ترجمة مواقع الإنترنت

الخميس، مارس 08، 2007

دبل كليك

الواحد بقت حياته ماليانه غيظ
ماليانه حاجات كتير غايظاه
يتغاظ و يسكت و يفضل يسكت يسكت و تيجى حاجة هايفة تخليه ينفجر
انا بقى ليا واحد صاحبى كل ما يقعد ع الكمبيوتر و يدخل ع النت فى كل لينك يضغط عليه دبل كليك
اتجنن بابقى عايز امسك فى زمارة رقبته
بابقى عايز اصرخ
كليك واحدة حرام كليك واحدة مش اتنين
اللينكات كليك واحدة ارحمونى
قايمة ستارت باللى فيها كليك واحدة مش دبل كليك
ابوس راسكوا
خلاص هاطق
***
معلش سامحونى
بقالى كام يوم كده زهقان و ما عادش عندى صبر للقراية الطويلة
يعنى ما بأقدرش اقرا اى حاجة سواء كتب او بوستات طويلة و باتخنق على طول
فسامحونى ان قصرت مع اى حد و معلقتش عنده من فترة او حتى ما قريتش اى بوست عامله
عملت حاجة جديدة انى اقرا البوست على مراحل و ابتديت بس وقعت فى مشكلة تانية ان بعض المدونات و خصوصا اللى بحبها اصحابها عندهم غزارة فى الكتابات اللى بتوصل لبوست كل يوم ع الاقل زى حلاتى كده
يعنى عقبال لما اقرا بوست الاقى طلع بعديه اتنين تلاتة
فمعلش سامحونى
***
اعلان
مواضيع جديدة فى مدونة تعليم
اللينكات و كيفية وضعها فى التعليقات
كيف تصنع شريط الاخبار الخاص بك؟
شريط الاخبار
و غيرها كتير
و المدونة دى عملتلها اسوأ دعاية باننى قلت انها خاصة بالفوتوشوب و النتيجة انها مهجورة و جالى احباط و الحقيقة انها بتخدم موضوع صناعة المواقع و فيها اكواد و كيفية وضعها فى المدونات

هناك 9 تعليقات:

Rivendell** يقول...

صاحبتي بتعمل نفس الحركة ... وبقولها نفس الكلام

هي كليك واحدة مش اتنين


بس انا اخر مرة مسكت في زمارة رقبتها بقى

BinO يقول...

أنا مخلي كومبيوتر الشغل و البيت يشتغلوا بكليك واحدة علي الويندوز
عشان أريح دماغي

يا خالد ريح دماغك
ودوس بنزين
بنزين الحلم طبعاً
ورنا يصبرنا أجمعين

رفقة عمر يقول...

عايزة ااقولك مفاجأة انا من النوع اللى بعمل دبل كليك بس من دلوقتى هعمل كليك واحدة
معلش بقى وربنا بفك كربك ويبدل بدل الحزن فرح وسرور اللهم مين يارب العالمين

khaled يقول...

rivendell**
سبقتينى يعنى
طب انا رايح امسك فى زمارة رقبة الواد ده
بينو
ربنا يصبرنا اجمعين
امين
و اللى خلص منه البنزين يعمل ايه؟
رفقة عمر
اللهم امين
انا مبسوط لانك بعد النهاردة هاتدوسى كليك واحدة
بس ما تخافيش ماحدش هايعملك حاجة

غير معرف يقول...

ههههه طيب والله كويس انهم بس بيعملوا دبل كليك امال اللى عندى بيعملوا ثلاث اربعة فى الاخر تسمعه يقول والله جهاز حمار انا قولتك طلع كل ده صفحات هههههه
ربــنا يفرج كربك يزيح همك ويكرمك ويكرم المسلمين يااااارب امــين
اكثر الاستغفار ابعد عن الحاجات اللى بيضايقك على الرغم انهم برضو هتلاقيهم معاك فى كل حتة يبقى طلعلهم لسانك بقى
وبلاش احباط اكيد هيجى يوم ويتعلموا منه بس بيكون الظروف اللى مش مخلى الواحد يتعلم
وربنا كريم وهو ارحم علينا ويرحمنا برحمته الواسعة يااارب

ذو النون المصري يقول...

متزعلش فعلا انت قلت عنها انها للفوتو شوب و ده ربما يكون دعايه خاطئه لها لكنها و الله من المدونات الممتازه جدا و المفيده جدا

khaled يقول...

امانى
ربنا يرحمنا
و نصايحك دى جميلة و ان شاء الله تفيدنى
و الناس اللى زى اللى انتى بتقولى عليهم دول لسة ما خدوش ع الماوس
ابقى شيلى الماوس خالص من قدامهم
ههههههههههههههه
ذو النون
شكرا لكلامك الجميل و هى فعلا غلطتى من الاول لانى فى الاول كنت فاكر ان الفوتوشوب الناس هاتحبه و ان اكتر مواضيع المدونة عليه بس لقيت العكس
معلش

david santos يقول...

Hello, Khaled!
You work is very good, thank you
have nice wkend

khaled يقول...

thanks for stopping by me
have a nice time

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro