مستغربين من العنوان؟
هو فيه حد مش حافظ الفاتحة؟
ايوة و الكتير كمان و الرد ع السؤال ده فى اخر الموضوع
الظاهر ان انا هابقى مدرس لغة عربية
عجبتنى الفكرة خلاص
فى الموضوعين اللى فاتوا اتكلمت عن اللغات و لغة اليابان
ممكن تتابع هنا عريان فى اليابان و لغة الضاد
و فى الحقيقة ان دى مش اول مرة اتكلم ع اللغات لانه سبق و اتكلمت على اللغات فى موضوعين قبل كده
الرجاء المتابعة هنا هاللو ذير و كيا حال هى؟
اتكلمت فى الموضوع السابق عن نطق الاوروبيين و الاسيويين ( الاجانب الغير عرب عموما ) لبعض الحروف على غير اصلها زى حرف ال ص ينطق سين و حرف ال ض ينطق د و هكذا
لكن فى الحقيقة ان اللى بينطق الحروف دى غلط هم العرب نفسهم الا القليل ممن رحم ربى
ازاى؟
هاقولك
تعالى ننطق كلمة ( الكدب ) هانقول ايه
الراجل ده " بيجدب " !! صح؟ مش هو ده نطقها اللى اتعودنا عليه؟
طيب ( استغفر الله العظيم ) هاتنطقها ازاى؟
استخفر!! صح؟
بقت جاية من الاستخفار اى الاستعباد و العياذ بالله مش طلب المغفرة من الله اللى هى العبودية يعنى انت بتطلب عبودية الله ليك مش عبوديتك لله
شفت الكلام اتغير ازاى؟
-----
طيب انطق كلمة ثابت
هاتقول سابت صح؟ ليه؟ لانك ما طلعتش لسانك عند نطق الحرف ث
بقت جاية من السيبان مش من الثبات يعنى عكسها تماما
يعنى لو قرينا الاية
يثبت الله الذين امنوا بالقول الثابت فى الحياة الدنيا وفى الاخرة
اية 27 سورة ابراهيم
لو قريناها بالسين يبقى ايه؟
يسبت؟ يعنى جاية من السبت اى الراحة و السكون
ايه ده ؟ ده احنا غيرنا فى معنى القران بالشكل ده؟
ايوة
عارف لو انت قريت الفاتحة غلط هايحصل ايه؟
هاتتعرض صلاتك للبطلان
ده مش كلامى ده كلام اهل الاختصاص
و قلت هاتتعرض لانك ممكن ماتتحاسبش على جهلك فى بعض الاحيان لكن دلوقت عرفت!!! يعنى لو ما صلحتش الغلط هايعد عليك العداد يا حلو
و موضوع الفاتحة ليه جلسة خاصة ابقى تابعنى
هاه حافظ الفاتحة بقى؟
هناك 43 تعليقًا:
كله بيتبع مبدأ عديها يا ابو العربى
واللى يقول كلامك المعتبر ده يبقى يا جاى من المريخ حالاً اهه يا متزمت ومتخلف ومتشدد ولا يكلف الله نفساً الا وسعها يا اخى
قلبت علناالمواجع الله يجازيك
فعلا صدقت يا استاذ خالد
ده طبعا غير الطاء وخصوصا البنات بتطلع معاهن تاء ولا لوزم الدلع الله اعلم كل شئ جايز
:D
واوعى تنسى كمان حضرتك حرف القاف اللى ضاع خالص يا ينطق الف يا كاف شوف بقى بقت لغة تانية
وافضل وسيلة لأصلح لغتنا العربية هى تعلم القرأن الكريم واحكام التلاوة علشان مخارج الحروف
ولازم الكل يتعلم احكام التلاوة
ربنا يجعله فى ميزان حســناتك ياااارب أمين
السلام عليكم ورحمة الله وبركاته
جزاك الله خيرا يا خالد
موضوع غايه في الاهمية
كانت في حلقه عن تعليم الصلاة من برنامج كيف واخواتها للشيخ محمد يعقوب شرح فيها كيفية الصلاة الصحيحه
واكتر حاجه ركز عليها هي الفاتحه نطق الفاتحه ازاي بالطريقه الصح ، لاهميتها ، فعلا ممكن الصلاة تبطل بالسبب ده
قال صلى الله عليه وسلم :
((لا صلاة لمن لم يقرأ بفاتحة الكتاب))
شكرا علي الموضوعات الجميله عن لغة الضاد
http://www.islamweb.net/ver2/Fatwa/ShowFatwa.php?Option=FatwaId&lang=A&Id=60642
فتوى في هذا الموضوع
وجزاك الله خيرا أخي خالد
ولي تنبيه بسيط
هو إن أي شخص يتعلم التجويد ممكن يستثقل الموضوع لأنهم يبدأون بالنون الساكنة والتنوين وكذا
لكن هناك قدر قبل ذلك مهم جداا هو ما نبه إليه خالد هنا وهو التشكيل وإخراج الحروف من مخارجها الصحيحة وهذا هو القدر الواجب أما المد وكام حركة الغنة وكذا فهذا ليس من الواجب لا أقلل من شأنه ولكن لا ينبغي أن يلهي عن الواجب
شكرا على الموضوع الجميل
بس شكرا على فكرة اوى مكنتش واخد بالى من موضوع حجب البروفايل ده
معلش جهل بقى لثه صغنن فى عالم التدوين
طيب فتحتها يا سيدى وارجو انك تشرفنى وهاعزمك على قعدة حلوة كمان
آسف عنوان الفتوى لم يظهر كاملا
الفتوى
كلام سليم
مخارج الحروف دي مهمة جدا
تعرف يا استاذ خالد
في ناس...والله معاها شهادات ماجستير وكمان دكتوراة
وناس صالحين مقلناش حاجة
بس مبيعرفشي يقرأ سورة الاخلاص كويس
عارف بيغلط في ايه؟؟
في كلمة كفواً
يقولها بتكسين لفاء
مع انه لو كلف نفسه 10 ثواني بس يبص فيهم في المصحف
زي ما بص في عشرات المراجع الكبيرة
هيلاقي ان الفاء عليها ضمة
وبتتنطق كُفُواً أحد
مش كُفْواً أحد
وفقكم الله
السلام عليكم
والله الواحد مش عارف يشكرك على ايه ولا ايه
انت دايما بتخلينا نبص لحاجات ممكن تكون صغيره بس مضمونها كبير
يعنى لو تسمح لى اضيف حاجه
ان التجويد فرض عين بمعنى انه مفروض على كل مسلم وحفظ القرأن فرض كفايه
والفاتحه ركن من اركان الصلاه بمعنى انه لا تقوم الصلاه الا بها والله اعلم
نهيك بقى عن اللحن الجلى يعنى اخراج بعض الالفاظ بصوره خاطئه زى الثاء والظاء والذال ويعتبر اثم
افادك الله وربنا يزيد ويعطينا
Good work, thnak you and have a good day
My friend, I liked to vicer in Egipto until knowing something of Arabic and to publish a book in Egipto, but as I am a poor poet, I liked to have a Woman editor that if made responsible for the expenditures. I do not want to gain money, I only want to learn some phrases in Arabic and to publish a book to earn for despeasas, will be possible, says me. I am you very grateful
David Santos
انا الأول اتخضيت من العنوان.. انما بعد ما قريت لقيت نفسي و لله الحمد حافظة الفاتحة.. أصلي اتعلمت تجويد و مخارج ألفاظ في مسجد الحصري و المحفظة بتاعتي كانت مش بتفوت همسة من غير تصحيح ربنا يجازيها كل خير.
اللغة باظت يا خالد لو جبت قصيدة من بتوع زمان مفيش حد هيعرف معناها الا القليل
اللغة العربية دي كنز بس مفيش حد عايز كنوز الزمن دة عايزين كاش
عم خالد
*******
والله حفظنها ياباش مهندس
يمكن الأجيال اللي قبلنا كانت اوفر حظاً من ناحية وفرة الكتاتيب اللي بتحفظ حتي البصمجي عن ظهر قلب
لكن الإعلام بتعنا الغبي والمرسوم طريقه بدقة لتغريب العقول وتسفيه اجيالنا سخر من كل قيمة حلوة في حياتنا حتي لغتنا العربية
كما قال احدهم في مسرحية سك علي بناتك
"قال احمد عدوية في شرح اللغة العربية"
وهاتك يا كركركركركركركركر
ولا عزاء للعبط
تحياتي
ويجعلوعاااااااااااااااااااااامر
بجد بيحييك ع البوست ده قوي
اللغة العربية ضايعة فحياتنا
تلاقي كتير مابيعرفش يكتب أكتر الكلمات شيوعا في اللغة
زي: لكن... اذن... وغيرهم
وده سببه الأساسي هو عدم حفظ القرءان
و السبب التاني اننا فمدارسنا مفيش مدرس بيدرس بالفصحى
ولا على الأقل مدرس اللغة العربية
ولو عمل كده حايكون مقلسة
لكن هو ده أكتر حاجة تعلمنا لغتنا... لإننا أصبحنا هشّين جدا يا خالد
ازاي يكوكنلك وجود و موقف و مكان بين الأمم من غير ماتعرف لغتك و تاريخك ودينك.. طيب باقي ايه يخلّي غيرك يسمعك
يا رب نبقى ايجابيين و جادين شوية
أخذ الأجزاء الظاهرة على السطح فقط لا يجدي
ما يجدي هو العمق فقط
بحييك بشدة وبنحني لموضوعك بكل احترام
bos besra7a estghfar allah el 3zem ana bnt2ha sa7 bas el kedb fe3ln 2oltha bel geem
bas da fel 7aya el 3adya w bardo ba2ol el theh .. sen "S bas da fel 7aya el 3adya ana ama bafta7 mos7af aw basaly bakhod baly awy mn makhareg el 7erof .. w nas kteeer zayee keda by2olo el kalam ghalat fel 3ady lakn ama byslo bykhdo balhom ..3ashan el sala msh kalam 3ady?
bas mawdo3 7elw awy w molfet
على فكرة إحنا فعلا من أقل الشعوب إهتماما بمخارج الألفاظ والقراءة الصحيحة .. ناهيك عن فهم معاني اللغة الفصحى واعلاها القرأن الكريم
بصراحة .. عندنا جهل ريب وفي كل الطبقات .. للأسف
نحن نجهل أننا نجهل
كلامك سليم
فعلا حروف اللغه مش كلها بننطقها صح
و احيانا لوركزنا اكثر في كلامنا هنلاقي المعاني بتتغير
تحياتي
كلامك سليم
فعلا حروف اللغه مش كلها بننطقها صح
و احيانا لوركزنا اكثر في كلامنا هنلاقي المعاني بتتغير
تحياتي
كلامك سليم
فعلا كثيرا ما نتحدث بالكلام فيكون معناه لو دقققنا في الفهم مختلف تماما عما اردناه
تحياتي
الله يكرمك
طريقة متميزة في عرض موضوع يهمله الكثيرون
جزاكم الله خيراً
متابع معاك
:)
السلام عليكم خالد
شكرا لسؤالك عنى
المشكله اننا اصلا من الاول مش اتعلمنا اللغه العربيه صحومش اتعلمنا مخارجالحروف فالبتالى اتعودنا على طريقه نطقنا وانطبق كل كدةعلى طريقه قراتنا للقران
السلام عليكم
بوست جميل أوي
يعني تقريبا الحروف كلها مظبوطة
بس حرف القاف هو اللي بيقع
شكرا على المعلومة
واسلوب حضرتك اكثر من رائع
سلاماتي
يا عم افتكرت هتخطب ولا هتقرا فاتحة ... بس والله عندك حق وطريقة سردك للموضوع تجنن في الدعوة
مقال رائع للغاية
تحياتي عزيزي
وجزاك الله كل خير
محمد عبد الغفار
على رأيك
كله بيلزقها فى
لا يكلف الله نفسا الا و سعها
معلش لازم دماغنا توجعنا شوية
:)
امانى
امين يا رب
الا حكاية الطاء دى
لازم البنت علشان تبقى رقيقة لازم تقراها تاء
و الا
هههههههههههههه
صدقت و الله
افضل و سيلة للمحافظة على اللغة هى تعلم القران الكريم و مخارج الحروف
خمسة فضفضة
و عليكم السلام و رحمة الله و بركاته
جزانا الله و اياك
اشكرك جدا لكلامك
و اشكرك جدا لحرصك على التعلم الصحيح للصلاة و الفاتحة
عصفور المدينة
جزاك الله خيرا على الرابط الخاص بالفتوى
صحيح ما قلته اخى الكريم
احنا استبدلنا الواجب بالاقل منه درجة فضاع الواجب للاسف ليت الناس تتعلم
امام الجيل
اشكرك جدا للمتابعة و اسف ع التأخير
حضر القعدة يللا
انا جاى اهه
:)
د.خالد
شكرا لتعليقك الجميل
انت فكرتنى بالقول امأثور عن اللغة العربية
أسكن تسلم
:)
لكن ده ما ينفعش فى القرآن
جزاك الله خيرا
نسرين
اضافتك جميلة اشكرك جدا عليها
و صدقت ان الفاتحة ركن و طبعا معروف ان الركن باهماله يبطل العمل
david santos
thanks for your words and efforts about arabic and egyptions
it's a kindness of you
علا
ربنا يجازيها كل خير
امين يا رب
انا سعيد بتعلمك التجويد لانه من اشرف العلوم و اشكرك جدا على حرصك على النطق و القراءة الصحيحين
عادل
حلوة كاش دى
ههههههههه
على رأيك اللغة خلاص باظت
سمسم
طب تفتكر الاجيال اللى جاية هايكون حظها ازاى؟
زى تونس ؟
و الا الجزائر؟
ربنا يستر
هنودة
اشكرك جداعلى كلامك الرقيق
و موضوع مدرسين العربى دول بيتهيألى انهم اصلا مش عارفين لغة عربية و كتير بيغلطوا فى النحو و الاعراب
بطوط
شكرا لكلامك الجميل
و لكن ما اعتقدش ان معظم الناس بتصلى او بتقرا القرآن صح زيك كده
ربنا يكرمك
يا مراكبى
اااااااه نحن نجهل انا نجهل
انا فاكر البوست بتاعك
كان جميل و معبر و بينطبق على حالتنا دى قوى
شكرا لك
ذو النون
المشكلة ان الغلط ما بيكنش فى الحياة العادية و الكلام العادى بس المصيبة انها تكون فى الدين و القرآن و الصلاة
بينو
جزاك الله خيرا
ربنا يكرمك
رفقة عمر
الحمد لله اننا اطمننا عليكى و منتظرينك
هى مسألة التعود دى
احنا بنقرا قرآن بالتعود
و نصلى بالتعود
ديننا بقى عادة
ما فيش فهم ما فيش احساس للأسف
حمدا لله على سلامتك
مش قادرة
الحمد لله على الاطراء الجميل ده و يا رب دايما ابقى فى المستوى المطلوب
و يا رب يرجع حرف القاف بالسلامة
:)
ساكايار
لا ياعم اخطب ايه هى ناقصة؟
:)
ما بقاش الا انا اللى يخطب
انا يا دوب على قدى
شرفتنى
ربنا يكرمك
تحياتى لك
إرسال تعليق