ترجمة مواقع الإنترنت

الثلاثاء، أبريل 10، 2007

الظاهر انى جالى برد فى نافوخى
و الا جالى روح معنوية و الا ايه مش عارف بالظبط
حاسس ان عندى حمى مزمنة فى نفسيتى
مش عارف اوصفها ازاى
بس ممكن نقول عليها استبحس و الا تبلور فى الغدد الليفاوية من الليف يعنى
و الا روحى عايزة تعطس و بما انه مش من صفاتها فعاملالى ازمة
و حاسس كمان ان روحى اتحولت لقطة بتتنطط فى نافوخى و تخبط فى السقف علشان تكسره
بتهيألى كده ان الدم ده عبارة عن كمية كائنات بتجرى ورا بعض علشان يتخانقوا عاملة زى ما الكلب بيجرى ورا ديله عاوز يعضه
انا نفسى ابقى انسان جاهل و عندى حتة ارض بازرعها علشان نافوخى يستريح
كل ما افهم حاجة باتعب اكتر
سؤال ع الماشى
ايه احساس واحد مجنون عايش فى السراية الصفرا؟

هناك 19 تعليقًا:

ma 3lina يقول...

أصله ما عداش على مصر ..
أصله ما عداش على مصر ..

يا حبيبتي يا مصر يامصر
يا حبيبتي يا مصر يامصر

آعاااااااااااااااااااا

عصفور المدينة يقول...

اهدأ يا عمو ...مالك ده أنا لسة باقول أمس أنا حاسس إني لقيت واحد شبهي يقوم الواحد ده يلسع
شفاك الله وعافاك

كلام لوجيك يقول...

تقريبا يا خالد اللى عندك ده سببه ارتفاع الهاسة فى الدم وزيادة نسبة الهمومايسيد فى الغدد الليفاوية العليا
اللى انا عاوز اقوله انه صدق من قال الجهل نعمة
كلما علمت اكثر كلما حزنت وذهلت اكثر

عشان كده لازم نطالب بحملة شعبية لتوزيع حبوب منع الفهم عالشعب حتى يشتري راحة باله وينعم بالسكينة والطمأنينة

ساهموا معنا فى الحملة

خلى بالك من نفسك
وحباية واحدة كفاية.. ماشى؟؟

Dr.khaled يقول...

أستاذ خالد
اقلب ايديك
وبوسها
وبعدين بلها بشوية ميه وبوسها
ويعدين نشفها وبوسها
وبعدين ارفع ايديك ال 2 للسماء وادعي ربنا
انه يهديني ويغفر لي

و ل ا ت ن س ى ش ر ب اللبن ق ب ل ا ل ن و م

أمــانــى يقول...

الف سلامة عليك يا استاذ خالد
ليه كل ده شايله فى نفسك
ربنــا يفـك كربك وكرب المكروبين معلش حاول حضرتك تريح دماغك شوية واديها اجازة من الفهم
الفهم نعمة وعدم الفهم برضو نعمة
:D

عاشقة الوطن يقول...

خير اللهم اجعله خير ياخالد
مالك يابنى بس شكلك فرحان وزعلان حاجات كتير خليط
ياما بقي انا اللى مبفهمش كويس

وبعد يانت بتقول نفسك تستريح شويه
والله انا مش فاهمة حاجة

أوعى اكون انا السبب فى ضيقك بأسألتى الكتير
عارفة عارفة هتقول وانتى تيجى جنب اللى انا باشوفه وبقراه

يالا ياعم ربنا معاك
وربنا ينفخ فى روحك المعنوية ويارب البرد اللى فى نافخوك يخف

يالا بقي اسيبك دلوقتى وهابقي ارجعلك تانى ياعم خالد

سلام يافندم
يامنقذ الغلابة

Unknown يقول...

يا نهاااااااااااااار ابيض

ده بالظبط اللى حاسة بيه من اول ما عشت فى البلد الكاميكازى دى

حالة الشعب بقت تيكىلم تيكىلم على الاخر

:(((

Rivendell** يقول...

نهااااااااااااار
ازرررق

khaled يقول...

sosa
عليكم السلام و رحمة الله و بركاته
ان شاء الله سارة
نورتى

khaled يقول...

ما علينا
معلش لما يعدى اكيد هايعرف
:)

khaled يقول...

عصفور المدينة
دوام الحال من المحال يا عزيزى
امين يا رب

khaled يقول...

اسامة
حلوة الحملة دى
ممكن اشترك معاكوا
:)
طب مش ممكن حبايتين علشان نافوخى هايضرب

khaled يقول...

د.خالد
امين يا رب
دى وصفة هايلة
دى وصفة سهلة
مع السلاااااااااااامة
ههههههههه

khaled يقول...

امانى
امين يا رب
طب تفتكرى اخد اجازة من الفهم ازاى؟

khaled يقول...

عاشقة الوطن
هههههههههههه
كلامك خفيف
من خفيفة
الدم
:)
و الحالة دى ماتتوصفش الا كده

khaled يقول...

انسانة
معلش
بكرة هاتتعدل
و ان ما كنش بكرة يبقى بعده
و ان ما كنش بعده
..........
.........
.....................

khaled يقول...

ريفندل
ليه كده ما هو لسة الوان
:)

šσяšαяαα يقول...

مجنون مع مجنانين فى السرايا الكركم
مع اغنية الثلاثى المرح
مج مج مج مج
مج ممج مجانييييييييين
مج مج مج مج
مج ممج مجانيييييييين
مجانييييييييييييييين
مجانيييييييييييييييين
بس نعييييييييييييش

وبعدها اغنيه الجيل الجتيت
الدنيااا ماااجنونه نونه نونه
واحنا العاقلييييييييييين
مج مج مج مج مج ممج مجانيييييين
ياليلى ياعينى ياااا ياااا ياااا
لييييييييييييييييل

انا جيت امسى بس وراجعه سرايتى تانى
واللى ييجى يزورنى يجيب معاه حلة احسن اخدو بتاعتى ومش لاقيه كاب البسه.

والجنان لااااااااااااازم
تارارارارارارارارارا

khaled يقول...

ده احنا طلعنا جيران فى سراية واحدة
ماتقلقيش عندنا حلل كتير

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro