ترجمة مواقع الإنترنت

الأحد، مارس 11، 2007

فتة

بيتكلموا دلوقت عن تولية المرأة القضاء
و بيجيبوا فتاوى بتايد الكلام ده
قبل كده اتكلموا عن ختان الاناث
و برضوا جابوا فتاوى بتأيد الكلام ده
قصدى بتأيد كلامهم هما
بكرة صباع البيه يوجعه يقوموا يطلعوا فتة قصدى فتوى بتقول يجوز ان صباع سيادته يوجعوا
طب ممكن ادخل الحمام علشان مزنوق؟
فيه فتوى بتقول الكلام ده يا اخواننا؟

هناك 13 تعليقًا:

الفتى الطائش يقول...

بكرة يطلعوا فتوى بجواز عقد الولاية للابن المصون ويبقى العملية رسمى ودينى وكلة ف السليم

amany يقول...

اصل الفتاوى ببلاش وياما فتاوى عدت علينا بس انا عايز أسألهم بيجبوا الفتاوى من كتب ايه علشان برضو احنا كمان نعرف نمشى امورنا ههههههه
ربنا يرحمنا

ma_3alina يقول...

الإمام الشاطبي في كتابه الاعتصام .. كان بيقول إنه عنده استعداد يطلع لكل بدعة مخترعة دليل .. حيحور ويلف ويدور لغاية ما يطلع دليل .. بس ما رضاش يعمل كده عشان حاجتين .. إنه كده حيزعل من نفسه من قبيح فعله .. والحاجة التانية إنه حيبعد ساعتها عن الناس الكويسة الصالحة ..

بيقول لك واحدة كانت عايزة تتطلق من جوزها فراحت لبتوع الفتاوي التلفيق دي .. عارف افتوا لها بإيه ؟؟؟

قالوا لها ارتدي عن الإسلام .. ينفسخ عقد الزواج وارجعي ادخلي في الإسلام تاني ..

أظن الإمام ابن تيمية لما سمع الحكاية دي قال كلام مضحك جداً .. قال بالمعني :
أظن الشيطان ما كانش يعرف يوسوس بفتوى زي كده فجم هما وعلموها للشيطان .. وحتى لو الشيطان كان عرفها كان يكسف يفتي بيها فجم هما وما اكسفوش وفتوا بيها

khaled يقول...

الفتى الطائش
بتهيألى طلعت من زمان
صح؟
امانى
من كتاب فتاوى على الرصيف
مش غالى و الا حاجة
ربنا يرحمنا فعلا
ما علينا
رحم الله الامام الشاطبى و الامام ابن تيمية
بس ما قالوش هما قبضوا كام فى الفتة دى؟
بس قصة جميلة عن الشاطبى و ابن تيمية اول مرة اعرفها

يا مراكبي يقول...

كله يجوز .. وبالذات موضوع الحمام ده

أي فتوى تتزنق فيها قول لي على طول وأنا أبعتهالك ديليفري

khaled يقول...

هههههه
على فسبا و اللا هاتيجى مشى؟

د/خـــالد...من المحروسة يقول...

تسلم ايدك يا استاذ حواديت

حبيتك في الله

انت اكيد قريت ان سماحة المفتي العام ل ج.م.ع بيقول انه يجوز تولي المراة القيادة العليا للدولة -يعني الرئاسة- وان الرسول كان بيستمع -مش بيسمع وبس- لا بيستمع للموسيقى
ويا سلام على الفتاوى المعلبة من نوعية فتوى أوال على غرار ال -تيك أواي-

يللا
مش هنقدر نقول الا حسبنا الله ونعم الوكيل والله المستعان على العالم دي
بس انا مش مستغرب من المفتي ده..وانه حتى مش بيكلف نفسه للكلام عن العراق او فلسطين او ..... لانه صوفي
والعجيب كمان انه في وسط البلاوي اللي احنا فيها دي تخرج علينا الدكتورة المحترمة المبجلة(المتبرجة) سعاد صالح ومورهاش حاجة في يومها الا انها تهاجم النقاب والمنتقبات هي والكلاس ميت بتاعتها -امنة مش عارف ايه

بدل ميتكلموا عن الاداب والاخلاق والعبادات هاريينا هجوم في النقاب والحية ومش عايزين يعتقونا لوجه المولى
صدق الرسول -ص-:
من بني جلدتنا يتكلمون بألسنتنا)
الله المستعان
بصراحة انا بصيت على بوستاتك القديمة
جميلة يا باشمهندس
ياريت حضرتك تدخل مدونتي وتضيفني عندك
وانا اتشرف باضافة حضرتك عندي
والسلام عليكم

khaled يقول...

د خالد
احبك الله الذى احببتنى فيه
و انا لى الشرف لاضافتك عندى
ده زمن يتكلم فيه الرويبضة كما قال الرسول صلى الله عليه و سلم
الرجل التافه يتكلم فى امر العامة
ما اتفههم
مذيعات شربة
دكاترة فى قلة الادب
يللا ما علينا
و عليكم السلام و رحمة الله و بركاته

khaled يقول...

ااااه
نسيت اقول
حسبى الله و نعم الوكيل فى الناس دول

hend يقول...

يعنى هى جت على الفتاوى ماهى البلد ضايعة ضايعة قال يعنى حد بيصدق بتوع الازهر لما يصدق فتاويهم
لك الله يا مصر

khaled يقول...

hend
نورتينى
بيقوقوا ممكن تطلعى الفتوى اللى انتى عايزاها بتلاتة جنيه
لك الله يا مصر
اللهم ارحمنا

أُكتب بالرصاص يقول...

شفيتم مقدما

khaled يقول...

اكتب بالرصاص
ربنا ما يوقعك فى زنقة
:)

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro