ترجمة مواقع الإنترنت

الأحد، فبراير 11، 2007

سؤال

هاسألكوا سؤال
لو احنا كنا فى عصر النبى صلى الله عليه و سلم و قالنا انه رسول من عند الله كنا هانصدقه و نآمن بيه؟
لو احنا كنا فى عصر عمر بن الخطاب رضى الله عنه و لاقانا واقفين فى الشارع فى طريق الناس والا لابسين لبس مش كويس و ضربنا بعصايته كنا هانحبه و نقول عليه عادل و نضرب بيه المثل فى العدل؟
لو احنا فى عصر على بن ابى طالب رضى الله عنه و حصلت الفتنة بتاعة سيدنا عثمان كنا هنبقى مع مين؟ معاه و الا مع معاوية رضى الله عنه و الا مع الخوارج و الا مع الشيعة؟
لو كنا فى عهد الدولة العباسية ايام المأمون فى وقت فتنة خلق القران كنا هنصدق المعتزلة فى افكارهم و الا هنبقى مع احمد بن حنبل رحمه الله ولو جلدونا او قطعونا بالسيوف؟
الحمد لله ان انا اتولدت فى العصر ده
الحمد لله ان انا ما اتحتطش فى اختبارات صعبة زى دى
الحمد لله ان ربنا خلقنى مسلم

هناك 23 تعليقًا:

ma 3lina يقول...

يبتلى المرء على قدر دينه كما قال النبي صلى الله عليه وسلم
وعلى قدر أهل العزم تأتي العزائم ..
ولو كان فينا أمثال عمر وعثمان وعلي لكنا في عصرهم .. ولا يمنع أن في زماننا هذا فتن أشد يسير فيها الحليم حيران ..
ولله عز وجل حكمة في أقداره .. فالحمد لله على أقداره

يا مراكبي يقول...

ومن قال لك إن إحنا مش في فتنه برضة دلوقت؟

وفيها إيه لو كنا موجودين في المواقف الصعبة اللي إنت حكيت عليها دي؟ أي إنسان مؤمن حقا كان هايقف مع الحق ويموت بسبب كده

هي دي أقصى حاجة ممكن تحصل .. إلا إذا كنا خايفين من الموت وبالتالي نقول كويس إني ماكنتش موجودين ساعتها

أنا شايف إنها كانت فرصة ذهبية لإختبار الإيمان والموت على الشهادة والحق

كلام لوجيك يقول...

موضوعك دخل فى منطقة خطيرة يا خالد
وللاسف تتباين الاراء فيه
زمان كان زمن فتن وصعوبات ومكائد والاسلام كان محتاج اناس اقوياء ذوي عزم
لا يخافون فى الحق لومة لائم ، يحملون ارواحهم على اسنة سيوفهم ، وبهم انتشر الاسلام وقوي وكبر

اما الان يا صديقى فالفتن اكبر وابشع واهلك
فتن هذا الزمان تجعل القابض على دينه كالقابض على جمرة من نار
فتن سمعية وبصرية ونفسية
فتن ثلاثية الابعاد
فمن منا يستطيع مقاومة تلك الفتن جميعها ؟؟ فتن تمشي على ارجل وتدخل اليك اينما كنت

لا اريد الاطالة
اعاننا الله جميعا على طاعته
وجزاك الله خيرا
اسامة سامى

Unknown يقول...

ظنى فى ربنا إنى كنت هكون من اتباع سيد الخلق عليه الصلاة والسلام

بس برده ربنا اعلم واحكم من اى حد وكون اننا فى الزمن ده يبقى ده احسن زمن لينا

ومتنساش بما إننا آمنا بسيدنا محمد ولم نراه احنا اصبحنا اخوانه واجر الواحد فينا فى الخير بيعادل 50 واحد من الصحابة على قد علمى الضعيف يعنى

ده غير الشوق والدموع اللى جوا كل واحد فينا انه يشوف سيدنا محمد او يروح الاماكن المقدسة

اختيار ربنا هو الصح وهو الاكيد

الحمد لله على نعمة الاسلام وكفى بها نعمة
وكفى بها نعمة

Memo يقول...

يا عزيزي كلها فتنه
تحياتي

العراق صوت الحق يقول...

السلام عليكم خالد
أظن نحن الان في أبتلاء لا يقل عن الابتلاءات السابقة فهذا قدر الانسان لقوله تعالى وخلقنا الانسان في كبد أي معاناه و أبتلاء ومنها الفتن طبعا ولكن أظن نحن مسئوليتنا وحسابنا سيكون أشد فسهولة المعرفة المتوفرة حاليا لن تحعل أحد يستطيع أن يقول لم أكن أعرف أو أعلم فطالما عرفت فانت عليك مسئولية وحساب اللهم أني أعوذ بك من الفتن ما ظهر منها وما بطن

غير معرف يقول...

الحمدلله على نعمة الاسلام وكفى بالاسلام نعمة
الفتن احاط المسلمين فى كل زمان ومكان والان الفتن وصل لعنان السماء لانها اسرع وصولا اليك والى بيتك من كل الطرق ومن كل الابواب " اللهم يا مقلب القلوب ثبت قلبى على الاسلام " وقد حان الوقت لكى نقف يدا واحد على قدر المستطاع للدفاع عن ديننا وحمايته اللهم انصر الاسلام واعز المسلمين

غير معرف يقول...

الحمدلله على نعمة الاسلام وكفى بالاسلام نعمة
الفتن احاط المسلمين فى كل زمان ومكان والان الفتن وصل لعنان السماء لانها اسرع وصولا اليك والى بيتك من كل الطرق ومن كل الابواب " اللهم يا مقلب القلوب ثبت قلبى على الاسلام " وقد حان الوقت لكى نقف يدا واحد على قدر المستطاع للدفاع عن ديننا وحمايته اللهم انصر الاسلام واعز المسلمين

الوردة السوداء يقول...

فعلا اختيارات صعبة اوى
بس الله اعلم
كنا هنبقى عاميلن ازاى
واعتقد احنا انكتب علينا اننا نكون مسلمين
سواء دلوقتى او قبل كدة

khaled يقول...

مااا علينا
نعم المرء يبتلى على قدر دينه و احنا فعلا فى زمن فتن كتيرة بس برضه ما جاوبتش على سؤالى
هاسأله بصيغة تانية
تعرف منين انك هاتنصر الاسلام و سيدنا محمد؟
فرضا لو اتولدت فى امريكا كنت هتبقى مسلم؟
الله اعلم
يامراكبى
انا ما قلتش ان احنا مش فى فتن
برضه باوجهلك السؤال ايه اللى ضمنك انك هتقف مع الحق؟ هل واجهت موقف صعب تفتتن في دينك وثبت؟
و هى فرصة ذهبية لاختبار الايمان
بس قد ايه الايمان بتاعنا ده؟
ساكاماكا
جزاك الله خيرا
و صحيح احنا فى زمن فتن بس مين فينا واجه فتنة حقيقية فى دينه و ثبت عليه؟
اللهم يا مقلب القلوب ثبت قلبى على دينك
انسانة
صح ده اللى يتقال ظنى فى الله
لا نزكى انفسنا و لا نزكى على الله احدا
صح كدة
و الحديث اللى ذكرتيه صحيح و احنا ان شاء الله اخوان الرسول صلى الله عليه و سلم و عمل الواحد مننا يعادل عمل خمسين من الصحابة
جزاكى الله خيرا و شكرا ليكى
و كفى بنعمة الاسلام نعمة
ميمو
شكرا لمرورك الجميل و يا عزيزتى كلنا فى الهوا سوا

khaled يقول...

اخى عمر
و عليكم السلام و رحمة الله و بركاته
امين يا رب
كلامك صحيح و العلم حجة على المتعلم والحساب يكون اكبر
امانى
الحمد لله
امين
امين
شكرا ليكى كتير
الوردة السودة
هو ده فعلا اللى باحكى فيه من الصبح
شكرا ليكى

LuaY SakR يقول...

السؤال ده ليا انا؟؟؟؟؟؟


ليه الاحراج ده طيب؟؟؟

khaled يقول...

السؤال بيقول علل
و السؤال اجبارى
هههههههههههه

vision يقول...

مش عارفه

مبعرفش اتخيل اوى كده ولأن حاجه زى دى استحاله اقول كنت هبأه كده ولا كده

بس بردو زى انسانه ما قالت انا رأى من رأيها بجد قالت الى نفسى اقولو

رفقة عمر يقول...

عارف ربنا يعطى الصبر على قدر البلاء واكيد لو كنا موجودين فى تلك الاوقات الى ذكرتها اكيد هاتكون الرؤيا متضحه اكتر احنا وصلنا لنا التاريخ سماعى يعنى اللى بيكتب التاريخ بيعبر عن رايه وهو راى بشرى لازم كنت تكون موجود فتلك الاحادث علشان تعرف الحقيقه فاكيد لو اراد الله لنا الحياة فى تلك الاحداث كنا حضرناها بس ربنا له حكمه فى اننا ناتى فى زمن الغربه اللى احنا عايشين فيه دلوقتى وعلى فكرة احنا فى ابتلاء اكتر لان الاغراءت بالمعصيه كتيرة قوى لكن زمان كانت الناس بتنام بعد صلاة العشاء ونادر قوى لما تلاقى الملاهى واللهو اللى احنا فيه دلوقتى وكمان احنا بنشوف الحروب على الهواء مباشرة لكن زمان لغايه ما الاخبارتنتقل من مكان لمكان كانت بتقعد شهور
مبروك المدونه الجديدة اسفه جات متأخرة شويه

khaled يقول...

كاميرا
هو فعلا خيال صعب علشان كده باقول الحمد لله ان انا ما اتحطتش فى مواقف صعبة زى دى
رفقة عمر
ربنا يبارك فيكى
بس برضه بيفضل السؤال
احنا واجهنا فتنة مباشرة؟
يعنى كل واحد فينا واجهته فتنة زى تصديق الرسول؟

ذو النون المصري يقول...

الحمد لله علي كل حال محدش يعرف كنا ممكن نعمل ايه

khaled يقول...

صحيح
الحمدلله

عاشقة الوطن يقول...

الحمدلله فعلا ان احنا ربنا خلقنا مسلمين
بس بجد لو اتحطينا فى العصور ديه كنا هنكون ازاى

الحمدلله

lonely يقول...

المواقف الصعبه موجوده فى كل زمان ومكان
وانا واحده كنت اتمنى فى اى عصر من العصور اللى انت ذكرتها دى
لانها ايا كانت صعبه
فهى ارحم من اللى احنا فيه
ولعلمك الفتن دلوقتى اكبر بكتيييييييييي
ومجاهدة النفس من اصعب انواع المجاهده

khaled يقول...

عاشقة الوطن
الحمد لله و السؤال فعلا صعب مش سهل ابدا
شرفتينى
lonely
طيب نبقى فى واحد من العصور دى بس هتضمنى انك تكونى مع الحق؟
تضمنى انك تفهمى دينك كويس و بطريقة صحيحة؟
انا عن نفسى باقول الحمد لله ان انا ما اتحطتشى فى موقف صعب زى كده
نورتينى

maha يقول...

سلام عليك يا خالد
دي اول زيارة ليا عندك في المدونة
كتير فكرت في الموضوع ده.. اننا نكون في عصر تاني بس خفت اننا منكونش صح وقتها.. يعني مين يضمن اننا ايام الرسول عليه الصلاه و السلام اننا نصدقه و مين يقدر يأكد انا هنكون بعقلنا اللي شاف في تصرفات سيدنا عمر الحكمة و العدل و ان سيدنا علي اتظلم ؟؟؟؟
سبحان الله في الاخر بفكر ان وجودنا دلوقتي و اننا مسلمين رحمة كبيرة اوي من ربنا
الحمد لله
سلام
مها

khaled يقول...

شرفتينى يا مها و ياريت تفضلى تشرفينى على طول
مش سهل الواحد يجاوب على السؤال ده ابدا
لأن بكده نكون بنزكى انفسنا على الله و حاشا لله ان نزكى على الله احدا
الحمد لله

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro