ترجمة مواقع الإنترنت

الأربعاء، مايو 02، 2007

عمرو خالد مجرد داعية و انا سلفى

قبل ما ارد ع التعليقات ع الموضوع اللى فات حبيت اوضح شوية حاجات كدة ع الماشى
انا ما بقلش انى ما باسمعش غير عمرو خالد انا باسمع و باتعلم من ناس كتير و مش باقول عمرو خالد قال عمرو خالد عمل و اتحجج بيه انا ليا الصح من قرآن و سنة و اللى هايخالفهم هاضرب بكلامه الحيطة مهما كان هذا الانسان
قلت فى البوست ان العلماء يخطئون فما بالك بمن دونهم ماكانش قصدى انى اعتبر عمرو خالد منهم انا اعتبرته بمن دونهم
احب اوضح حاجة
ان حلقات عمرو خالد و غيره من الدعاة ان قبلتم انه منهم لا تعدوا مجرد تذكرة و تهذيب للقلوب و ليس لتعلم احكام الدين او اخذ الفتاوى و لا يحق لهم مهما كانوا ان يتصدروا للفتوى بأى وجه الا بعد اخذ الاجازة المؤهلة لذلك و هذا ينطبق على باقى فروع الدين
احب اقول ان الفضل بعد الله سبحانه و تعالى فى موضوع التزامى الدينى و رجوعى هو عمرو خالد مش معنى انه بيغلط يبقى ابخسه حقه
قال رسول الله صلى الله عليه و سلم
لأن يهدي الله رجلا بك ، خير لك من أن يكون لك حمر النعم
حديث صحيح فى صحيح الجامع برقم 3009
سؤال للمتشددين الرجعيين المتزمتين امثالى لان انا زيهم
هل تابعتم حلقاته و سمعتم سلاسله و فندتم اقواله؟ ام انكم تنقلون اخبارا عن غيركم؟ ام انكم انتقدتم افعال رأيتموها مصادفة و لم تتابعوها؟
سؤال اخر
هل ترون انه رجل سوء للدرجة التى ليس له اى حجة او حتى مجهود يشكر عليه؟

هناك 51 تعليقًا:

عصفور المدينة يقول...

يا أخي !!!
عارف انا زرت صفحتك اليوم كام مرة......
كل ده خايف لا الموضوع يفتح حرب كلامية
ربنا ستر
انا بس عايز اركز على نقطة أتقتلون رجلا أن يقول ربي الله
كلامك هذا يكون صحيح لو كان سر من يعادونه أو ألطف منها يتجنبونه أو لا ينصحون به
إنما يفعلون ذلك من أجل أنه يقول ربي الله كدة مش صح طبعا
ثانيا هل أنا مطلوب مني إني اسمع حلقاته كلها عشان احكم عليه ولا انا مطلوب مني اني أحكم عليه أساسا أنا باشوفه يناسبني ويناسب من يلوذون بي من صغار المتعلمين ولالأ
مثلا انا ليه متابع مدونتك وانت متابع مدونتي هل قرأت أنا كل ما كتبت أنت أو انت قرأت كل ما كتبته أنا أو حتى انا قرأت كل ما كتبه خالد اللي هو مش خالد على طوله طبعا لا وإن كان باحاول طبعا ولكن وضع رابط لمدونتك ومدونة دخالد وكثيرين عندي في البلوجلاينز بناء على إني أخذت فكرة عن الأصول التي تحكم تفكير خالد حواديت أو بينو او أو
وهكذا نفس الأمر
وبعدين الموضوع ما فيهوش أسرار وبعيدا عن التشهير لما يجيلك عشرين يقولوا عمرو خالد بيقول كذا وبعدين يكون الكذا ده مندمج تحت الإطار العام الذي تصورته أنا عنه بناء عن دراسة مبدئية واعية بعضها فرض علي نتيجة أخو مراتي كان بيفطر معانا ويسمعه وانا قاعد لا أنكر بل ممكن اشغله له عشان شايف له فايدة منه
كفاية عليك كدة يا متشدد

عصفور المدينة يقول...

بالمناسبة بابو خلود يعني ايه متشدد؟

SomeOne يقول...

مهما اختلف الناس مع عمرو خالد
فلا أحد يشكك في نواياه
او مجهوداته العظيمة

مشروع انسان يقول...

فعلا يا اخى لا احد معصوم الا النبى صلى الله عليه وسلم وكلا يؤخذ منه ويرد وانا علطول كده الحمد لله معنديش كبير يعنى اللى يغلط متبعش غلطه حتى اذا كان مين بس برضه زى ما قلت ناخد الكويس من كل واحد ومن كل داعية ونترك الخبيث واعتقد استاذ عمرو خالد بعد عن الفتاوى بس يعنى اتكلم فى كام فتوى قليلين كده بس هو بعيد بشكل كبير وبيقول انه مش عالم ومتكسفش من كده قال انا اقل من كده انا داعية بس وده بجد شجاعة كبيرة منه مش مفروض نبقى كلنا علماء لازم صحيح نعرف من الدين ما تصح به العبادة والفرائض والسنن وما لا يتم به الواجب فهو واجب بس اهم حاجة نعلم الناس ولو اية كما قال رسول الله وجزاك الله خيرا ويا ريت كل الناس زيك يا استاذ

BinO يقول...

أنا أخطأت
أنا أتراجع
أنا مصمم علي الخطأ
أنا أيه ؟
أنا تعليقي كان ينحصر في الصورة الخارجية اللي بيحاول يبثها في الدماغ
مبدئياً انا قرات مرة لواحد بوست كان بيبكي بعد ما أستاذ عمرو خالد عمل أعلان ال ART,
بعد كده أكتشفت أنه
المستشار الأعلامي للشبكة
المسألة مش مسألة هجوم بس علي الفاضي
انا سمعت شريط للدكتور سعيد عبد العظيم بيتكلم في القصة ديه وكان الكلام من فاه عالم
بعد كده جه موضوع الرياضة في الأسلام والكامب بين الولاد والبنات والأختلاط
وبعدين الأغاني وغيره
طريق مش طريقنا
طبعاً مش مهاجمة علي الفاضي
ومش أي حد ينقض علي الفاضي
بس القصة خطيرة
لما أساساً الدين بيتحاربر من أعداءه
وبيشككوا في مهد الدعوة وأصولها
يبقي لما الدين يتعرض بالطريقة دي
ايه اللي حيحصل بعد كده
أخي خالد نوايا استاذ عمرو خالد يعلمها الله وحده
وهدانا الله واياه أجمعين

الدفاع يقول...

السلام عليكم يا باشمهندس خالد اتمنى ان لايحدث هذا الموضوع حربا كلاميه كما اكد استاذنا عصفور المدينه انما انا لىّ تعليق على الموضوع ده لازم كلنا ندركه الاستاذ عمرو خالذ تحققت له شهره واسعه والتف حواله الملايين من العوام من الناس وهن عادة عاطفيين اى يحكمون بحبهم وكرههم وهذا من اخطر الامور اما الاستاذ عمرو فهو كمتكلم او محدث انصرفت نيته الى الدعوه او لم تنصرف فله منهج خاطئ ولبس مجرد خطأ فى كلام او غيره بل تعدى الام حتى رواية الاحاديث الموضوعه والمكذوبه الى انه يرسم خطا ومنهجا يريد العوام ان يلتزموه وهنا وجب على علماء الدين ان ينتقدوه ويشتعوا عليه حتى يضصرفوا عنه عوام الناس وهذا ليس بدعا من القول بل ان الامام مسلم فعله مع الامام البخارى ووصل الامر انه سطر تسنيعا عليه فى مقدمة صحيحه وقال ما معناه ان البخارى سيضيع السنه لتشدده فى قبول الاحاديث فى شرطه برغم ان مسلم من تلاميذ البخارى وقد قال له مره دعنى اقبل قدميك يا استاذ الاستاذين
راجع صحيح مسلم وترجمة البخارى فى كتاب البدايه والنهايه لابن كثير
لهذا فان العلماء مقبول منهم تشنيعهم على من مثل الاستاذ عمرو لعله يرجع او يراجع نفسه او ينصرف عنه العولم من الناس وشكرا لكم

david santos يقول...

Hello, may friend!
Thanks for you work and have a good day

My next work goes to be made in Arab. The heading is: Egipto, the mother of the World.

محمد عبد الغفار يقول...

والله شفت له حلقات كتير ، واخرج دوماً بنفس النتيجه

hamsa يقول...

متفقه معاك فى إن مش من حق اى حد ينصب مشنقة للرجل بدون حجه قوية
مش منطق اطلاقا اننا نسمع من غيرنا ونهاجم بناءا على السمع
عمرو خالد إنسان جميل
ناس كتير حبته
وحبت الدين من خلال كلامه الطيب
اللى بيوصل للقلب بسهوله
يستاهل منا التشجيع
والحب
والنصح من أهل العلم إذا أخطا
تحياتي

كراكيب عادل يقول...

ايه يا عم دة هو انت بتكتب كل يوم بوست اغيب شوية اجي القي حجات كتير فاتتني يالا ما علينا

رأي في الموضوع دة بدون جدال اهم شئ النتيجة

khaled يقول...

اخى ا.عصفور المدينة
ربنا يستر و ان شاء الله لا حرب كلامية و لا حاجة
كلامك صحيح بخصوص كلمة اتقتلون رجلا
لكن انا هاقلك ايه قصدى من كده فى اميل بالتفصيل ان شاء الله و ده مش هايخل اطلاقا بمجال مناقشة
اما بخصوص حتمية سماع شرائطه كلها فمش بالضرورة لكن علشان تكون صورة كاملة صحيحة عن هذا الرجل لازم على الاقل تكون سمعتله كذا حلقة يكونوا كافيين لتكوين هذه الصورة مثلما نفعل مع بعض
طب انت عرفت ازاى ميولى و اهتماماتى.؟
مش من متابعة مواضيعى و تعليقاتى
يعنى الصورة اللى عندك اتكونت ازاى؟ مش من كتر المتابعة؟
هذا ما اقصده اخى الحبيب
وفقنا الله و اياك

khaled يقول...

اه معلش نسيت
متشدد يعنى اللى الناس بيشدوا فيه لغاية ما ينقطع
:)

khaled يقول...

شادى فايد
اخشى ان يكون فيه ناس كده

khaled يقول...

امام الجيل
جزاك الله خيرا
و شكرا على كلامك الجميل
هكذا يكون المسلم الحقيقى يتبع الحق و يرد الغلط على الخاطئين مهما كانوا

khaled يقول...

بينو
امين
يا عزيزى و هل يقدح صفته مستشارا لهذه
الشبكة؟
انا اتحرى عن طبيعة عمله ثم احكم عليه
ثم انا لا اجرؤ على الخوض فى الامر الفقهى بخصوص حرمانية العمل بها لانه محتاج تفصيلات و رأى لاهل العلم مش مجالنا و ياريت لو وصلك اى رأى تقولهولى
جزاك الله خيرا
و موضوع الكامب و الاشياء الخاطئة لا اصححها ابدا و انا منها برئ اخى الكريم

khaled يقول...

مدونة الدفاع
و عليكم السلام و رحمة الله و بركاته
و انا اتمنى الا يحدث
:)
اذا كان النقض و التشنيع اطار الحق و من اهل الاختصاص فلا بأس لكن يا اخى الكريم انا ارفض تماما انها تكون لمجرد السب و فقط
و اذا سألك احد الاشخاص هل يسمع له ام لا فلك نصحه بالحق لكن المرفوض هو القول بغير علم و كثرة الاشاعات
يعنى ممكن بكرة ناس يطلعوا يقولوا عمرو خالد بيتاجر فى المخدرات او عمرو خالد مدمن للخمر و كل ده بالكدب زى ما طلعوا قبل كده انه اتحرش بواحدة فى الامارات
ارجوا ان تكون فهمتنى
شكرا للزيارة الكريمة

khaled يقول...

david santos
thank you for your new topic and i will visit u as soon as possible
welome

khaled يقول...

محمد عبد الغفار
المهم اللى انت شفت
;)

khaled يقول...

همسة
دى حاجة جميلة انه يستاهل النصح من اهل العلم و ده الاولى
شكرا لزيارتك الجميلة

khaled يقول...

عادل
معلش بقى رغى هانعمل ايه
:)
مش جدال و الله و ان شاء الله نشوف النتيجة
:)

عصفور المدينة يقول...

اسكت اما اضحكك واحدة في برنامج في قناة الرسالة امبارح
في برنامج تقدمه أ/منى
بتقول إيه إنها لا تعرف القلق وذلك لتوكلها الشديد على الله وفي ضمن كلامها قالت أما بكون في حضن ربنا وألجأ له
والله يا خالد سمعتها بأذني

إيمان الحسيني يقول...

بالرغم من مآخذي على عمرو خالد
لكن كل يوم بادعيله إن ربنا يجازيه كل خير لإنه كان السبب في التزامي

يكفيني إني أول مرة في حياتي بكيت من خشية الله وحبا في رسول الله كان بسبب عمرو خالد

أسأل الله لنا جميعا أن يُرينا الحق حقا ويرزقنا اتباعه
وأن يُرينا الباطل باطلا ويرزقنا اجتنابه
اللهم آمين

غير معرف يقول...

ذو النون المصري
انامعك في كلامك في الموضوعين السابق و الحالي
لان كل انسان يؤخذ منه و يرد الا الرسول صلي الله عليه و سلم
تحياتي

-_- يقول...

نفسي اعرف ليه في ناس بتكره عمرو خالد لمجرد الكراهية

والله انا بحب الراجل ده في الله

šσяšαяαα يقول...

ياريت يكون فى كتير زى عمرو خالد
ربنا يجزيه كل خير ويهدى كل اللى بيحاربو وواقفين ضده

šσяšαяαα يقول...

بالمناسبه ياجماعه انتو فين؟؟؟؟؟
المسابقة الأولى بدأت من اول الشهر والتصويت لمدة عشرة ايام
متتالية حتي مساء يوم العاشر من مايو

ياريت اللى مهتم بالموضوع ينشر عنه ولو بوست صغير
طالما كلنا متحمسين للفكرة يبقى لازم الكل يشارك..واللا ايييه

واااادى الرابط تانى
http://best-post.blogspot.com/

مستنيينكو

مسلم يقول...

السلام عليكم و رحمه الله و بركاته

بادئ ذي بدئ

أخي الحبيب عاده كل إنسان قد يرتب الكلام و ينظمه و قد تقرأ كلاماً تقول و الله فيه منطق و إعتدال

و لكن الحقيقه و كما قلت سابقاً أن إستخدام اللين في مواقف الحزم لا يكون هو عين العقل كما يقولون

ثم أن كثيرا من الشباب يقولون أن عمرو خالد كان سبباً في هدايتهم علي الرغم من أنهم و بعد فتره تحولوا عن دعوته إلي ما هو أعمق

و أنت قلت هذا الكلام و أوردت حديثا للإستشهاد به

أقول لك يا أخي أن الفضل لله يهدي من يشاء سبحانه و تعالي

أما عن الأسباب فليس معني أنه كان سببا في يوم من الأيام أنه علي صواب

و الشاهد موجود في حديث رسول الله صلي الله عليه و سلم

(إن الله لينصر هذا الدين بالرجل الفاجر و بأناس لا خلاق لهم) فليست العبره بإهتداء أناس علي يديه أو بسببه و لكن العبره بمنهجه و تقييم دعوته

ثم يا أخي أن تقول ما رأيكم في برامج الأستاذ عمرو

أنا أذكر لك علي سبيل المثال برنامجه الأخير

دعوه للتعايش...و ناهيك عن مقدمه و تتر البرنامج

فمحتواه حقاً و الله ضحل محض...فعلي الأقل لك أن تتابع ذكره الأئمه بأسمائهم المجرده و يقول شوفوا الشافعي بصو أبو حنيفه و نسي أن هؤلاء الأكابر هم من لا يدانيهم سلطان بسلطانه و لا ملوك الأرض بأملاكهم

و لك أن تنظر في المحتوي الذي لا يلبث أن يصبح محتوي فقهي فيرسخ الإعتقاد بين العوام أن لكل إمام فقهه الخاص و ان فقه الإمام مالد أيس من فقه الإمام كذا و هكذا

و نسي الأستاذ أن يتوخي الدقه في دين الله و في النقل عن الأئمه و يذكر أن الأئمه عاشو في بدايات عصور تدوين الأحاديث و أنهم أكدوا مرارا و تكرار علي قول واحد و هو أنه

إذا صح الحديث فهو مذهبي

و أن بعض الآراء الفقهيه في بعض المسائ و هي كثيره لا يكون فيها الخلاف سائغا بحيث يستطيع كل شخص أن يأخذ منها ما يريد

نسي الأستاذ عمرو خالد أن يستنبط العبر و الدروس من حياه الأئمه و يطبقها علي نفسه بدايه و ينتهي عنما قدمه من برامج شبيهه ببرنامج ستار أكاديمي و يخلط فيه الحابل بالنابل

نسي الأستاذ أن يقدم لنا قدوه حسنه بإتباع قول الأئمه الأربعه في مسأله المظهر الإسلامي و بالمناسبه الأئمه مجمعون علي وجوب إطلاق اللحيه مثلاً

فهل كل الفائده أن الأئمه كانوا أئمه تعايش

زيف الأستاذ عمرو خالد تاريخ الأئمه زورا و بهتانا عندما أكد في ثاني حلقات البرنامج أن الأئمه وصلوا إلي ما وصلو إليه لأنهم كانوا لا يصطدمون مع الحكام

فما هو موقف الإمام مالك من ذلك عندما كان يصلي في آخر عمره مسدلا يديه نتيجه لما أصابه من جور الحاكم

و أين الإمام أحمد الذي عذب من خليفه تلو خليفه تلو خليفه و هو ثابت علي موقفه لا يهادن و لا يجامل

كفانا دندنه بمصطلحات اللين و الرفق و الرحمه

و لنكن واضحين حازمين صارمين في ما يخص دين رب العالمين

الدين ليس لعبه في يد كل لاعب

أو هوايه يمارسها كل متطفل

الدين

دين متين

عذرا للإطاله

ثم عذرا إذا خالط كلامي نوع من نبره حماسه أن حميه

و لكنها حميه لدين رب العالمين

أحبكم في الله

هداني الله و إياكم

نسرين - أمة الله يقول...

السلام عليكم
والله انا مش عارفه فين المشكله
هو اساسا الراجل يتكلم فى ايه غلط
وبعدين كل شخص يسمع للشخص اللى بيحس انه بيرتاح لكلامه انا مش مهتمه قوى بان اسمعله بس ساعات بحس انى عايزه اسمع وخصوصا لما بتكلم عن السيره الذاتيه
وربنا يزيد المسلمين مؤمنين ويقوى شوكتهم

ammola يقول...

اولا السلام عليكم
بدايه اذا كان التشدد هو انى اغار على شرع ربنا فانا متشدده
يعنى لما ييجى الاستاذ عمرو خالد ويقرر لنا ان العادى ان البنات والولاد يختلطوا مع بعض تحت مسمى صناع الحياه وخاصه ان غالبيهتهم التزامهم مبنى على خطب حماسيه وغالبا معلوماتهم مستقاه من القصص اللى بيحكيها لهم مع ملاحظه ان برامجه لاتتضمن اى معلومات فقهيه فانا اعتقد انه سيسال امام الله عن ما يحدث فى هذه التجمعات وانا مش بافترى والله لكن بناء على تجربه حقيقيه لما رحت مره اقابل احداهن فى مقر-شقه صغيره-لصناع الحياه هنا بالاسكندريه وحسيت بشفقه شديده على الشباب دول اللى فهموهم ان الالتزام ظريف ولذيذ حتى ممكن تاخد صديقتك معاك.انا عارفه ان كلامى حيزعل البعض منى بس انا اصلى متشدده ومن جيل رباه الشيوخ ياسر برهامى وسعيد عبد العظيم ومحمد اسماعيل وعمرنا ما حسينا بنفور من خطابهم او اننا مش فاهمين اللى بيقولوه وعمرهم ما طبطبوا ولا قالوا بالراحه عليهم دول عيال متدلعه ومتكلفه وليهم-بعد ربنا - الفضل ان الواحد استمر لغايه دلوقتى علشان اتاسس صح
ليا سؤال يا ترى سياده المستشار الاعلامى لقنوات ايه ار تى هو اللى بيفتى بجواز عرض الاغانى والافلام

BinO يقول...

ياااه
أخيراً حد من أسكندرية
طبعاً أستاذة ـمولة لازم تتكلمي كده
جزاكي الله خيراً

Unknown يقول...

لا اقدر ان اقول سوى أن ربنا يجازى الاستاذ عمرو خالد عنى خير الجزاء لانه حببنى فى ربنا وفى سيدنا محمد عليه الصلاة والسلام وفى الإسلام وعلمنى ازاى اكون إجابية وأزاى احوال انى ابقى ناجحة فى الدينا وفى الاخرة

والاهم من ده كله انى لبست الحجاب بسببه بردو

ربنا يجازيك عنى خير الجزاء يا استاذ عمرو

ربنا يكرمك ويجعل مسواك الجنة مع الابرار والصالحين ويرزقك رفقة سيد الخلق عليه الصلاة والسلام

اللهم اميييييييين

رفقة عمر يقول...

السلام عليكم خالد
ملاحظه عدم تواجدك لعل المانع خير
ليه مش بترد على التعليقات
وليه مش فيه بوستات جديدة

بيتنا القديم يقول...

عزيزي خالد
...........
في قناة اوربت الفضائية سؤل الأستاذ عمرو خالد عن موقفه حيال ما تعتزم مجلة التايم إقامته من إحتفال بعدة شخصيات وردت اسماؤهم في الـ100 شخص الأكثر تأثيراً
سؤل عمرو هل من الممكن ان تقابلت مع ليفني وزيرة الخارجية الإسرائيلية هل ستبادلها المصافحة والترحيب
أجاب عمرو للأسف نعم مع إحتفاظي بقناعتي عن حقوق الشعب الفلسطيني
طب يا عم الداعية لما سيادتك تسلم علي الحاجة ليفني هل تعلم ان سيادتك بذلك تضر القضية الفلسطينية لأنك حينها لا تمثل نفسك بل ملايين من الشباب الذين فتنوا بك او علي اقل تقدير هداهم الله علي يديك
هذا فضلاً انه لا يجوز مصافحة الحريم بنص الحديث الكريم الذي اعتقد ان عمرو خالد سيؤله كالعادة بقوله ان النبي حينها كان يمازح الجالسين حوله
ولا حول ولا قوة الا بالله
والي الله المشتكي
تحياتي
ويجعلوبالنقد البناء دايماً عااااااامر

khaled يقول...

ا عصفور
شر البلية ما يضحك
انا قعدت اضحك ع الكلام ده بالرغم من انه بلوى كبرى

khaled يقول...

طعمة
امين يا رب
انا من رأيى ان الاولى فعلا هو الدعاء بالهداية

khaled يقول...

ذو النون
شكرا لك
و هو ده المنهج الصحيح ان العصمة للانبياء فقط اما كل انسان مهما وصل بدرجة علمه فهو معرض للخطأ

khaled يقول...

شارم
مش مسألة الكراهية
المسألة انها نقد لمنهجه و اخطائه و يمكنك متابعة التعليقات خصوصا احزب المعارضة المتمثل فى
ا عصفور المدينة
ا بينو
ا مسلم
و غيرهم
:)

khaled يقول...

صرصارة
طب ما ينفعش ندعيله بالهداية هو كمان؟
:)
ربنا يهدينا جميعا
بس العاطفة وحدها لا تنفع
لكن احنا عايزين رأى موضوعى مش مجرد الحماس و العاطفة
و معلش ع التأخير كان غصب عنى و ان شاء الله نلحق اللى جاى

khaled يقول...

مسلم
معلش هأجل التعليق بعد ما اعلق على باقى المدونين
سامحنى

khaled يقول...

نسرين امة الله
و عليكم السلام و رحمة الله و بركاته
امين يارب
بس الحكاية مش مجرد راحة للى نشوفله
لأ
الحكاية حكاية ان الراجل ده صح و الا غلط؟
هى دى القضية و علشان كده بنعلق هنا
و فعلا الراجل أخطأ فى حاجات مش معنى ان ندافع عنه يبقى ننسى اخطاؤه او حتى نتجاهلها
وفقك الله

khaled يقول...

امولة
و عليكم السلام و رحمة الله و بركاته
اثلجتى صدرى بكلامك عن التدين و عن منهجك اختى الكريمة
انا مش باغفل اخطاء عمرو خالد و برنامج صناع الحياة انا ماشفتهوش و جزاك الله خيرا على توضيحك و حكايتك لتجربة شخصية
عندك حق فى كلامك كله و لا املك حق الاعتراض
اذا صدر هذا الفعل منه فهو لا شك مخطئ و لا املك ان ابرئه
و انا كلامى عنه مش مجرد الحماس له و التعاطف على حساب الدين
لا و الله انا مع الحق اينما كان
لكن انا كنت عاوز مناقشة هادئة قائمة على الادلة مش مجرد السماع و ترديد الكلام و خلاص
جزاك الله خيرا
و هنيئا لك بمنهجك
وفقك الله

khaled يقول...

بينو
اخيرا؟
ليه هو مافيش حد من الاسكندرية بيدون و الا ايه؟
لكن انا فرحت بيها و بزيارتها
ربنا يكرمك

khaled يقول...

انسانة
اللهم امين
بالرغم من اخطائه الا انه مسلم و سعى كثيرا و يستحق الدعاء له
شكرا لك

khaled يقول...

Té la mà Maria
sorry ican't understand one of ur words becouse i'm not speaking frensh but i'll try to translate it
thank u

khaled يقول...

رفقة عمر
و عليكم السلام ورحمة الله و بركاته
شكرا كتير قوى على سؤالك عنى انا الحمد لله بخير و اهه البوست الجديد نزل لكنها كانت انشغال فى العمل و فى تظبيط الكمبيوتر بتاعى
:)
جزاك الله خيرا

khaled يقول...

سمسم
يجعله بالنقد البناء دايما عامر
ان شاء الله
انا قريت بعض الكلام ده و ان كان مش هو بعينه فى جريدة المصرى اليوم
صدقنى اخى الكريم لا ادافع عن اخطائه و لكن ما اردته هو النقد البناء زى ما قلت انت بالظبط
موضوعية و بس
لكن عند الاخطاء لا يمكن التجاهل
و انا برئ مما ادعى
جزاك الله خيرا

khaled يقول...

المسلم
و عليكم السلام و رحمة الله و بركاته
اخى الكريم
اشكر لك حرصك على الحق و على الدفاع عن المنهج الصحيح و التصدى لمن خالفه
تعليقك بيفرحنى لانى باتعلم منه و مناقشتى معاك باخرج منها بالجديد دايما
اما الكلام المعسول و ترتيب الكلام و التحدث بالمنطق و حتى لو كان صاحبه على باطل فهو للأسف يغرر بناس كتير و للاسف ان معظم الناس ما بيتحققوش فى اللى بيقروه او اللى بيسمعوه
و ادعو الله لكل المسلمين بالهداية و حسن تقدير الامور و انا معاك ان حاجة زى دى مش من العقل
و مش معنى اعترافى لاى شخص بانه سبب فى هدايتى انه على صواب و انا ماقلتش كده لا انا قلت انى ما ابخسوش حقه مع نقده و نصحه و الدعاء له بالهداية
هو ده اللى انا اقصده مش اقصد انى منحازله على طول الخط
وموضوع انه فى البرنامج بيتكلم عن الائمة باسمائهم مجردة فده مش معناه الاستهزاء لكن هاسألك سؤال
هو لما الشيخ محمد حسان او الشيخ محمد يعقوب يتكلموا عن الائمة باسمائهم المجردة كنت هاتهاجمهم و ترد عليهم و الا بس تحمس ليهم على طول الخط؟
اخى الكريم ارجو ان تجيبنى بمنتهى الامانة على سؤالى هذا
هل انت ذكرت هذا الخطأ لمجرد تحاملك عليه و ان اتى به غيره ممن تثق فيهم فلا بأس؟
انا مش باقول ان كلامك كله كده لا و الله انا بس قصدت النقطة دى بالتحديد و ارجو الا تعممها على بقية الكلام

مسلم يقول...

أقسم بالله العظيم رب العرش الكريم أني لا أتحامل علي شخصه

و لكن يا أخي تأمل في البرنامج أنا ذكرت لك أقل الأخطاء و لم أقل لك أن هذا هو كل الأخطاء ده ديه أبسط حاجه و أقل حاجه

الشيوخ اللي أنت ذكرتهم لو أحدهم ذكر إسم إمام من الأئمه بإسمه مجردا هيكون مره أو اتنين علي سبيل السهو أو تبسيط الحديث

لكن انت تابع برنامج الأستاذ عمرو و الله إن النقطه ديه هتلفت إنتباهك فعلاً

لأنه فعلا بيتكلم بأسلوب ليس فيه هذا التقدير لهم

و القاعده تقول أن السياق من المقيدات

فقد أتكلم أنا بدون ذكر ألقاب لكن تعبيراتي و أسلوبي يوحي لك بالإحترام و التقدير

و قد أذكر ألقاب كل شخص و لكن أسلوبي و سياق كلامي لا يوحي بأي إحترام

و للأسف الأستاذ عمرو خالد لا السياق راعاه و لا الألقاب ذكرها

و لا حول و لا قوه إلا بالله

khaled يقول...

اخى المسلم
صدقت
و لكن اخى ممكن تكون وجهة نظر
يعنى انت ممكن تكون شايف اللى انا مش شايفه او العكس
و ان شاء الله اشوف الحلقات تانى يمكن يوصلنى وجهة نظرك
جزاك الله خيرا
احبك فى الله

Maha يقول...

سبحان الله

قلتها قبلا .. وجاءت تدوينتاك لتؤكدان ما قلت

أرجو أن تلقي نظرة على هاتين التدوينتين

عمرو خالد كيف ولمن نستمع

تحديث لتدوينة سابقة

khaled يقول...

مها
ان شاء الله هاطلع عليها
شكرا لك

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro