ترجمة مواقع الإنترنت

الأحد، أبريل 15، 2007

عريان فى اليابان

ارسل لى صديقى العزيز عصام رسالة من اليابان
كلمنى فيها عن اليابان و لغة اليابان
كلمنى عن اللغة و مواقف طريفة حصلتله بسببها
قال لى مرة جاله جواب من شركة الكهرباء
طبعا باليابانى
اعطاه لزميل له فى العمل ليقراه له
زميله ما عرفش يقراه و طلع القاموس علشان يترجم
زميله ده يابانى من ام و اب يابانيين
يابانى اصلى اصلى اصلى
و اللغة اليابانية تتكون من ثلاث مجموعات من الحروف
هيراجانا و هى 48 حرف
كاتاكانا و هى 48 حرف
كانجى و هى حوالى 6000 حرف بيستخدموا منهم 2000 بس
و كانجى دى اصعب جزء فى اللغة و كل حرف فيها ليه ثلاث معانى مختلفة وده بيفسر ليه اخينا طلع القاموس
من الصعب جدا تلاقى يابانى ماسك جرنال فى المواصلات زى ما بيحصل عندنا لان اليابانى علشان يقرا لغته لازم يكون خريج جامعة
***
قالى ان لو شفت مرة واحد من غير هدوم فى المواصلات فى اليابان ما تستغربش
اكيد اكيد كان بيسأل عن الحمام فشاوروله على الاتوبيس
اليابانيين ما بيعرفوش يفرقوا فى النطق ما بين ث و ص او بالاصح فى اللغة الانجليزية ما بين
th
و
s
يعنى لو سألت واحد يابانى عن الحمام
bath
هايفتكرها اوتوبيس
bus
او حتى لو اتكلم هو و سألك اكيد هاتقوله الاتوبيس جوه فى الفندق
و اليابانى بينطق حرف السى فى اللغة الانجليزية شى
يعنى يقرا ايه بى شى
ما حدش عرف ايه اللى حشلى بقى؟

هناك 37 تعليقًا:

شادي فايد يقول...

:))

يااااااه

انا كل ما بسمع الكلام ده ازداد عشقا للغة العربية

:)

اوعى يكون صاحبك ده هو اللي دخل الاتوبيس عريان
:)

zordeak يقول...

هع هع هع



ده احنا متقدمين عنهم بقى على كده



ههههههههههههههه


احنا عندنا الواحد ممكن يدخل الاتوبيس على اساس انه اتوبيس

يتصدم وهو جوه ويكتشف انه حمام


:D

raspoutine يقول...

شوفت بقى عشان نعرف اهمية اللغة العربية وسهولتها المكونة من بضعة وعشرين حرف
يعنى الشيبسى ينطقوها سيبسى
يبقى ده اسمه كلام ده حتى ميتاكلش يا راجل
تحياتى ليك
وايضاً
لليابان

خالد وليس بخالد يقول...

صحيح
يا اخي
وكان فضل الله عليك عظيما

ربنا يخللي لنا لغة الضاد

ma_3alina يقول...

كل دا ومما بيعرفوش يقروا ويكتبوا ...
أمال لو كانوا بيعرفوا .. كانوا عملوا فينا إيه ؟؟

لا ياعم كده حلو ..

Mohamed A. Ghaffar يقول...

ان فاتك اليابانى مش هيرجع تانى

فكرتنى بصديقه عزيزه كنت اتعلمت يابانى وتحكيلى قصائد عنه وعن جماله وجمال شعبه

عصفور المدينة يقول...

لا لغة ولا ارض ولا دين ولا استقرار ولا ثقافة ومع هذا تعلموا الاتقان في العمل
وكما قال الشاعر
وكم ذا بمصر من المضحكات ولكنه ضحك كالبكاء

يا مراكبي يقول...

هو كل واحد عايز يخش الحمام بيبقى قالع وألا إيه؟ ولا ده في اليابان بس؟

يكونوش بيستحموا في الحمامات العمومية؟

BinO يقول...

طب كويس ده اللغة الكوري أسهل علي كده
الكوريين علي فكرة حيصلوا اليابانيين ويكمن يكونوا حصلوهم
أما بالنسبة لليابانيين فمشكلة أن ثقافتهم صعبة وهم منغلقين ثقافياً مخليهم مش بياتواصلوا مع العالم
كمان هما مش بيتعلموا لغات تانية زاينا

Rivendell** يقول...

ههههههههه

يا لهو بالي يا اما

6000 حرف

وبيتعلموا منهم 2000

نهاااااااار ازرق


ويا عيني صاحبك ناوي يعمل ايه

هيعيش ازاي الغلبان دا

المصيبة ان الراجل طلع القاموس

هشششششششش

انا رأيي انه يرجع مثر احشله

ibn nasser- ابن ناصر يقول...

هههههههههه ده احني في نعمي يا معلم وياباني في غير ملكك هههه
تحياتي

ibn nasser- ابن ناصر يقول...

بقولك وعندي موضوع ايه علي هواك !!
تحياتي

Sokomonoce يقول...

من الواضح انه فى مرحلة ابتدائى بيتعلمو الجزء الاول والاعدادى والثانوى الجزء الثانى اما الثانوى والجامعة فهو مخصص للجزء الثالث ولمعرفة تكوين الكلمات والجمل فهذا يتطلب استكمال الدراسات العليا حتى الدكتوراه واعتقد فى هذة الحاله الواحد اليبانى يكون جاهل هذا افضل من انه يقضى عمره كله يتعلم ا ب يابانى

أمــانــى يقول...

الله على لغتنا العربية لغة القرأن نعمة واحنا مش حاسين بيه

بس سؤال بيعرفوا يتعاملوا مع بعض ازاى
:D
وتقدم هائل ومحيرين العالم معاهم وفى الاخر مش عارفين اللغة بتاعهم يا حــلاوة يا ولاد
احنا فى نعمة كبيرة والله

خمسة فضفضة يقول...

السلام عليكم ورحمة الله وبركاته

ههههههههههههه

ياتري بقي في اولي ابتدائي بياخدوا كام حرف من ال 6000 دول

دا عندنا هما يادوب 28 حرف والعيال لايصين فيهم مابالك بقي لو بقوا 6000

david santos يقول...

Hello, Khaled!
Thanks for you work and have a good weekend.

كلام لوجيك يقول...

ازيك يا خالد
انا مش هتكلم عن اللغة اليابانية
بل سأتكلم عن الشعب اليابانى
شعب يفرض عليك احترامه بكل ما اوتيت من قوة
يقدسون العمل ويتعاملون بين بعضهم البعض بكل حضارية
واذا مرض احدهم فإنه يرتدي قناعا على وجه حتى لا يمرض الاخرين من حوله

وكثيرا ما نسمع عن حالات انتحار بين كبار القيادات والمدراء اذا ما تم اكتشاف قضية فساد تمسهم او اخلال بواجبات عملهم
انهم ينتحرون لمجرد انهم لن يستطيعوا مواجهة المجتمع بفعلتهم هذه
هل تتخيل معى الوضع؟؟

يتعاملون بكل ضمير وامانه ويتفانون فى خدمتك لو كنت ضيفهم

لهم مبدأ وقيم راسخه رغم ان معظمهم بلا دين او بمعنى اصح لهم عبادات خارج منظومة الديانات الثلاثه الكبري
هل تذكر الكاميكاز؟؟
فى واقعة بيرل هاربور
ذلك الميناء الامريكى الذي دكه الطيارون اليابانيون بطائراتهم ابان الحرب العالمية الثانية بعمليات انتحارية لم تصمد امريكا امامها
مما استدعى امريكاان ترد بإستخدام القنبلة النووية ضدهم
ما اريد ان أقوله ان هذا الشعب له عقيدة ما يؤمن بها وله هدف سام فى الحياة
وكلهم مشتركون ومتعاونون فى هذا المبدأ
رغم انهم بلا دين

اسف جدا للاطاله
وللخروج عن روح الموضوع
خالص تحياتى
ودمت بألف خير

كلام لوجيك يقول...

تعقيب اخير

نسيت أقولك ان اونكل سانتوس بيمسى عليك

ان بس عندى سؤال
هو الراجل ده كل ايام الاسبوع عنده ويك اند؟؟

سلام يا برنس

إنـســانة يقول...

يا نهاااااااااار

دول 6000 حرف غير انهم مرسومين مش بيتكتبوا زى الحروب بتاعتنا كدة

ده ايه ده

ماله العربى بس

إشتكى؟

khaled يقول...

شادى
ههههههههههههه
لأ ماتخافش صحابى ما بيدخلوش الاتوبيس اصلا
ههههههههه

khaled يقول...

زوردياك
هو كده كده هايتصدم اذا كان جوة او برة
و انا اقول البرد ده جاى منين

khaled يقول...

راسبوتين
اليابان بتسلم عليك و بتقولك فين ايامك و ايام القيصر نيقولا يا راسبوتين

khaled يقول...

د.خالد
امين يا رب

khaled يقول...

ما علينا
كانوا سابوا الارض و عاشوا فى المريخ
:)
الحمد لله يا عم سيبهم بجهلهم زى ما همه

khaled يقول...

محمد عبد الغفار
ان فاتك اليابانىىىىى
يا ريتنا كنا عملنا زيهم
طب و صديقتك دى راحت فين
اقصد لسة عاقلة؟
:)

khaled يقول...

عصفور المدينة
شر البلية ما يضحك
ربنا يكرمك

khaled يقول...

يا مراكبى
جايز برضه
ما همه متخلفين زى ما انت عارف
مش زينا
:)

khaled يقول...

بينو
الحمد لله يا عم
لا يابانى و لا كورى
اصلى اصلى اصلى
ربنا يرجعك بالسلامة

khaled يقول...

ريفندل
بالراحة شوية
تخيلى كده لو احنا اللى حبينا نتعلمها هانبقى احسن من اليابانى ده؟
هههههههههههههههه
هههههههههههههاىىىىى

khaled يقول...

ابن ناصر
الحمد لله يا اخويا ان احنا بنتكلم لغة سهلة و جميلة
و انا ان شاء الله رايحلك على مدونتك

khaled يقول...

سوكومونوس
يا عم خليهم يتعلموا حاجة تانية و ينفعوا العالم بيها
دو لو اهتموا بلغتهم هايبقوا افقر و اكسل خلق الله
هههههههههههه

khaled يقول...

امانى
ايوة احنا فى نعمة كبيرة و الحمد لله
اما بخصوص التعامل فهمه شياطين فى النطق بس زى ما شفتى كده الكتابة مشكلة
الحمد لله الف مرة

khaled يقول...

خمسة فضفضة
و عليكم السلام و رحمة الله وبركاته
لو بقوا كده يبقى البلد هاتفضى من بكرة
ههههههههههههه

khaled يقول...

david santos
and i hope u to spen your whole time in peace

khaled يقول...

اسامة
كلامك صح يا اسامة
بالرغم من موضوع اللغة ده الا انه ما بينقصش من عزيمتهم و اصرارهم ع العمل و الخوف من الفشل
دايما تضيف للموضوع بارائك الجميلة
دمت بالخير اخى الكريم
و ديفيد شكله كده معلق الكمبيوتر بتاعه بيرد ع المدونات باسطمبة جاهزة فى الوقت اللى بيقضى فيه الويك اند بتاعه
:)

khaled يقول...

انسانة
لا يا ستى ما اشتكاش و لا حاجة احنا اللى بنشتكى و الحمد لله
:)

اللغة اليابانية يقول...

يا عالم الكلام الياباني مافيه أسهل منه..ماعليك إلا إنك تحفظ الكلمات بس .. وانتو عارفين ان احنه بنحظف مئات الكتب من أول ماندخل المدرسه

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro