من شوية كلمت صديق من على الياهوو
الصديق ده غالى عليا
بس ما كنتش عايز اكلمه
كنت باكلمه و انا بانفخ و عايز اقفل على طول
بعد ماقفلت ارتحت
باكتب البوست ده و انا مكشر و متغاظ
المكالمة كانت كلها مجاملات
كانت كلها ازيك و عامل ايه
كانت كلها ردود كويس و انت؟
كنت مخنوق منه و من كلامه
مع انى باعتز بيه
لكن كرهت الاسطمبات
اسطوانات
بنسمعها لبعض
اسطوانات حافظينها
بغبغانات
هاتبقى بغبغان؟ يبقى مع السلامة
كلام من غير احساس
هاتنافقنى؟ هاعرف و اكره كلامك
انا مش محتاج تسجيل و شريط متسجل
انا محتاج صديق
افرح لما اكلمه و يفرح لما يكلمنى
يبقى عامل ايه ليها معنى
ما يقفش الكلام عند ازيك و كويس
ما هو كلنا كويسين
نفرح كويسين
نكتئب كويسين
نتغاظ كويسين
نحب كويسين
نكره كويسين
كويسين كويسين
انا عايز اقلكوا ان انا مش كويسين
هناك 6 تعليقات:
السلام عليكم خالد
ليش الملل من النفاق الأجتماعي هذا الأمر يتعلمه الشخص منذ صغره من كل من حوله وأذا أراد شخص تغيره يقال هذا لايقدر الناس أو عير مؤدب وكأن التقدير هو النفاق
عموما من النادر ان تجد فعلا من يتفاعل معك ويشعر بك حتى من نفس العائلة عندك حق شئ يزهق ان تكون مجرد كلمات يتم قولها لقضاء الواجب
السلام عليكم
ماذا حدث لك يا استاذ روق كده وصلى على البنى وبلاش تحرق اعصاب
حضرتك لازم تدور على اللى وقف الحوار على اخبارك كويس والبيت كويسين ما تحاول حضرتك اللى تفتح المواضيع وابدأ حضرتك فى الكلام وخلى معاك دفة الحوار ممكن كان مستنى منك تفتح معاه الكلام يمكن هو مضايق مش عارف يقول ايه ولازم حضرتك تعرف حاجة مهمة اووى قلة الكلام لفترة بيعمل حاجز وسد منيع وكل يوم بيزيد حتى حضرتك هتلاقيه مع افراد الاسرة خد فترة كده بعيد عندهم هتلاقى نفس المشكلة لان من يومين صحبتى بتقولى انا نسيت انا ليا اخت بينا تليفونات بس انتى عاملة ايه اخبارك ايه اخبار المذاكرة ايه والموضوع خلاص
لابد ان نقف مع انفسنا من جديد
والتمس لاخاك سبعين عذر
ايه الرغى ده انا بقيت رغاية اوووى معلش بقى اتعب دماغك وصدعها بكلامى
فكها بقى وصلى على النبى عليه افضل الصلاة والسلام
السلام عليكم
ازيك يا استاذ خالد
انت ليه مفترض عدم الرد عليك انه مش عايز يتكلم معاك انت ليه مش متصور ان ممكن يكون فى حاجه شغلاه مخلياه مش قادر يرد او انه فى اللحظه ديه محتاج يسمع بس الواحد ممكن ميرضش بس اكيد محتاج يسمع ومحتاج حد يطمنه انه جنبه حتى لو متعرفش فى ايه انا عندى واحده صحبتى والدها اتوفى ومش بتتكلم مع حد خالص ومع ذالك بتكلم معاها حتى لو مش بترد عليا لانى عارفه انها محتاجه لى على الرغم من انها مش بتكلمنى
حاول تعرف فى ايه ولو معرفتش خليك معاه لغايه لما يكون هو فعلا مش عايزك
اخى عمر
و عليكم السلام و رحمة الله و بركاته
من النادر فعلا تلاقى حد يتفاعل معاك و مش هنقدر نغير حد بس فيه اوقات الواحد بيبقى محتاج للاعتراض لحسن نافوخه يضرب
معلش نكدت عليكوا
امانى
و عليكم السلام و رحمة الله و بركاته
صلى الله عليه و سلم
انا معاكى فى انى لازم التمسله سبعميت عذر بس لما تلاقيه مبسوط و كله تمام يبقى متضايق من ايه؟ منى؟
غصب عن الواحد برضه بيزعل اهه الواحد بيستحمل كتير لازم ييجى يوم الواحد يلاقى وقت يعترض فيه
و بعدين انتى بتشرفينى لما بتزورينى
يعنى ارغى براحتك و ياريت تكلمينى على اننا صحاب
بلاش حضرتك دى
ماشى سيادتك؟
صلى الله على سيدنا محمد و على اله و صحبه و سلم
نسر
نسر؟
و الا نسرين؟
نورتينى
انا على فكرة صبور جدا و بالتمس للناس الاعذار كتير لكن لما تلاقى ده هو سلو المكالمات و المقابلات كلها يبقى فيه حاجة بقى
و الا انا غلطان؟
استاذ خالد هون على نفسك
يمكن ماتكونش لسة لاقيت الصديق اللى بالمواصفات دى بس إطمن إن شاء الله هتلاقيه والله
إدعى ربنا تلاقيه وهتلاقيه
تصدق .. انا دعيت كتير جدا فى موضوع الاخت فى الله وجالى بدل الاخت كتيييير وكلهم فى غاية الاحترام والدين والأدب .. وبيحبونى من قلبهم بجد
الحمد لله رب العالمين
إدعى بس وإن شاء الله خير
انسانة
احنا فعلا محتاجين للدعاء
ما اشد احتياجنا ليه و لرجوعنا لربنا
بس ما تنسيش دعاءك ليا بظهر الغيب
إرسال تعليق