ترجمة مواقع الإنترنت

الثلاثاء، فبراير 27، 2007

كيا حال هى؟

مجهى بهت خوشى هويى كى آب كى ملاقات هى
يه بات اردو هى
اردو هندوباك كى زبان هى
***
استغربتوا من البوست اللى فات علشان كتبت انجليزى بحروف عربى؟
و اكيد قلتوا ان انا خرفت فى اول البوست ده و كتبت كلام مش مفهوم؟
اقولكوا ان الكلام المكتوب فى اول البوست ده كلام صحيح و لغة معروفة و الناس بتتكلم بيها و بتتكتب بحروف عربى زى ما انا كاتبها
الكلام اللى فى اول البوست مكتوب باللغة الاردية لغة باكستان الرسمية و هى واحدة من لغات الهند المعترف بيها رسميا و هى بالمناسبة نفس اللغة اللى فى افلام اميتاباتشان و شاه رو خان و غيره من افلام بوليود الا انهم بيكتبوها بحروف هندية بس هى نفس اللغة تقريبا الا فى بعض الالفاظ
و اللغة دى بتستخدم نفس الحروف العربى الا ان فيها حروف زيادة شوية و علشان الكيبورد بتاعتى مافيهاش الحروف دى ما اعرفتش اكتبها كويس
بالمناسبة هناك لغات كتير فى العالم بتستخدم الحروف العربى فى كتابتها و اهلها بيتعاملوا بيها زى ما هى و بالاضافة ان اللغات دى فيها كلمات كتير عربى
اللغات دى كتير منها على ما اتذكر الاردية و الفارسية (لغة ايران و افغانستان ) و البشتو (لغة من لغات افغانستان ) ،التركية بس بتاعة الدول السوفيتية القديمة لان للأسف تركيا بطلت تستخدم الحروف العربى من سنة 1913 بفضل كمال اتاتورك بعد ما قضى على الخلافة العثمانية و اعلان العلمانية
الدول دى اجنبية مش عربية و بتستخدم حروف عربى للغاتها
لسة مستغربين ان انا كتبت الانجليزى بحروف عربى؟
ثانك يو
سى يا لاتور

هناك 3 تعليقات:

IRAQ Sawt Alhaq يقول...

السلام عليكم أخي خالد
هل أنت مهتم باللغات الشرقية؟؟
أعرف أن اللغة الفارسية بها كثير من الكلمات العربية ويسمونها عربي مفرس هذا ما أعرفه عن الفارسية ...عموما اليوم أنا أكتب لك لتعريفك بصديق جديد من العراق هو المعتصم هوأخي في الله وعجبته فكرة التدوين و قد أنشاء مدونة بأسم العراق صوت المجاهدين لعرض نشاط المجاهدين بالعراق وحجم الخسائر الامريكية هي المدونة مازالت في البداية ولكني أظنها ممتازة وانا أكتب لك الرابط لزيارتها ودعم المعتصم كما دعمتني فهو يستحق على فكرة هو يتابع مدونة تعليم هذا الرابط
http://iraqsawthaq.blogspot.com/

amany يقول...

على رائ المثل صعنت من الفسيخ شربات ممتاز ههههههههه
اصل اللغة العربية ام اللغات

khaled يقول...

عمر
و عليكم السلام و رحمة الله و بركاته
انا فعلا مهتم باللغات الشرقية و درست الاردية فى المركز الثقافى الهندى
و مرحبا بأخى المعتصم و اتمنى له التوفيق
و كلامك بيدينى اكبر من حجمى اخى عمر فمن انا حتى ادعمك و كيف دعمتك؟
كل اقدمه لن يوفيكم حقكم
جزاك الله خيرا
امانى
ايه اللى ممتاز الفسيخ و الا البوست؟
ههههههههههههههههههه
نورتى

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro