ترجمة مواقع الإنترنت

الأربعاء، مايو 09، 2007

حاجة ببلاش كده



قعدت افكر ازاى اخلص من الويندوز؟
ازاى اخلص من مايكروسوفت و من كل برامجها؟
طيب و شغلى و ملفاتى؟
ملفات وورد و اكسل؟
ملفات صور و صوتيات؟
فيديوهات؟
ملفات اوتوكاد - تصميمات معمارية؟
فيه بديل لدول
Internet Explorer
Media Player
Word
Excel
Power Point
Access
طيب فيه بديل للويندوز نفسه؟
ايوة فيه بديل
اللينوكس
linux
اللينوكس نظام تشغيل يشبه الى حد كبير نظام الويندوز الا ان اللينوكس نظام مجانى تماما و مفتوح المصدر اى ان كل مبرمج يريد التطوير فيه فلديه الحق كاملا فى الاطلاع على مصدره و التعديل عليه
اذ ان حقوق الملكية لهذا النظام ليست حكر على احد عكس الويندوز الذى يملك حقوق ملكيته شركة مايكروسوفت و هى الوحيدة التى لها الحق فى التطوير و التعديل عليه و لكى تستطيع استخدام نظام الويندوز يجب عليك شراء ترخيص من الشركة المالكة و الذى يصل احيانا الى 100 دولار امريكى او ما يعادل 500 جنيها مصريا
طب ليه تدفع اصلا لما ممكن تشتغل ببلاش
طيب و ملفاتى؟
جميع الملفات المذكورة اعلاه تستطيع فتحها على نظام لينوكس بكل سهولة و بدون اى خطأ
كما ان الشركات صاحبة البرامج الجاهزة اتجهت فى الاونة الاخيرة لطرح برامجها التى تعمل على اللينوكس
و ليه اصلا عايز تخلص من مايكروسوفت و الويندوز بتاعها؟
اولا ان مايكروسوفت ويندوز بها عيوب كتيرة تبدأ من رسائل الخطأ اللى بتطلع بدون مناسبة
ثانيا ان معظم الفيروسات موجهة لنظام ويندوز يعنى من النادر جدا تلاقى فيروس على اللينوكس
ثالثا معدل الاستقرار و الامان فى نظام لينوكس اكبر من نظام ويندوز
رابعا انه شرعا و قانونا لا يحق لك نسخ البرامج المملوكة الا باذن صاحبها و طبعا اذنه يعنى هاتدفع
و للمزيد عن اخطاء مايكروسوفت و ليه انا عايز اخلص منها اضغط هنا
يتبع

هناك 27 تعليقًا:

عصفور المدينة يقول...

جزاك الله خيرا
أنا أكره ميكروسوفت لأني أكره العولمة
المشكلة الكبيرة في مجالنا إنه أحيانا بل دائما أنت محكوم بالعميل
كثير من عملاءنا يشرط أكثر من البيئة يشرط الأدوات المستخدمة يعني اللغة وقواعد البيانات الخ
وميكروسوفت نجحت في هذا المضمار عن طريق انتشار شهداتها والحاصلين عليه والتنسيق مع الجهات الرسمية والمنح وهكذا

ذو النون المصري يقول...

انت اخترعت علامات ترقيم جديده
تعرف فعلا كلامك صح
اي و الله فعلا
الكمبيوتر هيجي يوم و يلغي علامات الترقيم
ممكن
ليه لا؟

ذو النون المصري يقول...

صراحه لا اعرف الفرق بين الاتنين
لكن ازاي نغير للينوكس ؟
هل ده قادم في البوستات القادمه؟
تحياتي

كلام لوجيك يقول...

والله يا بشمهندس انت جيت على حاجه شاغلانة كلنا
فى واحد صاحبى حب يكون متطور وسابقنا بخطوة فراح منزل ويندوز فيستا عالجهاز
وعينك ماتشوف الا النور
معظم البرامج مش متوافقة مع فسيتا وعملت تعارض مع الهاردوير وحصله مشاكل كبيرة
واكتر حاجه غاظته انه كل اما يشغل الكاميرا عالماسينجر بيروح البرنامج كله قافل
ولما سأل الفنى
قاله لازم تنتظر لغاية اما ينزله اصدارات متوافقة مع فيستا
ساعتها بس صاحبى ادرك ان كلامك صحيح وانه لازم يكون على علم ببرامج تشغيلية تانية غير الويندوز وبعيد عن مايكروسوفت
تحياتى يا غالى

صاحب البوابــة يقول...

مقال طيب

وبالفعل منذ فترة وانا اسمع عن نظام لينكس

وكيف انه منافس اكثر من رائع للويندوز

تحياتي اخي الحبيب

Unknown يقول...

عملتها قبلك وكنت مبسوط أوي برضه
بس للأسف مش عاوز أحبطك بتبقى نشوة البداية فقط ، وبعد شوية المعظم بيرجع تاني لعملاق ميكروسوفت !

على العموم نصيحة إبتدي بتوزيعات سهلة وبسيطة مش طالبة تعقيد مثلاً
fedora
ولا حاجة

إبتدي مثلاً بSuse
أو Ubunto
جميلة جداً جداً

وربنا يوفقك وابقى طمنا

:)

عاشقة الوطن يقول...

خالد
هو التغيير أكيد مطلوب
وربنا معاك وتغير من الويندز للينوكس

ومنك نستفيد

سلام

نسرين - أمة الله يقول...

السلام عليكم
والله انت دايما كده مغرقنا بجمايلك
جميل انك مش بتوقف عند حد معين
بس كلام فى سرك انا والكمبيوتر زى كده انا والهندى ههههههه
يعنى بعرف فيه اللى بيشغلنى عليه
يعنى تقعد معانا قعدت عرب كده وتشرح
ربنا يكرمك خير ان شاء الله

محمد عبد الغفار يقول...

ربنا يعينك

بس هل من الممكن اقناع اصحب الشكره بتغير كل نظام الشبكه

مستحيل

أمــانــى يقول...

السلام عليكم
نظام اللينوكس ممتاز جدا ولها مميزات اكبر من العادى
انا اشتغلت عليه لفترة وهى افضل بكثير وخصوصا على الانترنت لانك مش محتاج برامج حماية ولا غيره
والسرية فيها اعلى من الويندوز بكثير
وعلى فكرة ممكن كمان تشوف الملفات الموجودة على الويندوز وانت شغال على اللينوكس وله ميزة اخرى انها ممكن تنزل فى اى مكان مش زى الويندوز لازم ينزل على السى
المهم بقى ياباشمهندس طور فى اللينوكس واحنا معاك لا لحتكار بعد اليوم
:D

غير معرف يقول...

السلام عليكم
فعلا والله تصدق
الصوره اللى انت حاططها فى البوست جميله ومعبرة
وهذا اخر ما وصل اليه علمى
لا وفيه ناس بتلاغيك وبتعلق
وانا اللى كنت فاكره نفسى متنورة
ما فيش امل...هى اخرتهاحلة المحشى
حرام عليكو عقدتونى
ammola

Dr.khaled يقول...

بصراحة
بالنسبة لي
الانطوائية في موضوع الوندوز دي جميلة بالنسبة لي :)

مشروع انسان يقول...

هو فعلا المايكروسوفت بقى خنقة جدا والويندوز الطبيعى انه يقع كل كام يوم بس ليه اللينوكس مش منتشر زيه اعتقد انه مش عملى زيه كده برغم عيوبه
وانا نزلت موضوع جديد نفس لحظة سؤالك عن موضوع جديد ايه التوافق ده يا راجل عايزكتكون اول معلق وليك جايزة
دخول المدونة مدى الحياة مجانا

khaled يقول...

ا عصفور
الموضوع ده طبعا محكوم بالتداخلات المعقدة من الشركة دى فى اسواق كتير من العالم لكن انا املك بيتى و الكمبيوتر الشخصى الخاص بى

khaled يقول...

ذو النون
ممكن الكمبيوتر يزود علامات ترقيم لكن مسألة انه يلغى دى مش معاك فيها
و موضوع ازاى تغير فده عادى زى ما بتنزل ويندوز لكن ان شاء الله احاول اعمل موضوع مستقل عنه

khaled يقول...

اسامة
اهو ده الكلام سلملى على صاحبك ده قوى
:)

khaled يقول...

صاحب البوابة
ربنا يخليك
و اللينكس فعلا منافس لا يشق له غبار
:)

khaled يقول...

عمرو
انا فعلا شغال على يوبونتو
و المسألة مش مسألة احباط او رجوع
طب ليه ما سألتش نفسك انت ليه رجعت تانى؟ مع ان كل اللى انت عاوزه هاتعمله على اللينكس ماعدا الالعاب
اه هى الالعاب
:)

khaled يقول...

عاشقة الوطن
ايه ده هو انتى لسة ما غيرتيش؟
لازم تغيرى الويندوز ده حالا
:)

khaled يقول...

نسرين
و عليكم السلام و رحمة الله و بركاته
ربنا يخليكى دى حاجة على قدى
ان شاء الله نعمل قعدة كده و نديها شرح للصبح
:)

khaled يقول...

محمد عبد الغفار
ليه مستحيل؟
فيه فعلا شركات كتير نقلت للينكس

khaled يقول...

امانى
و عليكم السلام و رحمة الله و بركاته
ايوة خلينا نقلها على طول
لا احتكار بعد اليوم
تسقط مايكروسوفت
:)
و اللينكس ليه مزايا كتير جدا
باختصار هو نفس مزايا الويندوز

khaled يقول...

امولة
حلة محشى مرة واحدة؟
طب هاتى حتة
:)
معلش بقى استحملينا شوية

khaled يقول...

د.خالد
انطوائية فى اتجاه مين؟
انت معاهم والا معانا
:)

khaled يقول...

امام الجيل
اللينكس منتشر جدا هو بس احنا مش متعودين عليه و مش شايفينه حوالينا كتير
و معلش بقى هابقى احاول اخد الجايزة فى موضوع تانى
:)

خمسة فضفضة يقول...

السلام عليكم ورحمة الله وبركاته

حلو اوي اننا نغير وما نثبتش علي حاجه

سمعت كتير اوي عن اللينوكس وانها احلي بكتير من الميكروسوفت

نفسي اغير لها ، ربنا يسهل واغير قريب

تحياتي

khaled يقول...

يلا شدى حيلك لازم تغيرى
:)

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro