ترجمة مواقع الإنترنت

الأربعاء، مارس 14، 2007

احساس

حاسس ان اولمرت بيضحك فى سره لما بنتكلم عن هزيمة اسرائيل امام حزب الله الشيعى و بيقول شوف العرب الهبل بيحتفلوا بالنصر و هما مش عارفين ان احنا حققنا هدفنا و شردنا الملايين من المسلمين
حاسس ان اولمرت بيجز على سنانه و يحاول يقول لشعبه الحقيقة اللى فاتت
حاسس ان عباس كان جعان علشان كده راح اجتمع مع اولمرت و طبعا اعلن ان الاجتماع ما اسفرش على شئ علشان لما يحب ياكل تانى يبقى فيه حجة
حاسس ان المذيعين اللى بيطلعوا فى التليفزيون كانوا كلاب و ربنا سخطهم بنى ادمين يقعدوا يهوهوا فى وشنا
حاسس ان فيه دين جديد ظهر و الناس بيتجادلوا فيه
مش عارف مين الجاهل فينا انا و الا هما؟
حاسس ان الناس دى فاكرة دماغنا سلطانية بليلة بيعبوا فيها براحتهم

هناك 9 تعليقات:

ma_3alina يقول...

أمسك
يابولييييييييييس .. يا نيااااااااااابة .. ياأمن الدولة .. يا محاكم عسكرية

ألحقوا .. تعالوا اتفرجوا
واحد أهوا من اللي لسه بيحسوا .. تعالوا اقبضوا عليه

أحب أقول لك إنك خرقت أهم أهداف النظام بقتل الإحساس فينا .. وطبقاً للمادة مش عارف كام من الدستور إنت ما دام لسه بتحس فأنت تبقى تهديد للأمن العام والسلم الاجتماعي

د/خـــالد...من المحروسة يقول...

الاسم:خالد
العنوان: طنطه
السن: 30 سنة
المهنة : اي تي ديفيلوبر
لون البدلة: أزرق..مش أحمر
التهمة: معاداة السامية و إزدراء دين الرافضة
الحكم: لا يحكم عليه..بل يظل متواجد في المعتقل لاجل غير مسمى

انا خايف عليك يا باشمهندس
البدلة الزرقاء بيتهيالي شكلها مش هيبقى جميل عليك

تحياتي

إنـســانة يقول...

حاسس ان الناس دى فاكرة دماغنا سلطانية بليلة بيعبوا فيها براحتهم

اللعب فى سلطانية البليلة حق لكل مواطن

يالهوى كمان هتدخل السجن؟؟؟

معروفش يا بييييييييه

انا ايه اللى جابنى هنا

amany يقول...

حس ياخويا براحتك ولا يهمك وفضفض على راحتك
ايه ياشباب ايه الفال الوحش يعنى الراجل ولا يحس ولا يشوف بس بيتهألى يحلم احسن علشان ماحدش هيحس بيه ولا حتى هيسمع
وكمان حضرتك يا استاذ خالد بالراحة على نفسك نصحية يعنى صحتك اهم من كل الحاجات دى

khaled يقول...

ماعلينا
يعنى خلصت من التهمة اللى لفقتهالى فى بوست نفسى
ااجى الاقيك برضه اول واحد و جايبلى تهم جديدة؟
انت ناوى على معايا؟
بدم هادخل السجن بقى يبقى هاجيلك الاول
ما هو سجن بسجن
هههههههههههههه
د خالد
يعنى لو كانت حمرة هاتليق احسن؟
و كمان لاجل غير مسمى
بتهيألى هازورك انت كمان
انسانة
انت الظاهر من اللى بيعترفوا من اول قلم
امانى
طب قوليلى ازاى احافظ على صحتى و الدنيا مليانة حرقة دم؟
قوليلهم
انت اللى حاسة بيا و بتنصرينى
مش خايفة من السجن؟
ههههههههههههههه

يا مراكبي يقول...

أنا من خلال متابعتي لآراء الأجانب .. الباشمهندس أولمريت مش هو بس اللي بيضحك علينا .. كل البشرية بتضحك علينا دلوقت

ذو النون المصري يقول...

و الله العظيم كلامك صح
فعلا
انا حاسس فعلا ان فيه دين جديد ظهر و مان في الرياض
كل يوم فيه حاجات جديده بتطلع في الدين
انا واثق انه مش من جهل فينا فبنعرف ما جهلناه
لا و الله
ده تزمت و بحث عن غرائب ممكن يكون الانسان رباني من غيرها
تحياتي

كراكيب عادل يقول...

باختصار احنا بقينا ملطشة

khaled يقول...

يا مراكبى
الظاهر اننا مغفلين و احنا ما ناخدش بالنا
ذو النون
صحيح
ما هو سمعنا عن البهائيين و بعديه لشيعة و بعد كده القران الجديد
مش عارف بكرة يقولوا انهم بيعبدوا اله جديد و العياذ بالله
عادل
انت جبت المفييييييييييد

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro