ايوة صح العنوان كده فعلا نصائح تغيظ
كل الناس قالوا اكيد ان انا هأقول نصائح لناس تانية غايظانى
لأ مش كده أنا هأقول نصائح ليكم من عندى و النصائح دى علشان تغيظو الناس اللى بيزورا مدوناتكم و يمكن تقدروا تطفشوهم
النصيحة الاولى
علشان تعمى الغلبان اللى جاى يزورك اتعمد انك تختار الوان غامقة سودة مثلا و اكتب بلون غامق زى اللون البنفسجى او اللون الازرق
النصيحة التانية
اختار اصغر بنط تقدر عليه او اختار اكبر بنط لغاية ما الكلام يدخل فى بعضه
التالتة
كتر من الصور فى مدونتك لأنها اسهل وسيلة علشان تخلى الموقع يفتح ببطء يشل اللى امه دعت عليه و دخل عندك
الرابعة
طريقة تانية بجانب الصور لتبطئ الموقع انك تكتر من اكواد الجافا و خصوصا الاكواد اللى بتغير شكل الماوس و الاكواد اللى بتحطلك فراشة طايرة فى موقعك
الخامسة
يا سلام تعمل اعلانات كتير علشان تتوه السادة الزائرين و ما ياخدوش بالهم من مواضيعك اساسا و بالذات الاعلانات اللى بتفتح فى شاشة لوحدها
السادسة
احسن حاجة تعملها تبطألك الموقع و تغيظ اللى دخله انك تحط خلفية صوتية لمدونتك و يا ريت تعيد نفسها تلقائيا
السابعة
تخلى صفحة التعليقات تفتح فى شاشة مستقلة علشان تكتر للزبون الشاشات المفتوحة فى جهازه يمكن جهازه يهنج و الا حاجة
التامنة
تحط صورة مستفزة فى البروفايل بتاعك و يا سلام بقى تبقى غتت و الا دمك تقيل علشان تكملها
التاسعة
.......................
.......................
.......................
.......................
النصيحة العاشرة
ما تسألنيش عن التاسعة
هناك 23 تعليقًا:
اديني اول واحد بعلق
واااااااااا هدف
الله يا خالد بس كان ليا سؤال هو النصيحة التاسعة قبيحة ولا ايه
p:
بجد نصايح مفيدة تستخدم فيه النصيحة المقلوبة لتأكيد العكس
بس النصيحة العاشرة ممكن توافينى بها
تعالى لى فى المدونة
تحياتى
شرفت يا عم وليد و انت ما خدتش بالنصيحة العاشرة علشان كده سألتنى ع التاسعة
ابو امل
نورت و انا جايلك فى الطريق
lol interesting advices,I thought the same :p
very nice blog man !
a visitor from Tunisia
hi aymen
welcome
i remembered you, i saw your name in oussama's blog
thanks for entering here
aymen
tunnis is my second country
الله الله الله دا ايه التخبيط في الحلل دا
نظام الكلام ليكي يا جارة
ماشي ماشي
ههههههههههههههههه
لأ لأ مافيش تخبيط فى الحلل و لا حاجة ثم اساسا مفيش حلل علشان نخبط فيها
هههههههههههههه
انا دخلت مدونتك قبل كده و لقيتها حلوة خاااااالص و مش بطيييييييييئة خااااااالص
و ماشى ع المقلب اللى عملتيه فيه بتاع التاج ده
for me ,any arabic country is my country :)
that what is expected from good people like you aymen
ههههههههههههههههههههههههههههه
حلوه متسألونيش ايه هى التساعه والله انت جامد اوى
جديده دى بس فعلاا انت قوووووولت كل الحاجات الى فعلاا بتففففرررررررس لما تفتح مدونة حد وفعلاا قديره بانها تطفش اجدع واحد موضوع جديد وجامد توشكر يا ذوووووق
انتى اللى ذوق و شرفتينى جدا
إيه ده يا خالد, إنت موّتني من الضحك يا راجل. إوعى تحاول تأخذ بالنصايح دي و تعملها في الموقع بتاعك.
طب انت ايه رأيك؟
عارف
انا هاعمل بالنصايح دى لو حد دخل و لا علقش
قشطة عليك يا بو خالد
مش عارف شكلي كده اعرف واحد مطبق النصايح دي كلها في المدونتين اللي عاملهم
مطبقها بحاذافرها يعني
انا الاول كنت فاكر ان النصايح دي بشكل عام كده
لكن النصيحة التامنة خلتني اتأكد ان صاحبنا ده عند حس استفزازي زيادة عن اللزوم
انا هابقي انبهه للحاجات دي
بس بصراحة يعني
انا هارد بلسانه في شوية نقط والباقي هاحاول اقنعه بيه
موضوع الصور ممكن يبقي ليه تأثير فعال لو الصور دي خفيفة -وخصوصا لو كان الموضوع تخيلي
يعني بيطلب منك نوع من التخيل
موضوع الصوت بيكون ليه هدف لزياده الاحساس بروح المدونة
موضوع الصورة المستفذة
اولا يمكن دي صورته بجد
ثانيا لو مش صورته ممكن يكون بيحبها اوي
او شايف ان ده اقرب كاراكتر ليه
مش احسن ما يكدب عليك ويحط صورة براد بت ولا مادلين طبر حتى
قشطة يا لؤى
انت فين ياراجل
انت كدة هاتدبسنى مع صاحبنا ده و انا ماكنتش اقصد حد بعينه
ههههههههههههه
اما بخصوص الصور و الصوتيات فممكن تكون صورة جودتها عالية مثلا 640*480
عايز احطها بجودة 300*300 اقوم احطها بأصلها من غير تصغير ده هيبطأ التحميل لان الكمبيوتر بيحمل المساحة الاصلية و كل ما صغرت الدقة كل ما المساحة قلت و سرعة التحميل زادت و ممكن اقلل الدقة من اى برنامج صور زى الفوتوشوب
و الصوت برضه لما اختار ملف صوت يبقى اختار اقل مساحة و كمان اختبر السايت بتاعى بعد كل ده و ما اعملش زحمة فى موقعى تبطأهولى
i wanted to say these before coz people just post topics without looking how the colors nd the background match
yes it's so important
:)
الاول ازيك يا خالد
واللهانا نسيت اذا كنت خالد ولا مين
كنت لسه حالا باظبط المدونة بتاعتىوبما انى جديدة فى التدوين سمعت كلامك كله وحاولت انفذه بس عندى مشكله كبيرة
جدا جدا جدا جدا
المشكله الاولىان الموقع اللىبندخل عليه علشان نسجل ونعرف عدد الزوار مش بيشتغل عندى ابدا مش عارفه ليه؟
والمشكلةالتانية
ان مدونتى رغم انى انا اللى مختارة كل حاجة فيها بس دايما مش عجبانى وعايزة اغير فيها حاجات كتير
يعنى مثلا السايدبار نفسى يبقى علىالشمال مش على اليمين
وكمان حجمه يصغر شويه
حاجات كتير بصراحه
بس على اى حال جزاك الله خيرا
اولا ازيك يا جى جى
ثانيا انا خالد بلحمه و بعضمه
ثالثا مشكلتك مش كبيرة خااااااالص
بالعكس دى صغيرة قوى جدا خالص
مشكلتك الاولى حلها انك تدخلى الموقع ده
http://www.freeweblogger.com/
و مشكلتك التانية بسيطة جدا برضه و هى اختيار قالب
template
تانى او تنسخى قالب خارجى فيه اللى انتى عاوزاه
شفتى بقى بسيطة ازاى؟
شكرا على اهتمامك يا خالد
بس المشكله بتاعة الموقع ده انه مش بيخل عندى اصلا مش باعرف اختارولا اسجل فيه اصلا وبافضل اعمل ريفريش ريفريش ريفريش علشان حد يرد عليا بس برده مفيش فايدة
لو ممكن تبعتلىالكود احطه عندى وخلاص يكون يا ريت وشكرا ومية مية
نصائح ذهبيه ولا تقدر بثمن يا صديقى العزيز
بس نسيت كمان تضيف قصة الفريفيكيشن وورد فى الكومنت عشان تخنق الزبون وتعقدوا فى عيشته وتخليه يكره انه يعلق عندك تانى
ولن اقتنع بقصة مقاومة
spam
والكلام ده ابدا
تحياتى واحتراماتى
ساكا ما كا
فيريفيكيشن وورد
ده حتى اسمها يخنق
مش عارف ايه اللى هايستفادو منه و لو سألت اى واحد فيهم مش هايعرف يعنى ايه سبام
شكرا لمرورك
إرسال تعليق