ترجمة مواقع الإنترنت

الأربعاء، أبريل 11، 2007

باحبك يا مصر

لما تيجى امريكا تتلكك باللى بيحصل عندنا و تتدخل فى امورنا الشخصية
اقولها لأ مالكيش دعوة
نار اخويا احسن من نارك بكتير
تعالى يا مصرى اشتمنى عذبنى اسجنى هد البيت فوق دماغى و لا تسمحش لامريكا تدخل عندنا
ساعتها بأقولها انا بحب مصر كده زى ما هى
يا اللى بتقرا الكلام ده دلوقت اسمعنى
انا باحب مصر
انتى يا ست ياللى بتنشرى الغسيل سيبك من الغسيل ده و اسمعينى
انا باحب مصر
انت ياد منك له سيبكوا من الكورة و اسمعونى
انا باحب مصر
يا عم الحج انت يا اللى ماشى على مهلك اقف و اسمعنى
انا بحب مصر
يا سواق التاكسى انت نزل الزبون ده و خليك معايا
انا باحب مصر
انت يا بت ياللى بتسرحى شعرك قدام المراية قولى ورايا
انا باحب مصر
انا باحب مصر يا اخواننااااااااااااااااااااااااااااااااااااااااااااااااااا

هناك 19 تعليقًا:

عصفور المدينة يقول...

وانا بحب طنطا
...............
لو كان أمريكا تريد أن تتدخل في شئوننا الداخلية وكان رؤساؤنا واقفين ضدها وكان لاسمح الله رؤساؤنا ظلمة وكان احنا بنسعى لرفع الظلم ده بطريقتنا الخاصة وكان طريقتنا غير طريقة أمريكا وكان أمريكا بتتكلم جد وكان هم بيتكلموا جد واحنا بنتكلم جد فأكيد كلامك ده جد

عاشقة الوطن يقول...

انا بموووووووووت فى مصر
ياترى مين فينا بيحبها اكتر
مصر تتحب بس الى فيها عاوزين ضرب النار

والله مصر جميلة وحلوة
بس احنا نحافظ عليها

انا كمان بحب مصر
وبهديها أغنية حسين الجسمى بحبك وحشتينى

وبقولهالك بصوت عاااااااااااااااالى

بحبك وحشتينى وبحبك وانتى نور عينى
حتى وانتى مطلعة عينى بحبك موووووووووت

حتى وانا فى لبلد بحس بغربة ماهو كله من اللى ماسكين البلد

بس برضه هنفضل نحبها
وتحبنا

خمسة فضفضة يقول...

السلام عليكم ورحمة الله وبركاته


ومين ده اللي يقدر ما يحبهاش ...؟؟؟؟

ana ga3an يقول...

ياباشا كلنا بنحب مصر
لكن مصر بتحب مين؟؟؟؟

خالد وليس بخالد يقول...

أنا بحب مصر....وب الشويبس

عندك شوية؟؟

أمــانــى يقول...

اكيد كلنا بنحب مصر
مصر هى امى
مصر ام الدنيا

Mohamed A. Ghaffar يقول...

الحب عمل مش كلام ولا احساس فى القلب وهى دى المصيبة

ma_3alina يقول...

حب الأوطان من الإيمان ..
والنبي عليه الصلاة والسلاة كان يذكر مكة بالخير بالرغم من صنيع أهلها معاه ..
وكفاية كده أحسن أنا حاسس إني بقيت عامل زي طنطاوي بتاع الحكومة

شادي فايد يقول...

:))

ربنا يصلح حالنا

جميعا

وكلنا بنحبك يا مصر

تحياتي

العــــراق يقول...

السلام عليكم خالد
اتمنى ان تكون بخير يابخت مصر فيك ياخالد
ولاتنسى فلامريكا وجوه عديدة
حافظوا على بلدكم بكل قدراتكم فلاتجدوا اغلى منها
بس اقولك حاجة ياخالد انت لما تحب بتوقف العالم عن فعل شئ
تحياتي

khaled يقول...

يعنى متفقين
كلنا بنحب مصر
بس الاختلاف يا اما انا باحبها و ابقى جد
زى ما عصفور المدينة قال
:)
لو انت بتتكلم جد يبقى انا كمان
:)
او اغنيلها
زى عاشقة الوطن
او اللى بيعتبرها فرض على الكل
زى د.خمسة فضفضة
او اللى بيعتبرها من المسلمات بس القضية هى بتحب مين
زى انا جعان
او اللى عايزها بالشويبس و بتهيألى فيه بالصودة بس
زى د.خالد
امانى
رفعت علم بلدنا خلاص
ههههههههه
محمد عبد الغفار
جه ع الجرح و اتكا شوية
ماعلينا
بس مكة بلد مشرفة من عند الله
شادى فايد
امين يارب
اخى المعتصم
عليكم السلام و رحمة الله
اشكرك على الكلام الجميل

عصفور المدينة يقول...

اعتقد يا خالد انت فاهم انا اقصد ايه بالمتسلسلة بتاعة جد دي
اقصد يعني العملية فيها شبه من البيضة قبل الفرخة يعني
هل هم بيهددوا بجد
هل الحمشا ضدهم حمشا بجد
هل احنا بنحاول نحل مشكلتنا داخليا بجد
وبعدين هي مصر رمسيس ولا عبود اللي انت بتحبها

khaled يقول...

انا فهمت قصدك طبعا
السياسة عاملة زى التمثيلية
ممكن تطلع القصة حقيقية او متفبركة
ثم انا باحب مصر السلام السلام

إنـســانة يقول...

ما تحبها يا اخى براحتك

حد حاشك؟؟

SoRsaRaa يقول...

ياأم البلاد وخالت البلاد وعمة البلاد
ياحبيبتى يامصر يامصر يامصر يامصر
وأهليييييييييي أهلييييييييييييي

البوست اللى قبل كدا جابلى ارتجاج فى فص مخى الفحلقى.

هروح اخدلى ضربة شمس واجى:)

khaled يقول...

ماشى بس ما تتأخريش
:)

khaled يقول...

انسانة
اصل انا ما قدرتش فحبتها هنا
هههههههههه

الراقص مع الذئاب يقول...

وانا كمان بحبك يا مصر
وبحب اسماعيلية بلدي وبحب فرسكور بس مش عارف ليه
المهم بحب البلد ديه وبكره امريكا وإسرائيل وساحل العاج عشان طلعتنا من كاس العالم

بوست جميل
جزاك الله خيرا

khaled يقول...

الراقص مع الذئاب
جزاك الله خيرا
و انا برضه باكره امريكا و اسرائيل بس مش عارف ان كنت باكره ساحل العاج و الا لا
هانشوف هانشوف
:)

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro