الشرطة و الشعب فى خدمة الوطن
يعنى ايه وطن؟
***
واحد بيقول
انا صحيح ما بصليش بس بينى و بين ربنا عمار
ازاى؟
***
الواد ده اخلاق و طيب
هو بس بيشرب سجاير و بتاع بنات و ما بيصليش
بس قلبه ابيض
اه قلبه ابيض
***
دكتور (طبيب يعنى ) عمل برنامج بيهاجم الناس بتوع الحجامة
بيستخدموا كاسات و مشارط مش معقمة
هو مين اللى بينسى الفوطة فى بطن المريض و اللى بيتسبب فى تسمم الجروح بعد العمليات؟
بتوع الحجامة؟
اذا كان بيتك من ازاز يا دوك
***
بيطالبوا دلوقتى بتغيير القانون علشان يتصدوا لبتوع الحجامة
كل ما يثيروا حاجة يقولوا نعدل القانون
لا تشددوا فيشدد الله عليكم
***
سمعت ان فيه مؤتمر لمحاربة التداوى بالاعشاب
ده علشان الدكاترة ياكلوا عيش و الا ايه؟
***
قوم يا مصرى مصر دايما بتناديك
ده ايام ماكان ليها صوت؟
***
كل برنامج فى التليفزيون و كل مذيع هايف يتكلم فى الدين
و يتصل بناس اهيف منه و يقعدوا يفتوا
كلام كلام كلام
هاو هاو هاو
جر امشى
***
تعديلات دستورية عندنا
يعنى ايه دستور؟
يعنى حاجة حلوة و الا حاجة وحشة
***
هناك 24 تعليقًا:
يا مستر يامستر أنا حجاوب على شوية أسئلة وحسيب الباقي للزملاء الأعزاء ...
بالنسبة للوطن .. فدي أكلة أمريكية مشهورة
الواد اللي قلبه أبيض .. اممممممم .. يمكن عشان معندوش دم
الدستور .. دي الكرافتة اللي بتكمل البدلة .. ولا ليها لزمة خصوصاً مع بدلة شكلها وحش .. ومع ذلك الناس متمسكة بيها ولازم تلبسها ولازم كل شوية تعدل فيها
بوستك المرادي دسم جدا يا خالوود
بس انا هعقب على نقطة واحدة جدا يا كبير
الواد ده اخلاق و طيب
هو بس بيشرب سجاير و بتاع بنات و ما بيصليش
بس قلبه ابيض
الناس دايما بتخلط بين الدين والاخلاق
بمعنى
ان ماينفعش يبقى الانسان ذوق ومحترم وامين ، لكن مابيصليش او مش ملتزم بأركان دينه
يعنى الاخلاق الشخصية وحدها لا تكفى لكى يكون الشخص جيد وعلى خلق
الخلق الطيب والسمات الشخصية لا يفترقان ابدا عن الالتزم الدينى
فالاثنان متلازمان ويكملان بعضهما
وبمعنى اخر معاكس ، فإنه لا يجوز ان يكون الشخص متدين جدا ويصلى ويقيم شعائر دينه ولكنه عبوس مثلا او غليظ التعامل مع الاخرين
فكما نعلم .... الدين معاملة
وتبسمك فى وجه اخيك صدقة
اسف جدا للاطاله
واشكرك على موضوعك المميز
دمتم جميعا بخير
اسامة
خالد
انا جيت ارد عليك هنا من تعليقك على اهل الجنه ووجهت كلمه لى ايوة الدين مش بيطالبنا بالجديه بس لكل مقام مقال بياين زى ما بيقولوا انت لسه بتقول ازاى واحد مذيه هايف يتكلم فى الدين انا برضه مش احب اشوف انسان وقور ومحترم ممكن يتكلم فى كلام تافه مع ناس تافهين افرض مثلا الشيخ محمد حسين يعقوب علق على مثلا اغنيه لسعد الصغير وهرج معه واستضافه فى برنامج معه كتعبير منه انه معجب بسعد الصغير هل سوف يظل احترامك لمحمد حسين يعقوب كما هو ام ستهتز صورته فى عينك مع العلم ان محمد حسين يعقوب وكل الشيوخ يتبعون الاسلوب اللى فيه بعض المرح حتى ييجذب الناس اليه بس مرح بشكل مفيد وجذاب وممكن وانت بتسمعه تضحك جامد جدا وبعدين انا مش اتكلمت عن العقيدة نهائى انا قلت معتقداته مش عقيدته ااقصد منهجه فى الحياة هل هو من مشجعى سعد الصغير ولا من مشجعى الكلمه المحترمه حتى ولو بها سخريه يعنى مثلا عندك الجعان كل مواضيعه سخريه وبضحك منها لما اقول بس لكن لازم تخرج منها بحاجه ولازم يكون فيه رساله من خلال الموضوع والاسلوب دة بيعجبنى جدا ونفسى فعلا اعمل ذيه بس دى قدرات مش ااقدر عليها الهايفه اللى اقصدها انه بيكون كلام ليس منه اى هدف ومجرد تهريج وهزار طيب اعلق على هزار ااقول ايه حتى الرسول كان لما يحب يبتسم مع اصحابه كان لا يقول الا حقا
دة اللى انا اقصدة خالد وياريت تكون وصلت لك وجه نظرى
على فاكرة ساعات انت بتكتب مواضيع لايت جدا وخفيفه بس باخرج فى الاخر بمعنى منها واستفادة واكيد انت بتشوف انى لازم اعلق عندك وكمان ساعات بضحك كمان من كلامك يعنى مش معنى انك عايز تضحك الناس او تبسطهم يبقى بطريقه فيها اسفاف ودة اللى ااقصدة فى المواضيع التافه لمدونين عايزين يتسلوا وبس مش يفيدوا او يستفيدوا وطبعا كل واحد حر فى طريقه تدوينه وانا كمان حرة انى احترم كتابتهم او لا
تساؤلات لظيظة ...... و في محلهاااا جدًا يا خالد
خااااالص ... تحياتي . . .
يعنى حاجه تقرف
مله دلوقتى صار ممن يلون الكلم بألسنتهم يلى البقر للكلئ فى المرعى
الى عاوز يفهم يروح يشوف البقر بياكل ازاى ويعرف المقصد
وجعت قلبى الله يجازيك
أستاذ خالدكله الا الدكاترة
يعني يرضيك اطلع على المهندسين نكتة؟؟
عموما عديها المره دي -يعني النوبة دي-
والسلام عليكم يا استاذ
اولا غيروا الشعار ليه علشان كل واحد يحمى نفسه وكلنا فى الاخر نحمى اللى اسمه ايه ده الوطن
وبمناسبة القلوب البيضة دى بقى تلاقى الواحدة ولا الواحد يكلمك بقرف ويقولك فى الاخر ده قلبه ابيض برضو اصلك ما تعرفوش أها وغيره وغيره
طيب مش يقولوا ايه نوع المنظف الخطير ده اللى الناس كلها بيضة
انا بقى عندى هوسة فى دماغى والمكان مش هينفع ارغى فيه فا ممكن اختار سؤال تعديل الدستور اللى الناس اصلا متعرفش حاجة عنه
يلا مش مشكلة ومش مهم ومش قضية اصل ده برضو من ضمن شعارات اليومين دول
تساؤلات بنتسالها طول و قت و مبنلقيش اجابات
واحد بيقول
انا صحيح ما بصليش بس بينى و بين ربنا عمار
ازاى؟
الجملة دى تريد مارك لكل الممثلين و الممثلات
الواد ده اخلاق و طيب
هو بس بيشرب سجاير و بتاع بنات و ما بيصليش
بس قلبه ابيض
اه قلبه ابيض
اهم حاجة قلبه من جوه و ممكن تلاقيه كمان قلب خساية
سمعت ان فيه مؤتمر لمحاربة التداوى بالاعشاب
ده علشان الدكاترة ياكلوا عيش و الا ايه؟
و الصيادلة برده هيبعوا الدوا ازاى
ايه التعقيد ده
الاسئلة صعبة اوى اوى
ده تعجيييز ... الامتحان مش فى مستوى الطالب العبيط خالص
ولو عرفنا نحله كان زمانا بقينا احسن من كدة بكتييييييير
بجد حسبنا الله ونعم الوكيل
ماعلينا
صح اقعد
اللى بعده
:)
اسامة
مبروك النيولوك
مش عارف معقدينها ليه الواد اخلاق و طيب
خلاص ما يهمش الباقى
قال يعنى الباقى حاجة ثانوية
دائما تضيف للموضوع بكلامك الجميل
تحياتى لك
رفقة عمر
شكرا على التعليق
انا قصدت بس اوضح الكلام على العقيدة و كلامك كله جميل و موافق عليه مش محتاجة تفكير و لا جدال
لكن اسأت الفهم بخصوص العقيدة
وما قصدش اعارضك فى موضوع الكلام التافه بتاع المدونين
وفقك الله و اكرمك
اختى الكريمة
ابراهيم
طحياطى ليك
:)
شكرا ع المرور
محمد عبد الغفار
مين؟
طب بيتباع فين؟
الله يكرم اصلك
روح ربنا ما يحرمك منى
:)
الدوك خالد
خليك انت الكبير
ماقصدكش انت انك بتسيب الفوطة فى بطن المريض
ده انت مقامك عالى ممكن تسيب حاجة اغلى من كده
:)
امانى
سميه اللى مايتسماش
هههههههه
طب امانى عليكى يا شيخة لو عرفتى المنظف ده تقوليلى عليه
علشان افضل ااذى فى مخاليق الله و فى الاخر يبقى قلبى ابيض
ماعلينا التانية
ههههههههههههه
صحيح يا سعادة الدكتورة انتوا كمان هتلهطوا
يا بختيكوا
:)
انسانة
انا مقلتش انه فى مستوى الطالب العبيط
ده فى مستوى العبيط الطالب
:)
مامعناش غيرها
حسبنا الله و نعم الوكيل
يعنى ايه دستور؟؟
يعنى ايه انا؟؟
يعنى ايه مواطن؟؟
ويعنى ايه مصري؟؟
ده انتى اسئلتك صعبة قوى
:)
mmm 3ala ra2eak ana nafsee ma3ndish rad
sarah
teftekry meen elly 3ando?
:)
هو انا جيت هنا غلط ولا أيه
افتكرت أني دخلت القاهرة اليوم
هو فين عمورة
ها يتقول ايه
دستور
أههههههههههههههههههه
للأسف مش حكون موجود
وكمان مذعين وبيتكلموا في الدين
أههه تقصد المكرونة بالبشاميل وعليها سكر
وسلملي علي قوات حفظ السلام
بينو
تعالى تعالى
انت دخلت صح
:)
انت اللى تكسب
انا فعلا اقصد المكرونة بالبشاميل
هههههههههههه
إرسال تعليق