قبل ما ارد ع التعليقات ع الموضوع اللى فات حبيت اوضح شوية حاجات كدة ع الماشى
انا ما بقلش انى ما باسمعش غير عمرو خالد انا باسمع و باتعلم من ناس كتير و مش باقول عمرو خالد قال عمرو خالد عمل و اتحجج بيه انا ليا الصح من قرآن و سنة و اللى هايخالفهم هاضرب بكلامه الحيطة مهما كان هذا الانسان
قلت فى البوست ان العلماء يخطئون فما بالك بمن دونهم ماكانش قصدى انى اعتبر عمرو خالد منهم انا اعتبرته بمن دونهم
احب اوضح حاجة
ان حلقات عمرو خالد و غيره من الدعاة ان قبلتم انه منهم لا تعدوا مجرد تذكرة و تهذيب للقلوب و ليس لتعلم احكام الدين او اخذ الفتاوى و لا يحق لهم مهما كانوا ان يتصدروا للفتوى بأى وجه الا بعد اخذ الاجازة المؤهلة لذلك و هذا ينطبق على باقى فروع الدين
احب اقول ان الفضل بعد الله سبحانه و تعالى فى موضوع التزامى الدينى و رجوعى هو عمرو خالد مش معنى انه بيغلط يبقى ابخسه حقه
قال رسول الله صلى الله عليه و سلم
لأن يهدي الله رجلا بك ، خير لك من أن يكون لك حمر النعم
حديث صحيح فى صحيح الجامع برقم 3009
لأن يهدي الله رجلا بك ، خير لك من أن يكون لك حمر النعم
حديث صحيح فى صحيح الجامع برقم 3009
سؤال للمتشددين الرجعيين المتزمتين امثالى لان انا زيهم
هل تابعتم حلقاته و سمعتم سلاسله و فندتم اقواله؟ ام انكم تنقلون اخبارا عن غيركم؟ ام انكم انتقدتم افعال رأيتموها مصادفة و لم تتابعوها؟
سؤال اخر
هل ترون انه رجل سوء للدرجة التى ليس له اى حجة او حتى مجهود يشكر عليه؟
