بعد تصريحه بأنه يفدي الإسلام بروحه
ده الخبر اللى قريته فى موقع العربية و ممكن تقروه انتو كمان لو ضغطتو عليه
طبعا ناس كتير شتمته و كنت انا كمان معاهم لما اتكلم ع الحجاب
لما قال ان الاسلام دينه و عقيدته و انه يفدى الاسلام بروحه واحد علق و قال هكذا نحن العرب سرعان ما ننخدع بالاقوال المعسولة و ننسى الاقوال المسمومة
و ناس شتمته تانى و ناس قالت انه بيضحك ع الجهلاء بكلامه
طيب الراجل غلط و اتشتم
سؤال بقى هو اتشتم ليه؟
الاجابة: لأنه اتكلم بجهل فى الدين و هاجم الحجاب
لأ مش قصدى اسأل السؤال بطريقة تانية ايه مبرراتنا احنا علشان نهاجمه و نشتمه؟
غيرة ع الاسلام؟ و الا لاقينا هيصة بيتشتم فيه وزير م الحكومة قلنا نشتم احنا كمان؟
لو غيرة ع الاسلام هقولك ان احنا غضبنا لما اساء و المفروض ان نرحب بيه لو رجع عن اسائته و الا ايه؟
و الا فى الحالتين مشتوم مشتوم؟
يا فاروق يا حسنى كلامك عجبنى و ارجو ان يكون عن صدق و اذا كان كده فأنا معاك و بطلت اشتم فيك مع ان ما وردش عنك انك اعتذرت و أسأل الله لى و لك الهداية و للمسلمين أجمعين
هناك 4 تعليقات:
في حاله انه مايعتذرش يبقى لازم يتشتم لانه اتهم كل المسلمين بالجهل والتخلف وانه فضل على الجهل ومحاولش يستند على حاجه من الدين تدل على ان كلامه صح
بس لو اعتذر هانقول عليه عيل وغلط
nلو اعتذر هنقبل منه اعتذاره و نحترمه و ادينا مستنيين
هههههههههههه اعتذار ازاى يعنى هو اهبل ما كان اعتذر من الاول وايه يعنى يقول بيفدى الاسلام بروحه وهو ملسم ايه هو الاسلام بالكلام الاسلام من سلم الناس من لسانه وبرضو ما قالش انه بيحترم الحجاب ولا قال الحجاب فرض ولا قال انا بعتذر للمسلمات المحجابات ولا هيقول لانو هو شايفنى كده يبقى خلاص انا واحدة بصراحة مش هاقبل منه اعتذار ليه بقى لانى متخلفة وكمان لانه اعتذاره تحت ضغط يبقى مش اعتذار يبقى حاجات تانية ولا عتبارات تانية نحن لا نعلمها
هو اصلا ما اعتذرش عن موضوع الحجاب بس قال كلام جديد عن الاسلام
طيب انا عجبنى كلامه عن الاسلام طيب و موضوع الحجاب؟
ارجو الا يكون هذا لعبة سياسية لامتصاص غضب المسلمين و الضحك على دقونهم
إرسال تعليق