ترجمة مواقع الإنترنت

الأربعاء، مارس 07، 2007

الليلة الكبيرة يا عمى

بناءا على طلب رفقة عمر قلت اجيب الليلة الكبيرة لصلاح جاهين و هى تصوير لمولد الحسين
بس القصيدة كبيرة جدا لذلك انا هاحط جزء منها و ان عجبتكم اجيب الباقى
القصيدة
احم
احححححم
ياليييييييييييييييييييييييييييييييييل
اااقصد
***
قبة سيدنا الولي دول نوروها .
ما احلى البيارق والناس بيزوروها .
قبة سيدنا الولي في الجو عالية.
ما احلى البيارق لما نوروها.
حمص حمص حمووووص
حمص حمص , تل ما ينجص , عالنار يرجص
يرجص يرجص ويجوووول .
اللي شااااف حمص ولا كلش
حب وتلوع ولا ولا طالش
هئ هئ هئ
يسترك هات حبه بقرش.
ها هاهاهاها هاااااااااااااااااااااى
هاء هاء هاء هااااااااااااااااااااااااااااء
حمص حمص حمص حمووووووووص
الله الله الله
طعمية
اللوووووووووز
الله ... الله... الله
عجمية
اراجووووووووووووز
الليلة الكبيرة ياعمي والعالم كتيرة
ماليين الشوادر يابا م الريف والبنادر
دو فلاحين ودول صعايدة
دول من الكانال ودول رشايدة
الليلة الكبيرة ياعمي والعالم كتيرة
ماليين الشوادر يابا م الريف و البناادر
انتظرونا فى الحلقة القادمة مع الحوار بين العمدة و حضرة الاراجوز

هناك 12 تعليقًا:

إنـســانة يقول...

لا كملها لو سمحت ... كان فى جزء كدة فيه الأسد
:D

ma_3alina يقول...

بقول لك إيه .. ؟؟
أنا عندي فيديو الليلة الكبيرة كلها ... بس مش حعرف انزلها كلها .. كبيرة .. إيه رأيك نعمل الموضوع ده إزاي ؟؟؟؟

ما تيجي نعمل مدونة تانية نحط فيها الحاجات دي .. والله دي تبقى مية مية وتلم زباين كده .. والقعدة فيها بالمشاريب

وأنا حقوم بدور المعلم :

وقف ياريس حنتيرة .. فيه ناس هنا قاعدة كتيرة .. ولا حد قال هات تعميرة ولا واحد شاي ..

آآآآآآه .. اللي حيطلب راح يقعد واللي ما يطلبش يبعد ..

إنـســانة يقول...

الله .. فرصة عمل لكاميكاااز

شغلوه معاكم بقا

الواد قاعد بينش فى المدونة من ساعة ما اتفتحت

ده لهلوبة كاميكازية مش معقولة

ومعاه دبلون كاميكازي قد الدنيااا

ابعتلكم السى فى بتاعه؟؟؟

يا مراكبي يقول...

أنا حافظها كلها من زمان وممكن أسمعها عالغايب لحد دلوقت

أنا ما شفتش إبداع زي كدة أبدا من ساعتها لحد دلوقت

لما يكون اللي عاملها صلاح جاهين وسيد مكاوي .. عايز إيه أكتر من كده؟

الأباصيرى يقول...

مش بقولك
أنت أحفورة من حفائر التاريخ الأثرية

:)

أميرة البلطجية يقول...

هاى خالد
مدونتك لطيفة جدا
وميرسي ع الاغنية
تصدق حتخليني اغنيها طول اليوم
:)

khaled يقول...

انسانة
خلاص علشان خاطرك هاجيبلك الاسد
:)
ما علينا
بالنسبة لمسألة الفيديو استنى شوية و ربنا يسهلها
انا موافق ع المدونة و يبقى لى النص
بس اللى بيقول كده دقدق القهوجة مش المعلم
عايز تبقى مين فيهم؟
انسانة
هاتيلى السى فى بتاعته و صورته الحديثة اللى كانت فى القفص و انا اشغله على طوووووووول
يا مراكبى
انت الظاهر عليك صاحب ذاكرة جامدة الله اكبر يعنى
بس سؤال انت حافظ الحوار اللى بين العمدة و الاراجوز؟
الاباصيرى
يعنى ايه اثرية الاول؟
هههههههههههههه
اميرة البلطجة
اولا شرفتى و انا كده عرفت اننا مش متخاصمين بس انا مصمم انتى السبب

رفقه عمر يقول...

شكرا يا خالدعلى مجهودك بس انا طماعه شويه عايزاها صوت وصورة لو امكن من فضلك وياريت لو حلقه من كارتون ماجد لعبه خشبيه فاكرة اللى كان انفه خشبيه وبتطول كل ما يكدب وكمان اى حلقه لكارتون النحله زينه
شوف انا اسفه بس انت اللى عرضت خدماتك استحملنا بقى
ربنا يكرمك

يا مراكبي يقول...

هأسمع أهو

ياحضرة الأراجوز قوللي

نعم يا عمدة عاوز إيه؟

منين يروحوا المتولي

الفاتحه ليه بقى وصلي عليه

الله اللهم صلي عليه

تمشي كده على طول على طول .. لحد ماتلاقي عمارة

لحد ماألاقي عمارة

تدخل يمين تلقى بتاع فول .. دكانته على ناصية حارة

دكانته على ناصية حارة

تدخل يمينك وشمالك .. شارعين وفي التالت تكسر

شارعين وفي التالت أكسر

بس كفاية كدة أحسن الناس تقول عليا عيل ولا حاجة .. أنا شكلي إندمجت ونسيت نفسي

amany يقول...

الله الله ايه الحلاوة دى كمان الليلة الكبيرة وبما اننا طماعيين شوية لا شويتن تلاتة
عايزين كمان كام اغنية من اغانى جدو عبده وعمو فؤاد الله يرحمهم ويرحم امواتنا علشان الواحد بجد نفسه يعود هذه الايام من جديد اهئ اهئ اهئ نفسى بجد

ma_3alina يقول...

الله يسامحك يا خالد .. دا انت خليتنا مسخرة خالص .. ومش عايزني أقول عليك مفتري ..
شوف ياستاذنا المراكبي .. أنا حافظها برضه من زمان لغاية دلوقت ولما اكون رايق اقعد اغنيها مع نفسي

بس للتصحيح .. هو لما سأله منين يروحوا المتولي حضرة الأراجوز قال له

امدح نبينا وصلي عليه
طه اللهم صلي عليه

وفي الآخر بيقول له .. تاخد يمينك في شمالك شارعين وفي التالت تكسر

شارعين وفي التالت أكسر

على اليمين واخد بالك .. وتمشي على طول تتمخطر

وأمشي على طول اتمخطر

تفضل كده تمشي وتلف وتخش من مطرح ما طلعت

وأخش من مطرح ما طلعت

ولما تلقى مقلة لب ..

ولما القى مقلة لب

تعرف بإنك تهت وضعت

دي وصفة سهلة .. دي وصفة هايلة

يا خالد .. دقدق دقدق زي بعضه

khaled يقول...

رفقة عمر
شوفى البوست اللى جاى و فيه مفاجأة
قصدك الواد بينوكيو؟
هاشوفهولك ان شاء الله
و تقلى براحتك انتى تؤمرى
يا مراكبى
تاخد سبعة من عشرة
و الا اقلك خليهم تسعة لان الصح زى ماقال ماعلينا
امانى
طب ماتعيطيش
ربنا يكرمنا و نزلهم
ما علينا
عمال تدعى عليا م الصبح و انا ساكت
ماشى
هاسيبك علشان الناس الحلوين دول كلهم
شوف عمالين يحوشو

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro