ترجمة مواقع الإنترنت

الجمعة، أبريل 06، 2007

انا جاى اكمل التاج اللى فات على مزاجى
يعنى ها ألف تاج من عندى
السؤال الاولانى
ايه طبيعة كتابتك فى المدونة؟
مع ان السؤال ده مكرر يعنى اتقال فى التاج اللى فات لكن حبيت اقوله لان انا عايز اجاوب عليه من زاوية تانية
زى ما قلت قبل كده ان كتاباتى فى المدونة ما هى الا مذكراتى الشخصية و شوية نصايح لاصحابى المدونين
يعنى ما فيش اتجاه معين للمدونة
يعنى ممكن اتكلم فى اى حاجة حسب المود بتاعى
متغاظ من حاجة و ده بيحصل كتير اكتبها
فرحان من حاجة و ده ناااادرا ما بيحصل اكتبها
شوية نصايح واقفين فى سقف حلقى ااااجى ادوشكم بيهم
لكن المنظر العام بتاع مدونتك و اللينكات اللى فى السايد بار بيقول ان اتجاهاتك دينية؟
اولا احب اقول ان الدين ما ينفعش اقارنه بأى حاجة تانية يعنى فيه ناس اتجاههم سياسى و فيه ناس تانية اتجاههم فكاهى و ناس تالتة اتجاههم ادبى
لكن ما ينفعش اقول ان اتجاهى دينى لان بكده انا حطيته بمقارنة مواضيع تانية و كمان نفيت الدين عن كل ما اتجه اتجاه مخالف
ثانيا ما يمنعش ان كنت باحب دينى و معتز بيه و اتكلم فى مواضيع مش مرتبطة بيه
يعنى مثلا لما اقابل واحد صاحبى فى الشارع اقوله خطبة دينية؟
مش ممكن اتكلم معاه على احواله و احوالى و زعلى و فرحى؟
المدونة برضه كدة
باتقابل معاكوا فيها و اتكلم على همومى و افراحى
هل تسعى لارضاء السادة المدونين بكتاباتك؟
ما ينفعش ارضى كل الناس و حتى لو حاولت هاخسرهم كلهم
لكن زى ما قلت قبل كده انا باتكلم عن مشاكلى انا و عن همومى انا و نصايحى انا اللى باقولها هنا
ممكن فيه ناس بتعجبهم كتاباتى
و فيه ناس بتختلف معايا
بس مش معنى كده احاول ارضيهم علشان اكسب زبون
لما انت بتحب دينك ليه ما بتكتبش فى الدين؟
كل الناس بتتكلم فى الدين
كلهم بقوا يفهموا فيه و يفتوا فيه و يناقشوا بعض فيه
علوم الدين موجودة فى الكتب و الشرايط و السيديهات و فى كل حتة
يبقى لو اتكلمت مش هاضيف جديد
و كمان اللى بيتكلم فى الدين لازم يكون مؤهل للكلام فيه
يعنى لما اتكلم فى شرح اية مثلا يبقى لازم اتعلم تفسير و اعرف الاقوال المتعددة فى تفسيرها غير ادراكى لعلوم تانية مرتبطة بيها زى الناسخ و المنسوخ و اكون حافظ احاديث كتيرة صحيحة بتشرح الاية دى ناهيك عن شرح القران بالقران يعنى اكون حافظ ايات كتير بتفيد فى شرحها
و لما اتكلم فى الفقه يبقى لازم اكون دارس قران و علوم حديث و اعرف اقوال العلماء و الادلة و الفرق ين المذاهب و القواعد الفقهية و علوم تانية كتير ضرورية
يتبع

هناك 8 تعليقات:

عاشقة الوطن يقول...

ايه ياعم خالد انت بتعمل التاج على أجزاء
ماشي
بس حلو اوى الكام سؤال اللى انت ضيقتهم

ومستنين باقي التاج

Dr.khaled يقول...

ما شاء الله
كلاكيت تالت مرة

معلش يمكن حضرتك اكبر مني...
لكن ايه الدكتاتورية دي
ده كل الموضوع تاج وحيد قريد يتيم مقطزع من شجرة
عملته انته تلاتة
يللا مش مهم
انت برضه مواطن مصري والدستور بيكفل لك حث كتابة مواضيعك
بس كويس الاسالة اللي سالتها لنفسك واللي جاوبتها برضه على نفسك...

ما شاء الله اسالة في الصميم...واجابات مش محتاجة اي ترميم

ت ح ي ا ت ي يا استاذنا

عصفور المدينة يقول...

تحياتي يا أستاذ خالد
وأهدي إليك هذا البوست
http://ctybrd.blogspot.com/2007/02/blog-post.html
وبعدين أنا طنطاوي فعلا وبجد واضح انك مش طنطاوي
المدينة المذكورة في اسمي الحركي والتي أحبها هي طنطا

khaled يقول...

عاشقة الوطن
ربنا يخليكى
ان شاء الله هاعمله
بس ذنبك على جنبك

khaled يقول...

د.خالد
و اربعة كمان لو حبيت
شكرا لكلامك الحكيم
ميم ميم

khaled يقول...

عصفور المدينة
اهلا بيك فى وطنك
:)
انا فعلا مش من طنطا
بس باحب اعيش اوانطة
:)

kaed يقول...

خالد
عندك حق فى دى الناس كلها يا خويا بقت علماء دين و كل واحد بيقول اللى هو عايزة هو فى حد فاهم حاجة
دمت بخير

khaled يقول...

قائد
و الا كايد
؟
ما حدش و حياتك فاهم حاجة
شرفت

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro