالمذهب لا يمس العقيده و هؤلاء باستمرار يحاولون تخريب العقيده فهل نقف ضدهم ام نستمع اليهم ونتقرب منهم ونتحاور معهم ونتحاور فى ماذا وهم بالاصل يعتبرونك انجس من الكلب واباحو قتلك من زمان واعذرونى لوكنت على خطا هذا رأى

khaled يقول...

كلامك صحيح و ثابت يا أخ غريب و اللى عايز يعرف يقرأ عنهم زى ما أشرت فى اللينكات فى مدونتى و الرسول صلى الله عليه و سلم تنبأ باللى هيحصل و بافتراق الامة
شكرا لكلامك الجميل

اشراقه يقول...

بجد شكرا على الكلام فى موضوع الشيعه..أنا مش عارفه دول طلعولنا منين..كل لما أقرا أكتر عنهم كل لما ازداد بغض ليهم..ربنا يكفينا شرهم..لا وكمان اللى زاد وغطى انهم بيحولوا يستغلوا النصر المزعوم لحزب الات فى لبنان لترويج ضلالاتهم بين السنه فى كتير من الدول العربيه ومن بينا بلدنا مصر للأسف ..ربنا يحفظ مصر المحروسه منهم وكل بلاد المسلين ويملى قلوب المسلمين بحب الصحابه وأمهات المؤمنبن

Tarek يقول...

يا عم خالد
العقائد الأساسية مثل التوحيد و النبوة و المعاد متفق عليها بين السنة و الشيعة إذا فكلاهما مذاهب إسلامية و التقريب بينهم واجب

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro