ترجمة مواقع الإنترنت

الثلاثاء، يناير 30، 2007

حسن نصر الله


قال إنهم يعملون لإثارتها خدمة لإسرائيل

نصرالله يتهم اقطابا في السلطة بالسعي الى فتنة شيعية سنية

اتهم الامين العام لحزب الله الشيعي حسن نصرالله مساء الاحد 28-1-2007 اقطابا في السلطة اللبنانية بالعمل لاثارة الفتنة بين السنة والشيعة في لبنان.

كلام جميل يا نصر الله

لرئيس الوزراء العراقي بعث السيد نصر الله بتمنٍ عليه أن يعلن للملأ الدورَ الاميركي في حيثيات تنفيذ اعدام الرئيس العراقي السابق

لا تزر وازرة وزر أخرى هي الضابطة التي شدد السيد نصر الله على اعتمادها من قبل العالمين العربي والاسلامي في سبيل تقييم الاحداث في العراق

و ده كمان كلام حلو

ومما قاله سماحته انه من الغباء ان يظن سني او شيعي في العراق ان اميركا ضمانة له، ويجب حصر الخطأ بفاعله : سنيا كان أو شيعيا

و ده احلى و أجمل

بس الكلام ده فعلا حقيقى؟

يعنى انت صادق فى كلامك و ما بتستخدمش معانا التقية الشيعية المشهورة و بتزوقلنا الكلام علشان نحبك و نمشى وراك؟

ما بتكدبش علينا؟

انا مفيش حاجة بينى و بينك

عجبتنى لما حطيت دماغ اسرائيل فى التراب

عجبتنى لما وقفت قصاد حكومتك

عجبتنى لما منعت انصارك من اثارة الشغب فى بيروت

واثق من نفسك و من كلامك

بس ده مش معناه ان احب مذهبك

انا سنى و انت شيعى

انا بحب ابو بكر و عمر و انتم بتكرهوهم و بتدعوا عليهم

بتسموهم صنمى قريش

انا بحب السيدة عائشة و انتم بتقولو عليها افظع الاتهامات

احب ابو هريرة و ابو سفيان فى نفس الوقت اللى انتو بتنقصو منهم و تفتروا عليهم

الصحابة نقلولنا كل حاجة قرآن و سنة بمنتهى الامانة و ما غيروش و لا بدلوا

عندنا الانبياء بس همه اللى معصومين

كل واحد ممكن يغلط و يترد عليه الا الرسول صلى الله عليه و سلم

حتى لو كان عالم

حتى لو كان امام

الوحى انقطع بموت الرسول

احب سيدنا على و الحسن و الحسين رضى الله عنهم

احب السيدة فاطمة رضى الله عنها

بس مش باغالى فى حبى ليهم

بحبهم زى ما بحب باقى الصحابة

يا نصر الله

مفيش حاجة شخصية بينى و بينك

و انا معاك ان احنا لازم نقفل باب الفتنة بين السنة و الشيعة

بس عمرى ما ها انسى ان انت شيعى

عمرى ما ها انسى الفروق اللى بيننا

عمرنا ما ها نتقرب عقائديا

ممكن نتقرب سياسيا بس

و ده اتمناه

هناك 8 تعليقات:

amany يقول...

حسن نصر الله رجل فى زمن لا يوجد زيه من الرجال حتى لو موجودين لكنهم قاعدين فى مكانهم لا لازم تنسى انه شيعى وافتكر انه بيقدر يقول كلمة حق فى وقت فيه الخنوع والمذلة لغير الله زاد عن كل شئ حتى لو مش هتنسى يبقى مفيش لازم نفكر بعضنا البعض بماذا فعل الشيعة بالنسة والعكس لانه ليس بوقته. لان شافيزا كافر وملحد بس بيقول اللى عايزه وبيقدر يوقف امام امريكامش خايف من امريكا واحنا ربنا يرحمنا اللى عارفيين ان امريكا عظمى فالله اعظم لقد نسينا كل شئ
اللهم انصر المسلمين واعزنا بعزتك يارب وارحمنا برحمتك الواسعة يا الله

khaled يقول...

امين
و الحكاية بسيطة خالص
فعلا هو رجل نادر فى الزمن ده بس ما اتعداش حدودى فى حبى ليه
ما زودهاش و انسى اصلى و اعمله شعار لي

غريب يقول...

انا بحب تشى جيفارا وبحب شافيز وبحب كل صاحب فكر حر مناضل من اجل قضيتة واحب حسن نصرالله بس من غير العمه لان ليها دلالات كتير لان الصراع السياسى البحت غير الصراع السياسى بستار دينى لو اخدنا نظره خاطفه على مايحدث فى لبنان ورغم انه معقد حبيتين بس فى حاجه مهمه هى ان مفيش حد من السساسين الموجودين بالساحه يقدر يصدر فتوى دينيه انما نصرالله يقدر وهنا المشكله ومن هنا تبدا الفتنه ومن ناحيه اخرى نصر الله ليس عضوا فى البرلمان اللبنانى وايضا البطريرك صفير ليس عضو فى البرلمان البطريرك صفير من سنتين وهو بحاول يوحد المسيحين مش عارف لكن ونصر الله قال لنواب حزب الله او لوزرائه فى الحكومه انسحبوا لازم ينفذوا الاوامر ليس لانه فقط حسن نصر الله رئيس كتله حزب الله والمفروض انه يكون حزب الله حزب سياسى ذو مرجعيه دينيه مثله مثل الحزب التقدمى الاشتركى وهو دورزى وحزب المستقبل وهو سنى وحزب الكتائب مسيحى ولكن لم نرى المرجهيات الدينيه لهذه الاحزاب حتى الان و ومازلنا نرى مرجعيه حزب الله الدينيه فى يا سيد حسن نصرالله بالله عليك اخلع العمامه حتى اصدق عن نفسى انك مناضل بحجم تشى جيفارا اخلع العمامه وانت هتتكتب فى ذاكرة التاريخ المناضل / حسن نصر الله مش السيد/ حسن نصرالله (الشيعى) وهناك فرق من هنا يبدا الكلام مش ينتهى

khaled يقول...

بس فيه سؤال ايه سبب حبك لتشى جيفارا او شافيز او نصر الله ؟
هل لأن مفيش عندنا ناس فى حجمهم و قوتهم باينة من غير خوف او من غيرما حد يلمهم فى البوكس؟
و الا مؤمنين بأفكارهم؟
و الا بنحبهم علشان نجاحهم بس؟ زى ما بنحب الممثلين و المغنيين لأنهم مشهورين؟
والا احنا اتعودنا ان نكون شلة حتى كمان فى الحب؟ يعنى نهيص مع اللى بيهيصوا؟
طب بنحبهم علشان السياسة و الا القوة و الا الدين و الا المبادئ و الا علشان وقفوا قدام اعدائنا و خلاص؟
بنحبهم لأن دى الموضة؟ علشان شفت صحابى معلقين صورهم قلت اعمل زيهم؟
طب حبى ليهم ده هيحركنى ازاى؟ يعنى ايه بعد الحب ده؟ اعتنق افكاره؟
اسئلة كتييييييير لولا ان انا زهقان شوية لكنت مليتلك صفحة التعليقات بالاسئلة و لو حبيت اعملك صفحة تانية للأجوبة
انا بقى فرحان فى اليهود اعدائى لأن نصر الله هزمهم
عجبنى كاسترو فى وقوفه قدام امريكا
لكن اعجابى ده مش بمبادئهم
واحد اشتراكى
واحد شيوعى
واحد ملحد
واحد مسيحى
واحد صينى
واحد برتغالى
اى حاجة
بس مش معجب بمبادئهم
معجب بنصر الله فى قوته
قى سياسته
بس مش فى شيعيته

غريب يقول...

كويس قوى كده ولغبطه جميله والشخصيات دى كلها ممكن نختلف ونتفق عليها بس هنتفق ان كل واحد منهم متمسك بقضيته ثم انت سالت وجاوبت على نفسك ولا يمكن هتلاقى الناس كلها بتتفق على واحد ثم تعالى لما اقولك تعتنق افكار مين وبلد ايه اللى هتسيبك تنشر افكارك طبعا انا بتكلم عن مصر لا اخوانى نافع ولا اشتراكى نافع ولا حتى ديمقراطى والحكومه شتت الناس اضعف الايمان حاليا انك تكتب عن اللى ف بالك وبس ولما يكون فى قضيه واحده نتفق عليها كلنا لاننا اساسا مش متفقين هى فين القضيه والقضيه موجوده بس احنا اللى بنلف وندور حواليها ومش بايدينا لان انا وانت منقدرش نتحرك الا لما تكون القضيه واحده قضية كل الناس

khaled يقول...

صح لا ده نافع و لا ده نافع
بس مش دى القضية
احنا ما بندورش ع اللى بينفع
لان المفروض كل واحد محدد اتجاهاته
يعنى مش هجرب اشتراكية مرة
و اجرب اخوانية مرة
بس سيبك انت فعلا لا ده نافع و لا ده نافع
البطيخ هو اللى نافع
و الثورة اللى نديت بيها قبل كدة فى بوست من غير ما تاخد على قفاك هى الحل

اشراقه يقول...

بصراحه حاجه تحزن ان فى ناس فى مصر بيرفعوا صور حسن نصر وهو عقيدته سب الصحابه وأمهات المؤمنين والاعتقاد فى الهارب فى السرداب ..مهديهم المزعوم

وشكرا على الموضوع

khaled يقول...

انا باعتبر ده من الجهل
الناس عايزة تتعلق بأى بطل و خلاص
ده بيحب شافيز و ده بيحب جيفارا و ده بيحب نصر الله
علشان ماعندناش ناس زيهم
حاجة تكسف
نورتينى يا اشراقة

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro