ترجمة مواقع الإنترنت

الخميس، فبراير 22، 2007

ذات أنواط

الناس دلوقت بيتزاحموا على شجرة فى طريق مصر الاسماعيلية الصحراوى بيقولوا ان مكتوب عليها الله و محمد

بيتباركوا بيها

بقى التدين فى شجرة

مش مهم اننا ما بنصليش

مش مهم اننا ما نعرفش ديننا

مش مهم ان معاملاتنا مع بعض سيئة

مش مهم اننا بعيد عن شرع الله

المهم اننا نتجمع حوالين الشجرة

روى عمر بن الخطاب رضى الله عنه

أن رسول الله صلى الله عليه وسلم لما خرج إلى حنين ، مر بشجرة للمشركين ، يقال لها : ذات أنواط ، يعلقون عليها أسلحتهم ، ويعكفون حولها ؛ قالوا : يا رسول الله ! اجعل لنا ذات أنواط كما لهم ذات أنواط ، فقال النبي صلى الله عليه وسلم : سبحان الله وفي رواية : الله أكبر ! هذا كما قال قوم موسى : { اجعل لنا إلها كما لهم آلهة } ، والذي نفسي بيده ؛ لتركبن سنة من كان قبلكم سنة سنة

إسناده صحيح على شرط الشيخين - المحدث: الألباني - المصدر: جلباب المرأة - الصفحة أو الرقم: 203

سيدنا عمر بن الخطاب رضى الله عنه لما شاف الناس بتتبارك بالشجرة المذكورة فى القران فى سورة الفتح

لقد رضى الله عن المؤمنين إذ يبايعونك تحت الشجرة

اية 18 سورة الفتح

و هى الشجرة التى بايع فيها المؤمنون الرسول صلى الله عليه و سلم على قتال المشركين بعد صلح الحديبية و التى سميت ببيعة الرضوان

سيدنا عمر قطعها

قطعها علشان الناس بتتبارك بيها

علشان الناس هتفتتن بيها

ايه الاولى لينا؟ نتعلم ديننا ونتقى ربنا و الا نتبارك بالشجرة؟

هناك 18 تعليقًا:

ma_3alina يقول...

نتعلم ديننا ونتقي ربنا

BinO يقول...

المشكلة أن الناس مستانية أي حاجة تتعلق بيها
أي حد
مثل قدوة
،ور علي طريق
علامة تقول
أن أحنا الصح
معدش فيه ثقة في أنفسنا
و ربنا يهدينا أجمعين

يا مراكبي يقول...

الجهل والجهل المركب هما أهم صفتين عندنا دلوقت .. وبالتالي بيتم إختزال معاني سامية كتير جوه رموز تافهة

الجهل = إننا ما نعرفش معلومة معينة

الجهل المركب = إننا ما نعرفش إننا ما نعرفش معلومة معينة

هي دي القصة كلها .. وتحياتي

Sharm يقول...

والله كلامك صح مليون في المية

جزاك الله خيرا

عموما الشجرة اثبت انها مفتعله و عمرها 9 اشهر فقط بس احنا ديننا مش شجرة ولا قبور و لا سبح .. ديننا قيم و مبادئ

رفقه عمر يقول...

مشكله الناس حب الاستسهال اى حاجه سهله وخلاص المهم يحققوا اللى هما عايزينه من امور الدنيا باى طريقه سريعه علشان كدة بيمسكوا فى اى حاجه وخلاص مع انهم ممكن يصلوا ركعتين قضاء حاجه ويدعوا فى السجود ويكثروا الدعاء بس هما حتى مكسلين يجتهدوا شويه فى الدعاء

ساكاماكا نيوز يقول...

والله يا خالد انك دخلت فى صميم مشكلتنا وتعاملنا الغلط بالدين
ربنا كرم المسلمين بدين كامل متكامل عبارة هن طريقة ومنهج حياة
ومن اعظم مميزات ديننا الحنيف
تنك تستطيع ان تناجى الله وان تتضرع اليه وان تبتهل بالدعاء الى الله وتطلب ما تشاء دون وسيط بينك وبين الله عز وجل
فقط ارفع يديك الى السماء وقل ما تشاء
دون ان تذهب الى مكان مقدس او ان تزور شخصا فى دير او اي شئ اخر من هذا القبيل
لذلك فنحن لا نحتاج الى مثل هذه الفتن والمعجزات سواء حقيقية او مصطنعه
نحن لا نحتاج الى اثبات على وجود الخالق او على صحة ديننا او حتى لإفاقة المسلمين المنشغلين عن دينهم والمقصريين
والمشكلة اننا نكتشف فى كثير من الاحيان عدم صحة مثل هذه المعجزات او الاحداث مما يعرضنا للسخرية او حتى هز ثقة الناس فى الاسلام او العقيدة

اسف للإطالة
وفقنا الله جميعا ونصر الاسلام
شكرا لمواضيعك الهادفة
اسامة سامى

amany يقول...

السلام عليكم
هماالناس خلاص خلصوا زيارة الاضرحة ودلوقتى بقيت شجرة سبحان الله
يااارب ارحمنا برحمتك الواسعة امين

كبير المتشردين يقول...

مش غريب ان يحصل حاجة زي دي ده الطبيعي في زمن الجهل فيه هو السائد في زمن الصح فيه غلط والمتدين ارهابي والمحجبة رجعية ده الطبيعي في زمن يتهض فيه الاسلام ده الطبيعي في زمن الصمت والعجز

shabfa2re يقول...

مش مسألة تدين
الناس كفرانة م العيشة
ما صدقوا لقوا اى حاجة يمسكوا فيها

khaled يقول...

ماعلينا
مش كده برضه؟
شرفت ياباشا
بينو
يا رب يهدينا امين
عند غياب الحق و العدل و القدوة الصالحة يظهر الجهل والبدعة
شكرا لك
يا مراكبى
عجبنى قوى حكاية الفرق بين الجهل و الجهل المركب
و فيه حاجة تانية اننا مانعرفش نعرف اننا مانعرفش
شارم
جزانا الله و اياك
سبحان الله
بجد انه ثبت كده؟
ديننا فعلا دين قيم و علم اللى عاوز يتدين و يعبد ربنا الاول لازم يتعلم

khaled يقول...

رفقة
هى الناس فاكرة اننا بنكسب حسنات من مس الشجرة و الالتفاف حولها؟
فاكرين ان ربنا هايحبنا لما نسيب الصلاة و العدل و نبعد عن الاسلام و نروح نتبارك بالشجرة؟
وعلى رأيك
دول مكسلين حتى عن الدعاء
اسامة
طولت ايه ياباشا
انت تملا المدونة براحتك دى مدونتك
صدقت و الله
ربنا كرم المسلمين بدين كامل
و ديننا دين منهج و هو ده الفرق بين ديننا و اى دين تانى او اى فرقة منحرفة تانية
و عبادة ربنا مش محتاجة لوسيط لا بالعكس دى تبقى شرك بالله و العياذ بالله
و تقوللى طولت ده كلام جميل
امانى
امين يارب
انتى بتعجبينى قوى بأدعية الجميلة دى
جزاك الله خيرا وربنا يوفقك
كبير المتشردين
بقى الاسلام و الحق غريبان
بقى الطبيعى ان الجهل و التخلف هما المشهورين و بقى الحق هو الغريب و الناس تتهمه
يا رب ارحمنا
شاب فقرى
طب يمسكوا فى رغيف عيش ياكلوه
هما خلصوا الخناقات و مابقوش يمسكوا هدوم بعض و مالقوش غير الشجرة؟
شكرا على زيارتك الجميلة

شجره الدر يقول...

شجره
اللهم وفق البهايم
والنبى احنا شعب رايق قوى
مفيش حد بيعمل اللى احنا بنعمله فى الدنيا

khaled يقول...

شجرة الدر
تصدقى؟
هو مين اللى بيتلم على الشجر كده؟
هههههههههه
اللهم وفقهم
شكرا لزيارتك

الكلام نوعان :كلام فارغ وكلام مليان كلام فارغ يقول...

عندك حف لازم نعرف دينني كويس عشان على الافل مانبقاش طور الله في برسيمه ونعلق كل حاجه غلط على شماعه الجهل ........ولا ايه؟

khaled يقول...

مها
نورتى مدونتى المتواضعة
عند انتى حق ما يصحش نكون طور الله فى برسيمه و الا ايه؟

camera_girl يقول...

بجد يا خال د اكتر حاجه بتعجبنى هنا انى كل مره بلااقى موضوع مش مرتبط باللى قبليه بمعنى ان كل حاجه وليها احساس مختلف يعنى حياتك مش مرتبطه بقلمك ..وعجبتنى اوى الفكره والمدخل الى دخلتلو عليها فكره جميله وموضوع حلو والرمز الى وراها اجمل اجمل بجد رربنا يسترها معانا ....مستنيه بوست جديد

كراكيب عادل يقول...

دي باختصار فتنة

{قَالُوا اطَّيَّرْنَا بِكَ وَبِمَن مَّعَكَ قَالَ طَائِرُكُمْ عِندَ اللَّهِ بَلْ أَنتُمْ قَوْمٌ تُفْتَنُونَ }النمل47

{وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ }الحج11

عندنا جهل في الناحية دي فيه معتقدات خطاء وربنا يرحمنا برحمتة لان دي من انوع الشرك لا يضر ولا ينفع الا للة

تحياتي

khaled يقول...

camer girl
شكرا لكلامك الجميل و اللى بيخلينى اطلع للسما و يارب اكون ربعه حتى
و مسألة حياتى مختلفة عن قلمى؟
مش عارف بس انا باكتب كل حاجة حاسس بيها
بس ممكن تقولى ان جوايا احاسيس كتيرة و باحط احساس مختلف فى كل بوست
كلام جميل من انسانة اجمل
عادل
بعد الكلام الجامد ده ما اقدرش اقول حاجة

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro