ترجمة مواقع الإنترنت

الاثنين، يناير 22، 2007

المدونات

كلاكيت تانى مرة
اكتشفت عالم المدونات ده من صديق عزيز و لما عرفت اسم المدونة بتاعته رحت قريتها و بعدين نسيت الحكاية كلها
بعد كده لما اتنشرت فضايح وسط البلد و التحرش الجنسى لقيت الصحف و القنوات الدشية ( القنوات اللى ع الدش يعنى) بتقول ان المواضيع دى منقولة عن احد المدونات و برضه نسيت الحكاية
ستووووووب
حيلك حيلك انت استاحليتها و الا ايه؟ انت مش قلت الكلام ده قبل كده؟
ايوة قلته فى بوست حاجة ببلاش كده بس المرة دى هقول حاجة جديدة
اما نشوف
أكشن
دخلت عالم المدونات و عملتلى مدونة خاصة بى اشمعنا الناس دول كلهم؟ ده فى كل مكان فى العالم عارفينه و انا ما اعرفوش؟
قريت مدونات و اتعرفت على مدونين و كتبت مواضيع و رديت على مواضيع بس فى وسط الكلام ده كله لقيت ان فيه مدونات مشهورة جدا يمكن فى شهرة جريدة الاهرام كده
منها المدونات الاخبارية و منها الفكاهية و منها الدينية و حاجات كتير لكن
شد انتباهى مجموعة منهم الناس بتدخلهم بالالاف و التعليقات بالعشرات على الموضوع الواحد و كان فيه منهم اللى بتثير جدل كبير بين المعلقين
و فى ذات الايام بينما انا جالس و باتفرج و باشوف برنامج العاشرة مساءا على دريم لقيتهم بيتناقشوا فى نفس الموضوع اللى بنتكلم فيه يعنى المدونات
و كانوا مستضيفين اتنين من المدونين و مندوب عن منظمة المراسلين بلا حدود و دكتور فى السياسة من جامعة حلوان و كان ساعتها فيه اتصال من اللواء احمد ضياء مساعد وزير الداخلية للشئون القانونية و كان بيقول ان المدونات بتثير الاشاعات و بتجيب مواضيع مالهاش اساس من الصحة
ساعتها انا قلت ف بالى طبعا ما انت من وزارة الداخلية وزارة التعذيب و مصادرة الاراء و حرية التعبير و عقلكو قاصر عن استيعاب الطرق الجديدة فى نقل الاخبار و التعبير بحرية عن الاراء الشخصية و كمان من مصلحتكو تهاجموها علشان بتفضحكو و تكذبكو زى ما حصل فى موضوع التحرشات الجنسية بتاعة وسط البلد و نفيتها الداخلية بشدة فى نفس الوقت اللى كل الناس عارفة ان ده حصل
بعد الحلقة دى رحت على مدونة واحد من اللى كانوا مستضيفنهم و فتحتها و عجبتنى و فى يوم من ذات الايام كنت بأعمل سيرش فى جوجل و لقيت موضوع قديم مكتوب بعبارة سوقية جدا لا يستخدمها الا اصيع خلق ربنا فى اعفن حارة فى القاهرة و كانت فى مدونة صاحبنا
فتحت الموضوع و فوجئت ان مراته هى اللى كاتبة الموضوع ده و كانت بتحكى عن رحلة طيران ليها و كان فيه راجل قعد جنبها و مد ايده فى بنطلونه و .... قعد يمارس العادة السرية جنبها
طبعا انا بقدر الامكان باستخدم الفاظ متداولة و ماتخدش حياء اى حد
بس دى كانت بتستخدم اشنع الالفاظ و اقذرها و ما كنتش اتخيل ان اسمعها من راجل فى مجتمع متحضر و على الملأ فى مدونة بيدخلها كل يوم الاف ما بالك دى بنت
مسكت نفسى بالعافية علشان كنت هتف عليها بس افتكرت ان التفة هتيجى على شاشتى انا و ما كانتش هتطول مدونتها بحاجة
دى بقى المدونة المشهورة بتاعت الواد علوة و مراته منمن؟ دول الناس اللى بيدافعوا عن الحريات و عاملين فيها صحفيين و بيجيبوا الخبر من بق الاسد؟ هى دى بقى الحرية؟ الحرية ان اشتم و اجعجع و اقل ادبى و انشر كلام وسخ زى اللى قالته و للاسف محسوبة علينا انها هى و جوزها من مصر؟
اتفو و الف اتفو علي الحرية لو كانت بالمنظر ده؟
عندك حق يا سيادة اللواء دول فعلا ناس بيسيئوا استخدام الحاجة اللى تحت ايديهم
دول ناس بينشرو فكر فاسد و ثقافة قذرة
دول ناس عاملين مدونتهم صفيحة زبالة بيرمو فيه اللى همه عايزينه
مش بس دول !! فيه ناس تانيين ، ناس مش زينا مش طبيعيين
ناس لقوا برضه الحرية فى المدونات و ابتدوا يكتبوا فيها عن نفسهم ... ، عن لواطهم ، عن قذارتهم
بيكتبوا عن حب الذكر للذكر و الانثى للانثى
و اقصد طبعا الحب بمعناه الشامل ، يعنى حب العواطف و الاجساد و بيسموا ده بالمثلية
بيقلبوا الكلام و يحوروه و بيلاقوا لنفسهم مبررات بس مش هتغير من الواقع حاجة
انهم ناس وسخة
بجد مش قادر خلاص
اتفوا و الف اتفوا ع اللى هيفكر ان دى الحرية
يا سيادة اللواء انا معاك ان الناس اللى زى دول لازم يتوقفوا عند حدهم و تتطولهم ايد الشرطة همه دول فعلا اللى يستحقوا التعذيب
ستوووووووووووووووووب

هناك 13 تعليقًا:

الكلام نوعان :كلام فارغ وكلام مليان كلام فارغ يقول...

اولا انا سعيده لانى اول واحده تعلق واحب اهنيك على مدونتك الجميله جدا دي
وثانيا انت عندك حق في كل اللى بتقوله فيه ناس فعلا بتسىء استخدام الحريه بس اعتقد انهم لما يخدشوا حياء الباقيين من المدونيين وغيرهم ده فيه اعتداء على حريتهم هما كمان لان اى واحد حر في انه يحافظ على حيائه
ووزراه الداخليه حدث ولا حرج...

Memo يقول...

معلش اعرف بس لاتكون بتلقح كلام هههههه
بس عنك حق في كل الي بتقولو يا سيد خالد و ربا يبارك فيك و في امثالك
وبعدين الي ما يعجبش ما تقرهوش المدونين مش كلهم سياسين و صحفين في ناس مفروسه من المجتمع والسلبيات الي فيه عامه انا معال انها كلها ليها اسس ثقافيه و اجتماعيه و تربويه و اقتصاديه
بس برضه ادو لحدوث حجات كتير وحشه من حق اي واحد انه يقول انا اتديقت من كذا او انا مبسوط من كذا ولو موضوع العريس الي مش راجل ده اثر فيك للدرجه دي فانا بقدم اعتذاري يا فندم تحياتشي

الوردة السودة يقول...

حيلك حيلك
اعصابك
بص ياخالد
كل بنى ادم بيتصرف على حسب فهمه للمدونة
يعنى فى ناس بتاخدها وسيلة لنشر الفاحشة
مش معنى كدة اننا نعمم ونقول ان كل الناس كدة
كل حاجة فى الدنيا
فى الوحش
والحلو
احنا عندنا عقل وبنميز
يعنى انا لو لقيت مدونة زى دى
عمرى ماهدخلها
ولا ابص فيها
زى قنوات الاغانى
ولا بلاش
القمر الاروبى
احنا اللى نتحكم فى نفسنا
مش هنفوت على كلواحد
ونقولوه انت قليل الادب
هما عارفين ان دى قلة ادب
ومع زلك مستمرين
المفروض احنا منديهومش اهتمام اصلا

انت طبعا حد غيور على دينك وعلى اخلاقك
وده حقك

بس انا قولت راى
شكرا

khaled يقول...

المستبدة
نورتى مدونتى و المدونة بتبقى جميلة بالناس اللى بيزروها ولما واحد بيسئ استخدام الحرية فهو بيظلم نفسه اولا قبل ما يتعدى على الناس
ميمووووووووووو
نورتينى
حاجة ساقعة يا ابنى
انتى فهمتينى غلط خالص فى موضوع خالد خطيبك السابق و ربنا مش قصدى عليكى و انا مزعلتش
دورك انتى بقى انك متزعليش منى
الوردة السوداء
شرفتينى
انا ما بعممش انا بس بقول ان فيه حاجات زى كده
بس بذمتك مش ده يحرق الدم
انا ما بدخلش الحاجات دى بإرادتى بس الحاجات دى بيدخلها كل يوم الاف
مش ده يحرق الدم؟
و رأيك يهمنى مهمن كان

أهل الجنه يقول...

بصراحه يا خالد

عندك حق

في نقطه كمان

إن معظم اللي بيتكلموا عن الحريات دول....لما حد بينقدهم بيسنوا حاجه من اتنين....يا إما بيشتموه و يبهدلوه

يا إما مبيردوش عليه و كأنوا مقلش حاجه و يوصوا ناس إصحابهم يدخلوا يقولوا كلام موافق لهواهم عشان يقنعوا اللي بيزوروا المدونه إن هو ده الرأي الصح

khaled يقول...

نورت يا أهل الجنة
و كتير بيدخلوا كأنانيموس و ده واضح جدا من الردود الكتير كده و كان ممكن اديك العنوان علشان تشوف بنفسك بس قلت لأ انا كده بأنشرلهم و احنا لازم نهم اللى زيهم مع التنبيه للى بيعملوه

Oussama يقول...

Nice post and nice blog. I absolutely agree with you on every word you said Khaled. I'm really happy to find this blog. Keep up the good work!

khaled يقول...

thanks oussama for your kindness and your kind words

amany يقول...

لقد اختلط الحابل بالنابل اى حرية يتكلموا عليه لا اعرف حتى الان؟؟؟!!! اننى كنت فى الماضى اتباع مدونة شهيرة ولقد بعثت له رسالة على الايميل لكى لا يكتب الفاظ خارجة فكان رده المزيد من الالفاظ مسحت المدونة من المفضلة عندى وقال لى شخص اخر من اصحاب المدونات ايه فى ايه ما انتى بتسمعيه فى الشارع
يعنى لازم نسمع فى الشارع فى المواصلات فى النت فى التليفزيون يعنى ايه الواحد يمشى بسدادة للاذن
هؤلاء لايعرفون الحرية
ومعذرة يا استاذ خالد الحكومة السبب وسوف تسأل عن هذا لان المدونات المحترمة والتى نقاش موضوعات مهمة تقوم بأغلاقها وحجبها ام المدونات الثانية فعادى جدا شغالة وهى خطة محكمة لضيع مستقبل شعب بالكامل وباى طريقة

khaled يقول...

منطق غريب ما هى بايظة بايظة
هههههههههههههههههههه
طب ما الاحسن نشتم احنا كمان فى مدوناتنا لاننا بنمشى فى الشارع و الشارع كله كده و المدونات فيها كده برضه
و الا نعملها مواقع اباحية بحجة ان المواقع دى بتمثل 80% من مواقع الانترنت
هههههههههههههههههههههههههههه

الأباصيرى يقول...

المدونة اللى أنت بتتكلم عليها دى دخلتها مرة واحدة أيام التحرش بتاع وسط البلد.. قمة فى القذارة فى الاسلوب وقريت البوست اللى أنت كتبت عنة بتاع الطيارة!! أية دة أزاى تسمح لنفسها تتكلم بالطريقة دى!!

بص لازم نعترف بحاجة فى الأخر هى عندها حرية التعبير أنشاءالله تحط صور دعارة ليها حق التعبير ولينا حق أننا مندخلش المدونة بتاعتها

تحياتى ياباشا

Moh يقول...

الفكرة هي في حريتنا في اننا لا نقرا مثل هذا

حريتنا في منعها من انها تكتب

انها تعوق حريتنا في ان لا نري بذائة يساوي حريتنا في ان نمنعها من الكتابة

اعتقد هذا

ككريم الذي يسب الاسلام اعتقد ان حريتة في سب الاسلام تساوي حريتنا في اقامة علية حد

M.F.A

khaled يقول...

الاباصيرى
ده فعلا اللى ناقص
شرفت يا باشا
moh
كل واحد و له حرية زى ما همه بيتصوروا ان دى الحرية فاحنا برضه دى حريتنا زى ما قلت
خطوة جميلة بس مش بعرف ادخل على البروفايل بتاعك

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro