ترجمة مواقع الإنترنت

الثلاثاء، يناير 09، 2007

صندوق الفيران

كان فيه مرة راجل صاحب مزرعة عنده ولدين
فى يوم حس انه كبر فى السن و لازم يسلم المزرعة لواحد من ولاده فجمعهم و قالهم انا هاعملكو امتحان اللى هينجح فيه هو اللى هياخد المزرعة
راح جايب صندوق و ملاه شوية فيران و اداه لابنه الكبير و قاله المطلوب منك انك تخرج الفيران دى من الصندوق و بعدين ترجعهم تانى من غير ما يهرب منك ولا واحد
راح ابنه واخد الصندوق و اول ما فتحه راحت الفيران جريت و كل واحد راح فى حتة و معرفش يمسكهم تانى
و جه الدور على اخوه الصغير و خد صندوق تانى و.... هربت الفيران تانى
مسك ابوهم الصندوق و رجه جامد و راح فاتحه بس الفيران المره دى مهربتش لانهم كانوا مدروخين راح ابوهم قالهم علشان تسيطرو على الفيران لازم تتعبوهم و تطلعو عينيهم و بكده مش هتلاقو ولا واحد يقدر يجرى
----------------------------------------------
السؤال هنا مين فى الولدين هو اللى هيورث المزرعة الكبير و اللا الصغير؟

هناك 4 تعليقات:

LuaY SkaR يقول...

طبعا اللي هايعر يدروخ الفيران

بس في مشكلة
دروخة الفيران ممكن يكونلها اكتر من طريقة
مثلا ممكن تدروخ الفيران بانك تجوعهم
وممكن برده بانك تعذبهم -زي انك ترج الصندوق كده-
او انك تسلسلهم
او تحطهم في قفص حديد عشان يتعلموا يشوفوا النور وما يجروش عليه
او تقطعلهم ايديهم وارجلهم من خلاف
او تفتح الصندوق في الصحرا وتحط جنبه اكل
لو فار جري هايجيلك تاني عشان الممم
فتح صندوق الفيران عملية ابتكاريه يا خالد
افتكر ان اكتر الولدين ابتكارا هو اللي هايمسك المزرعة
http://luaysakr.blogspot.com/

khaled يقول...

فيه فيران بيعذبوها و فيه بيودوها المعتقل و فيه اللى بيدروخوها بانهم بيغلوا عليهم الحاجة و يشغلوهم دايما علشان ما يفكروش يخرجوا برة القفص اقصد الصندوق
نورت يا لؤى

جبهة التهييس الشعبية يقول...

هههههههههههههههههههههههههههههههههههههههههههههههههههههه


أنا عرفت مين الأب ومين الأخوات

الأب يبقى ........


عبد البديع العربي الله يرحمه


والأخوات محمد ووجدي العربي


صح؟

khaled يقول...

طول عمرك ذكية يا نوارة
شرفتينى و ما تحرمنيش من زياراتك الجميلة

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro