ترجمة مواقع الإنترنت

الاثنين، أبريل 23، 2007

مافيش عريان فى اليابان يا ....جدعان

السلام عليكم
فى الاول احب ان اشكر كل اللى سأل عنى فى غيابى و خصوصا الاعزاء الثلاثة
اسامة كلام لوجيك
امانى بنت الجنوب
العزيزة نسرين
و كان سبب الغياب حماقة جديدة من حماقات الكمبيوتر الشخصى و فى محاولة لانعاشه اخذت و قتا كثيرا و كذلك محاولة التخلص من سيطرة مايكروسوفت و هيمنتها على انها القطب الاواحد فى عالم انظمة التشغيل و المسيطر على اكبر حصة فى السوق العالمى
و محاولة التخلص من هذه الهيمنة المزعجة حاولت النقل الى نظام ابل ماك او حتى لينوكس و لكن .....!!!! معلش هاييجى يوم و اهى المحاولات مستمرة بس البوست ده بيتكتب على نظام اكس بى اللعين
نرجع بقى لبوست النهاردة و اللى بيتبنى على بوست عريان فى اليابان
***
صديقى العزيز عصام من اليابان زعلان
زعلان من التعليقات اللى اتكتبت عن اليابانيين و لغة الجابان
التعليقات اللى اتريقوا فيها عليهم و هاقلكوا الحكاية و كان ياما كان
قاللى انه عجبه قوى تعليق كلام لوجيك اللى هو صاحبه اسامة و اللى باين من تعليقاته على انه شخص بعيد الرؤية او كما قال فى الرسالة
I like the commet of "KALAM LOGIC" which is seem a deep thinking person
و بعتلى بعض النقاط و طلب نشرها و هى لا تخرج عن كلام اخى الكريم اسامة
اولا
كما اخبرتك سابقا ان لغة اليابان صعبة كتابة و قراءة و لكنها سهلة للتحدث
ثانيا
بالرغم من صعوبة اللغة الا ان اصحابها جعلوها سهلة للغاية و انهم لا يرون اى صعوبة فى التعامل معها
كل شئ هناك باليابانية
و يوما ما سأل صديقى عصام احد اليابانيين لماذا لا تتعلم الانجليزية؟
رد عليه اليابانى و قاله لماذا اتعلمها و انا استطيع عمل اى شئ اريده باليابانية؟
ثالثا
طلب منهم مديره الشخصى تعلم اللغة و ذات يوم اراد توضيح احد الاشياء لاحد الزملاء باليابانية و لكنه لم يفلح و اذا به يكتشف ان زميله هذا يجيد الانجليزية بطلاقة و لكنه لا يستخدمها الا اذا فشلت الطرق الاخرى
رابعا
دخلت زوجته احد المستشفيات للولادة و اذا به يجد قاموس يابانى عربى فى الغرفة لمساعدته على سرعة التعبير فى مثل هذه المواقف الصعبة و التى لا تسعفه الانجليزية احيانا
خامسا
اليابانيين طيبين للغاية
فى احد الايام اكتشف صديقه عطل باحد اطارات السيارة فذهب للمكتب لاحضار الادوات اللازمة و اذا به باحد الاشخاص يقف بجانب السيارة و معه الادوات المطلوبة و بدأ بالفعل فى تغيير الاطار
سادسا
معلش الرسالة طويلة و انا ضد المواضيع الطويلة حتى لو كنت انا اللى كاتبها لكن ان شاء الله اعملها بوست خاص

هناك 36 تعليقًا:

عصفور المدينة يقول...

حمدا لله على السلامة يا أستاذ خالد
علمت عن الألمان أنهم لا يستخدمون غير لغتهم إلا للضرورة
زميل كان في ألمانيا ذهب ليؤجر سيارة فكلمه الرجل بالانجليزي عندما ذهب ليرد السيارة كلمه بالألمانية وهو يكلمه بالانجليزية والرجل يرد عليه بالألمانية

محمد عبد الغفار يقول...

عود احمد

ناس محترمه روحها ومحترمه غيرها

غير معرف يقول...

السلام عليكم
حمدلله على السلامه والف سلامه على الكمبيوتر
بس فى الاول كده هو عصام من اليابان ولا عايش فى اليابان يعنى هو زعلان قوى كده ليه
فعلا انا سمعت ان التحدث باليابانيه سهل بس انا حتكلم ازاى اذا مكنتش اعرف اكتبها ولا اقراها و على العموم الغاوى ينقط بطقيته يعنى اللى عايز بيتعلم
وبعدين هو مراته دخلت المستشفى تولد وهوبيعرف يابانى ولو واحد ميعرفش مراته تستنى لغايه لما يتعلم هههههههه
ممكن يكون اليابانين طيبين بس اكيد مفيش اطيب من المصرين

عصفور المدينة يقول...

حمدا لله على السلامة يا أستاذ خالد
علمت عن الألمان أنهم لا يستخدمون غير لغتهم إلا للضرورة
زميل كان في ألمانيا ذهب ليؤجر سيارة فكلمه الرجل بالانجليزي عندما ذهب ليرد السيارة كلمه بالألمانية وهو يكلمه بالانجليزية والرجل يرد عليه بالألمانية

أمــانــى يقول...

حمدلله على السلامة وبعدين مايكروسوفت مش لاقية منافسة قوية ليها يبقى ايه العمل غير اننا مضطرين نتعامل معه
:D
اليابانين طيبين ؟!! مممممممم
بس هما عندهم شئ كويس الهوية هما من داخلهم يرفضون العولمة علشان كده مش بيحبوا يتعلموا الانجليزية اللى مهيمنة على العالم وحتى الصينين برضو كذلك لو حد بيشوفوهم فى المعارض يتحدثوا بالعربية اما الصينية اما الانجليزية طبعا لاء
برضو مبدأ يحمد لهم

BinO يقول...

السلام عليكم
أستاذ خالد
يشرفني دعوة حضرتك للأنضمام لفريق التحرير لموقع أخباري وليد علي الكتاب والسنة
نحن في مرحلة التجريب ووضع السياسة التحريرية
أذا وافقت لو سمحت أخبرني
وأحتاج ميل لك لأرسل لك دعوة الأنضمام

كلام لوجيك يقول...

اولا
حمدلله على سلامتك يا صديقى العزيز وسلامة جهازك
العالم الافتراضى كان ضلمة من غيرك
واهم حاجه انك بخير واطمنا عليك
ثانيا
اشكرك انت والاخ عصام على كلامكم الطيب
ثالثا
كل الكلام اللى ذكره الاخ عصام فى رسالته بيثبت وجهة نظري بخصوص الشعب اليابانى الذي يفرض عليك احترامه
شعب يثق بنفسه ويقدراته ويعتز جدا بلغته وثقافته وتاريخه
وطبعا نطمع فى الحصول على مواقف وقصص اضافية من التى عاصرها الاخ الكريم عصام هناك فى اليابان
خالص تحياتى لكم جميعا
ودمتم بكل خير

عاشقة الوطن يقول...

خااااااااالد

ايه يابنى أغيبلى شوية وأرجع الاقيك شغال على اليابان
ايه يابنى حكاية اليابان معاك
بس حلو اوى تحضر اليابانين وكلام صاحبك عنهم يخلى الواحد نفسه يعيش هناك على طول

وبعدين انت كمان كنت غايب
انا كمان كان الهارد بتاعى باظ والحمدلله جبت هارد جديد
ووحشنى اوى التدوين

ورجعت لاقيت اليابان بينتشر ويتوغل

ماعلينا

كراكيب عادل يقول...

يا عم كنت فين بس هو الكمبيوتر يعمل معاك كل دة

سيب مايكرسوفت في حالها دول غلابة هههههه

بالنسبة للغة دول ناس بيعتزوا بنفسهم

david santos يقول...

My friend, I need that you make me a translation of English for Arab if you will be able to make says in mine coments, you I am very thanked

bentfalestine يقول...

اليوم و انا بتفرج ع اخبار ام بي سي كان في تقرير هل الملوخية يابانية ام فرعونية؟ هههه خطرلي مدونتك طوالي و الي حكيته عن اليابان .. المهم بغض النظر عجبني انه ممكن بيجيدو الانجليزية او اي لغة بطلاقة و لكنهم بستعملو اليابانية و هاد الفرق من مليون فرق بينا و بينهم انه احنا العرب بنكون يا دوب بنعرف كلمتين الي هم هاي و سوري تلاقي بنستخدمهم بدال العربي عشان البرستيج لا و احنا عندنا في فئة بلاش اوصفها عشان المدونه بكلمه محترمه بتباهى انهم بيعرفوا عبري عشان برضو برستيج ... و الي فمهته انه برضو متحيزين لمنتجاتهم بشكل رهيب .. فالخير فيهم فهم ياكلون مما يزرعون ..و محتفظين بهويتهم
و عشان انت مش بتحب المواضيع الطويله اكيد مش حتحب الرد الرغاي الطويل ... عشان كده حمدالله ع السلامه دمت بسلام

bentfalestine يقول...
أزال المؤلف هذا التعليق.
غير معرف يقول...

بارك الله فيك أخي خالد وشكر على مرورك على مدونتي
http://magd0000.maktoobblog.com

Hannoda يقول...

الشعب الياباني شعب بيفرض احترامه دايما

وأنا كنت كتير بقارن بينا و بينهم و ده ظلم ليهم شديد لو قارنتنا بيهم.. بس أهو بحاول اتخيل و اتمنى

أتمنى ان لافتات المحلات تكون بالعربي.. حتى لو مش ستايل

بتمنى أصغر جملة فكلامنا ما تحتويش كلمة انجليزي

هم ناس فاهمين ان تعلم اللغة مجرد علم و ثقافة هامة** أقصد اللغة الإنجليزية** وهي سبيل للتواصل مع الغير

يعني مش بديل و لا برستيج

تحياتي ليك يا خالد

Dr.khaled يقول...

حمد الله ع السلامة يا هندسة
على فكرة في بوست جديد ان شاء الله
من اخراجي وانتاجي
بطولة خالد من مصر المأروصة..وخالد حواديت
:)
وتحياتي لك
ولا تطول الغياب

me يقول...

بجد مدونة رائعة وبتمثل إضافة
أنا قرأت كام بوست كدة وعجبوني
وقلت أمضي على آخر واحد فيهم
بالتوفيـــــق

kaed يقول...

اولا حمد اللة علىالسلامة
ثانيا
العلم دى نالوا إحترام العالم بإحترامهم لثقافتهم ولغتهم
مش زينا الواحد من دول يبقى عايز يدخل إبنة مدرسية إنجليزى علشان يتفشخر قدام معارفة
سلام

Dr.khaled يقول...

هو الكمبيوتر بتاعك
حالف ماهو شغال ولا ايه؟؟؟

khaled يقول...

أ عصفور المدينة
بتهيألى انت اللى مضيت بمحمد
!!!!
انا برضه سمعت كده عن الالمان
ناس بيعتزوا بلغتهم
يا ليتنا فى مثل اعتزازهم هذا

khaled يقول...

محمد عبد الغفار
علشان كده العالم بيحترمهم و لو احترمنا نفسنا و غيرنا ما كانش حد عمل فينا اللى بيحصل ده

khaled يقول...

نسرين
عزيزتى عصام مصرى ابا عن جد لكنه قاعد فى اليابان مؤقتا
و هو عنده حق لما يزعل لانه هو اللى بعتلى الاميل و لقى كلامه اتفهم غلط و كمان كان عايز يبين الحق
و تعلم اللغة اى لغة للتحدث بها لا يستدعى تعلم كتابتها و عندك مثال الصعايدة من الاقصر و اسوان
اكتريتهم لا يعرفون القراءة و الكتابة و لكنهم يتحدثون اكثر من اربع لغات حية و بطلاقة
و مسألة ان مفيش اطيب من المصريين اشك فيها على الرغم من انى متحيز جدا لبلدى

khaled يقول...

امانى
مايكروسوفت دى هايجلها يوم تقع زى ما شركات كتير و قعت
اشوف فيها يوم
بس مبدأ عدم تعلم لغة العولمة ده لسة منتبهله من كلامك دلوقت و فكرة حلوة و جميلة علشان كده انا هاقاطع العولمة فى صورة مقاطعة مايكروسوفت
:)

khaled يقول...

بينو
و عليكم السلام و رحمة الله و بركاته
معلش انا ظروفى ملغبطة شوية فاعذرنى لعدم استطاعتى القيام بهذا العمل الجميل

khaled يقول...

اسامة
ربنا يخليك مش قوى كده
:)
و الشكر لعصام لانه هو اللى قال الكلام ده و تابع التعليقات
و ان شاء الله هاعمل مواضيع تانية عن المواقف اليابانية

khaled يقول...

عاشقة الوطن
حمدا لله ع السلامة
معلش بقى اليابان هى صاحبة المرحلة دى
و ايه حكاية الكمبيوترات دى جاتها شوطة كلها فى يوم واحد
و لا تزعلى نفسك
:)

khaled يقول...

عادل
غلابة؟
دا احنا الغلابة يا راجل
ربنا يقل منهم
:)

khaled يقول...

Mr david
ok will think about it
thank you

khaled يقول...

بنت فلسطين
الله يسلمك
يا ستى ارغى براحتك انتى ما بتكتبيش بوست ده تعليق
:)
و الناس اللى انتى ذكرتيهم و اللى بيتعلموا الانجليزية لمجرد التباهى فمعلش دول مجرد ناس جهلة فى صورة نظيفة شوية و للاسف الناس بتنخدع فيهم و يفتكروهم مثقفين

khaled يقول...

ماجد
ربنا يكرمك

khaled يقول...

هنودة
الظلم لينا لو قارنتينا بيهم هما عدوا خلاص
:)

khaled يقول...

د.خالد
الله يسلمك بوست جميل
طب مش تقولى احط مكياج و الا حاجة
:)

khaled يقول...

خديجة
ربنا يكرمك و يديم المعروف

khaled يقول...

قائد
الله يسلمك
يا ريتنا زيهم
:)

خمسة فضفضة يقول...

السلام عليكم ورحمة الله وبركاته

حمد الله علي السلامه
والف مليون سلامة علي الكمبيوتر

الكلام اللي انت بتحكيه ده مش غريب علي شعب خرج بعد الحرب العالمية التانيه متدمر كلينا وقدر في خلال فتره قليله جدا ان يقف تاني علي رجليه ومش كده وبس لا يبقي نمره واحد في العالم في كتير من الصناعات علي راسها الصناعات التكنولوجيه

عقبالنا يارب لما نبقي حتي ربعهم



تحياتي

khaled يقول...

خمسة فضفضة
و عليكم السلام و رحمة الله و بركاته
يا رب
انا راضى بالتمن بس نحصلهم
:)

غير معرف يقول...

مشكور اخي الكريم

وارجو الاضافة

http://shamandora-masrya.blogspot.com/

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro