ترجمة مواقع الإنترنت

الثلاثاء، أبريل 03، 2007

تاج

التاج ده من اهداء د.ماعلينا و رفقة عمر و ده تانى تاج بعد التاج الاولانى اللى كان من اهداء كلام لوجيك ساكاماكا نيوز سابقا و ريفندل تجربة فعالة سابقا و كان اسمه تاج تاج تاج
بس قبل ما اقول التاج احب اوضح ان ماعلينا دى مدونة الدكتورة البنت غير ما علينا الباشمهندس الراجل اللى اختفى فى ظروف غامضة
و قبل ما اقول التاج احب اوجهله كلمة
ارجع يا ماعلينا لاحسن افجر نفسى فى المدونة بتاعتك و اعوصلك المواضيع اشلاء و دماء
ارجع لاحسن اطخك عيارين
و قبل ما اقول التاج احب اعتذر عن التأخير فى كتابته مع العلم ان دى تانى مرة اكتبه لان المرة الاولى كتبته فى مدونة ماعلينا الدكتورة مش ماعلينا المهندس
و انا بانتهز الفرصة دى و اقوله انا زعلان بجد
و قبل ما اقول التاج احب
يا عم ارحمنا ابوس راسك يا اخى قول التاج
طب ماتزقش
احم احم
اححححححححححححححم
كح كح كح
السؤال الاول
هل كنت طالب شاطر فى المدرسة؟
طبعا اوفكورس
ده انا كنت من الاوائل و احب اضيف انى كنت باجيب درجات نهائية
بس مش فى كل السنين الحق يقال انا ماكنتش مهتم بالدراسة فى سنة ستة ابتدائى
اصل انا قديم شوية و اخدت ستة قبل ما يلغوها و يرجعوها تانى
و كنت بالعب كتير فيها لكن لما دخلت الاعدادية رجعت شاطر تانى
اما الثانوية فكنت حاجة تانية خالص
كنت شاطر برضه و دخلت كلية العلوم جامعة القهرة قصدى القاهرة
ايه كانت احب مادة ليك فى المدرسة و فى الكلية؟
اقولك سيبك من المدرسة لانى تقريبا كنت مخنوق منها حتى لغاية دلوقت بس كنت باحب الكيمياء العضوية و الفيزياء
اما الكلية كنت باحب برضه الكيمياء العضوية و الفيزياء و الجيولوجيا و الاقتصاد و باكره المحاسبة و اسرائيل
كنت عايز تطلع ايه و انت صغير؟
دوكتور و ظابط و مهندس و سواق طيارات
و دى كانت اخر طلعة جوية ليا

هناك 27 تعليقًا:

david santos يقول...

Have a good day. thank you

عاشقة الوطن يقول...

خالد
انت واضح فعلا انك كنت شاطر بجد
مش مجرد كلام
بدليل انك بتحب الفيزيا
يعنى ملقتش غير الفيزيا وتحبها
طيب وماله زى بعضه

وبعدين ايه عملية الانتقام ديه
انت انتقمت ازاى طيب

بس تاج تحفة
وبوست الانتقام لغز

تحياتى

الأباصيرى يقول...

بتكرة المحاسبة
أوبااااااا

كدة هندخل فى بعض غلط

لأ.. فوق معايا كدة واصحى للون

بلاش غلط فى المحاسبة
داحنا بناكل منها عيش

أمــانــى يقول...

بسم الله مشــاء الله
الناس كلها شاطرة اهو يبقى اكيد انت فى مصر
ما قولتش حضرتك ايه اخر اخبار الانتقام ههههههههههههه
مصر كلهم فى الاخر هيكونوا ارهابين بس مش واضح عليهم
:D

تامر نبيل يقول...

كل تاج وانت طيب

تحياتى

Sampateek يقول...

التاج عليكو حق

ert3ashat يقول...

ربنا بيحبك شان كده مطلعتش دكتور...:)..والدتكراضيه عنك و ربنا بيحبك

Mohamed A. Ghaffar يقول...

قديم شويه اد ايه يعنى

Mohamed A. Ghaffar يقول...

قديم شويه اد ايه يعنى

الراقص مع الذئاب يقول...

علي فكرة انا كمان بمووووت في الفزياء...حتي ايام الكلية كنت بحبها جدا....بصراحة من اجمل المواد اللي تتحب
الاسئلة لذيذة جدا
تحياتي لك

إنـســانة يقول...

ايه اللى جاب المحاسبة والاقتصاد للفيزيا والكيميا
هى كلية علوم ولا تجارة

إرسولكوا على بر بقااااا


يلا ما علينا

مع كرهى الشديد للكيمى كيمى كا

khaled يقول...

david
thanks

khaled يقول...

عاشقة الوطن
ده بس حاجة على قدى
و موضوع الانتقام حبيت اخرجه كده زى ما هو
شكرا ليكى

khaled يقول...

الاباصيرى
يا راجل
انت عاوز تقولى ان المحاسبة بتأكل عيش؟
العيش ده للغلابة يا ابنى
المحاسبين واكلنها والعة

khaled يقول...

امانى
هههههههههه
بدام انتى فى مصر ما تستغربيش

khaled يقول...

تامر نبيل
اهو انت اللى طيب
:)
نورت

khaled يقول...

سمبتيك
ايييييييه
دنيا

khaled يقول...

ارتعاشات
الحمد لله انى ما طلعتش دكتور
يا راجل
ده الوحيد اللى الامراض كلها بتبقى عنده
:)

khaled يقول...

محمد عبد الغفار
اد نص كيلو
----------
محمد عبد الغفار
اد نص كيلو
:)

khaled يقول...

الراقص مع الذئاب
يا سلام ع الفيزياء دى
فاكر يا دوك المعامل و التجارب
يا ريت ترجع تانى الايام دى

khaled يقول...

انسانة
موضوع الكيميا و الفيزيا و ايه اللى جابها للاقتصاد و المحاسبة ده موضوع طويل
ليه قصة كده
يلا ما علينا
ما تشغليش بالك
:)

الأباصيرى يقول...

قروا على العالم بقى

يابتوع التجارب على الفئران يامقرفين
:}-
(معلش مش لاقى سمايل مطلع لسانة)

مسلم يقول...

بتحب الجيولوجيا و بتكره إسرائيل

ماشي يا سيدي

إنت إسمك خالد إيه

عبد الرحيم.....!!!؟

khaled يقول...

الاباصيرى
شفت اديك قلتها بنفسك
قاعدين مستريحين على المكاتب
ربنا يزيييييييييييييييييييييييييدكككككككككككككككك
:)

khaled يقول...

مسلم
لا
عبد الحليم
:)

نسرين يقول...

السلام عليكم
ازيك استاذ خالد
بص يا سيدى فى الاول كده رضينا بالله تعالى ربنا وبلاسلام دينا وبسيدنا محمد صلى الله عليه وسلم نبينا ورسولا ولو لم اكن مصريا لوديت انا اكون مصريااما بقى على حكايه الاستبحس بعد الشر عليك فانت كل اللى عليك تاخد دش وتصلى صلاه حاجه وتقراء سوره يسن او ق وتنام وان شاء الله حتكون حاجه تانى والف سلامه بص بقى انا مش بحب المذاكره اساسا وكنت علمى برضه

khaled يقول...

نسرين
شكرا لنصيحتك الغالية
و ان شاء الله استفيد منها
بتهيألى المذاكرة مافيهاش حاجة تتحب
:)

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro