ترجمة مواقع الإنترنت

الأربعاء، فبراير 07، 2007

تعليم فوتوشوب و عمل المواقع

كنت قد كتبت موضوع عن بعض الاخطاء اللتى كثيرا ما يقع بها اصحاب المواقع و المدونات تحت اسم نصائح تغيظ
ومن الاخطاء الشائعة هى استخدام الصور بكثرة و اللتى تتسبب فى بطء تحميل الموقع ومن ثم ملل من يدخل عليه و الذى يؤدى الى قلة عدد الزائرين لهذا الموقع
و لتفادى تلك الاخطاء تم افتتاح مدونة جديدة تحمل اسم تعليم و اللتى سوف اشرح بها طريقة استخدام برنامج الفوتوشوب فى عمل المواقع و المدونات و تقليل مساحة الصور و من ثم زيادة سرعة تحميل المواقع و زيادة كفائتها و كذلك سوف اشرح بها بعض الاكواد المستخدمة فى تحسين الموقع و كيفية اضافتها مثل الكود الخاص بشريط الاعلانات ان شاء الله
المدونة هى
و الرجاء المساعدة على انتشار هذه المدونة بالاعلان عنها لتعم الفائدة
و شرطى الوحيد لاستخدام هذه المدونة المجانى هو الدعاء لى و لوالداى بالمغفرة و الرحمة

هناك 14 تعليقًا:

ساكاماكا نيوز يقول...

والله فكرة عظيمة جدا
احييك يا خالد على الاقتراح المفيد والتنفيذ العملى كمان
كتير جدا من اخواتنا المدونين عندهم نقص معلوماتى فى تصميم المدونة واظهارها بشكل جيد
وعدم الاستغلال الامثل لكل الامكانيات المتاحة
ربنا يجزيك كل خير ويارب تعم الفائده علينا جميعا
وكمان ارجو اللى عنده معلومه او فكرة جديده انه مايبخلش بيها على اخواته المدونين ويساهم بيها فى مدونة تعليم
ويكون شعارنا
من اجل مدونه صحية ، خفيفة ورشقة

اشكرك حتى تستغيث
تحياتى
اسامه سامى

الملاح التائه يقول...

خلود
ربنا يباركلك يا ريس
أنا عن نفسى هاضيفها عندى فى مدونتى
بس ليا عندك طلب
عايزك تقولى ازاى اعمل خلفيه صوتيه
للمدونه
وأروشها كده يعنى
يجعله عامر يا باشا
وربنا يجازيك كل خير
الملاح

IRAQ Sawt Alhaq يقول...

السلام عليكم خالد
بارك الله فيك على هذا الدعاء بالمدونة وجعله الله في ميزان حسناتك

khaled يقول...

ساكاماكا
يا رب تعم الفائدة
و حلو الشعار ده
هههههههه
من اجل مدونة صحية خفيفة و رشيقة و طبعا خالية من الكولسترول
ههههههههه
شكرا ليك
ايها الملاح التائه
انت تايه فين بالظبط
قولى انت واقف فين و انا اجيلك
هههههههههه
و يارب يباركلك
و ان شاء الله هأقولك ع الطريقة
عمر
امين يارب
ده واجب لازم نأديه

إنـســانة يقول...

ايه ده
ده انا مدونتى مليانة صور
هى بطيئة ولا ايه طمنى يا دكتور؟؟؟؟

على اى حال مبروك المدونة الجديدة وربنا يكرمك ويباركلك فيها

الأباصيرى يقول...

فكرة حلوة بجد
هتسهل الموضوع على ناس كتير


بقولك ليك هدية عندى فى المدونة خش خدها

مستنيك

khaled يقول...

انسانة
مدونتك محتاجة عملية فورا لاستأصال الصور و الاغانى
ههههههههههه
شكرا ليكى
اباصيرى
حمدالله على السلامة
وانا رايح اشوف الهدية بس يا ريت مافيهاش حاجات بتفرقع

ma_3alina يقول...

شوف يا هندسة ولا أقول لك يا دكترة أحسن .. بقى تقول لي أكتر حاجة تكرهها في الكمبيوتر إيه أقول لك الفوتو شوب .. تقدر تقول كده فوبيا .. ودا لأنهم في الشغل عندي كل شوية يزنوا عليه عشان اتعلمه .. وأنا راسي طوبة فقلت مش متعلمه .. وبقيت مش طايقه .. يعني لما اسمع حد يقول لي فوتوشوب .. يجي لي حالة هرش على طول ..
وأول ما شفت البوست بتاعك .. قلت على طول ... ييييييييييييي هو انت ورايا ورايا ..
فدلوقتي عندي ليك نصيحة .. ياريت تغير الموضوع وتقفل المدونة الجديدة دي ونفضل حبايب .. أو تشيل رابطها من قدامي عشان الحساسية ..
أو أقول لك خليها .. لأني لو قررت بعد الشر يعني إني اتعلم فوتوشوب .. فمش حتعلم غير من مدونتك.

أميرة البلطجية يقول...

جزاك الله خيرا يا خالد
وجميلة اوي بوست نفسي
نفسنا كلنا والله

ذو النون المصري يقول...

اللهم ارحمهما و ارحم كل الناس الطيبين
انا سعيد جدا انك فكرت في شيء زي ده و اشكرك
لك مني خالص التحيات

khaled يقول...


ماعلينا
يا ابنى العلم نوووووووور
والمدونة مش معمولة للفوتوشوب بس
ان شاء الله هاحط قيها اكواد مواقع و تصميمات
بس تابعنى
اقولك
ماااااعلينا
اميرة البلطجة
شرفتينى
و دى حاجة كده على قدى
ذوالنون المصرى
امين يا رب
شكرا لكلماتك الجميلة

يا مراكبي يقول...

أنا جيت علشان أتأكد إنك ما قفلتش المدونة زي ما قلت في آخر البوست اللي فات .. الحمد لله لقيتك لسة صاحي والمدونة لسة فاتحه

هأدعيلك بظهر الغيب إنت والوالد .. ياريت تدعيلنا إنت كمان

khaled يقول...

يا مراااكبى
تعدينى البر التانى يااااااا رااااايس؟
ههههههههه
حمد الله على السلامة
بس انا ما قلتش ان انا هأقفل المدونة انا قلت نفسى اقفل البوست يعنى الموضوع
حتة كده من بتوعى فى اخر البوست
ماتخافش يا معلم لسة صاحى للأسف
هههههههههه

khaled يقول...

و انا كمان بادعيلك على فكرة

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro