ترجمة مواقع الإنترنت

الخميس، مارس 29، 2007

يا بخت مين وفق

السلام عليكم
رجوع بعد غيبة
احب اولا ان اشكر العزيزة رفقة عمر و العزيزة امانى بنت الجنوب لاهتمامهم بالسؤال عنى
الحكاية ما كانش فيها حاجة كبيرة و الحمد لله
يعنى ما كانش فيها مصايب و فجائع تقصم الضهر بس كان فيه شوية اكتئاب و لسة ما راحوش لحالهم الحمد لله
مشاهد بترقص قدام عينى بخصوص التعديلات اياها و مشاركة الناس اللى مش فاهمه حاجة و عمرهم ما عرفوا يعنى ايه دستور
المشهد الاول
من مسرحية المتزوجون
حنفى بيسأل مزيكا
بتعرف فى السياسة يا واد يا مزيكا
ايوة يا سى حنفى ده انا الشعب
طب تعرف سياسة الوفاق
يا بخت مين وفق راسين فى الحلال
دى سياسة امك دى
المشهد الثانى
فى فيلم السادات
و اول مشهد بعد استلامه الحكم و داخلين عليه بالشرايط المسجلة لمكالمات الناس و امره بوقف عمليات التصنت و حرق الشرايط
احنا رجعنا لورا قبل المشهد ده
رجعنا لايام مراكز القوى و كله عامل فيها ريس و كله بيتحكم فى كله
المشهد الثالث
فى فيلم الكرنك
مدير السجن بيسأل المسؤول عن التسجيلات هل ممكن يطلع ادانة من التسجيلات دى و الا لأ؟
و كله بالفبركة

هناك 22 تعليقًا:

Unknown يقول...

اولا حمد الله على السلامة والحمد لله انك بخير
ثانيا فكرتنى ببرنامج العاشرة مساءاً لما كانت المذيعة بتسأل الناس على القهوة ... ايه هو الدستور؟؟؟

الراجل كأن المذيعة سألته عن قرص حشيش ولامؤاخذة

المواطن : دستور؟؟؟ .. انا معرفش حاجة .. والله ماعرف حاجة

المذيعة: يا حاج الدستور اللى بيعملوا عليه استفتاء دلوقتى ... الدستووور

المواطن : دستور؟؟؟ .. انا لا اعرف دستور ولا أم الخلول

-------------------

وانا من موقعى هذا احب أأكد .. إنى انا الشعب

العــــراق يقول...

السلام عليكم أخي العزيز خالد
أتمنى أن تكون بخير أخي الكريم ان شاء الله يفرج عنك ويزيل همك ولو محتاج اي مساعدة نخن بالخدمة أما بالنسبة للدستور يأخي حاجة بتنئط ربنا يكون بالعون

عاشقة الوطن يقول...

خالد
والله الواحد مش عارف هيفضل فى كتئاب لحد امتى
احنا كلنا عندنا اكتئاب وحالة قرف
ياترى احنا كده خلاص اتحكم علينا بالاعدام لمجرد ان فيه واحد عاوز يغير يبقي يغير بمزاجه
واحنا ايه بقي احنا كيس جوافة ولا ايه

حسبي الله ونعم الوكيل

تحياتى

عاشقة الوطن يقول...

اه نسيت حمدلله على السلامة ياخالد
ومتبقاش تتأخر تانى
أنت فاهم ولا لأ؟؟؟

تحياتى تانى

رفقة عمر يقول...

فرج الله كربك وكشف همك اللهم امين ويسر لك كل الامور اللهم امين يارب العالمين
فيه مثل بيقول سكتناله دخل بحماره واحنا نستاهل علشان ساكتين مش عرفه ايه البرود الا اصاب الناس من يوم ما حكمنا هذا الرجل هو عمل لنا عمل باين كدة انا بيحكوا قدامى انا زمان لو حصل زيادة قرش فى الاسعار كانت الناس بتقلب الدنيا يعنى كان ليهم صوت مش بيسكتوا لكن دلوقتى فعلا مش عارفه الناس جرى ليا ايه يمكن طبيعه الاكل لازم نبحث فى الامر دة

~ Bato0ot ~ يقول...
أزال المؤلف هذا التعليق.
~ Bato0ot ~ يقول...

bos ha2olak 7aga ... kol de aflam :D omal el 7a2e2a eh

sa7i7 ana shoft el 10 msa2an e ensana betetklm 3no w shoft el ragel da :D
w shoft el tany ely kan wa2ef odam lagna b yafta n3m lel ta3delat w lama el moze3 sa2lo t3raf eh 3n el mada 179 aw 88 el ragel 2alo m3rfsh 2alo omal mwafe2 ezay D: 2alo ana m3 el sha3b !

khaled يقول...

انسانة
الله يسلمك
ههههههههه
الظاهر الراجل افتكرها بتسأله عن الدستور بتاع الاسياد
:)

khaled يقول...

المعتصم
و عليكم السلام و رحمة الله و بركاته
اللهم امين
شكرا لسؤالك و هكذا يكون الاخوة الكرام

khaled يقول...

عاشقة الوطن
الظاهر ان احنا طلعنا اكياس فيشار
:)
الله يسلمك
و خلاص مش هاتأخر
اخر مرة
اخر مرة
:)
خلاص خلاص؟
:)

khaled يقول...

رفقة عمر
امين يارب
ما احوجنى للدعاء ده
ربنا يخليكى
و الظاهر من طول فترة الجبن بقى طبع فينا
و كمان الزبد و الفطير
:)

khaled يقول...

batoot
ههههههههههه
حلوة بتاع انا مع الشعب ده
اكيد ده مزيكا
:)
شكرا لزيارتك
نورتينى

أمــانــى يقول...

السلام عليكم
حمدلله على السلامة لالالا اوعى تزعل ولا يجيلك أكتئاب الدنيا زى الفل بس احنا نظرتنا ضيقة شوية على رايهم ربنا يفرج كرب المكروبين جميعا يااااااارب
اللى انا شايفه اننا نستاهل اكتر من كده أصلا احنا فى مسرح للاطفال
يارب كن مع وطنى الجريح

khaled يقول...

امانى
و عليكم السلام و رحمة الله و بركاته
الله يسلمك
امين يا رب
عندك حق احنا اللى نستاهل
حد قالنا نيجى هنا
:)

الأباصيرى يقول...

هو سى نيسكون ساب الحكم
:)

khaled يقول...

اباصيرى
هو انت ماتعرفش و الا ايه؟

الأباصيرى يقول...

ورحمتة خالتى نفوسة ما أعرف غير منك دلوقتى يابوصلاح

khaled يقول...

شفت يا عم العلم نور ازاى
مش قلتلك تعالى نروح الكتاب؟

الأباصيرى يقول...

انا حجزت فى كتاب الحاج أبو جمال
فى شارع البحر بجوار الحزب الوطنى

khaled يقول...

من ورايا يا خاين
عليك اللحمة

الأباصيرى يقول...

خلاص باب الحجز أتقفل فى كتاب الحاج ابو جمال

على العموم حاول تذاكر من جرنال ماتزوقينى ياماما يمكن تفلح


هيهع هع هع

khaled يقول...

انا هادخل كتاب سيد سيده
خمس خمسات يعنى

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro