تصحيح لمفاهيم خاطئة
بحث مقدم من حضرتى
الجزار
اه ده اكيد الشخص اللى بيبيع جزر
الزبال
طبعا اللى بيبيع زبالة
الشحات
الراجل اللى بنشحت منه
الراجل اللى بنشحت منه
براد الشاى
هى الحاجة اللى بنستعملها لعمل مقلب فى ضيف رزل علشان نشربه شاى بارد
المسقعة
مقلب غلس لما حد يرفع من عليك البطانية و انت نايم فى عز الشتا
السيكو سيكو
دى بقى دبلرة للسيكو الواحدة
النافوخ
هو الشخص اللى قاعد ينفخ م الغيظ
الفياجرا
دق المسامير ع الحيط زى ما باشوف فى قناة روتانا
الكلينكس
شكلها كده كلاكس و حرفوها زى ما هو مكتوب فى عبد الحفيظ الصحاح
القطار
وسيلة تعذيب حديثة
عروبة
حب ركوب العربيات طبعا
السلطانية؟
مرات السلطان
وطنية
ممممم
اخت السلطانية صح؟
التاج
كان زمان موجود فوق راس السلطان دلوقت منتشر فى المدونات
المهلبية
دى اللى مالية دماغ كل عربى
التهييس
الحرية المطلقة اللتى كفلها الدستور لكل مواطن
السلام
كلمة مشهورة فى موقف الميكروباص
العالم
قرية صغيرة فى الكرة الارضية الامريكية المتحدة
امين الشرطة
الراجل الامين اللى ما بيخبصش على ظباط الشرطة
الانترنت
الحاجة اللى بوظت الواد و البت
النقطة
دى بقى اللى هاتجيلك من كتر قرايتك لمدونتى
هناك 14 تعليقًا:
بوست جامد أخر حاجة
و على فكرة انا ماجليش النقطة
ربنا يخليك
بس دور كويس هتلاقيها فى اخر السطر :)
عبد الحفيظ الصحاح إيه بس .. دا بقى اسمه خالد الصحاح .. ..
بس تعرف إنك وضحت لي حاجات كتير ما كنتش عارف معناها زي الوطنية اللي طلعت أخت السلطانية .. بالنسبة للنقطة فجميلة جدا ..ياريت كل يوم نقطة لو سمحت
مدونة هايلة صراحة
وواضح ابداعك فى مواضيعك
مصطلحاتك متكلفة تمام
وعندي ليك مصطحين كده على ما قسم
الدماغ: هو ذلك العضو الذي يبدأ فى العمل عند صحياننا من النوم ، ولا يتوقف الا عند ذهابنا للعمل
المايسترو : هو الشخص الوحيد الذي لا يطيق ان يرى الجماهير
السياسة : هى تضحك فى وجه خصمك بينما تجهز له الكمين المناسب
وتعريف اخير للمرأه
جميلة ...... عادية .... قبيحة
انهن
حبيبتك..... خطيبتك .... زوجتك
سعدت بزيارتى الاولى لمدونتك
ودمت بالف خير
ماعلينا
انت بقى اللى جبته لنفسك
شكرا لكلامك الجميل
ساكاماكا
؟
انت من اليابان؟
هههههههههههه
شكرا ليك ده بس من ذوقك
انا اللى سعدت بزيارتك و اتمنى دوامها و انا استفدت كتير بالمصطلحات دى
طيب مش تعمل منها نسخة مترجمة هههههههههه
العالم
قرية صغيرة فى الكرة الارضية الامريكية المتحدة
أكثر تعريف عجبني
امانى
وات دو يو ميين؟
ا كانت اندرستاند يو
عمر
شرفتنى بزيارتك
و ياريت فضلت على كده دى بقت قرية مش موجودة ع الخريطة اساسا
وترى تم اعتماد هذة المصطلحات من هيئة الامم المتحدة الامريكية برضة
اى نعم تم اعتمادها من المجلس الاعلى للهيافة الامريكية سخسيا
بس ايه الزيارة الحلوة دى يا سكومونس
ده انت نورت
السلطانية؟
مرات السلطان
وطنية
اخت السلطانية صح؟
تصحيح للمعلومات بس عشان مانلخبطتش الطلبة
وطنية تبقى بنت اخت السلطانية
غير إن السلطان طلق السلطانية على فكرة
معلش بقا هنعمل ايه
هيييييييه دنيا
:D
بصراحة ما كنتش اعرف الحكاية دى
متشكر على التصحيح لان لولا كده كنت هافضل على جهلى
هييييييييييه
وحدووووووه
لذيذه
وانتى كمان :)
إرسال تعليق