ترجمة مواقع الإنترنت

السبت، فبراير 17، 2007

فيلم جديد خالص

هو بيحبها و هى بتحبه
متعرفش الفيلم ابتدا امتى لكن من اول مشهد عرفت انهم بيحبوا بعض
من صغرهم بيحبوا بعض
و همه جيران بيحبوا بعض
و همه فى الجامعة بيحبوا بعض
الواد غنى و ابن ناس و امه شريرة
و البت فقيرة وطيبة و اهلها ناس طيبين
ام الواد مش موافقة على جوازه منها و الواد مصمم انه يتجوزها
ام الواد عايزة تجوزه بنت تانية تبعها اهلها غناى و يمكن تكون بنت اختها و الا اخوها
يحصل حادثة و يتعور فيها الواد و البت مستنياه و لما مايجيش تعرف انه باعها فاتروح تتجوز العريس اللى جايباهولها امها
الواد يفقد الذاكرة او امه تعمل اسفين فى البت بتاعته يقوم هو كمان يقبل يتجوز البت اللى جايباهاله امه
و لما البت تتخطب و الواد يتخطب يقوموا يروحوا يتفسحوا و يروحوا كازينوا واحد بالصدفة البحتة و يعدى جنبها و مايشوفوش بعض
بعد اسبوع برضه يروح كل واحد فيهم كازينوا تانى و هناك هيقابلوا بعض المرادى
و تتلاقى نظراتهما
يعاتبوا بعض بالعيون
البت تبصله شوية بنظرة عبط و لما تيجى تمشى الواد يمسك دراعها و يغنى
و يرجع الواد للبت و ترجع البت للواد فى اخر الفيلم
سؤال الحلقة: اذكر اسماء عشرين فيلم فقط تتناول هذه القصة؟

هناك 17 تعليقًا:

العراق صوت الحق يقول...

السلام عليكم يا خالد
شنو هالبوست ؟؟؟
صعب سؤالك هذة المرة أنت أكو شئ مضايقك أعذرني أكتب لك بالعراقي ولكن زين (تفش غلك)ة

khaled يقول...

و عليكم السلام ورحمة الله و بركاته
اخى عمر
وات؟
وات ديد يو ساى؟
ايام نوت توكينج عراقى
هههههههههههههههههه
هالموضوع معصبنى كتير ومشان اجده بافش غلى

ma 3lina يقول...

هههههههههههههههه
الحتة دي مهمة جداً في بناء أي فيلم عربي .. بالإضافة لمشهد الرقاصة طبعاً ... مشهد الحبيب والحبيبة وكيد العوازل ...
دا حتى لما عملوا فيلم عن صلاح الدين الأيوبي وتحرير القدس .. عملوا المشهد دا برضه .. بين صلاح ذو الفقار ونادية لطفي والعوازل اللي فرقوا بينهم .. ومشهد الرقاصة أساسي طبعاً
ولما عملوا فيلم مش عارف إيه كده برضه عن الإسلام .. خلوا إيهاب نافع بيحب ماجدة .. وفجر الإسلام خلو برضه نجوى إبراهيم بتحب مش عارف مين ..
يعني الفيلم مهما يكون .. حربي .. تاريخي .. ديني .. اجتماعي .. لازم المشهد دا بالإضافة لمشهد الرقاصة الشهير ...

غير معرف يقول...

السلام عليكم
ده فعلا فيلم عربى وممكن كمان يكون هندى بس حضرتك ماقولتش ايه الجايزة للفائز هههههههههههه

رفقة عمر يقول...

يعنى مش تقول كمان على الافلام الامريكانى اللى البطل والبطله يحاربوا العالم كله وكل الوحوش اللى تتخيلها واللى لا تتخيلها وفى الاخر يخرج البطل والبطله منتصرين انا بتفرج عليها كانى بتفرج على فيلم كارتون نفسى البطل يموت مرة واحدة مرة واحدة بس من نفسى

يا مراكبي يقول...

عزيزي خالد

البوست جميل قوي بس آخر سؤال في البوست مش مظبوط .. المفروض تغيره إلى

اذكر اسماء مائتين فيلم فقط تتناول هذه القصة؟

مش كده برضه؟

تحياتي

العــــراق يقول...

السلام عليكم يا خالد

zordeak يقول...

هههههههههههه

فيلم عربى صرف


لا وهندى كمان

فكرتنى بالافلام الهندى

اللى الابطال كلهم بيتشلو ويموتو فى الاخر

والمشاهدين كمان يتشلو

ولامخرج والمصورين يتشلو

وتحصل حالة عامة من الشلل

LuaY SakR يقول...

بسم الله الرحمن الرحيم الاجابة تونس

لا بجد

الظريف بقي مش القصة بس
الظريف كمان اسماء الافلام

يعني مثلا اجابة سؤالك

هي توافيق اي تلات كلمات من الكلمات اللي جايى دي

حب- عمري - انت - حبيب - حياة- ال - ي - نا -

khaled يقول...

ما علينا
با ابنى دول ما سابوش حاجة الا و دخلوا القصة دى فيها حتى الافلام الدينية المحترمة دخلوها فيها
اقلك؟
ماااا علينا
امانى
و عليكم السلام و رحمة الله و بركاته
تقريبا و الله اعلم ان احنا بننسخ الافلام الهندى و نكتب عليها عربى
هههههههه
و عايزة تعرفى الجايزة؟
طيب يا ستى
الجايزة هى تذكرة مجانية لمشاهدة فيلم السهرة العربى ع القناة الاولى و كمان مشاهدة فيلم هندى يوم العيد ع القناة التانية
حلو كدة؟

khaled يقول...

رفقة عمر
هههههههههه
ده بقى المستحيل
البطل يموت تلتميت عشرميت مرة بس لازم يصحى فى الاخر علشان يقابل البطلة
هههههههههههههههه
يا مراكبى
معلشى بقى الجهل وحش
اصل انا ما بتفرجش على التليفيزيون كتير
عمر
و عليكم السلام و رحمة الله و بركاته
زوردياك
هو اسمك معناه ايه؟
هههههههههههههه
الممثلين ماتوا
و المخرج مات
و المنتج مات
و المشاهدين ماتوا
هههههههههه
لؤى
ايه ده؟
انت جيبت الكلام ده منين
انت مثقف قوى
ههههههههههههه

BinO يقول...

بسم الله الرحمن الرحيم
الأجابة تونس

:)
أخي في الله خالد شكراً علي كتايتك الهادفة
و أعانك الله علي فعل الخير

3aziz 3eni يقول...

السؤال صعب قوى اعتقد كان المفروض تسال
اذكر فيلم او مسلسل واحد فقط لا يتناول هذة القصة؟

كدة اسهل كثير لانى مش باتفرج على الافلام العربى كلها

Waleed Fareed يقول...

ابو خالد
كيفك وكي ربط وكي هي دي
اصلي بتكلم لغات هع
المهم
يا شباب
دايما الدنيا مليانة كل ده بس مشكلتنا ان دائرة الضوء عندنا مركزة علي هذه المنطقة من المساحة الكبيرة هذه مشكلتنا فقط قصدي مشكلتهم

khaled يقول...

اخى بينو
شرفتنى بزيارتك و شكرا على كلامك الجميل و اللى اتمنى من الله ان استحقه
سوكومونوس
هو فيه اسهل من كده ده حتى الاسئلة فى مستوى الطالب المتوسط
هههههههههه
وليد
كيا هال هى؟
انا برضه باتكلم لغات
هههههههههههههه
ده بقى شغلنا الشاغل و الساقية اللى دايما بيربطونا فيها

Memo يقول...

1-اضحك الصوره تطلع حلوه
2- ليلي بنت الفقرا
3- بكيزه وزغلول
4-غرباء على الطريق
5-عاشت للحب
6-الفيلم بقا بتاع عماد حمدي و صباح
7-احنا التلامذه
8-الفيلم بتاع شاديه و حسن يوسف لما تسيب المدرسه و تخرج معاه و امينه رزق تبهدلها
9 -شاديه برضه و احمد مظهر لما يروحلها السرايه الي هيا كدا و كدا
10-المراهقات
و هبقا اخش الباقي بقا
بس انا كدا نجحت بنص الدرجه
تحياتشي

khaled يقول...

ميمو
نجحتى كده من غير تصحيح؟
وكمان بتصححى لنفسك؟
ههههههههههههه
شرفتشينى
تحياتشى
هههههههههههههههه

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro