ترجمة مواقع الإنترنت

الاثنين، أبريل 16، 2007

لغة الضاد

اليابان
مستغربين من اللى قلته فى البوست اللى فات و ان اليابانى بالرغم من اصراره على العمل و جديته ممكن ما يكونش عارف يقرا لغته؟
قلتوا الحمد لله ان احنا من اهل اللغة العربية؟
لغة الضاد؟
طب حد فيكوا سأل نفسه او سأل اللى جنبه او اللى وراه عن معنى الجملة دى؟ لغة الضاد؟
انا اقلكوا
فى ايام الفتوحات الاسلامية بعد وفات الرسول صلى الله عليه وسلم و فى عهد ابى بكر الصديق رضى الله عنه و بعده لما انتشرت الفتوحات فى عهد الخلفاء الراشدين من سيدنا عمر الى سيدنا على و بعديه الحسن ثم سيدنا معاوية رضى الله عنهم و فى عهد الدولة الاموية و بعديها العباسية و افتتاح الدول الاسيوية مثل بلاد فارس ( ايران حاليا ) و بلاد ما وراء النهرين مثل اذربيجان و افغانستان و بعديها الهند و دول اسيا مثل بخارى و سمرقند و بلاد الترك و غيرهم و دخول اهل البلاد دى فى الاسلام ابتدوا يتعاملوا بلغاتهم لكن بيكتبوها بالحروف العربية مثل اللغة الاردية و الفارسية و البشتو و التركية و الكردية و غيرها
لكن ماننساش ان الناس دول اجانب يعنى لسانهم غير لساننا
زى معظم الاوروبيين ما يعرفوش حروف ال خ و ح و غ و ق و ص وض و ط
يعنى حرف ال ص مثلا ينطق
s
و طريقة نطقها بال س
و كذلك ض تنطق
d
و بلسانهم بتخرج د
اما الاسيويون فعندهم الحروف دى لكن فى نطقها بينطقوها زى الاوروبيين و الامريكان
لكن حرف واحد بس هو اللى بينطقوه حتى على غير شكله
ايوة هو حرف الضاد
بينطقوه ظ
و اسمه ظاد عندهم
يعنى الهنود و التراكوة و الافغان و الباكستانيين ( اصلهم هنود ) و غيرهم كتير من شعوب ما نعرفش عنهم حاجة و اللى بيكتبوا لغاتهم بالحروف العربية ( و بالمناسبة فيه كلمات عربية كتير فى لغاتهم ) ما يعرفوش ينطقوا حرف الضاد و هو الحرف اللى بيميز لغتنا الجميلة لغة القرآن عن اى لغات اخرى فى العالم
لغتنا هى اللغة الوحيدة على مستوى العالم اللى فيها حرف الضاد و اللى بيميزها عن غيرها من اللغات
عرفتوا بقى التراكوة او الترك كانوا لما بيقولوا حضرتنا بينطقوها حظرتنا ليه؟

هناك 27 تعليقًا:

ma 3lina يقول...

هندسة ..
جزاك الله خيرا على تعليقك ونصايحك .. انا مش كنت عايز اكتب في البرمجة .. لكن يالا بقى اللي حصل ..
المهم بتقول عايز برنامج سيرفر شخصي غير الـ
IIS
خد بالك إن السابق هو الأفضل .. وأي حاجة تانية مش حتوصل لمستواه

لكن ممكن تجرب برنامج
Web Matrix
أو
OmniHTTPd
ولو شغال دوت نت 2005 فكبر دماغك خالص لا أي أي إس ولا دياولو .. هو بيتصرف مع نفسه ...

صحيح هو أنا ما قلت لكش

You have been tagged

عصفور المدينة يقول...

ياه ده الباشمهندس ماعلينا رد عليك هنا وانا رديت عليك عنده هناك آسفين والحقيقة لا أعلم بروتوكول للردود واعتقد لا يوجد بروتوكول معين
المهم
كثير من أصحاب لغة الضاد ما عندهمش ضاد ولا صاد ولا طاء ولاقاف

Waleed Fareed يقول...

انت ياد يابتاع دروس اللغة انت منمر علي دروس خصوصية ولا ايه
علي العموم عندك خطأ لغوي
وفاة وليس وفات P:
هههههههههه
بس حلو دروس اللغة دي بجد
والحمد الله العربي 28 حرف بس لو ركبت عليه الحركات اللي هيا الفتحة والكسرة والضمة والسكون يعني يعملوا 112 وعلي وحسين بدل عجبي
انا مقصر معاك يابو خالد بس علي فكرة انت مكلمتنيش الاتنين زي ما كنا متفقين سلام يا سيد

أمــانــى يقول...

ايه يا باشمهندس
حضرتك غيرت المهنة ولا ايه
؟؟؟
:D
ايه هى البرمجة مش جايبة همها ولا ايه ولا ده من حقـــد الناس عليكوا
:D
اللغة العربية أصلا هى اصل اللغات

كلبوزة لكن سمباتيك يقول...

يا اعظم من قال الضاد قاطبة

جزء من قصيدة احمد شوقي في نهج البردة
في مدح الرسول صلى الله عليه و سلم

اشكرك على الموضوع الشيق

عصفور المدينة يقول...

يا أفصح الناطقين الضاد قاطبة
حديثك الشهد عند الذائق الفهم

عشان الوزن بس بالله عليك

ذو النون المصري يقول...

عرفنا خلاص يا استاذ خالد
و جزاك اله خيرا
تحياتي

david santos يقول...

Hello, my friend!
Thanks for you work and have a good week

الراقـــص مع الذئـــــاب يقول...

جزاك الله خيرا يا خالد
معلومة جميلة
انا اعرف ان لغتنا اسمها لغة الضاد بس مكنتش بصراحة اعرف سبب التسمية
ربنا يكرمك ويجعله في ميزان حسناتك

دمت في خير

emos يقول...

حلو اوى البلوج دة حظرتك :)

انا بحب البوستس السريعة اللى فيها كلام مفيد دى

براوة عليك يا ولد

david santos يقول...

لقد أن تنتهي مع باري لغات منها بوش وغيره من الارهابيين لا تزال تكمن

عصفور المدينة يقول...

الأستاذ ديفيد سانتوس أنا تركت له تعليقا في موقعه باللغة البرتغالية أحييه فيه وأخبرته أنني ترجمت من الانجليزي للبرتغالي بالجوجل وهو فرح بالفكرة طبعا الترجمة للعربي غير دقيقة وهو استخدم الفكرة والتعليق الذي يقوله أنا أخذته ورجعته للانجليزي
هو يقصد فيما اعتقد
أنه بسبب حواجز اللغة تمكن الإرهابيون مثل جورج بوش من الاستمرار في الكذب
وسوف أدون عن الأستاذ ديفيد سانتوس اوعى حد يسبقني

كراكيب عادل يقول...

خير برهان علي جمال اللغة الاخ ديفد سانتوس مش عارف لية بضحك لما بشوف تعليقات الراجل دة في كل مكان

بس بجد موضوع جميل انت تعرف اللغة الاوردو دي ملهاش بلد اصلا دول عملوها مخصوص للحروب علشان تتجمع عليها ناس كتير كل اللغات فيها نواقص كتير مش هيعرف جمال العربي غير اهل البلاغة

khaled يقول...

ماعلينا
جزاك الله خيرا اخى الكريم
و ماله يا عم اما تكتب؟
انا عارف ان
IIS
افضل سيرفر للاسف
و للاسف انه تبع مايكروزفت
لكن انا عندى مشكلة حقيقية لازم اغير الويندوز لكن للاسف ما ينفعش دلوقت
انا جبت
web matrix
فعلا و جربته الحمدلله
اما برنامج
OmniHTTP
فهو موجه فقط لويندوز 98
وانا لنفس ظروف عمل الفورمات انا ما اقدرش احمل 2005 الا ان برنامج
Web matrix
خفيف جدا و كمان مساحته لا تذكر
شكرا يا باشا ع التظبيط بس فكر فى اللى قولتوهولك كويس
اما موضوع التاج فانا معلش هأخره شوية و ماتفرحش قوى لانه اتمررلى قبل كده من د.ماعلينا و ما عملتوش
ماشى
;)

khaled يقول...

عصفور المدينة
لا يوجد بروتوكول فعلا ما دمت اتابع الردود هناك و انا فعلا قريته و ما علش اللى ما يعرفك يجهلك
انا بقى هاقولك الاستاذ الشيخ عصفور
بدل الشيخ عصفور بتاعة د.خالد
:)
و فعلا كتير جدا ما يعرفش اسلوب للنطق و انا ان شاء الله هاعمل موضوع مستقل عنه
و اشكرك على حرصك على توضيح بيت الشعر
و فكرة حلوة حكاية الترجمة دى عن طريق الجوجل و انا كنت حاطط الكود بتاعه فى المدونة بس هارجعه تانى للاستفادة
شكرا مرة تانية على حرصك الجميل على متابعة الردود
جزاك الله خيرا

khaled يقول...

noheal
ما بلاش الفضايح دى هاشوفك بقرشين بس ما تسيحليش فى وسط المدونين
:)
ربنا يكرمك
انا مقدر ظروفك معلش
بس انا ما اسميش سيد
:)

khaled يقول...

امانى
اصل البرمجة مقصرة معايا قلت الم قرشين على جنب كده و احسد بتوع الدروس الخصوصية
:)

khaled يقول...

سمبتيك
شكرا ليكى و لكلامك الجميل و هى فعلا زى ما قال أ عصفور المدينة

khaled يقول...

david
thanks for your comment

khaled يقول...

ذو النون
جزانا الله و اياك
معلش بقى رديت على سانتوس قبلك
انت الكبييير
:)

khaled يقول...

الراقص مع الذئاب
ربنا يخليك و جزانا الله و اياك
يا رب ينفعنا بالكلام ده

khaled يقول...

emos
شكرا يا ابلة
:)
فعلا خير الكلام ما قل و دل

khaled يقول...

عادل
انا برضه باضحك على تعليقاته لانه ما يعرفش عربى و مكلف نفسه يدخل على المدونات العربى كلها و يسيب تعليقات
:)
صدقت و الله
اهل البلاغة خير من يعلم قيمتها

FTM يقول...

أصحاب لغة الضاد نسوها و كل كلمتين بيحشروا كلام اجنبى لزوم المنظرة ..بكرة نقول حظرتنا :D

خمسة فضفضة يقول...

السلام عليكم ورحمة الله وبركاته

شكرا علي اهتمامك الجميل بلغة الضاد

كان في بوست مش عارفه كان فين
كان بيتكلم عن الناس اللي دايما يحشروا كلام اجنبي في وسط العربي عمال علي بطال من غير سبب
او يكتبوا التعليقات بتاعهم بالحروف الانجليزيه ولكنها المفروض تتقرا عربي

بجد بحس انهم خنقه ومش مقدرين قيمة لغتهم ، وكفايه ان ربنا مااخترش الا هي علشان ينزل بيهاالقرآن الكريم



"إِنَّهُ لَتَنزِيلُ رَبِّ الْعَالَمِينَ ،نَزَلَ بِهِ الرُّوحُ الأَمِينُ ،عَلَى قَلْبِكَ لِتَكُونَ مِنَ الْمُنذِرِينَ ،بِلِسَانٍ عَرَبِيٍّ مُّبِين "

صدق الله العظيم

khaled يقول...

ftm
ههههههههه
يعنى بعد ما لبسونا الطرابيش و مشيوا نرجع نتكلم بلغاتهم تانى؟
:)

khaled يقول...

خمسة فضفضة
و عليكم السلام و رحمة الله و بركاته
صدقت و الله
كفاية ان ربنا ما اخترش اللا اللغة العربية علشان ينزل بيها القران
ربنا يوفقك

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro