ترجمة مواقع الإنترنت

الخميس، أبريل 05، 2007

تاج تانى

التاج ده من اهداء عاشقة الوطن صاحبة الطآآن
و انا بانتهز الفرصة للتيجان دى علشان اتكلم معاكوا شوية و اعرفكوا على نفسى اكتر
اسم مدونتى مكتوب فوق و اخترته لانه بيمثل كل حاجة ممكن اقولها يعنى فى كل المجالات لان الحواديت مالهاش مجال معين
و مافكرتش اقفلها لانى لسة فاتحها و ما حصلش حاجة تستدعى ده و ان شاء الله مش هايحصل ها يا باشمهندس؟
و الصورة اللى انا مختارها بترمز لنفسى يعنى نص واضح من كتابته و نص غامض برضه من كتابته و كمان مستخبى من افكارى
و انا بادون لانى عايز كده علشان اعبر عن نفسى لانى باعتبر التدوين مذكرات شخصية و نصايح باقدمها لاصدقائى الحلوين ايون..... انتم
احلى جملة قيلت فى وصف مدونتى هى التى لم تقال بعد هههههههههه
و تعليقات الناس مهمة عندى جدا حتى لو كانت مجاملة لكن الاحلى انها تكون فيها توضيح او نصيحة
و احلى مدونة قريتها هى كل مدونة سيبت فيها تعليق و احلى بوست هو برضه اللى سيبت التعليق و رغيت فيه شويتين
اما اسوأ مدونة و اسوأ بوست فهى كل ما هاجم الدين و الاسلام و كمان اللى مسميين نفسهم مثليين و مثليات لكن مش هاقول اسماء لان الاولى اننا ندعى ان ربنا يهديهم بدل الفضيحة
اما احلى بوست كتبته فهى البوستات اللى كتبتها عن المذاهب و الشيعة و هى
و اخيرا

هناك 8 تعليقات:

عاشقة الوطن يقول...

والله ياخالد انت شاطر وبتسمع الكلام كمان

وحلوة اوى طريقة اجابتك
انك بتتكلم كلام كله متسلسل
لا وكمان اجاباتك تحفة يابنى

بس فيه حاجة أنت مدبستش حد فى التاج ليه؟؟؟

يالا انت طيب ومش عاوزز حد يدعى عليك

ماشي ياعم خالد
سلااااااااااام يافندم
انا جنبك هنا وهاجى أبص تانى على مواضيعك الجديدة ان شاء الله

تحياتى واحتراماتى
أختك الصغننة الطآة
عاشقة االوطن

ibn nasser - ابن ناصر يقول...

تاج حلو ,,بس مواضيع الشيعه دي صقني اثارها هتبقي سلبيه ,,وبعدين ههه احنا مش ناقصين يعني داحنا امتنا الاسلاميه مش قادره علي الاحتلال السرائيلي ولا الامريكي ولا العالمي فيالعراق مش ناقصين فتن ,,,وانا قرات كام موضوع منهم مواضيع جميله وكل المعلومات حقيقيه بس يعني ,,,مش عارف اقولك ايه
تحياتي وارجو تقبل رأيي

أمــانــى يقول...

تاج تاج تاج هو ايه الدولة خلاص بقت مملكة ولا ايه هههههه وكله ناوى يبقى ملك فيها كلكم لبستوا التاج الله مفيش حد احسن من حد
:D
فى ايه بجد اموت واعرف من صاحب هذه الفكرة الجهنمية وانكم اهو اللى عايزين الدولة تكون مملكة
:)
يااااااااارب بالتوفيق دائما يا استاذ خالد
طبعا حضرتك عارف موقفى من الشيعة
التقارب السياسى وليس العقيدة
ربنا يرحمنا من الفتن ويحقن دماء المسلمين وينصر المسلمين فى مشارق الارض ومغاربها اللهم امين

Dr.khaled يقول...

أستاذ خالد...
ما شاء الله
بتكشف نفسك بنفسك
..ملهوش لزوم الكلام ده
وبصراحة احييك على مواضيعك عن الشيعة
واقولك والله يا اخي ان دي من اهم الاسباب اللي خلاتني اتشرف باضافة مدونتك عندي والتردد دايما هنا
استاذنا ابن ناصر
والله مش بلقح عليك كلام
انت راجل طيب وجدع...ومحدش يقدر يكلمك..لان باين من لبس سيداتك انك شغال في امل الدولة.....صحيح؟؟؟

ود م ت م ب ع ا ف ي ة

khaled يقول...

عاشقة الوطن
شفتى؟
تدينى كام من عشرة؟
:)
و انا ما احبتش ادبس التاج لحد اللى عايز يعمله
و منورانى دايما بزياراتك المفرحة
اخوكى الصغنن
حلاوة

khaled يقول...

ابن ناصر
ازاى اثارها سلبية؟
قصدك انها ما بتعجبش الناس؟
و الا اثارها مدمرة ليا و هاتجيبلى مشاكل؟
مش عارف قصدك ايه؟
;)

khaled يقول...

امانى
ههههههههه
ده تاج الجزيرة
و انتى الوحيدة اللى هادبسك فى التاجين اللى ورا بعض
يا ريت تعمليه

khaled يقول...

د.خالد
ازاى باكشف نفسى بنفسى؟
خليها على الله
بس يا ريت توضيح اصل انا مهيس شوية معلش
:)

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro