ترجمة مواقع الإنترنت

الخميس، مايو 31، 2007

حاجة تغيظ

فيه حاجات كتير بتغيظك صح؟
زى ايه؟
زى مثلا لما تكون بتاكل اكلة حلوة و فجأة تحس ان فيه حاجة فى بقك لفة حوالين سنانك و بعدها جسمك يقشعر و تمد ايدك بسرعة تمسك الحاجة دى و تلاقيها شعرة وسط الاكل
احساسك ايه ساعتها؟
جسمك قشعر صح؟
يع
لما تكون متشيك و رايح مقابلة مهمة و يا دوب تلحق معادك و فجأة تيجى عربية سريعة من جنبك تترطش علي هدومك شوية طينة مين الشارع هتعمل ايه؟
او تتزحلق بسبب الطين اللى مالى الشوارع
مجارى طافحة
ماسورة مية مكسورة
او واحد راشش بذمة شوية قدام دكانه او قهوته قال يعنى ناقصة
و الا لما تكون ماشى و لابس هدوم العيد اللى انت لسة جايبها و دافع فيها فلوس كتير يجى عيل راكب عجلة يروح قاطعلك البنطلون و الا ينتشلك الجاكتة و يبصلك بكل برود و يمشى
و لو نفدت من العربية و قدرت تلحق هدومك من الواد ده و تكون معدى تحت بلكونة فى نفس اللحظة اللى واحدة ست بترمى مية الغسيل منها والا واحد واقف فى البلكونة و كان لسة مخلص قروصة سجاير و صدره مليان بلغم و بيتف
ممكن طبعا تلحق نفسك و تجرى من تحت البلكونة و تتلزق فى الحيطة علشان ماتجيش عليك حاجة و بترمى بعنيك كده لقيت يافطة مكتوب عليها بخط مش باين احترس من البوية
او و انت بتسند على الحيطة لزقت فى ايدك حاجة لزجة و بتبص لقيتها كميه كبيرة من مخلفات مناخير واحد عنده زكام
ولو انت عندك قوة ملاحظة و سرعة استجابة خرافية فى اللحظة اللى انت بتجرى من تحت البلكونة و تقفز بسرعة مدهشة و لمحت البوية و بواقى المناخير ع الحيطة فتميل جانبا ثم تدور دورة افقية بجسدك و تركل الحائط بقدميك و تدور حول نفسك بمهارة مذهلة يحسدك عليها ابطال الاوليمبياد و كل هذا يحدث فى اقل من الثانية و تطأ قدمك على الارض و ............ و يتزحلق رجل المستحيل و يقع على ضهره و لما يقوم يشوف ايه اللى زحلقه يكتشف ان رجله جت على حاجة مكلكعة لونها بنى فى الغالب ذات رائحة نفاذة كان صاحبها لسة واكل كرشة و محلى بشربة كوارع
هتلحق نفسك بطريقة شيطانية من كل الحاجات دى و تجرى بعزم ما فيك علشان تخرج من الشارع المنيل ده و خرجت فعلا لقيت الدنيا ضلمت فجأة و الدنيا اتملت ريحة مألوفة عارفها كل واحد فى مصر كويس قوى
الريحة هى ريحة المجارى اللى احنا متعودين عليها!!!!! و ده معناه ايه ده؟
معناه ايه؟ انت لسة ما استوعبتش؟
انت وقعت فى بلاعة مجارى هو انت مش من مصر و الا ايه؟
بس هنفترض انك برضه سريع البديهة و قبل ما تبلعك المجارى زى ما بلعت غيرك قدرت تتشعبط فى حلق البلاعة و تطلع و الحمد لله بدون خساير هى بس كل الحكاية ان ريحة البارفان اتغيرت شوية و لون هدومك اتغير شويتين بس الحمد لله جت سليمة
وانت بالمنظر ده ماشى مبلول ( مش من البلاعة من الخضة) حسيت ان فيه حد مسك فيك و من مسكته اكيد قلت انه صديق قديم وحشته عايز يخدك بالحضن
احب اقلك ان الاحساس ده مش هيدوم اكتر من ثانية لأن اللى مسكك مش بنى ادم ده سلك عريان سلك كهربه عريان
فيه فى البلد بن جميل قوى بينفع فى الحالات اللى زى كده
مش ليك
ده لناس لابسين اسود بس
استنى شوية ده لحسن حظك ان الكهربه قاطعة من المنطقة انت متعرفش و الا ايه؟ ما هى كل يوم بتقطع فى بيتكو اشمعنى ده يعنى
خرجت من الشارع ده و ..... برضه لقيت واحد مسكك من ورا
ايوة المرة دى مش هنخدع دة مش واحد صاحبى عايز ياخدنى بالحضن ده اكيد سلك تانى عريان زى الاولانى و المرة دى فيه كهربا لانى سامع صوت التسجيل فى القهوة
هوه فعلا مش واحد صاحبك وحشته و لا حتى بنى آدم المرة دى طلع كلب
ايوة كلب
كلب سعران هبرك من ورة و طلعت تجرى بس هتروح فين دى دماغه زى الجزمة مش هايسيبك مش كفاية حتة البنطلون اللى فى بقه
بس الحمد لله انت سريع فى الجرى و الكلب اصلا جربان ومش لاقى ياكل مش هيقدر يحصلك
بس هتعمل ايه يا حلو فى جيش الكلاب اللى جاى من اول الشارع يجرى ناحيتك وفى مقابلتك على طول
يا عم ايه اللى نزلك اصلا ما كنت تقعد فى بيتك بدل ما تتبهدل كده
يا سلام الحمد لله البيت اهه هطلع جرى اخد دش
اى
ايه ده
دى السلمة المكسورة فى بيتكو مش عارفها؟
خد بالك
طلعت و دخلت و دخلت الحمام و قلعت هدوك و حطيت الصابون على وشك و جسمك و خلاص هتستحمى و تخلص من كل البلاوى اللى انا وقعتك فيها من اول الموضوع و انت بتفتح الدش ......ايه ده ده مفيش مية
ايوة ما هى المية قاطعة انت مش عارف انها بتقطع كل يوم؟
طب و العمل ؟ قول لامك تسخنلك مية على البوتاجاز علشان الدنيا برد
و
ماما سخنيلمى مية
الانبوبة فاضية و بتاع الانابيب لسة مجاش
و الحل
استنى شوية فيه واحد جاى اهه فى اول الشارع هنندهله
ندهته الست و طلع لغاية فوق و بتديله الخمسة جنيه قلها ايه ده يا ست الانابيب غليت بقت بعشرة جنيه؟
بعشرة جنيه ليه؟ هى لحمة؟ هى خمسة جنيه مفيش غيرها
يفتح الله يا ست فيه ناس كتير هتخودها
يللا امشى غور جاتكه البلاوى
يا ماما
ما انت سامع بنفسك ازاى اديله عشرة جنيه استحمى بمية ساقعة بقى
------------------------------------------------
بمبى بمبى بمبى بمبى
الحياة بقى لونها بمبى

هناك 66 تعليقًا:

عصفور المدينة يقول...

كأن انت كنت هناك من يومها ؟
أنا مش باتغاظ من الشعر في الأكل على فكرة خالص ده شيء طبيعي عندنا أغلبية نسائية

ذو النون المصري يقول...

الشعر في الاكل ممكن يسبب لي قيء فوري خصوصا اذا كانت الشعره وصلت للحلق
هنا يبقي المشكله اسودت
عموما علشان تفلت من كل ده يبقي تطلع بره مصر او تنام
تحياتي

كلام لوجيك يقول...

السلام عليكم
كل ده كاتمه فى قلبك يا بشمهندس؟
بس تصدق.. كلامك كله صح
احنا عايشين حياتنا فى مصر فى جهاد دائم
دائما نتفادي تلك الاشياء التى تكلمت عنها
نحاول دائما ان نخرج فى نهاية كل يوم دون خسائر صحية او نفسية او او او
وهذا ان دل فهو يدل على مدي التدهور الحياتى للشخصية المصرية ومدي براعة الحكومة فى جعل المواطن على هذه الشاكلة
فى نهاية كلامى حمدلله على سلامتك وحاول ان تنظر الى نصف الكوب المملوء..... هذا ان وجدت الكوب اصلا

تحياتى

عاشقة الوطن يقول...

خالد
على فكرة انا ماقرتش البوست كله
كفاية عليا الجزء اللى قريته

ايه يابنى البوست الغريب ده
يعنى تغيب تغيب وتكتب بوست زى ده

مالها الحياة بس ماهى ماشية اهه
سيبك من الحاجات ديه ياراجل وبص لحاجة تانية

انا عارفة اللى انت بتقول عليه كتير
والبلد ماشاء الله عليها مليانة بس يعنى أفتكر حاجة عدله

ماعلينا
انا حبيت أصبح عليك
وبقالنا كتير مش شوفنا عندك بوستات جديدة ومختفى كده
قلت أجى أشوفك أحسن تكون طفشت ولا حاجة
ولا بعد الشر يعنى تكون ناوى تسيب التدوين
كل مااجى المدونة الاقي نفس البوست اللى فات اللى متغيرش غير بعد شهر تقريبا

ماعلينا
المهم انك بخير
الحمدلله

يالا بقي هامشي انا
سلااااااام

لحظة يقول...

معقولة يا بشمهندس
تغيب تغيب وترجع تكتب يومياتنا
بس انت لسه ما اتكلمتش عن الميكروباص اللي باركبه وبيقعد الناس فوق بعض والسواق اللي ماشي يشتمنا واحنا راكبين معاه والكاسيت اللي بيخرم طبلة ودننا وهو بيقول دقيقة حداد
ولما بينزلنا قبل اخر الخط عشان مالوش مزاج يكمل
ولما نوصل الشغل ونلاقي البلوي اللي زمايلنا حطونا فيها من وراء نقل الكلام وتحويرة وروايته في غير محله
هم مش بيتبلوا علينا لا سمح الله
دول بس مستنيين كلمة يعملولها مونتاج ويرجعوا يحكوها في الوقت المناسب وبرؤيتهم الشخصية
والا لما نروح السوق .. اكمل
لا
عمار يا مصر

ma 3lina يقول...

أنت ما كملتش ليه ؟؟

كمل كمل .. أنت كل دا لسه ما وصلتش للشغل مثلا .. والمدير اللي فاكر نفسه اقوى إداري في العالم والكمبيوتر اللي بيهنج كل شوية والنت اللي بيفصل أكتر ما بيبقى موجود .. والعملاء اللي دايماً على حق وزميلي بتاع الأسافين

كمل كمل .. يا هندسة

اعااااااااااااا

عاشقة الوطن يقول...

خالد انا لحظت حاجة كده انت البروفيل بتاعك كان فيه سنك 30 لاقيته كده النهاردة 31
انت كان عيد ميلادك امتى؟؟؟؟

كده تتم 31 من غير ماتقولنا

طيب ياعم كل سنة وانت طيب يااااااااااارب دايما

وعيد ميلاد سعيد
وعمر مديد

والسنة الجاية بقي تبقي تعملنا حفلة كبييييييييرة اوى
مفهوم

يالا سلاااااام بقي

Unknown يقول...

يعععععععععععععععععع

حرام عليك كنت هرجع

الله يسامحك بقا

ويصبرنا على البلد دى واللى بنشوفه منها

رفقة عمر يقول...

نفسى اعرف ايه اللى جابك الشارع دة يعنى مافيش غيره تمشى فيه الله يكون فى عونك ربنا يكرمك يا خالد انا ضحكت من قلبى لدرجه انهم دخلوا عليا يشوفوا فيه ايه
حمد لله على السلامه ومش تغيب تانى

أمــانــى يقول...

ههههههههههههههه
يبــقى أكــــيد أنت فى مصر ده العادى دى الانجازات الكبارى والمجارى والطرق ايه الناس دى اللى مش بتحسن النعمة هههههههههههههه
ده كلامهم مش كلامى
لان الكهربة عندنا دايما قاطعة ربنا يجعل كلامى خفيف عليه
:D

kaed يقول...

خالد
شعر فى الاكل يعععععععععععععععع
ياراجل حرام عليك
بس مش مهم أهة الواحد يتعظ من اللى بيحصل فى الناس

بيتنا القديم يقول...

عزيزي خالد
................
كم انت متفائل يا سيدي !

تحياتي

ويجعلو عاااااااااااااااااااامر

نسرين - أمة الله يقول...

السلام عليكم
حمدلله على السلامه انا عرفت دلوقتى انت كنت متأخر ليه اكيد كنت مستنى الميه تيجى عشان الصابون اللى على عنيك
حرام عليك ارحم معدتنا شويه ايه قصيده اليععععععععع اللى انت كاتبها ديه طيب ما فى برضه كورنيش ومنظر نيل وحاجات كويسه
بس اقولك ايه عودا احمد

She Python يقول...

yes... ;)

يا مراكبي يقول...

ههههههه

البوست كله يغيظ من أوله لآخره .. أنا ما صدقتش إن المشاكل خلصت في الآخر .. لو جت على المياة الساقعة يبقى كويس قوي

ربنا يسامحك كنت لسه هآكل ساندويتش .. خده إنت بقى .. مش عايزه خلاص

sally يقول...

مفيش شك انك كده في مصرنا الحبيبه
بس المفروض انك خلاص اتعودت

semsem يقول...

مفيش حد بيحصلو كل الحاجات دى مرة واحده
متهيالى انت
منحوس منحوس منحوس
يا ولدى

مشروع انسان يقول...

ايه البوست اللى يوجع البطن ده الموضوع ده الواحد يقراه وهو حاطط ايده على مناخيره بس تعرف بجد ساعات الواحد بيحصله المواقف دى تباعا ساعة اما ربنا يبقى غضبان عليه ساعتها مبحبش انزل الشارع اصلا بس البلاوى بتجيلى الحمد لله فى مكانى سرير يقع كرسى يتخلع نور يقطع يعنى اى حاجة من ابداعاتك دى انت مخلتش

غير معرف يقول...

لا ولا حاجة من دول بتخنقني والحاجات دي مش قاسية عالية قد ما بتخنق اوووي وببقا عايز اولع في نفسي لما اسمع كلمة الحياة بقا لونها بمبي الي ختمت بيها يا سيدي زي برامج التلفزيون وتصريحات والوزراء بحس اني في عالم تاني يلا يا عم مش مهم

-_- يقول...

خالد عايزك تروح لمدونة ذو النون تقوله اني مش عارف ادخل مدونته او اعلق عنده عشان في كود جافا عنده و عندي مشكلة مع الصفح اللى فيها جافا بيقفل الاكسبلولير على طول

الكلام نوعان :كلام فارغ وكلام مليان كلام فارغ يقول...

بصراحه يا خالد حاجه تغييييييييييييييظ
انا اتغاظت
بس هانعمل ايه
اضحك
كل اما تشوف حاجه من دي
اضحك
عشان تعدى كل ده
اضحك
لحد اما تموت من الضحك
بيتهيالى الموته ديس احلى من ان الواحد يموت من الغيظ
وفي الحالتين
اهو انت ميت ميت
سلامي

غير معرف يقول...

habibi... I will do my best... i promice... ;)

She Python يقول...

i'm 50% better... ;)

gohayna يقول...

عارف ن سيء الي اسوء

طريق وماشين فيه لاخره ولازم نقع يا سيدي

ملل وحاجه تغيظ بجد والله

انا عن نفسي ممكن ماكلش لمده اسبوع بسبب الحركه دي

هو دا الي ناقص علشان نكمل المنظومه بقي

تحياتي يا سيدي

خمسة فضفضة يقول...

السلام عليكم ورحمة الله وبركاته

حاجه تقرف اكتر ما تغيظ

ايه دا يا خالد دا انا كنت خلاص هارجع

ازاي قدرت تكتب كل ده ، هُنا عليك تعمل فينا كل دا ، ماكلنا عارفين الحاجات دي ومطنشينها علشان ما نطقش من الغيظ
تقوم حضرتك تواجهنا كده بكل بساطه بالحقيقه المُره دي ، طب كنت خالينا عاملين مش واخدين بالنا

منة الله يقول...

خالد

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

اعشق فى الليل ضوء القمر يقول...

الصراحه شىء يفرس مش عارف بتتكلم عن مين؟
تقريبا أنت بتكلم عن شوارع مصر وعشوائيتها
صح
هه
صح
مش كده
وكأنك مش عايش معانا
ليه بتفكرنا ليه

She Python يقول...

newssssssssssssss!!!!!!!!!!!!!

خليك فى البيت يقول...

ندعوكم لزيارة مدونة خليك فى البيت والمشاركة فى الحمله

خليك فى البيت يقول...

ندعوكم لزيارة مدونة خليك فى البيت والمشاركة فى الحملة

غير معرف يقول...

ياه ايه ده كله انا بجد اتقرفت خالص ومعتش هخرج من بيتنا
مش معقول فيه واحد سعيد الحظ اوى كده يحصل له كل ده مره واحدة ربنا يستر علينا
وميرسى على وجع المعدة اللى انت جبتهولى

غير معرف يقول...

يعععععععععععععع
ايه وجع البطن ده
بس فى حاجه اعتقد ان مش كل المصريين عرفين ريحه المجارى والبلاعات
طبعا انت فهمنى
بس بجد موضوع جامد اوى
ومقرف اوى

ذو النون المصري يقول...

ايه يا استاذ خالد؟ انت فين؟ كان فيه بوست قبل ده موجود بقالي كام يوم منتظره علشان اعلق عليه و فاهم ان فيه عطل في المدونه لكن الظاهر انك لغيته
طمنا عليك و متغيبش كتير كده
تحياتي

She Python يقول...

!!!!!!!!!!!!!

نفسنا يقول...

ندعوكم لمشاهدة العدد الثانى من مجلة نفسنا

نفسنا يقول...

ندعوكم لمشاهدة العدد الثانى من مجلة نفسنا

She Python يقول...

bibti...

غير معرف يقول...

ايه ده؟!!!
كل ده حصل فى نفس الوقت

بيفكرني بكل الافلام الاجنبية
اللي فيها الطفل الصغير
بيعمل مقالب في الحرامية اللي بيجروا وراه

مين قال ان الحياة لونها بمبي
الحياة لونها فحلقي مش بمبي

سلاماتى

ammola يقول...

الى خالد عبد الحليم القاطن بمدونة حواديت
انت رحت فين؟؟؟

She Python يقول...

tão diferente...

فن الحياة يقول...

:) :) :)
هي بصراحة حاجه تغيظ .. بس هاتعمل ئيه لازم تمسك نفسك علشان الضغط والسكر والقلب .. وتبدأ تتغاظ من الدكاترة :D

كلام لوجيك يقول...

اين انت يا صديقى؟
طال الانتظار
ارجو ان نطمئن عليك قريبا
دمت بكل خير

She Python يقول...

... bad news...

She Python يقول...

saudades

david santos يقول...

My great friend, Khaled
I come to desire to you that your life is the best one that to desire.
I go for the Coast of Ivory to help to the abandoned children and victims of the war.
In October if everything to run as I wait I will be in return to my Blogue.

Until always

David Santos

david santos يقول...

In the commentaries of my farewell I have your works in number l, 31 and 32, always I considered you a great man and a great friend inside of the Blogues and spread your name for the whole world

Until always

David Santos

She Python يقول...

bibiiiiiiiiiiiiii

BinO يقول...

السلام عليكم
خالود
أنت فين؟
يارب تكون بخير
بقي الغربة تعمل فيك كده

~ Bato0ot ~ يقول...

msh adra a2olak lama bakol w teegy sh3ra fe bo2y by7saly eh ... mbkolsh 3 days b3daha

She Python يقول...

:(

Shreef يقول...

يخرب بيت كده بعد المثل ده امنت بالنثل اللي بيقول من خرج من داره اتقل مقداره و اتضرب بالجزمة علشان يحرم يخرج تاني..انت ايه بس اللي يدخلك في السكك ديه..احييك على البوست اللي ممتلئ بمغامرات المواطن المصري المطحون..سلام

david santos يقول...

Hello, Khaled, my friend! This day 8 I go for Africa, Costa do Marfim, Guiné-Bissau, Senegal and Gâmbia. I go I stop next to abandoned children. When I to arrive, in October, go to visit you. I take you in my heart.
Until always

David Santos

كراكيب عادل يقول...

يبني قول حاجة فينك طمنا عليك

لا موجود هنا ولا علي المسنجر

هو مفيش نت في السعودية ولا اية

؟؟؟؟؟؟؟؟؟؟؟؟؟؟؟؟؟؟؟

She Python يقول...

beijos bibi!!!!!!!!!

الراقـــص مع الذئـــــاب يقول...

السلام عليكم
حرام عليك يا خالد عذبتني في الموضوع دا
هو كل ضرب ضرب مفيش شتيمة
بس دمه خفيف
تحياتي لك اخي الكريم

عمر عاشق القرآن يقول...

ايه يا عم القصة الفظيعة دى ؟؟

ده انت مخلتش حاجة !!

_________
انا اول مرة اجى هنا
بس هاجى كتييييير

david santos يقول...

Khaled, please!
How are you?
I hope all good, my friend.
Until always

غير معرف يقول...

يا جماعه اول ما يجى خالد
يبقى حد يصحينى

غير معرف يقول...

أنا جاية بس اسلم

shorouk said شروق سعيد يقول...

تعليقاً على آخر كلمة في البلوج
يا أخي إنت كدة بتظلم الحياة لما تقول إن لونها بمبي فقط
لإن الحياة لونها بمبي و مسخسخ كمان
شفت بئي إنت ظالمها إزاى

غير معرف يقول...

احببت اسلوبك لازم تجرب تكتب سناريو مره بجد لازم

koukawy يقول...

هههههههههههههههههههههههههههههه
انا كنت كاتبه زمان بوست شبه كده
بس مش حلو كده

السينيور يقول...

يا عم حرام عليك

انت كنت هتخليني ارجع ومكنتش عايز اكمل

بس الصراحة اسلوبك الحلو وفضولي اجبرنى انى اكمل البوست للاخر

بص هقولك كلمه واحدة

عندك حق والله

تحياتى

غير معرف يقول...

تاه بي الطريق وبعدت المسافات ولما عدت
وجدتك تزداد نور وتالق
دام قلمك
كون بخير

افروديت يقول...

b hgi hgh hggi

Unknown يقول...

افضل شركة تصميم برامج محاسبة

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro