ترجمة مواقع الإنترنت

الاثنين، فبراير 05، 2007

مصطلحات

تصحيح لمفاهيم خاطئة
بحث مقدم من حضرتى
الجزار
اه ده اكيد الشخص اللى بيبيع جزر
الزبال
طبعا اللى بيبيع زبالة
الشحات
الراجل اللى بنشحت منه
براد الشاى
هى الحاجة اللى بنستعملها لعمل مقلب فى ضيف رزل علشان نشربه شاى بارد
المسقعة
مقلب غلس لما حد يرفع من عليك البطانية و انت نايم فى عز الشتا
السيكو سيكو
دى بقى دبلرة للسيكو الواحدة
النافوخ
هو الشخص اللى قاعد ينفخ م الغيظ
الفياجرا
دق المسامير ع الحيط زى ما باشوف فى قناة روتانا
الكلينكس
شكلها كده كلاكس و حرفوها زى ما هو مكتوب فى عبد الحفيظ الصحاح
القطار
وسيلة تعذيب حديثة
عروبة
حب ركوب العربيات طبعا
السلطانية؟
مرات السلطان
وطنية
ممممم
اخت السلطانية صح؟
التاج
كان زمان موجود فوق راس السلطان دلوقت منتشر فى المدونات
المهلبية
دى اللى مالية دماغ كل عربى
التهييس
الحرية المطلقة اللتى كفلها الدستور لكل مواطن
السلام
كلمة مشهورة فى موقف الميكروباص
العالم
قرية صغيرة فى الكرة الارضية الامريكية المتحدة
امين الشرطة
الراجل الامين اللى ما بيخبصش على ظباط الشرطة
الانترنت
الحاجة اللى بوظت الواد و البت
النقطة
دى بقى اللى هاتجيلك من كتر قرايتك لمدونتى

هناك 14 تعليقًا:

Ahmad Hegab يقول...

بوست جامد أخر حاجة

و على فكرة انا ماجليش النقطة

khaled يقول...

ربنا يخليك
بس دور كويس هتلاقيها فى اخر السطر :)

ma 3lina يقول...

عبد الحفيظ الصحاح إيه بس .. دا بقى اسمه خالد الصحاح .. ..
بس تعرف إنك وضحت لي حاجات كتير ما كنتش عارف معناها زي الوطنية اللي طلعت أخت السلطانية .. بالنسبة للنقطة فجميلة جدا ..ياريت كل يوم نقطة لو سمحت

كلام لوجيك يقول...

مدونة هايلة صراحة

وواضح ابداعك فى مواضيعك

مصطلحاتك متكلفة تمام
وعندي ليك مصطحين كده على ما قسم
الدماغ: هو ذلك العضو الذي يبدأ فى العمل عند صحياننا من النوم ، ولا يتوقف الا عند ذهابنا للعمل

المايسترو : هو الشخص الوحيد الذي لا يطيق ان يرى الجماهير

السياسة : هى تضحك فى وجه خصمك بينما تجهز له الكمين المناسب

وتعريف اخير للمرأه

جميلة ...... عادية .... قبيحة
انهن
حبيبتك..... خطيبتك .... زوجتك

سعدت بزيارتى الاولى لمدونتك
ودمت بالف خير

khaled يقول...

ماعلينا
انت بقى اللى جبته لنفسك
شكرا لكلامك الجميل
ساكاماكا
؟
انت من اليابان؟
هههههههههههه
شكرا ليك ده بس من ذوقك
انا اللى سعدت بزيارتك و اتمنى دوامها و انا استفدت كتير بالمصطلحات دى

غير معرف يقول...

طيب مش تعمل منها نسخة مترجمة هههههههههه

العراق صوت الحق يقول...

العالم
قرية صغيرة فى الكرة الارضية الامريكية المتحدة
أكثر تعريف عجبني

khaled يقول...

امانى
وات دو يو ميين؟
ا كانت اندرستاند يو
عمر
شرفتنى بزيارتك
و ياريت فضلت على كده دى بقت قرية مش موجودة ع الخريطة اساسا

3aziz 3eni يقول...

وترى تم اعتماد هذة المصطلحات من هيئة الامم المتحدة الامريكية برضة

khaled يقول...

اى نعم تم اعتمادها من المجلس الاعلى للهيافة الامريكية سخسيا
بس ايه الزيارة الحلوة دى يا سكومونس
ده انت نورت

Unknown يقول...

السلطانية؟
مرات السلطان
وطنية
اخت السلطانية صح؟

تصحيح للمعلومات بس عشان مانلخبطتش الطلبة

وطنية تبقى بنت اخت السلطانية
غير إن السلطان طلق السلطانية على فكرة

معلش بقا هنعمل ايه
هيييييييه دنيا
:D

khaled يقول...

بصراحة ما كنتش اعرف الحكاية دى
متشكر على التصحيح لان لولا كده كنت هافضل على جهلى
هييييييييييه
وحدووووووه

غير معرف يقول...

لذيذه

khaled يقول...

وانتى كمان :)

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro