ترجمة مواقع الإنترنت

الاثنين، يوليو 19، 2010

رجعة



من تلات سنين تقريبا وانا سايب التدوين
من تلات سنين تقريبا وانا ابتديت التدوين
كان عمري التدويني قصير يادوب ست شهور
لكن اتعرفت على ناس أغلى من الدهب واللؤلؤ اللي في البحور
دول هما اللي انا فاكرهم وجاي أسأل عنهم وأطمنهم
ان خالد لسة عايش ايوة ساب التدوين لكن عايش
ماسابش دماغه وأفكاره لكن كل الحكاية انه غلب حماره
ممكن تقولوا زهق ممكن تقولوا انشغالات او اشتغالات
وممكن تقولوا غرق
غرقت في الدنيا وما عرفتش أقاوم تيارها
سحبني بعيد بعيد وموج يشيلني ويرزعني وموج تاني يلطشلي
وعرفت ناس جداد ونسيت ناس قدام وبرضه همه نسيوني
حبيتهم وحبوني لكن من قلوبهم مسحوني ومن صفحة عقولهم شطبوني
لكن الناس اللي عارفني اللي فاكرني اللي حابني بأقلهم انا كمان لسة شايلهم في عيوني
***
بأشكر كل اللي زارني واللي لسة فاكرني واللي سال عني
بأقلهم خالد لسة عايش وراجع حتى لو غاب تلات سنين مادونش
الحياة مش بس تدوين وتعليق ومجاملة
الحياة عقل وقلب ومعاملة
***
اشوفكوا بعد الفاصل
اشربوا العصير

هناك 22 تعليقًا:

غير معرف يقول...

حمدا لله على السلامة
باسعد جدا لما الاقى المدونين الل بدأوا معايا التدوين بيرجعوا تانى
منتظرين التفاصيل


العائشه فى الاحلام

غير معرف يقول...

حمدا لله على السلامة
باسعد جدا لما الاقى المدونين الل بدأوا معايا التدوين بيرجعوا تانى
منتظرين التفاصيل


العائشه فى الاحلام

غير معرف يقول...

حاقولك‏ ‏زي‏ ‏زمان
كنت‏ ‏فين‏ ‏ياضحمدا‏ ‏لله‏ ‏على‏ ‏السلامة
مش‏ ‏حاقولك‏ ‏انا‏ ‏مين

khaled يقول...

الآر آر إس ده اختراع هايل بيفتن على طول ويقل ع البوستات الجديدة ما شاء الله
هههههههه

khaled يقول...

أحلام رفقة العمر يا العائشة في الأحلام
باشكرك جدا على اهتمامك وحرصك على التعليق واعادة التواصل من جديد
وأذكر أنك كتبتي موضوع عني وعن بعض المدونين الذين نعرفهم وانقطعوا
باشكرك مرتين على تذكرك لي حينها وعلى تذكرك لي اليوم وان شاء الله رجعة بلا رجعة يعني رجعة بلا رجعة للانقطاع مرة أخرى

khaled يقول...

انت بتقولي ياض طب اطلع وريني نفسك
هاستناك بره
ههههههههه
والله القلب يقوللي انت مين بس خايف لا يخونني ذكائي وانت من اللي كانوا بيعلقوا اول ناس
والا ايه يا شيخ؟
تحب أقولك انت مين؟
انت من الغاليين واللي باعتبرهم شبهي
والعصفور قاللي كمان وفتن

عصفور المدينة يقول...

صح يا خالد وحمدا لله على السلامة
بس انا مش غايب انا تقدر تقول حاضر غائب
يعني موجود بس بارفرف كدة وانزل لما يكون فيه داعي

عصفور المدينة يقول...

وموجود ع الفيس بوك وتويتر برضه

khaled يقول...

الحمد لله احساسي طلع في محله وماخرفتش لسة
يعني بلوجر وفيس بوك وتويتر؟
احمدك يا رب

mrmr يقول...

حمد الله بالسلامه
فجاءتا كده
خير ربنا يجعله خير
قوم ايه
كنت عماله اقلب ولقيت مدونتك
بجد عجبتنى
قلت يا بت ياللا افعيه تعليق وقوليله حمد الله بالسلامه

ثلاث سنين مش كتير عايزين نعرف بقى حواديت الثلاث سنين دول
اوعى تبخل علينا
انا ح اضيف مدونتك عندى للمتابعه
منتظره متغجبش علينا

أفروديت يقول...

مبرووووووووووووووووووك
عودآ حميد ان شاء الله

khaled يقول...

mrmr
طيب تفقعيني تعليق ومش خايفة تيجي في وشي؟
الحمد لله ربنا ستر لحقت نفسي ع الحركرك
شكرا لزيارتك واضافتك ليا شئ يشرفني

khaled يقول...

افروديت
الله يبارك فيكي بس دي عودتي انا مش بتاعة حميد :)
شرفتي

norahaty يقول...

حمدلله على السلامة
ياأستاذ خـــالد

khaled يقول...

الله يسلمك
نورتي مدونتي معلش هي مكركبة حبتين لكن بعت اجيب حد ينضفها :)

Majoli يقول...
أزال المؤلف هذا التعليق.
Majoli يقول...

Thank you for your visit to Doodles.
Kisses in your heart.

غير معرف يقول...

ياااااااااااااه
خالد لسه عايش يا جدعان
ايوه يا عم انا فاكرك و مش ممكن انساك
انا اتعلمت منك اشياء كتيره في التدوين
مبروك علي العوده و يارب تكون بخير
...................
ذو النون المصري

mrmr يقول...

الف سلامه ليك يا خالد
مش جات سليمه الحمد لله
انا كنت خايفه على عينك لكن الحمد لله العين عليها حارس ابن حلال

khaled يقول...

majoli
thanks but u can write in portogoues too i can use google translation
thanks for your visit

khaled يقول...

ذو النون
الله يخليك ده انت اللي استاذ
ان شاء الله نرجع نتواصل تاني

khaled يقول...

mrmr
الحمد لله جت سليمة بس خدي بالك بعد كده
هههههههه

Template Designed by Douglas Bowman - Updated to New Blogger by: Blogger Team
Modified for 3-Column Layout by Hoctro