حواديت

كذبتم يا مبلسون

2011-12-15T09:31:00.002+02:00

جاء الخبر في موقع مصراوي اليوم
http://www.masrawy.com/news/Egypt/Politics/2011/December/15/4674867.aspx
وهو أن أزهريون يرفضون امتطاء الدين للوصول للحكم وهذا ردي عليهم

ماجاء في الخبر في الرابط
http://www.masrawy.com/news/Egypt/Politics/2011/December/15/4674867.aspx
وهذا ردي عليهم :
1- قولكم أن الاسلام لم يعرف صورة واحدة أو نظاما واحدا من أنظمة الحكم فهو قول يفتقر لدليله ولكن الحق أن الله شرع الدين لادارة شئون الناس مؤمنهم وكافرهم , صغيرهم وكبيرهم ومن له أدنى مسحة من الفقه وقرأ في هذا العلم عرف ان النظام الذي يقره الاسلام هو ما شرعه الله وشرعه رسوله بسنته وهو الذي سار عليه الخلفاء الراشدون من بعده فيقدمون للحكم " الولاية " أو " الخلافة " من له سبق وفضل في الاسلام ومن أفضل من أبي بكر رضي الله عنه بعد النبي ؟ ومن أفضلهم بعد أبي بكر من عمر بن الخطاب وهكذا في باقي الخلفاء الراشدين بالترتيب .
فيقدم أولا من له دين وفقه وعلم وأما مقاصد الشريعة فهو حتما في مصلحة البشر ولكن هذا القول حجة عليكم لا لكم لأن الإسلام دين شامل ولا يقتصر فقط على تطبيقه في المسجد دون الشارع ولا في البيت دون غيره من الاماكن فجاء كتاب الله وجاءت سنة نبيه واستدل منه العلماء على أحكام تخص كل فروع الحياة من أول الميلاد إلى الموت ومن العامة إلى الحكام ونظام الحكم والقضاء وتطبيق الشرع في القصاص والحدود والديات والشهادة والبينة وممن تقبل شهادتهم وممن ترد شهادتهم , كل شئ , فكذب كل من يدعي أن الاسلام لادخل له في الحكم أو السياسة .
2- قولكم عن أن الدولة لا تقوم على الشعارات الدينية ولا الشرائع ؟: سبحان الله فأين مقاصد الشريعة التي احتججتم بها في " أولا " ؟ أليس هناك حديث صحيح عن النبي صلى الله عليه وسلم أنه قال " أمرت أن أقاتل الناس حتى يقولوا لا إله إلا الله " ؟ أليس هذا بشعار ديني؟ أليست هي الهدف الأسمى للشرع؟ لتصحيح الدين؟ ليكون الدين كله لله؟ لتكون كلمة الله هي العليا وكلمة الذين كفروا هي السفلى؟ أليست هذه من أساسيات السياسة الشرعية؟ ألم تعلموا أن لابن تيمية كتاب يسمى " السياسة الشرعية في إصلاح الراعي والرعية "؟ بما أنكم تحتجون بكلامه وسبحان الله تسبونه وتغلطون من يأخذ من علمه وتحتجون بكلامه إذا وافق هواكم .
شريعة الاسلام لا تفرق بين الدين والسياسة ولكن الدين حاكم وله الكلمة العليا
قال الله تعالى " ومن لم يحكم بما أنزل الله فأولئك هم الكافرون "
" ومن لم يحكم بما أنزل الله فأولئك هم الفاسقون "
نعم العدل مطلوب ويقيم الله الدولة بالحاكم العادل و إن كان كافرا ولكن ليس هذا مبتغى الشرع ومنتهاه أن نقيم الدولة على نظام يخالف دين الله بحجة العدل ومن أدراكم أن قيام دين الله واستعمال أحكامه لن يحقق العدل؟ بل هو منتهى العدل وثبت في السير أن الرسول صلى الله عليه وسلم حارب دول غير اسلامية منها المجوسية ومنها الرومية وحاربها من بعده خلفاؤه ولم يسأل ان كانت عادلة أم لا فقد حاربها لإعلاء دين الله ولا غير حتى وان كانت عادلة فدعكم من شبهاتكم التي لا تسمن ولا تغني من جوع والتي تلبسون على العوام دينهم
3- قولكم أن الدين ماوقر في القلب وصدقه العمل وليس بالمظهر : فيما يختص بالايمان والاخلاص وماكان من مسائل القلب فلا سبيل لمعرفته إلا الله وقد انقطع الوحي بوفاة الرسول صلى الله عليه وسلم فلن ينزل ليخبرنا ما في قلوب الناس ولكن لنا بالظاهر " المظهر" فترى الشخص الذي يلبس الذهب ويتشبه بأهل الجهل والفسق فنحكم عليه من مظهره أنه منهم ونرى الشخص المحتشم المؤدب الذي يدل من مظهره على صلاحه فنحكم بما رأيناه وما لنا أن نشق عن قلبه إلا ما دل دليل وظهرت بينة على كذبه وفجوره فالأصل يا أهل الشرع كما تعرفون " براءة الذمة " أو كما يقول القانونيون " المتهم بريئ حتى تثبت إدانته" وليس العكس كما تلبسون على العوام وكما توهمون الناس وتوهمون أنفسكم , فقد روي عن عمر بن الخطاب رضي الله عنه لما تولى الخلافة بعد وفاة أبي بكر رضي الله عنه أنه قال " نأخذ بظواهركم أما سرائركم فنوكلها إلى الله "
4- نعم لكل فن أهله ولكن ليس كما تقولون أن الدين له أهل غير أهل السياسة فالفقيه هو من ألم بأحكام الدين كله وليس فقط فيه طهارة أو صلاة ولكن كل كتب الفقه ذكرت اهتمام العلماء بكل فروع الدين ولا تقتصر على فرع دون فرع بحجة أنهم غير أهله ولم نر أو نسمع أو نقرأ لأحد من العلماء الأفاضل من عصر الصحابة إلى عصرنا هذا أحال فقه السياسة وتطبيق الشريعة في الحكم إلى أهلها من الأمراء أو الملوك أو الحكام ليفتوا فيه , فهم أهله , علماء الدين هم أهل هذا الفن وهم أولى الناس به , فمن حكم بغير أن يتعلم فقه الحكم والسياسة الشرعية فهو مخطئ وإن أصاب ففي الحديث الصحيح عن النبي صلى الله عليه وسلم " القضاة ثلاثة إثنان في النار وواحد في الجنة : رجل علمن الحق فقضى به فهو في الجنة ورجل قضى للناس على جهل فهو في النار ورجل عرف الحق فجار في الحكم فهو في النار "
فوجب على كل من اشتغل بالحكم أو الإمارة أو القضاء أن يتعلم ويعرف أحكامها وكيفية تسييرها على مراد الشرع كما رضيه الله ورضيه رسوله لا كما رضيت به الأهواء وأصحاب المصالح
وروي عن عمر رضي الله عنه أنه ألزم كل من يدخل السوق ليشتغل في التجارة بتعلم فقه المعاملات وفقه البيع والشراء ليعلم الحلال والحرام فقال : " من دخل سوقنا ولم يتفقه أكل ربا شاء أم أبى " وروي نحوه عن علي بن أبي طالب رضي الله عنه فهذه حال من يشتغل في غير البيع والشراء أيضا حتى تربية الأولاد وتعليمهم وجب التفقه له .
في الحديث الصحيح عن النبي صلى الله عليه وسلم " كلكم راع وكلكم مسئول عن رعيته ...." فذكر حتى المرأة راعية في بيت زوجها والولد في مال أبيه فمسؤولية العلم تقع على كل فرد كما قال النبي صلى الله عليه وسلم في الحديث الصحيح " طلب العلم فريضة على كل مسلم ".
فهذا هو التخصص الذي نعرفه لا كما تلبسون علينا وصدق الشعراوي إذ قال مال قلتم عنه أنه تمنى أن يصل الدين إلى أهل السياسة " فلو وصلهم الدين وتفقهوا وتعلموا حكموا بالعدل وهم مأجورون وإن أخطأوا فخطؤهم مغفور كما قال النبي صلى الله عليه وسلم " إذا حكم الحاكم فاجتهم ثم أصاب فله أجران وإذا حكم فاجتهد فأخطأ فله أجر "
فللمصيب أجران أجر الاجتهاد وأجر الاصابه وللمخطئ أجر واحد فقط : أجر الاجتهاد فهو محمود في حكمه وإن أخطأ لأنه اجتهد عن علم لا عن جهل وعرفتم مصير من يحكم بجهل مما روي في الحديث السابق ذكره أن من حكم بجهل فهو في النار .
5- قولكم إذا فشلت التجربة التي ينسبونها للدين وقلتم " ظلما وزورا " فهذا معناه فشل الشريعة الاسلامية وهدم للدين
كذبتم والله فإن من حكّم الدين ورضي بالله ربا وبمحمد نبيا وارتضى الاسلام دينا فسوف ينصره الله " وان تنصروا الله ينصركم ويثبت أقدامكم " أما ما ذكرتموه في شبهتكم عما خدث في أفغانستان والسودان فهو ليس من فشل الشريعة وليس من جراء تطبيقها ولكنكم تعلمون علما يقينيا أن من يدعوا إلى شريعة الله حاربه جل أهل الأرض من غير المسلمين والمسلمين على سواء وهذا واضح للأعمى مابالكم بذي نظرة وذي مسحة من الفقه ومعلوم أن ما يحدث للمسلمين من بعدهم عن الشرع والدين ليس بتمسكهم به فوالله ثم والله ثم والله إن الفلاح والنصر مع المستمسك بدينه والخزي والخسران على من فرط فيه وارتضى نظاما آخر مخالفا لشرع الله
أما قولكم " أن الشريعة لا تحتاج إلى حاكم يفرضه على الناس ولكن تحتاج إلى مؤمنين فهو قول باطل ظاهر البطلان مردود في وجوهكم لأن من قوام الدولة في الاسلام الامارة فلا تستقيم بغير حاكم يحكم بشريعة الله وان كرهه الكارهون فنعلم أن الرسول صلى الله عليه وسلام لم يترك أدنى اجتماع للناس وهو الثلاثة إلا و أمرهم بتأمير أحدهم يطيعونه ويوجههم " أي يجعلوا أحدهم أمير لهم " فمابالكم بملايين الناس؟ فقد جاء في الحديث الصحيح عن النبي صلى الله عليه وسلم " إذا خرج ثلاثة في سفر فليؤمروا أحدهم " .
أما اذا حكم الناس فاجر فلا نقول بفشل الشريعة أبدا فأي طفل أو عامي يعلم أن فجره وانحرافه على نفسه وهو بذلك آثم لا يطبق شرع الله وهو العدل .
أما ما ذكرتموه بخصوص الآية " لا اكراه في الدين " فهو وضعها في غير موضعها فليست في حكم الله فأنتم بذلك تعطون أهل الأهواء والنفوس الضعيفة حجة لعدم الالتزام بالدين وبالشرع فالشرع والدين واجب الالتزام بهما ولا يترك لأهل الأهواء والمصالح أما الاية فقد ذكرت في الدخول في الدين ابتداءا فإنه لا أحد يكره أحد في الدخول في الاسلام والايمان فقال الله تعالى بعدها " قد تبين الرشد من الغي " أي تبين الحق من الضلال من اتبع الحق فهو محق ومن اتبع الباطل فهو على باطل حتما ولا ندعي الحرية في الدين ولا نعطيه حجة له في اتباعه الباطل فحقا لا اكراه في الدين ولكن ليس المراد لا اكراه في تطبيق الدين والشرع فلم يقل هذا أبدا أحد من الصحابة ولا التابعين ولا علماء الدين والمفسرين أبدا أبدا وهذا من تلبيسكم على العامة بهذا الجهل والكذب في دين الله فلا يعقله من له عقل حمار فمابلكم بمن يوزن عقله بالذهب؟
وفي استدلالكم بحال ماليزيا وتركيا : من قال لكم أن الشرع يرضى لهم علمانيتهم ويرضى لهم ما صنعه أتاتوركهم؟ وهل تقدمهم بعض الشيئ أو كثيره من الناحية الاقتصادية يصحح لهم مسارهم في الحكم؟ فعلى قولكم هذا وشبهتكم فالأولى أن يحكمنا الأمريكان أو الأوروبيون لأنهم أكثر تقدما منهم !!!
أحيلكم للمزيد إلى كتب الفقه والتفسير والأحاديث ولن أخصص كتابا معينا ولكن ماترضونه من الكتب المعتمده ففيها الكفاية ولا غنى لها عن كتاب الله الذي يغنى عما سواه
أسأل الله لنا ولكم الهداية واتباع الشرع وارتضاء الله ربا والاسلام دينا ومحمد نبيا وصلى الله وسلم على نبينا محمد

الحمد لله العظيم

2011-02-02T13:17:00.001+02:00

الحمد لله

من 30 سنة

او من 40

او من

سنة ماكناش بنحلم بيوم زي ده

يوم مايكونش فيه حد وصي ع الشعب وع الشباب بالذات

ثورة ماحصلش زيها من أيام ثورة 1919

حتى من غير تدخل من الجيش

من غير مايكون فيه انقلاب عسكري زي اللي حصل في 54

ثورة حقيقية

دلوقت وأنا شاب من ضمن الشباب دي مطالبي :

* الرئيس مبارك لازم يقدم ضمانات على تعهده بعدم ترشحه تاني

* فتحي سرور وصفوت الشريف لازم يرحلوا مع النظام القديم

* ممنوع دخول أي رجل أعمال مجلس الشعب أو الشورى أو الحكومة

* ممنوع على الوزراء الانتماء لأي حزب سياسي وخصوصا الحزب الحاكم

* الست عيشة وزيرة القوى العاملة لازم ترحل لأنها لا حلت ولا ربطت في مشاكل العمال ولا جابتلهم حقوقهم وكل همها تحويل وزارة القوى العاملة إلى مكتب مخدمات لتصدير الخادمات لدول الخليج وكمان بأجر أقل من البلاد الأسيوية

* سامح فهمي المشارك في تصدير الغاز لاسرائيل واهدار موارد مصر من الغاز لازم يرحل

* لازم حد من مكتب نائب الرئيس ينزل للمحتجين في الشارع ويشوف مطالبهم لأنهم مالهومش ممثل والاحزاب المعارضة الضعيفة لا تمثل الشعب بأي صورة

* لازم نخرج من عهد حكومة العجائز وندي فرصة للشباب المشاركة في الحكومة

* لازم تكون الحكومة مدنية وكذلك المحافظين ورؤساء الأحياء والمجالس المحلية وممنوع على أي عسكري المشاركة في الحكومة أو شغل أي منصب غير عسكري

* رؤساء مجالس الادارات في الشركات الحكومية لازم يكونو متخصصين ودارسين علم الادارة

* رئيس الحكومة والوزراء المعنيين بالاقتصاد لازم يكونوا اقتصاديين

* قانون الطوارئ لازم يتلغي

أخيرا كلمتي للمنافقين من الحزب الوطني باقلهم ماتفتكروش ان الناس هبل وعبط علشان يصدقوا اللي بتحاولوا تعملوه من مظاهرات مؤيدة للنظام كل ما هنالك انكوا عايزين التورتة اللي كنتو بتنهبوا فيها تفضل موجودة ويفضل حاميها ارحلوا بقى عننا وبطلوا وجع دماغ

الرويبضة

2010-08-02T03:15:00.003+02:00

مثل هؤلاء من يتصدون للكلام في أمور الناس وفي الحقيقة أنهم أجهل الجهلاء

احذروا السيئين

2010-07-26T14:01:00.004+02:00

اثنان يضرونك ولا نفع لهم ولو قليل

الأحمق والجاهل

فما بالك لو اجتمعتا في اثنين

ومن يؤت الحكمة فقد أوتي خيراَ كثيراَ
وقل ربي زدني علماً

اللهم إني أسألك علماً نافعأ
اللهم آتني الحكمة

رجعة

2010-07-19T09:30:00.004+02:00

من تلات سنين تقريبا وانا سايب التدوين
من تلات سنين تقريبا وانا ابتديت التدوين
كان عمري التدويني قصير يادوب ست شهور
لكن اتعرفت على ناس أغلى من الدهب واللؤلؤ اللي في البحور
دول هما اللي انا فاكرهم وجاي أسأل عنهم وأطمنهم
ان خالد لسة عايش ايوة ساب التدوين لكن عايش
ماسابش دماغه وأفكاره لكن كل الحكاية انه غلب حماره
ممكن تقولوا زهق ممكن تقولوا انشغالات او اشتغالات
وممكن تقولوا غرق
غرقت في الدنيا وما عرفتش أقاوم تيارها
سحبني بعيد بعيد وموج يشيلني ويرزعني وموج تاني يلطشلي
وعرفت ناس جداد ونسيت ناس قدام وبرضه همه نسيوني
حبيتهم وحبوني لكن من قلوبهم مسحوني ومن صفحة عقولهم شطبوني
لكن الناس اللي عارفني اللي فاكرني اللي حابني بأقلهم انا كمان لسة شايلهم في عيوني
***
بأشكر كل اللي زارني واللي لسة فاكرني واللي سال عني
بأقلهم خالد لسة عايش وراجع حتى لو غاب تلات سنين مادونش
الحياة مش بس تدوين وتعليق ومجاملة
الحياة عقل وقلب ومعاملة
***
اشوفكوا بعد الفاصل
اشربوا العصير

2007-07-27T14:02:00.000+02:00

السلام عليكم

مش عارف ابتدى منين و ازاى

بس هاقول حاجة

غيابى المرة دى طولت شوية و ده لظروف سفرى و عدم الاستقرار اللى انا فيه

انا الحمد لله بخير و مافيش اى حاجة تضايق و لا حاجة الحمد لله و ان شاء الله نتواصل من خلال حواديت و تعليم

المهم ادعولى بالتوفيق

و انا عرفت من سؤال الناس عنى و قلقهم عليا ان فيه ناس اهتمت بأمرى و غيابى كان مهم عندهم

بجد اشكرهم من كل قلبى

الى ان نلتقى فى بوست جديد

اعتذر عن عدم الرد على التعليقات و عدم اجابة الاسئلة فى مدونة تعليم لكن ان شاء الله الظروف تتحسن و ارجع من تانى

حاجة تغيظ

2007-05-31T23:10:00.000+02:00

فيه حاجات كتير بتغيظك صح؟

زى ايه؟

زى مثلا لما تكون بتاكل اكلة حلوة و فجأة تحس ان فيه حاجة فى بقك لفة حوالين سنانك و بعدها جسمك يقشعر و تمد ايدك بسرعة تمسك الحاجة دى و تلاقيها شعرة وسط الاكل

احساسك ايه ساعتها؟

جسمك قشعر صح؟

يع

لما تكون متشيك و رايح مقابلة مهمة و يا دوب تلحق معادك و فجأة تيجى عربية سريعة من جنبك تترطش علي هدومك شوية طينة مين الشارع هتعمل ايه؟

او تتزحلق بسبب الطين اللى مالى الشوارع

مجارى طافحة

ماسورة مية مكسورة

او واحد راشش بذمة شوية قدام دكانه او قهوته قال يعنى ناقصة

و الا لما تكون ماشى و لابس هدوم العيد اللى انت لسة جايبها و دافع فيها فلوس كتير يجى عيل راكب عجلة يروح قاطعلك البنطلون و الا ينتشلك الجاكتة و يبصلك بكل برود و يمشى

و لو نفدت من العربية و قدرت تلحق هدومك من الواد ده و تكون معدى تحت بلكونة فى نفس اللحظة اللى واحدة ست بترمى مية الغسيل منها والا واحد واقف فى البلكونة و كان لسة مخلص قروصة سجاير و صدره مليان بلغم و بيتف

ممكن طبعا تلحق نفسك و تجرى من تحت البلكونة و تتلزق فى الحيطة علشان ماتجيش عليك حاجة و بترمى بعنيك كده لقيت يافطة مكتوب عليها بخط مش باين احترس من البوية

او و انت بتسند على الحيطة لزقت فى ايدك حاجة لزجة و بتبص لقيتها كميه كبيرة من مخلفات مناخير واحد عنده زكام

ولو انت عندك قوة ملاحظة و سرعة استجابة خرافية فى اللحظة اللى انت بتجرى من تحت البلكونة و تقفز بسرعة مدهشة و لمحت البوية و بواقى المناخير ع الحيطة فتميل جانبا ثم تدور دورة افقية بجسدك و تركل الحائط بقدميك و تدور حول نفسك بمهارة مذهلة يحسدك عليها ابطال الاوليمبياد و كل هذا يحدث فى اقل من الثانية و تطأ قدمك على الارض و ............ و يتزحلق رجل المستحيل و يقع على ضهره و لما يقوم يشوف ايه اللى زحلقه يكتشف ان رجله جت على حاجة مكلكعة لونها بنى فى الغالب ذات رائحة نفاذة كان صاحبها لسة واكل كرشة و محلى بشربة كوارع

هتلحق نفسك بطريقة شيطانية من كل الحاجات دى و تجرى بعزم ما فيك علشان تخرج من الشارع المنيل ده و خرجت فعلا لقيت الدنيا ضلمت فجأة و الدنيا اتملت ريحة مألوفة عارفها كل واحد فى مصر كويس قوى

الريحة هى ريحة المجارى اللى احنا متعودين عليها!!!!! و ده معناه ايه ده؟

معناه ايه؟ انت لسة ما استوعبتش؟

انت وقعت فى بلاعة مجارى هو انت مش من مصر و الا ايه؟

بس هنفترض انك برضه سريع البديهة و قبل ما تبلعك المجارى زى ما بلعت غيرك قدرت تتشعبط فى حلق البلاعة و تطلع و الحمد لله بدون خساير هى بس كل الحكاية ان ريحة البارفان اتغيرت شوية و لون هدومك اتغير شويتين بس الحمد لله جت سليمة

وانت بالمنظر ده ماشى مبلول ( مش من البلاعة من الخضة) حسيت ان فيه حد مسك فيك و من مسكته اكيد قلت انه صديق قديم وحشته عايز يخدك بالحضن

احب اقلك ان الاحساس ده مش هيدوم اكتر من ثانية لأن اللى مسكك مش بنى ادم ده سلك عريان سلك كهربه عريان

فيه فى البلد بن جميل قوى بينفع فى الحالات اللى زى كده

مش ليك

ده لناس لابسين اسود بس

استنى شوية ده لحسن حظك ان الكهربه قاطعة من المنطقة انت متعرفش و الا ايه؟ ما هى كل يوم بتقطع فى بيتكو اشمعنى ده يعنى

خرجت من الشارع ده و ..... برضه لقيت واحد مسكك من ورا

ايوة المرة دى مش هنخدع دة مش واحد صاحبى عايز ياخدنى بالحضن ده اكيد سلك تانى عريان زى الاولانى و المرة دى فيه كهربا لانى سامع صوت التسجيل فى القهوة

هوه فعلا مش واحد صاحبك وحشته و لا حتى بنى آدم المرة دى طلع كلب

ايوة كلب

كلب سعران هبرك من ورة و طلعت تجرى بس هتروح فين دى دماغه زى الجزمة مش هايسيبك مش كفاية حتة البنطلون اللى فى بقه

بس الحمد لله انت سريع فى الجرى و الكلب اصلا جربان ومش لاقى ياكل مش هيقدر يحصلك

بس هتعمل ايه يا حلو فى جيش الكلاب اللى جاى من اول الشارع يجرى ناحيتك وفى مقابلتك على طول

يا عم ايه اللى نزلك اصلا ما كنت تقعد فى بيتك بدل ما تتبهدل كده

يا سلام الحمد لله البيت اهه هطلع جرى اخد دش

اى

ايه ده

دى السلمة المكسورة فى بيتكو مش عارفها؟

خد بالك

طلعت و دخلت و دخلت الحمام و قلعت هدوك و حطيت الصابون على وشك و جسمك و خلاص هتستحمى و تخلص من كل البلاوى اللى انا وقعتك فيها من اول الموضوع و انت بتفتح الدش ......ايه ده ده مفيش مية

ايوة ما هى المية قاطعة انت مش عارف انها بتقطع كل يوم؟

طب و العمل ؟ قول لامك تسخنلك مية على البوتاجاز علشان الدنيا برد

ماما سخنيلمى مية

الانبوبة فاضية و بتاع الانابيب لسة مجاش

و الحل

استنى شوية فيه واحد جاى اهه فى اول الشارع هنندهله

ندهته الست و طلع لغاية فوق و بتديله الخمسة جنيه قلها ايه ده يا ست الانابيب غليت بقت بعشرة جنيه؟

بعشرة جنيه ليه؟ هى لحمة؟ هى خمسة جنيه مفيش غيرها

يفتح الله يا ست فيه ناس كتير هتخودها

يللا امشى غور جاتكه البلاوى

يا ماما

ما انت سامع بنفسك ازاى اديله عشرة جنيه استحمى بمية ساقعة بقى

------------------------------------------------

بمبى بمبى بمبى بمبى

الحياة بقى لونها بمبى

Questions أسئلة

2007-05-13T04:36:00.000+02:00

أرجو الاجابة
ما هو نوع الكمبيوتر الذى تعمل عليه؟
ما نوع استخدامك له؟
ما هو نظام التشغيل الذى تستخدمه؟
هل هو المفضل لديك ام انه جرت العادة على استخدامه؟
هل جربت أنظمة أخرى؟
ما هى؟
و هل ترى فارقا كبيرا بين الاثنين؟

Please answer:
What kind of your computer pc/mac or what?
How do you use it?
What kind of Operating System that you use?
Are you interesting of it or you usually use it?
Did you tried another operating system else?
And what is it?
Do you see any difference between the both?

A Question سؤال

2007-05-13T03:02:00.000+02:00

لماذا لا نستطيع عمل مجلد (فولدر يعنى ) فى نظام الويندوز بإسم

con

why we cat`t create a folder in Microsoft Windows by name " con " ?

***
انتظرونى فى السؤال القادم
wait me for the next question

Microsoft vs Linux

2007-05-11T04:04:00.000+02:00

سؤال: لماذا يرتبط معظم الناس بمايكروسوفت و برامجها و لا يغيرونها؟ و ان غيروها فسرعان ما يعودون اليها؟
الاجابة: و ذلك لاحد الاسباب الاتية او كلها مجتمعة
الحاجز النفسى
و هو ارتباط معظم المستخدمين بهذه الشركة و برامجها منذ تعرفهم على مجال الكمبيوتر و ارتباط الكمبيوتر فى ذهن الكثيرين بمايكروسوفت و نظام تشغيلها الويندوز
الملفات
اتخذ الناس فكرة خاطئة بأن الملفات المكتوبة على نظام الويندوز لا تعمل على غيره
و هذه الملفات مثل
ملفات وورد و اكسل و اكسس و باوربوينت و غيرها و يمكن ذكر معظم الامتدادات كالاتى
ملفات وثائقية مثل
doc , txt , pdf , rtf , xls , csv , xml , ppt , dwg , dxf
ملفات صور مثل
bmp , jpg , png , tif , gif , wmf , psd , ico
ملفات صوتيات و فيديو و حركة
avi , asf , mpg , rm , ram , swf , mov , mid , wav , mp3 , wmv
و غيرها من الامتدادات المختلفة الخارجة من معظم البرامج
و للاختصار نستطيع ان نقول ان كل الامتدادات تعمل على نظام لينكس عدا امتدادات التشغيل مثل
exe , com , bat
و حتى هذه ظهر لها برنامج اضافى للينكس ليستطيع تشغيلها
ملحوظة
تستطيع الدخول على حسابك الخاص فى الياهو مسنجر و الهوتميل و الاى سى كيو من خلال برنامج واحد فى نظام اللينكس كما يمكنك الدخول على برامج الدردشة من خلاله
الالعاب
Games
نعترف بأن جميع الالعاب الشيقة هى التى تعمل على نظام الويندوز و لنظام اللينكس العابه الخاصة به و هى كلها مجانية , و تعد بالمئات و من المحتمل ان تطرح الشركات المنتجة للالعاب نسخ خاصة بنظام لينكس و جدير بالذكر انه يتوافر نسخة خاصة بنظام لينكس من لعبة كويك او الزلزال الشهيرة
Quake

***

يمكنك تحميل نظام تشغيل لينكس مجانا من خلال الانترنت مع عشرات الالاف من البرامج و الالعاب المفيدة المجانية مع التمتع بخدمة التحديث الدورية
يدعم نظام اللينكس اللغة العربية بشكل كامل سواء فى قراءة الحروف العربية او تعريب لغة واجهته
تتعدد النسخ من نظام اللينكس حسب الشركة المنتجة له و لكن انصح بنسخة يوبونتو
ubuntu
او
kubunto
و هى عبارة عن اسطوانة واحدة فقط اما باقى البرامج فمن خلال التحديث عن طريق الانترنت
التحميل مجانى فقط انسخ ملف الايزو على اسطوانة ثم اجعل الكمبيوتر يبدأ منها
طريقة تنزيل النظام سهلة جدا و لكى تتمتع بوجوده جانب الويندوز يجب ان تخصص له جزء خالى من القرص الصلب و سوف تفاجأ بتشغيل النظام كاملا من القرص قبل التنزيل على القرص الصلب و ما عليك الا ان تختار

Install

من على سطح المكتب
يتفوق نظام اللينكس على نظام الويندوز فى عدة اوجه
ثبات اكثر
امان اكثر
غير مستهلك للنظام
اذ لا يتطلب مواصفات عالية مع احتفاظه بنفس مزايا الويندوز
مجانى
اذ انه لا يتطلب اى ترخيص من اى جهة و كذلك يمكنك اعادة نسخه و توزيعه بمعرفتك دون الرجوع الى الشركة المنتجة و ذلك ليس فى جميع النسخ لان هناك شركات تحتكر انتاجها منه مثل شركة نوفل التى تحتكر النسخة الشهيرة و القوية سوسى و كذلك شركة ريدهات و التى تحتكر النسخة بنفس المسمى
و هناك نسخ مجانية و قوية فى نفس الوقت و من اشهرها فيدورا و يوبونتو و نوبيكس و هى نسخة للتشغيل من خلال الاسطوانة مباشرة دون الحاجة لتنزيله على القرص الصلب

و اخيرا لن يجعلك تلهث وراءه بالتحديث الدورى للاجهزة مثلما تفعل مايكروسوفت
معذرة للتطويل و اخر مرة اطول يا جماعة

حاجة ببلاش كده

2007-05-09T09:18:00.000+02:00

قعدت افكر ازاى اخلص من الويندوز؟
ازاى اخلص من مايكروسوفت و من كل برامجها؟
طيب و شغلى و ملفاتى؟
ملفات وورد و اكسل؟
ملفات صور و صوتيات؟
فيديوهات؟
ملفات اوتوكاد - تصميمات معمارية؟
فيه بديل لدول
Internet Explorer
Media Player
Word
Excel
Power Point
Access
طيب فيه بديل للويندوز نفسه؟
ايوة فيه بديل
اللينوكس

linux

اللينوكس نظام تشغيل يشبه الى حد كبير نظام الويندوز الا ان اللينوكس نظام مجانى تماما و مفتوح المصدر اى ان كل مبرمج يريد التطوير فيه فلديه الحق كاملا فى الاطلاع على مصدره و التعديل عليه
اذ ان حقوق الملكية لهذا النظام ليست حكر على احد عكس الويندوز الذى يملك حقوق ملكيته شركة مايكروسوفت و هى الوحيدة التى لها الحق فى التطوير و التعديل عليه و لكى تستطيع استخدام نظام الويندوز يجب عليك شراء ترخيص من الشركة المالكة و الذى يصل احيانا الى 100 دولار امريكى او ما يعادل 500 جنيها مصريا
طب ليه تدفع اصلا لما ممكن تشتغل ببلاش
طيب و ملفاتى؟
جميع الملفات المذكورة اعلاه تستطيع فتحها على نظام لينوكس بكل سهولة و بدون اى خطأ
كما ان الشركات صاحبة البرامج الجاهزة اتجهت فى الاونة الاخيرة لطرح برامجها التى تعمل على اللينوكس
و ليه اصلا عايز تخلص من مايكروسوفت و الويندوز بتاعها؟
اولا ان مايكروسوفت ويندوز بها عيوب كتيرة تبدأ من رسائل الخطأ اللى بتطلع بدون مناسبة
ثانيا ان معظم الفيروسات موجهة لنظام ويندوز يعنى من النادر جدا تلاقى فيروس على اللينوكس
ثالثا معدل الاستقرار و الامان فى نظام لينوكس اكبر من نظام ويندوز
رابعا انه شرعا و قانونا لا يحق لك نسخ البرامج المملوكة الا باذن صاحبها و طبعا اذنه يعنى هاتدفع

و للمزيد عن اخطاء مايكروسوفت و ليه انا عايز اخلص منها اضغط هنا

يتبع

انت فاهمنى؟

2007-05-07T21:14:00.000+02:00

من شوية اشتريت كتاب اسمه القواعد الاساسية للنحو و الصرف و ده كان عندى من زمان و ضاع منى للاسف
قعدت ادور عليه لغاية ما لقيته بالصدفة عند واحد بيشترى الكتب القديمة و بيبعتها للمحرقة
المهم
فتحت الكتاب و لقيت موضوع فى اخره اسمه علامات الترقيم
بيحكى عن العلامات زى النقطة و الشرطة و الاقواس
افتكرت تعليق لاحد المدونين مش فاكره فى مدونة تانية مش فاكرها برضه
تعليقه زعل صاحب المدونة و رجع علق تانى و اعتذر وقال انه ما كانش يقصد و الكلام ما بينقلش الصوت لانه ما فيهوش تون و نغمة و كده
كان كلامه جميل و معبر
فعلا الكلام المكتوب ما فيهوش تون مافيهوش نغمة يتعرف بيها قصد المتكلم ان كان زعلان و الا فرحان و الا متضايق و الامبسوط
طب ايه الحل؟
بسيطة
علامات الترقيم يا اخواننا
يعنى مثلا علامة التعجب
!
من اسمها يتعرف استخدامها
تستخدم للانفعالات النفسية و للكلام المثير للدهشة
و مثلا الشرطتان
- -
او القوسين
()
و يفيد فى الكلام الاعتراضى و هو الكلام اللى مش تبع الموضوع او اللى بيفسر كلمة او اى حاجة مش فى سياق الموضوع
اعتقد ان فى ظل استخدامنا للكمبيوتر و لادوات الكتابة الجاهزة بقينا ممكن نستخدم طرق تانية للتعبير مع علامات الترقيم زى التلوين او تكبير الخطوط او امالتها او عمل الخط عريض
يعنى انا لو عايز ازعق و اقول ياعالم ياهووووه ممكن اكتبها بحرف كبير زى كده ياعالم ياهووووه
و كمان لونته بلون احمر غامق للدلالة على الغضب او الانفعال
و لو عايز اهمسلك ابقى اصغر الخط زى كده وش وش وش و كمان لونته بلون هادى للدلالة على الهدوء و السكون

عمرو خالد مجرد داعية و انا سلفى

2007-05-02T23:38:00.001+02:00

قبل ما ارد ع التعليقات ع الموضوع اللى فات حبيت اوضح شوية حاجات كدة ع الماشى

انا ما بقلش انى ما باسمعش غير عمرو خالد انا باسمع و باتعلم من ناس كتير و مش باقول عمرو خالد قال عمرو خالد عمل و اتحجج بيه انا ليا الصح من قرآن و سنة و اللى هايخالفهم هاضرب بكلامه الحيطة مهما كان هذا الانسان

قلت فى البوست ان العلماء يخطئون فما بالك بمن دونهم ماكانش قصدى انى اعتبر عمرو خالد منهم انا اعتبرته بمن دونهم

احب اوضح حاجة

ان حلقات عمرو خالد و غيره من الدعاة ان قبلتم انه منهم لا تعدوا مجرد تذكرة و تهذيب للقلوب و ليس لتعلم احكام الدين او اخذ الفتاوى و لا يحق لهم مهما كانوا ان يتصدروا للفتوى بأى وجه الا بعد اخذ الاجازة المؤهلة لذلك و هذا ينطبق على باقى فروع الدين

احب اقول ان الفضل بعد الله سبحانه و تعالى فى موضوع التزامى الدينى و رجوعى هو عمرو خالد مش معنى انه بيغلط يبقى ابخسه حقه

قال رسول الله صلى الله عليه و سلم
لأن يهدي الله رجلا بك ، خير لك من أن يكون لك حمر النعم
حديث صحيح فى صحيح الجامع برقم 3009

سؤال للمتشددين الرجعيين المتزمتين امثالى لان انا زيهم

هل تابعتم حلقاته و سمعتم سلاسله و فندتم اقواله؟ ام انكم تنقلون اخبارا عن غيركم؟ ام انكم انتقدتم افعال رأيتموها مصادفة و لم تتابعوها؟

سؤال اخر

هل ترون انه رجل سوء للدرجة التى ليس له اى حجة او حتى مجهود يشكر عليه؟

أتقتلون رجلا ان يقول ربى الله

2007-05-01T21:56:00.000+02:00

من زمن ليس بالقصير و ايضا ليس بالطويل ظهر على شاشات التلفيزيون المحلى

جذبنى اسلوبه و شدتنى طريقته البسيطة فى سرد المواضيع

لا انكر اننى استفدت منه و من برامجه و شرائطه

تعلمت منه ثم بعد ذلك اثرت ان اتعلم المزيد

لم اعد اتابعه كما سبق و لكن من حين لاخر حتى بعد خروجه من مصر

تذكرت كيف بدأ و كيف سمعت له

تذكرت سلسلة العبادات و سلسلة الاخلاق و سلسلة اصلاح القلوب اول السلاسل له و اول ما سمعت و تأثرت به

بعد ذلك شاهدت له حلقات و نلقى الاحبة و كانت رائعة حقا و من خلالها تتعرف على صحابة الرسول صلى الله عليه و سلم

و منذ بدأ عمرو خالد قوبل بهجوم شديد من فئات شتى

من السياسيين و من المتدينين انفسهم

حجة المتدينين (و كم اكره هذه الكلمة نظرا لاحتوائها على معنى ضمنى بأنهم فئة خرجت عن العرف) حجتهم انه رجل حليق

و قالوا عنه انه كثيرا ما يخطئ فى الاحداث و فى رواية الاحاديث

قالوا عنه انه شيخ كاجوال

اخذوا عليه عمله لجلساته فى النوادى

اخذوا عليه وجود نساء كثيرات غير محجبات

و و و

انا لا انكر ان بعض هذه المآخذ صحيحة مثل بعض اخطائه فى رواية الاحاديث و انه لم يتحقق من صحة هذه الاحاديث او تلك

لا انكر خطأ المعدين لادخالهم الموسيقى فى بداية و نهاية برامجه

و لكن هل هذه ذريعة لمهاجمته؟ للمطالبة بتوقفه؟ و تخليه عن مسلكه؟

كل الناس يخطئون

شيوخا اجلاء يخطئون

علماء افذاذ يخطئون

فهل نمسك لهم السيف؟

نقول عليهم انه اذا اجتهد العالم فأصاب فله أجرين و اذا أخطأ فله أجر

و هذا من كلام رسول الله صلى الله عليه و سلم

يعنى فى الحالتين مأجور فلا يحق لنا ان ننصب المشانق

ثم من نحن لنتصدى لهجومهم؟

هؤلاء العلماء يخطئون فما بالك بمن دونهم؟

هذا الرجل كان السبب الذى جعله الله لهداية اناس كثيرون

قال رسول الله صلى الله عليه و سلم

لأن يهدي الله رجلا بك ، خير لك من أن يكون لك حمر النعم

حديث صحيح فى صحيح الجامع برقم 3009

اخى العزيز

قبل ان تهاجمه او حتى تعدد مساوئه اطالبك بمزيد من الدقة

اطالبك بسماعه و الحكم عليه من خلال كلامه و ليس كلام الاخرين

اخى الحبيب لا اريدك امعة تردد كلام الاخرين دون تحقق

يقول الله تعالى

يأيها الذين ءامنوا إن جاءكم فاسق بنباء فتبينوا أن تصيبوا قوما بجهالة فتصبحوا على ما فعلتم نادمين

اية 6 سورة الحجر

اخى الحبيب لا اريدك ان تكون معول من معاول هدم و احباط لكل من اراد خيرا

لم نطلع على ما فى قلبه لنعلم نيته و عقيدته

لم تقتلون رجلا ان يقول ربى الله

مبروك

2007-04-30T19:58:00.000+02:00

يللا حالا بالا بالا هنوا المنشورين

بيان

بنقول الف خمسمية تلاتة و سبعين مبروك للسيد نوهيل خزعبلات و السيدة انسانة الانسانة لنشر موضوعين لهما فى جريدة المصرى اليوم اليوم الاثنين الموافق 30 ابريل سنة الفين و سبعة ميلاديا صفحة اربعتاشر ركن سمول بلوجرز

و بنقولهم لازم تيجوا و تجيبوا الحلاوة سندوتش بسطرمة و ازازة كوكاكولا و ان ما جابوش هاسلط عليهم جمهور المدونين الغفير و اعزمهم على حسابهم

انتهى البيان

ملحوظة

انا سالف التورتة دى ماحدش يقرب منها لو تكرمتوا

***

كنت عايز اكتب النهاردة حاجة غايظانى و افش غلى لكن بهذه المناسبة نؤجل الغيظ ليوم تانى

لكن احب ان انوه الى انه تم اضافة موضوع جديد فى مدونة تعليم اسمه المدونات من النوع القديم

و الموضوع يتكلم عن كيفية اضافة الاكواد للمدونات من النوع الكلاسيك بيتا و التى يظهر بها

Template

بدلا من

Layout

ادخلوا على بركة الله و برضه ما تقربوش من التورتة

2007-04-28T03:22:00.000+02:00

اهديها الى اخوانى فى العراق و الى اهل السنة فى كل مكان نصرهم الله

ملحوظة

هذه القصيدة ليست من تأليفى و لكنى احفظها من زمن و لا اعرف كاتبها

مسلمة من أرض المشرق تستصرخ واإسلاماه

من أفغانستان تناشد وتنادي وامعتصماه

واإسلاماه واإسلاماه واإسلاماه

عن أرضي قلعوني ... في الخيمة زرعوني

عن أهلي ضردوني ... عن أمي فطموني

واإسلاماه واإسلاماه واإسلاماه

قتلوا أمي قبل أبي ... وأخي أحمد قد قتلوه والشيخ يعانق تسعين ... ذبح الشاة قد ذبحوه

هدموا البيت حرقوا البيدر ... قتلوا الأصغر قبل الأكبر

واإسلاماه واإسلاماه واإسلاماه

جرحي ينزف عيني تدمع ... لكني أبداً لن أركع

وسأزرع في الخيمة وردة ... لأشم المسك بلا ألم

وأهز بيمناي المهد ... يأوي فيه ابن المعتصم

وبكل الأمل أناديه ... وامعتصماه وامعتصماه

فيرد عليّ يلبيني ... واإسلاماه واإسلاماه واإسلاماه

مافيش عريان فى اليابان يا ....جدعان

2007-04-23T23:12:00.000+02:00

السلام عليكم

فى الاول احب ان اشكر كل اللى سأل عنى فى غيابى و خصوصا الاعزاء الثلاثة

اسامة كلام لوجيك

امانى بنت الجنوب

العزيزة نسرين

و كان سبب الغياب حماقة جديدة من حماقات الكمبيوتر الشخصى و فى محاولة لانعاشه اخذت و قتا كثيرا و كذلك محاولة التخلص من سيطرة مايكروسوفت و هيمنتها على انها القطب الاواحد فى عالم انظمة التشغيل و المسيطر على اكبر حصة فى السوق العالمى

و محاولة التخلص من هذه الهيمنة المزعجة حاولت النقل الى نظام ابل ماك او حتى لينوكس و لكن .....!!!! معلش هاييجى يوم و اهى المحاولات مستمرة بس البوست ده بيتكتب على نظام اكس بى اللعين

نرجع بقى لبوست النهاردة و اللى بيتبنى على بوست عريان فى اليابان

***

صديقى العزيز عصام من اليابان زعلان

زعلان من التعليقات اللى اتكتبت عن اليابانيين و لغة الجابان

التعليقات اللى اتريقوا فيها عليهم و هاقلكوا الحكاية و كان ياما كان

قاللى انه عجبه قوى تعليق كلام لوجيك اللى هو صاحبه اسامة و اللى باين من تعليقاته على انه شخص بعيد الرؤية او كما قال فى الرسالة

I like the commet of "KALAM LOGIC" which is seem a deep thinking person

و بعتلى بعض النقاط و طلب نشرها و هى لا تخرج عن كلام اخى الكريم اسامة

اولا

كما اخبرتك سابقا ان لغة اليابان صعبة كتابة و قراءة و لكنها سهلة للتحدث

ثانيا

بالرغم من صعوبة اللغة الا ان اصحابها جعلوها سهلة للغاية و انهم لا يرون اى صعوبة فى التعامل معها

كل شئ هناك باليابانية

و يوما ما سأل صديقى عصام احد اليابانيين لماذا لا تتعلم الانجليزية؟

رد عليه اليابانى و قاله لماذا اتعلمها و انا استطيع عمل اى شئ اريده باليابانية؟

ثالثا

طلب منهم مديره الشخصى تعلم اللغة و ذات يوم اراد توضيح احد الاشياء لاحد الزملاء باليابانية و لكنه لم يفلح و اذا به يكتشف ان زميله هذا يجيد الانجليزية بطلاقة و لكنه لا يستخدمها الا اذا فشلت الطرق الاخرى

رابعا

دخلت زوجته احد المستشفيات للولادة و اذا به يجد قاموس يابانى عربى فى الغرفة لمساعدته على سرعة التعبير فى مثل هذه المواقف الصعبة و التى لا تسعفه الانجليزية احيانا

خامسا

اليابانيين طيبين للغاية

فى احد الايام اكتشف صديقه عطل باحد اطارات السيارة فذهب للمكتب لاحضار الادوات اللازمة و اذا به باحد الاشخاص يقف بجانب السيارة و معه الادوات المطلوبة و بدأ بالفعل فى تغيير الاطار

سادسا

معلش الرسالة طويلة و انا ضد المواضيع الطويلة حتى لو كنت انا اللى كاتبها لكن ان شاء الله اعملها بوست خاص

حافظ الفاتحة؟

2007-04-18T01:16:00.000+02:00

مستغربين من العنوان؟

هو فيه حد مش حافظ الفاتحة؟

ايوة و الكتير كمان و الرد ع السؤال ده فى اخر الموضوع

الظاهر ان انا هابقى مدرس لغة عربية

عجبتنى الفكرة خلاص

فى الموضوعين اللى فاتوا اتكلمت عن اللغات و لغة اليابان

ممكن تتابع هنا عريان فى اليابان و لغة الضاد

و فى الحقيقة ان دى مش اول مرة اتكلم ع اللغات لانه سبق و اتكلمت على اللغات فى موضوعين قبل كده

الرجاء المتابعة هنا هاللو ذير و كيا حال هى؟

اتكلمت فى الموضوع السابق عن نطق الاوروبيين و الاسيويين ( الاجانب الغير عرب عموما ) لبعض الحروف على غير اصلها زى حرف ال ص ينطق سين و حرف ال ض ينطق د و هكذا

لكن فى الحقيقة ان اللى بينطق الحروف دى غلط هم العرب نفسهم الا القليل ممن رحم ربى

ازاى؟

هاقولك

تعالى ننطق كلمة ( الكدب ) هانقول ايه

الراجل ده " بيجدب " !! صح؟ مش هو ده نطقها اللى اتعودنا عليه؟

طيب ( استغفر الله العظيم ) هاتنطقها ازاى؟

استخفر!! صح؟

بقت جاية من الاستخفار اى الاستعباد و العياذ بالله مش طلب المغفرة من الله اللى هى العبودية يعنى انت بتطلب عبودية الله ليك مش عبوديتك لله

شفت الكلام اتغير ازاى؟

-----

طيب انطق كلمة ثابت

هاتقول سابت صح؟ ليه؟ لانك ما طلعتش لسانك عند نطق الحرف ث

بقت جاية من السيبان مش من الثبات يعنى عكسها تماما

يعنى لو قرينا الاية

يثبت الله الذين امنوا بالقول الثابت فى الحياة الدنيا وفى الاخرة

اية 27 سورة ابراهيم

لو قريناها بالسين يبقى ايه؟

يسبت؟ يعنى جاية من السبت اى الراحة و السكون

ايه ده ؟ ده احنا غيرنا فى معنى القران بالشكل ده؟

ايوة

عارف لو انت قريت الفاتحة غلط هايحصل ايه؟

هاتتعرض صلاتك للبطلان

ده مش كلامى ده كلام اهل الاختصاص

و قلت هاتتعرض لانك ممكن ماتتحاسبش على جهلك فى بعض الاحيان لكن دلوقت عرفت!!! يعنى لو ما صلحتش الغلط هايعد عليك العداد يا حلو

و موضوع الفاتحة ليه جلسة خاصة ابقى تابعنى

هاه حافظ الفاتحة بقى؟

لغة الضاد

2007-04-16T04:55:00.000+02:00

اليابان

مستغربين من اللى قلته فى البوست اللى فات و ان اليابانى بالرغم من اصراره على العمل و جديته ممكن ما يكونش عارف يقرا لغته؟

قلتوا الحمد لله ان احنا من اهل اللغة العربية؟

لغة الضاد؟

طب حد فيكوا سأل نفسه او سأل اللى جنبه او اللى وراه عن معنى الجملة دى؟ لغة الضاد؟

انا اقلكوا

فى ايام الفتوحات الاسلامية بعد وفات الرسول صلى الله عليه وسلم و فى عهد ابى بكر الصديق رضى الله عنه و بعده لما انتشرت الفتوحات فى عهد الخلفاء الراشدين من سيدنا عمر الى سيدنا على و بعديه الحسن ثم سيدنا معاوية رضى الله عنهم و فى عهد الدولة الاموية و بعديها العباسية و افتتاح الدول الاسيوية مثل بلاد فارس ( ايران حاليا ) و بلاد ما وراء النهرين مثل اذربيجان و افغانستان و بعديها الهند و دول اسيا مثل بخارى و سمرقند و بلاد الترك و غيرهم و دخول اهل البلاد دى فى الاسلام ابتدوا يتعاملوا بلغاتهم لكن بيكتبوها بالحروف العربية مثل اللغة الاردية و الفارسية و البشتو و التركية و الكردية و غيرها

لكن ماننساش ان الناس دول اجانب يعنى لسانهم غير لساننا

زى معظم الاوروبيين ما يعرفوش حروف ال خ و ح و غ و ق و ص وض و ط

يعنى حرف ال ص مثلا ينطق

و طريقة نطقها بال س

و كذلك ض تنطق

و بلسانهم بتخرج د

اما الاسيويون فعندهم الحروف دى لكن فى نطقها بينطقوها زى الاوروبيين و الامريكان

لكن حرف واحد بس هو اللى بينطقوه حتى على غير شكله

ايوة هو حرف الضاد

بينطقوه ظ

و اسمه ظاد عندهم

يعنى الهنود و التراكوة و الافغان و الباكستانيين ( اصلهم هنود ) و غيرهم كتير من شعوب ما نعرفش عنهم حاجة و اللى بيكتبوا لغاتهم بالحروف العربية ( و بالمناسبة فيه كلمات عربية كتير فى لغاتهم ) ما يعرفوش ينطقوا حرف الضاد و هو الحرف اللى بيميز لغتنا الجميلة لغة القرآن عن اى لغات اخرى فى العالم

لغتنا هى اللغة الوحيدة على مستوى العالم اللى فيها حرف الضاد و اللى بيميزها عن غيرها من اللغات

عرفتوا بقى التراكوة او الترك كانوا لما بيقولوا حضرتنا بينطقوها حظرتنا ليه؟

عريان فى اليابان

2007-04-15T00:37:00.000+02:00

ارسل لى صديقى العزيز عصام رسالة من اليابان

كلمنى فيها عن اليابان و لغة اليابان

كلمنى عن اللغة و مواقف طريفة حصلتله بسببها

قال لى مرة جاله جواب من شركة الكهرباء

طبعا باليابانى

اعطاه لزميل له فى العمل ليقراه له

زميله ما عرفش يقراه و طلع القاموس علشان يترجم

زميله ده يابانى من ام و اب يابانيين

يابانى اصلى اصلى اصلى

و اللغة اليابانية تتكون من ثلاث مجموعات من الحروف

هيراجانا و هى 48 حرف

كاتاكانا و هى 48 حرف

كانجى و هى حوالى 6000 حرف بيستخدموا منهم 2000 بس

و كانجى دى اصعب جزء فى اللغة و كل حرف فيها ليه ثلاث معانى مختلفة وده بيفسر ليه اخينا طلع القاموس

من الصعب جدا تلاقى يابانى ماسك جرنال فى المواصلات زى ما بيحصل عندنا لان اليابانى علشان يقرا لغته لازم يكون خريج جامعة

***

قالى ان لو شفت مرة واحد من غير هدوم فى المواصلات فى اليابان ما تستغربش

اكيد اكيد كان بيسأل عن الحمام فشاوروله على الاتوبيس

اليابانيين ما بيعرفوش يفرقوا فى النطق ما بين ث و ص او بالاصح فى اللغة الانجليزية ما بين

يعنى لو سألت واحد يابانى عن الحمام

bath

هايفتكرها اوتوبيس

bus

او حتى لو اتكلم هو و سألك اكيد هاتقوله الاتوبيس جوه فى الفندق

و اليابانى بينطق حرف السى فى اللغة الانجليزية شى

يعنى يقرا ايه بى شى

ما حدش عرف ايه اللى حشلى بقى؟

الراكب

2007-04-13T18:39:00.000+02:00

السلام عليكم

احب ان اشكر كل اللى علقوا على البوست اللى فات و اللى انا بأعتز بكلامهم جدا و ما احلى هذه المعرفة

معذرة لعدم استطاعتى الرد على التعليقات لكل احد بأسمه و لكن اقول امين على ادعيتكم

***

البوست ده مش هياخد كتير همه بس كلمتين

حدوتة من كلمتين

كان فيه احد الركاب بقاله 30 سنة راكب و دلوقت بيسأل امتى هاينزل؟

الراكب ده

حضرة مخى المحترم

الهى

2007-04-12T07:53:00.000+02:00

اللهم إني أشكوا اليك ضعف قوتي وقلة حيلتي وهواني على الناس، يا أرحم الراحمين

أنت رب المستضعفين وأنت ربي

إلى من تكلني؟ إلى بعيد يتجهمني، أم إلى عدو ملكته أمري؟

إن لم يكن بك غضب على فلا أبالي

ولكن عافيتك هي أوسع لي

أعوذ بنور وجهك الذي أشرقت له الظلمات وصلح عليه أمر الدنيا والآخرة

من أن تنزل بي غضبك، أو يحل علي سخطك

لك العتبى حتى ترضى

ولا حول ولا قوة إلا بك

باحبك يا مصر

2007-04-11T02:23:00.000+02:00

لما تيجى امريكا تتلكك باللى بيحصل عندنا و تتدخل فى امورنا الشخصية

اقولها لأ مالكيش دعوة

نار اخويا احسن من نارك بكتير

تعالى يا مصرى اشتمنى عذبنى اسجنى هد البيت فوق دماغى و لا تسمحش لامريكا تدخل عندنا

ساعتها بأقولها انا بحب مصر كده زى ما هى

يا اللى بتقرا الكلام ده دلوقت اسمعنى

انا باحب مصر

انتى يا ست ياللى بتنشرى الغسيل سيبك من الغسيل ده و اسمعينى

انا باحب مصر

انت ياد منك له سيبكوا من الكورة و اسمعونى

انا باحب مصر

يا عم الحج انت يا اللى ماشى على مهلك اقف و اسمعنى

انا بحب مصر

يا سواق التاكسى انت نزل الزبون ده و خليك معايا

انا باحب مصر

انت يا بت ياللى بتسرحى شعرك قدام المراية قولى ورايا

انا باحب مصر

انا باحب مصر يا اخواننااااااااااااااااااااااااااااااااااااااااااااااااااا

2007-04-10T02:57:00.000+02:00

الظاهر انى جالى برد فى نافوخى

و الا جالى روح معنوية و الا ايه مش عارف بالظبط

حاسس ان عندى حمى مزمنة فى نفسيتى

مش عارف اوصفها ازاى

بس ممكن نقول عليها استبحس و الا تبلور فى الغدد الليفاوية من الليف يعنى

و الا روحى عايزة تعطس و بما انه مش من صفاتها فعاملالى ازمة

و حاسس كمان ان روحى اتحولت لقطة بتتنطط فى نافوخى و تخبط فى السقف علشان تكسره

بتهيألى كده ان الدم ده عبارة عن كمية كائنات بتجرى ورا بعض علشان يتخانقوا عاملة زى ما الكلب بيجرى ورا ديله عاوز يعضه

انا نفسى ابقى انسان جاهل و عندى حتة ارض بازرعها علشان نافوخى يستريح

كل ما افهم حاجة باتعب اكتر

سؤال ع الماشى

ايه احساس واحد مجنون عايش فى السراية الصفرا؟

ايها المدون ارجوك اسمعنى

2007-04-06T20:46:00.000+02:00

تكملة التاج التأليفى بتاعى

انت ليه مابتكتبش بوستات طويلة؟

نادر قوى اكتب بوست طويل لان ده بيزهق القارئ و كمان انا بأزهق بسرعة من البوست الطويل فمن منطلق حب لاخيك ما تحب لنفسك بأكتب بوستات خفيفة الى حد ما

غير انها مش طالبة رغى ما هو كل الناس بترغى

الست اللى فى المترو بترغى

الحلاق بيرغى

الراجل اللى ماشى على مهله قدامى فى الشارع و معطلنى بيرغى

الست اللى بتنشر الغسيل بترغى

الرقاصة المتنكرة فى صورة مذيعة بترغى

هل لو طلب منك احد المدونين مقابلتك شخصيا ها توافق؟

لو فيه اى مساعدة اقدر اقدمهاله مش ها اتأخر لكن لمجرد المعرفة فأنا افضل انها تكون عبر المدونات لانها افضل من الواقع علشان ما يجيش اليوم اللى هافقد فيه صديق عرفته

هل انت راضى عن كتاباتك؟

لو ما كن ما كن

يعنى لو ماكنتش راضى ما كنتش كتبت

هل انت راضى عن مستوى انتشار مواضيعك؟

بصراحة لأ

لأن مواضيعى الجد ما انتشرتش زى المواضيع التهريج و ممكن تشوفوا كمية التعليقات على كل موضوع و هاتعرفوا

تفتكر ايه السبب؟

اكترية القراء بيحبوا التهريج

طب و الحل؟

الحل ان اتكلم بالهجايص

ايها المدون هأكلمك بالكلام اللى بتحبه

ابوك هايسيب البيت يا صولطان

البيت هايتهد فوق دماغ اهالينا يا ابو الصلاطين

فووووووووووووووووووووووووووووووت

هعهعهع

و الا تحب اكلمك بكلام المعلمين؟

المدونة

و زوارها

اللى على دماغنا من فوق

المدونين

المدونين اللى بيحبونا

اللى ما بيحبوناش لأ

اللى بيسيبوا تعليقات

اللى مابيسيبوش لأ

و رقصنى يا جدع

تررام تام ترا رام ترا رام

2007-04-06T05:00:00.000+02:00

انا جاى اكمل التاج اللى فات على مزاجى

يعنى ها ألف تاج من عندى

السؤال الاولانى

ايه طبيعة كتابتك فى المدونة؟

مع ان السؤال ده مكرر يعنى اتقال فى التاج اللى فات لكن حبيت اقوله لان انا عايز اجاوب عليه من زاوية تانية

زى ما قلت قبل كده ان كتاباتى فى المدونة ما هى الا مذكراتى الشخصية و شوية نصايح لاصحابى المدونين

يعنى ما فيش اتجاه معين للمدونة

يعنى ممكن اتكلم فى اى حاجة حسب المود بتاعى

متغاظ من حاجة و ده بيحصل كتير اكتبها

فرحان من حاجة و ده ناااادرا ما بيحصل اكتبها

شوية نصايح واقفين فى سقف حلقى ااااجى ادوشكم بيهم

لكن المنظر العام بتاع مدونتك و اللينكات اللى فى السايد بار بيقول ان اتجاهاتك دينية؟

اولا احب اقول ان الدين ما ينفعش اقارنه بأى حاجة تانية يعنى فيه ناس اتجاههم سياسى و فيه ناس تانية اتجاههم فكاهى و ناس تالتة اتجاههم ادبى

لكن ما ينفعش اقول ان اتجاهى دينى لان بكده انا حطيته بمقارنة مواضيع تانية و كمان نفيت الدين عن كل ما اتجه اتجاه مخالف

ثانيا ما يمنعش ان كنت باحب دينى و معتز بيه و اتكلم فى مواضيع مش مرتبطة بيه

يعنى مثلا لما اقابل واحد صاحبى فى الشارع اقوله خطبة دينية؟

مش ممكن اتكلم معاه على احواله و احوالى و زعلى و فرحى؟

المدونة برضه كدة

باتقابل معاكوا فيها و اتكلم على همومى و افراحى

هل تسعى لارضاء السادة المدونين بكتاباتك؟

ما ينفعش ارضى كل الناس و حتى لو حاولت هاخسرهم كلهم

لكن زى ما قلت قبل كده انا باتكلم عن مشاكلى انا و عن همومى انا و نصايحى انا اللى باقولها هنا

ممكن فيه ناس بتعجبهم كتاباتى

و فيه ناس بتختلف معايا

بس مش معنى كده احاول ارضيهم علشان اكسب زبون

لما انت بتحب دينك ليه ما بتكتبش فى الدين؟

كل الناس بتتكلم فى الدين

كلهم بقوا يفهموا فيه و يفتوا فيه و يناقشوا بعض فيه

علوم الدين موجودة فى الكتب و الشرايط و السيديهات و فى كل حتة

يبقى لو اتكلمت مش هاضيف جديد

و كمان اللى بيتكلم فى الدين لازم يكون مؤهل للكلام فيه

يعنى لما اتكلم فى شرح اية مثلا يبقى لازم اتعلم تفسير و اعرف الاقوال المتعددة فى تفسيرها غير ادراكى لعلوم تانية مرتبطة بيها زى الناسخ و المنسوخ و اكون حافظ احاديث كتيرة صحيحة بتشرح الاية دى ناهيك عن شرح القران بالقران يعنى اكون حافظ ايات كتير بتفيد فى شرحها

و لما اتكلم فى الفقه يبقى لازم اكون دارس قران و علوم حديث و اعرف اقوال العلماء و الادلة و الفرق ين المذاهب و القواعد الفقهية و علوم تانية كتير ضرورية

يتبع

تاج تانى

2007-04-05T02:38:00.000+02:00

التاج ده من اهداء عاشقة الوطن صاحبة الطآآن

و انا بانتهز الفرصة للتيجان دى علشان اتكلم معاكوا شوية و اعرفكوا على نفسى اكتر

اسم مدونتى مكتوب فوق و اخترته لانه بيمثل كل حاجة ممكن اقولها يعنى فى كل المجالات لان الحواديت مالهاش مجال معين

و مافكرتش اقفلها لانى لسة فاتحها و ما حصلش حاجة تستدعى ده و ان شاء الله مش هايحصل ها يا باشمهندس؟

و الصورة اللى انا مختارها بترمز لنفسى يعنى نص واضح من كتابته و نص غامض برضه من كتابته و كمان مستخبى من افكارى

و انا بادون لانى عايز كده علشان اعبر عن نفسى لانى باعتبر التدوين مذكرات شخصية و نصايح باقدمها لاصدقائى الحلوين ايون..... انتم

احلى جملة قيلت فى وصف مدونتى هى التى لم تقال بعد هههههههههه

و تعليقات الناس مهمة عندى جدا حتى لو كانت مجاملة لكن الاحلى انها تكون فيها توضيح او نصيحة

و احلى مدونة قريتها هى كل مدونة سيبت فيها تعليق و احلى بوست هو برضه اللى سيبت التعليق و رغيت فيه شويتين

اما اسوأ مدونة و اسوأ بوست فهى كل ما هاجم الدين و الاسلام و كمان اللى مسميين نفسهم مثليين و مثليات لكن مش هاقول اسماء لان الاولى اننا ندعى ان ربنا يهديهم بدل الفضيحة

اما احلى بوست كتبته فهى البوستات اللى كتبتها عن المذاهب و الشيعة و هى

و اخيرا

تاج

2007-04-03T23:52:00.000+02:00

التاج ده من اهداء د.ماعلينا و رفقة عمر و ده تانى تاج بعد التاج الاولانى اللى كان من اهداء كلام لوجيك ساكاماكا نيوز سابقا و ريفندل تجربة فعالة سابقا و كان اسمه تاج تاج تاج

بس قبل ما اقول التاج احب اوضح ان ماعلينا دى مدونة الدكتورة البنت غير ما علينا الباشمهندس الراجل اللى اختفى فى ظروف غامضة

و قبل ما اقول التاج احب اوجهله كلمة

ارجع يا ماعلينا لاحسن افجر نفسى فى المدونة بتاعتك و اعوصلك المواضيع اشلاء و دماء

ارجع لاحسن اطخك عيارين

و قبل ما اقول التاج احب اعتذر عن التأخير فى كتابته مع العلم ان دى تانى مرة اكتبه لان المرة الاولى كتبته فى مدونة ماعلينا الدكتورة مش ماعلينا المهندس

و انا بانتهز الفرصة دى و اقوله انا زعلان بجد

و قبل ما اقول التاج احب

يا عم ارحمنا ابوس راسك يا اخى قول التاج

طب ماتزقش

احم احم

اححححححححححححححم

كح كح كح

السؤال الاول

هل كنت طالب شاطر فى المدرسة؟

طبعا اوفكورس

ده انا كنت من الاوائل و احب اضيف انى كنت باجيب درجات نهائية

بس مش فى كل السنين الحق يقال انا ماكنتش مهتم بالدراسة فى سنة ستة ابتدائى

اصل انا قديم شوية و اخدت ستة قبل ما يلغوها و يرجعوها تانى

و كنت بالعب كتير فيها لكن لما دخلت الاعدادية رجعت شاطر تانى

اما الثانوية فكنت حاجة تانية خالص

كنت شاطر برضه و دخلت كلية العلوم جامعة القهرة قصدى القاهرة

ايه كانت احب مادة ليك فى المدرسة و فى الكلية؟

اقولك سيبك من المدرسة لانى تقريبا كنت مخنوق منها حتى لغاية دلوقت بس كنت باحب الكيمياء العضوية و الفيزياء

اما الكلية كنت باحب برضه الكيمياء العضوية و الفيزياء و الجيولوجيا و الاقتصاد و باكره المحاسبة و اسرائيل

كنت عايز تطلع ايه و انت صغير؟

دوكتور و ظابط و مهندس و سواق طيارات

و دى كانت اخر طلعة جوية ليا

الانتقام

بتفهم فى السياسة يا واد يا مزيكا؟

2007-04-01T23:44:00.000+02:00

فكها يا اخى

2007-03-31T02:31:00.000+02:00

اضحك

اضحك اضحك اضحك

ليه تدايق و تزعل و تغضب

اضحك دايما و افرح و العب

اضحك اضحك اضحك

بابا

لو نسى مرة يدينى مصروفى اللى معودنى عليه

ما كانتش ظروفه مساعداه و ماعاهوش فكة اعمل ايه؟

ازعل؟

لا

ادايق؟

لا

اعمل ايه؟

نضحك

طبعا نضحك يللا نضحك

استاذى اللى فى المدرسة لما

يزعقلى و ينصحنى بكلمة

مستقبلى فيها و مصلحتى

متوقفة عليها دراستى

ازعل؟
لا
ادايق؟
لا
اعمل ايه؟
نضحك
طبعا نضحك يللا نضحك
ماما

لو ماما كانت مش رايقة

مشغولة عنى و متدايقة

مش قادرة منى تاخد بالها

و لا قادرة كمان تفضى لروحها

ازعل؟
لا
ادايق؟
لا
اعمل ايه؟
نضحك
طبعا نضحك يللا نضحك
لو صاحبى مرة غلط فيا

و نرفزنى و دايقنى شوية

تقلها و زودها عليا

و لو حتى نسى صحبته ليا

ازعل؟
لا
ادايق؟
لا
اعمل ايه؟
نضحك
طبعا نضحك يللا نضحك
اضحك
اضحك
اضحك اضحك اضحك
ليه تدايق و تزعل و تغضب
اضحك دايما و افرح و العب

اضحك اضحك اضحك

يا بخت مين وفق

2007-03-29T21:53:00.000+02:00

السلام عليكم

رجوع بعد غيبة

احب اولا ان اشكر العزيزة رفقة عمر و العزيزة امانى بنت الجنوب لاهتمامهم بالسؤال عنى

الحكاية ما كانش فيها حاجة كبيرة و الحمد لله

يعنى ما كانش فيها مصايب و فجائع تقصم الضهر بس كان فيه شوية اكتئاب و لسة ما راحوش لحالهم الحمد لله

مشاهد بترقص قدام عينى بخصوص التعديلات اياها و مشاركة الناس اللى مش فاهمه حاجة و عمرهم ما عرفوا يعنى ايه دستور

المشهد الاول

من مسرحية المتزوجون

حنفى بيسأل مزيكا

بتعرف فى السياسة يا واد يا مزيكا

ايوة يا سى حنفى ده انا الشعب

طب تعرف سياسة الوفاق

يا بخت مين وفق راسين فى الحلال

دى سياسة امك دى

المشهد الثانى

فى فيلم السادات

و اول مشهد بعد استلامه الحكم و داخلين عليه بالشرايط المسجلة لمكالمات الناس و امره بوقف عمليات التصنت و حرق الشرايط

احنا رجعنا لورا قبل المشهد ده

رجعنا لايام مراكز القوى و كله عامل فيها ريس و كله بيتحكم فى كله

المشهد الثالث

فى فيلم الكرنك

مدير السجن بيسأل المسؤول عن التسجيلات هل ممكن يطلع ادانة من التسجيلات دى و الا لأ؟

و كله بالفبركة

الشنقيطى و الوهابيون

2007-03-24T23:43:00.000+02:00

كبرت كلمة تخرج من أفواههم إن يقولون إلا كذبا

آية 5 سورة الكهف

خرج الشيخ محمد الامين الشنقيطى رحمه الله من تنبه بموريتانيا مسقط رأسه حاجا الى بيت الله الحرام

كان قد طلب العلم فى بيته و بين اخواله الذين كفلوه بعد نشأته يتيما

وتولى القضاء في بلده فكان موضع ثقة حكامها ومحكوميها

سمع كثيرا عما يحدث فى ارض الحجاز

فى بلد الرسول صلى الله عليه و سلم

سمع عن اؤلئك الذين اتخذوا الدين ستارا ليصلوا الى اطماعهم فى السلطة و بدعهم فى الدين

انهم هؤلاء الوهابيون الذين طالما سمع عنهم و حذره كثيرون منهم

دخل الشيخ مكة حاجا

قرأ كثيرا من كتب الوهابيين و درس معتقداتهم

قرأ كتب امامهم الشيخ محمد بن عبد الوهاب الذين ينتسبون اليه

تعرف عليهم من خلال كتب امامهم مثل كتاب التوحيد و فضل الاسلام و نواقض الاسلام العشرة و غيرها كثير

عرف انهم يتخذون من مذهب الامام احمد بن حنبل منهجا

لم يكن فيهم ما وصفهم به الناس فى بلده

لم يرى منهم ما سمعه عنهم

انهم اناس رجعوا الى كتاب ربهم و سنة نبيهم فى زمن انتشرت فيه البدع و البعد عن دين الله

انهم اناس تصدوا لما يحاول الصوفيون من الاتراك نشره من فساد مذهبهم

عمل بقول الله تعالى

يأيها الذين ءامنوا إن جآءكم فاسق بنبإ فتبينوآ أن تصيبوا قوما بجهالة فتصبحوا على ما فعلتم نادمين

اية 6 سورة الحجرات

و ما أشد الندم بين يدى الله تعالى

يا من تطلقون السنتكم هل عرفتم القوم؟ هل علمتم الى ماذا يدعون؟ هل علمتموهم من خلال كتبهم؟

هل سلكتم ما سلكه محمد الشنقيطى رحمه الله؟

ام سيطر الجهل على اذهانكم و عميت ابصاركم و صمت اذانكم؟

ام تحملون على ظهوركم اسفار غيركم كمثل الحمار يحمل أسفارا؟

بدلا من ترديد شعاراتكم و ما لقنوه اياكم اعداء دينكم اقرأوا بأنفسكم ما كتبوه و الى ماذا يدعون اليه

هل تريدون ان تعملوا بكتاب ربكم؟ هل تريدون ان تتبينوا لكى لا تصيبوا قوما بجهالة ام تنطبق عليكم اية الكهف فتكبر كلمة تخرج من افواهكم؟

لقد اعتاد اعداء الدين القدح فيه بكل الطرق

فسموهم بالوهابيين ليوهمونا بأنهم فرقة ضلت منهج ربها

لا و الله انهم مسلمون

اهل سنة

مسلمون لا وهابيون

لمعرفة ما هم من سموا بالوهابيين و معرفة حقيقتهم الرجاء الدخول الى هذا الموقع

http://www.wahabih.com

و هذا كود لنشره و للرد على اعداء الدين الذين يريدون القدح فى اصحاب المنهج الصحيح

رحم الله بن عبد الوهاب

رحم الله ابن تيمية

رحم الله احمد بن حنبل

رحم الله اهل السنة

الحمد لله عندى دش

2007-03-23T20:10:00.000+02:00

الدكاترة دول طلعوا مابيعرفوش حاجة

بقالهم سنين بيحاولوا مع امراض مزمنة و مش عارفين يعالجوها

دلوقت قنوات الدش بتعمل اعلانات عن ادوية لتصليح الامراض دى زى السكر و الكبد الوبائى و بتعمل اعلانات عن كريمات للصلع و للضعف الجنسى والتخسيس و شد الوجه و النتيجة فى خلال ايام

يا سلااااام كانوا فين من زمان

الحمد لله ان انا عندى دش

تساؤلات

2007-03-22T20:19:00.000+02:00

الشرطة و الشعب فى خدمة الوطن

يعنى ايه وطن؟

***

واحد بيقول

انا صحيح ما بصليش بس بينى و بين ربنا عمار

ازاى؟

***

الواد ده اخلاق و طيب

هو بس بيشرب سجاير و بتاع بنات و ما بيصليش

بس قلبه ابيض

اه قلبه ابيض

***

دكتور (طبيب يعنى ) عمل برنامج بيهاجم الناس بتوع الحجامة

بيستخدموا كاسات و مشارط مش معقمة

هو مين اللى بينسى الفوطة فى بطن المريض و اللى بيتسبب فى تسمم الجروح بعد العمليات؟

بتوع الحجامة؟

اذا كان بيتك من ازاز يا دوك

***

بيطالبوا دلوقتى بتغيير القانون علشان يتصدوا لبتوع الحجامة

كل ما يثيروا حاجة يقولوا نعدل القانون

لا تشددوا فيشدد الله عليكم

***

سمعت ان فيه مؤتمر لمحاربة التداوى بالاعشاب

ده علشان الدكاترة ياكلوا عيش و الا ايه؟

***

قوم يا مصرى مصر دايما بتناديك

ده ايام ماكان ليها صوت؟

***

كل برنامج فى التليفزيون و كل مذيع هايف يتكلم فى الدين

و يتصل بناس اهيف منه و يقعدوا يفتوا

كلام كلام كلام

هاو هاو هاو

جر امشى

***

تعديلات دستورية عندنا

يعنى ايه دستور؟

يعنى حاجة حلوة و الا حاجة وحشة

***

عم محمود

2007-03-19T23:08:00.000+02:00

كنت جالسا ذات يوم فى حجرة مكتبى بالشركة التى اعمل بها و بينما انا مستغرق فى العمل اذا بى برجل تجاوز الستين من عمره يدخل على ليسأل عن اتجاه القبلة فاخبرته بها و دعيته للصلاة معى

و بعد الانتهاء من الصلاة تعرفت عليه

انه عم محمود جاء الى الشركة ليبحث عن عمل ليواجه به اعباء الحياة هو و زوجته العجوز و ابناءه الكبار الذين لم يجدوا عملا بعد

نظرت اليه و حمدت الله على نعمته على بان وجدت هذا العمل فى مثل سنى و هذا الرجل الذى يبلغ عمره ضعف عمرى مازال يبحث عن عمل

تذكرت حينها اقرانى و غيرى من الشباب العاطل و حمدت الله ثانية معترفا بفضله على

تسائلت حينها عن سر تمتع هذا الرجل العجوز بهذا القدر من الامل و سعيه وراءه حتى جاء الى مقر الشركة الذى يبعد عن المدينة باكثر من ساعة

تركت العمل لظروف مرت بى

جلست اتذكر ما مر بى من احداث

مرت فترة ليست بالقصيرة ابحث عن عمل

لكنى لم اكن بمثل حماس و امل هذا الرجل عم محمود

كان عقله شابا فى جسده العجوز

الان ارى عقلى قد تجاوز الستين بينما جسدى عمره الثلاثون

قوالب قوالب

2007-03-18T01:43:00.000+02:00

اعلان

تم عمل موضوع جديد فى مدونة تعليم عن القوالب او التيمبليت

Templates

لتغيير شكل المدونات

رابط الموضوع

http://ta3leem-khaled.blogspot.com/2007/03/blog-post_14.html

انا لله و انا اليه راجعون

2007-03-17T01:26:00.000+02:00

انتقل الى رحمة الله والد رفقة عمر

اخوانى امنوا على دعائى

اللهم ادخله جنتك

اللهم اعذه من نارك

اللهم افسح له فى قبره

اللهم اجعل قبره روضة من رياض الجنة

اللهم ابدله دارا خيرا من داره

و اهلا خيرا من اهله

اللهم اغفر له

اللهم ارحمه

اللهم ابدل سيئاته حسنات

اللهم ادخله الجنة بغير حساب و لا سابقة عذاب

اللهم اجره من نارك

اللهم اعذه من عذاب القبر

اللهم ارحم اموات المسلمين

انا افكر اذا انا .....!

2007-03-15T04:53:00.000+02:00

احساس

2007-03-14T00:15:00.000+02:00

حاسس ان اولمرت بيضحك فى سره لما بنتكلم عن هزيمة اسرائيل امام حزب الله الشيعى و بيقول شوف العرب الهبل بيحتفلوا بالنصر و هما مش عارفين ان احنا حققنا هدفنا و شردنا الملايين من المسلمين

حاسس ان اولمرت بيجز على سنانه و يحاول يقول لشعبه الحقيقة اللى فاتت

حاسس ان عباس كان جعان علشان كده راح اجتمع مع اولمرت و طبعا اعلن ان الاجتماع ما اسفرش على شئ علشان لما يحب ياكل تانى يبقى فيه حجة

حاسس ان المذيعين اللى بيطلعوا فى التليفزيون كانوا كلاب و ربنا سخطهم بنى ادمين يقعدوا يهوهوا فى وشنا

حاسس ان فيه دين جديد ظهر و الناس بيتجادلوا فيه

مش عارف مين الجاهل فينا انا و الا هما؟

حاسس ان الناس دى فاكرة دماغنا سلطانية بليلة بيعبوا فيها براحتهم

خوف

2007-03-13T00:09:00.000+02:00

زمان كنا بنخاف من البلطجية و نستنجد بالشرطة

دلوقت بقينا نخاف من الشرطة اكتر من البلطجية

يا ترى بكرة هنخاف من مين؟

فتة

2007-03-11T17:22:00.000+02:00

بيتكلموا دلوقت عن تولية المرأة القضاء

و بيجيبوا فتاوى بتايد الكلام ده

قبل كده اتكلموا عن ختان الاناث

و برضوا جابوا فتاوى بتأيد الكلام ده

قصدى بتأيد كلامهم هما

بكرة صباع البيه يوجعه يقوموا يطلعوا فتة قصدى فتوى بتقول يجوز ان صباع سيادته يوجعوا

طب ممكن ادخل الحمام علشان مزنوق؟

فيه فتوى بتقول الكلام ده يا اخواننا؟

اميل

2007-03-10T06:40:00.000+02:00

من كام يوم جالى اميل و اول حاجة لاحظتها انها مبعوتة من ييجى تلاتين تلاف واحد الى تلاتين تلاف واحد برضه

و عنوانها ارجو نشرها فى جميع المنتديات و دلوقت الاقى ناس بينشروها فى مدوناتهم و بيبعتوها لبعض علشان ياخدوا ثواب

الاميل بيقول ان جريدة اسبانية بتجرى استفتاء حول ماهي الشخصية الكبيرة التي لها تاثير على البشرية ومن تلك الشخصيات الحبيب المصطفى صلى الله عليه واله وسلم وباقي الانبياء كسيدنا عيسى وعدة شخصيات اخرى و ان الاعلى تصويتا سيجرى اعداد برنامج عنه

طيب دخلت الموقع بتاع جريدة الموندو الاقيه باللغة الاسبانية

كل حاجة فيه بالاسبانى

فتحت بقى ووقفت شوية لغاية مالمحت كلمة ماهوما

Mahoma

طيب

انا ما بعرفش اسبانى اوك

الاسم ده بتاع مين؟

غلطانين فى الاسم؟

و على فكرة ده واخد اعلى تصويتات 84% ارجو انه يكون فعلا هو الرسول صلى الله عليه و سلم

ايش درانى على انه فعلا اسمه؟ طب تعرفوا انتوا؟

قبل ما تصوتوا اتأكدتوا؟

طيب لو طلع صح مين اللى هايعمل البرنامج ده؟ و لمين؟

الاميل بيقول كى يتعرف عليه الاسبان و الاوروبيين

هيجيبوا المعلومات عنه من مين؟

و هيقولوا ايه عنه؟ طب هايسماحولنا نفتش عليهم؟ قصدى نبدى استياءنا لو لاقينا فيه حاجة غلط؟

نافوخى يا عالم

دبل كليك

2007-03-08T05:34:00.000+02:00

الواحد بقت حياته ماليانه غيظ
ماليانه حاجات كتير غايظاه
يتغاظ و يسكت و يفضل يسكت يسكت و تيجى حاجة هايفة تخليه ينفجر
انا بقى ليا واحد صاحبى كل ما يقعد ع الكمبيوتر و يدخل ع النت فى كل لينك يضغط عليه دبل كليك
اتجنن بابقى عايز امسك فى زمارة رقبته
بابقى عايز اصرخ

كليك واحدة حرام كليك واحدة مش اتنين
اللينكات كليك واحدة ارحمونى
قايمة ستارت باللى فيها كليك واحدة مش دبل كليك
ابوس راسكوا
خلاص هاطق
***

معلش سامحونى

بقالى كام يوم كده زهقان و ما عادش عندى صبر للقراية الطويلة

يعنى ما بأقدرش اقرا اى حاجة سواء كتب او بوستات طويلة و باتخنق على طول

فسامحونى ان قصرت مع اى حد و معلقتش عنده من فترة او حتى ما قريتش اى بوست عامله

عملت حاجة جديدة انى اقرا البوست على مراحل و ابتديت بس وقعت فى مشكلة تانية ان بعض المدونات و خصوصا اللى بحبها اصحابها عندهم غزارة فى الكتابات اللى بتوصل لبوست كل يوم ع الاقل زى حلاتى كده

يعنى عقبال لما اقرا بوست الاقى طلع بعديه اتنين تلاتة

فمعلش سامحونى

***

اعلان

مواضيع جديدة فى مدونة تعليم

اللينكات و كيفية وضعها فى التعليقات

كيف تصنع شريط الاخبار الخاص بك؟

شريط الاخبار

و غيرها كتير

و المدونة دى عملتلها اسوأ دعاية باننى قلت انها خاصة بالفوتوشوب و النتيجة انها مهجورة و جالى احباط و الحقيقة انها بتخدم موضوع صناعة المواقع و فيها اكواد و كيفية وضعها فى المدونات

العمدة و الاراجوز

2007-03-07T05:15:00.000+02:00

ياحضرة الاراجوز قول لي
نعم ياعمدة عاوز ايه
منين يروحوا المتولي
امدح نبينا وصلي عليه
اللهم صلي عليه
تمشي كده على طول على طول
ها

لحد ماتلاقي عمارة

لحد ما الجى عمارى
تدخل يمين تلقى بتاع فول دكانته على ناصيه حارة.
دكانته على ناصيه حارة
تدخل يمينك في شمالك.. شارعين وفي التالت تكسر..
على اليمين واخد بالك... وتمشي على طول تتمخطر.
وامشي على طول واتمخطر
تفضل كدا تمشي وتدب
وتخش من مطرح ما طلعت
ولما تلقى مقلة لب .
ولما الجى مجلة لب
تعرف انك تهت وضعت
دي وصفه هايله

هايلة قوى

دي وصفه سهلة

سهلة قوى
مع السلامه , مع السلامة , مع السلامة يا ابوعمة مايله
مع السلامة يا ابوعمه مايله

فتّح عينك تاكل ملبن

فينك فينك .. تاكل ملبن

فتّح عينك تاكل ملبن

فينك فينك .. تاكل ملبن

أوعى لجيبك لا العيب عيبك

قرّب .. جرّب .. نشّن

وسطن ايدك .. وسطن

أضرب
يحميك يا ابني تبقى غالبني قرّب خدلك حتة ملبن

قرّب خدلك حتة ملبن

فوررريرة للعيل

يا ابو العيال ميّل

خدلك سبع فرارير

زمّارة شخليلة

عصفورة يا حليلة

طراطير يا واد طراطير

طراطير طراطير طراطير

و المفاجأة الليلة الكبيرة بالصوت و الصورة

http://www.flixya.com/node/583690

الليلة الكبيرة يا عمى

2007-03-07T00:52:00.000+02:00

بناءا على طلب رفقة عمر قلت اجيب الليلة الكبيرة لصلاح جاهين و هى تصوير لمولد الحسين

بس القصيدة كبيرة جدا لذلك انا هاحط جزء منها و ان عجبتكم اجيب الباقى

القصيدة

احم

احححححم

ياليييييييييييييييييييييييييييييييييل

اااقصد

***

قبة سيدنا الولي دول نوروها .
ما احلى البيارق والناس بيزوروها .
قبة سيدنا الولي في الجو عالية.
ما احلى البيارق لما نوروها.
حمص حمص حمووووص

حمص حمص , تل ما ينجص , عالنار يرجص
يرجص يرجص ويجوووول .
اللي شااااف حمص ولا كلش
حب وتلوع ولا ولا طالش
هئ هئ هئ

يسترك هات حبه بقرش.

ها هاهاهاها هاااااااااااااااااااااى

هاء هاء هاء هااااااااااااااااااااااااااااء
حمص حمص حمص حمووووووووص
الله الله الله

طعمية

اللوووووووووز

الله ... الله... الله

عجمية

اراجووووووووووووز

الليلة الكبيرة ياعمي والعالم كتيرة
ماليين الشوادر يابا م الريف والبنادر
دو فلاحين ودول صعايدة

دول من الكانال ودول رشايدة
الليلة الكبيرة ياعمي والعالم كتيرة

ماليين الشوادر يابا م الريف و البناادر

انتظرونا فى الحلقة القادمة مع الحوار بين العمدة و حضرة الاراجوز

للاطفال برضه

2007-03-05T03:22:00.000+02:00

معلش نكدت عليكوا البوست اللى فات علشان كده قلت اصالحكوا بالبوست ده
فاكرين اغنية ابريق الشاى لسيد الملاح؟
اهه

نافوووووووووووخى

2007-03-04T12:20:00.000+02:00

صديق

2007-03-04T11:07:00.000+02:00

من شوية كلمت صديق من على الياهوو

الصديق ده غالى عليا

بس ما كنتش عايز اكلمه

كنت باكلمه و انا بانفخ و عايز اقفل على طول

بعد ماقفلت ارتحت

باكتب البوست ده و انا مكشر و متغاظ

المكالمة كانت كلها مجاملات

كانت كلها ازيك و عامل ايه

كانت كلها ردود كويس و انت؟

كنت مخنوق منه و من كلامه

مع انى باعتز بيه

لكن كرهت الاسطمبات

اسطوانات

بنسمعها لبعض

اسطوانات حافظينها

بغبغانات

هاتبقى بغبغان؟ يبقى مع السلامة

كلام من غير احساس

هاتنافقنى؟ هاعرف و اكره كلامك

انا مش محتاج تسجيل و شريط متسجل

انا محتاج صديق

افرح لما اكلمه و يفرح لما يكلمنى

يبقى عامل ايه ليها معنى

ما يقفش الكلام عند ازيك و كويس

ما هو كلنا كويسين

نفرح كويسين

نكتئب كويسين

نتغاظ كويسين

نحب كويسين

نكره كويسين

كويسين كويسين

انا عايز اقلكوا ان انا مش كويسين

للاطفال و بس

2007-03-03T14:01:00.000+02:00

حبايبنا الحلوين بعد الاطمئنان على صحة والد الفتاة الجميلة المسماة رفقة عمر صاحبة مدونة العائشة فى الاحلام ووالد الانسة الانسانة انسانة و ندعو الله بأن يشفى جميع مرضى المسلمين

نترككم مع هذا الفاصل الغنائى الجوز الخيل

مهداة الى ذى النون المصرى

ولو بتعانى من اى بطء او الفيديو ما اشتغلش اضغط على اللينك ده

http://www.youtube.com/watch?v=eFZ_T_iAQt4

السر

2007-03-01T23:24:00.000+02:00

انا عايز اوشوشكوا علشان ما حدش غيرنا يسمع

وش وش وش وش وش

مدونة جديدة عن العراق و المجاهدين نصرهم الله

2007-02-28T23:12:00.000+02:00

اخى المعتصم عراقى اصدر مدونة جديدة اسمها العراق صوت المجاهدين

و بالمناسبة اضع كود الدعاء الذى يظهر على يمين المدونة و الذى يتضمن الدعاء لاهل العراق

الكود هو

<br /><hr/><br /><br /><span style="color:blue;"><br /><br /><marquee scrolldelay="150" width="200" direction="up" onmouseover="this.stop()" onmouseout="this.start()" hight="200"><br /><br /><b><br /><br /><p align="center">اللهم اغفر للمؤمنين و المؤمنات</p><br /><br /><p align="center">الأحياء منهم و الاموات</p><br /><br /><p align="center">اللهم اغفر لى و لوالدى و للمؤمنين</p><br /><br /><p align="center">يوم يقوم الحساب</p><br /><br /><span style="color:red;"><br /><br /><p align="center">قل امين</p><br /><br /></span><br /><br /><hr/><br /><br /><p align="center">اللهم انصر الاسلام و المسلمين</p><br /><br /><p align="center"> اللهم ثبت اقدامهم</p><br /><br /><p align="center">اللهم سدد رميهم</p><br /><br /><p align="center">ووحد صفهم</p><br /><br /><p align="center">و اربط على قلوبهم</p><br /><br /><p align="center">اللهم زلزل الارض تحت اقدام اعدائهم</p><br /><br /><span style="color:red;"><br /><br /><p align="center">قل امين</p><br /><br /></span><br /><br /><hr/><br /><br /><p align="center">اللهم احصى اعداء الاسلام عددا</p><br /><br /><p align="center">و اقتلهم بددا</p><br /><br /><p align="center">و لا تغادر منهم احدا</p><br /><br /><p align="center">اللهم انا نجعلك فى نحورهم</p><br /><br /><p align="center">و نعوذ بك من شرورهم</p><br /><br /><span style="color:red;"><br /><br /><p align="center">قل امين</p><br /><br /></span><br /><br /><hr/><br /><br /><br /><br /><p align="center">اللهم ارحم اهل السنة فى العراق</p><br /><br /><p align="center">اللهم ارفع عنهم البلاء</p><br /><br /><p align="center">اللهم ايدهم بنصرك</p><br /><br /><p align="center">اللهم رد كيد اعدائهم</p><br /><br /><span style="color:red;"><br /><br /><p align="center">قل امين</p><br /><br /></span><br /><br /><hr/><br /><br /><br /><br /></b></marquee><br /><br /><br /><br /></span><br /><br /><hr/><br /><br />

و من المفترض وضع هذا الكود فى مدونة تعليم و لكن عجلت به هنا و الدعاء اقل واجب نستطيع تقديمه لاخواننا فى العراق وفى كل مكان

كيا حال هى؟

2007-02-27T08:09:00.000+02:00

مجهى بهت خوشى هويى كى آب كى ملاقات هى

يه بات اردو هى

اردو هندوباك كى زبان هى

***

استغربتوا من البوست اللى فات علشان كتبت انجليزى بحروف عربى؟

و اكيد قلتوا ان انا خرفت فى اول البوست ده و كتبت كلام مش مفهوم؟

اقولكوا ان الكلام المكتوب فى اول البوست ده كلام صحيح و لغة معروفة و الناس بتتكلم بيها و بتتكتب بحروف عربى زى ما انا كاتبها

الكلام اللى فى اول البوست مكتوب باللغة الاردية لغة باكستان الرسمية و هى واحدة من لغات الهند المعترف بيها رسميا و هى بالمناسبة نفس اللغة اللى فى افلام اميتاباتشان و شاه رو خان و غيره من افلام بوليود الا انهم بيكتبوها بحروف هندية بس هى نفس اللغة تقريبا الا فى بعض الالفاظ

و اللغة دى بتستخدم نفس الحروف العربى الا ان فيها حروف زيادة شوية و علشان الكيبورد بتاعتى مافيهاش الحروف دى ما اعرفتش اكتبها كويس

بالمناسبة هناك لغات كتير فى العالم بتستخدم الحروف العربى فى كتابتها و اهلها بيتعاملوا بيها زى ما هى و بالاضافة ان اللغات دى فيها كلمات كتير عربى

اللغات دى كتير منها على ما اتذكر الاردية و الفارسية (لغة ايران و افغانستان ) و البشتو (لغة من لغات افغانستان ) ،التركية بس بتاعة الدول السوفيتية القديمة لان للأسف تركيا بطلت تستخدم الحروف العربى من سنة 1913 بفضل كمال اتاتورك بعد ما قضى على الخلافة العثمانية و اعلان العلمانية

الدول دى اجنبية مش عربية و بتستخدم حروف عربى للغاتها

لسة مستغربين ان انا كتبت الانجليزى بحروف عربى؟

ثانك يو

سى يا لاتور

هاللو ذير

2007-02-25T23:56:00.000+02:00

هاللو ذير

هاو ار يو؟

ان ذيس بوست اى ديسيديد تو رايت ويذ انجليش لانجوادج

ايام نوت بورد ويذ ارابيك بط اى ونتد صم تشينج

مينى تايمز اى ثوت تو بيلد انجليش بلوج بط اى اسكد وات ويل اى رايت ذير؟

اند اى ثوت تو رايت انجليش بوستس ان ماى اون بلوج هواديت بط اى اسكد اجين وات ويل اى رايت؟

سو اى ديسيديد تو رايت ذيس بوست ويذ انجليش تو ساتيسفاى ماى سيلف اند تو براكتس صم لانجوادج

سى يا لاتور

ذات أنواط

2007-02-22T02:34:00.000+02:00

الناس دلوقت بيتزاحموا على شجرة فى طريق مصر الاسماعيلية الصحراوى بيقولوا ان مكتوب عليها الله و محمد

بيتباركوا بيها

بقى التدين فى شجرة

مش مهم اننا ما بنصليش

مش مهم اننا ما نعرفش ديننا

مش مهم ان معاملاتنا مع بعض سيئة

مش مهم اننا بعيد عن شرع الله

المهم اننا نتجمع حوالين الشجرة

روى عمر بن الخطاب رضى الله عنه

أن رسول الله صلى الله عليه وسلم لما خرج إلى حنين ، مر بشجرة للمشركين ، يقال لها : ذات أنواط ، يعلقون عليها أسلحتهم ، ويعكفون حولها ؛ قالوا : يا رسول الله ! اجعل لنا ذات أنواط كما لهم ذات أنواط ، فقال النبي صلى الله عليه وسلم : سبحان الله وفي رواية : الله أكبر ! هذا كما قال قوم موسى : { اجعل لنا إلها كما لهم آلهة } ، والذي نفسي بيده ؛ لتركبن سنة من كان قبلكم سنة سنة

إسناده صحيح على شرط الشيخين - المحدث: الألباني - المصدر: جلباب المرأة - الصفحة أو الرقم: 203

سيدنا عمر بن الخطاب رضى الله عنه لما شاف الناس بتتبارك بالشجرة المذكورة فى القران فى سورة الفتح

لقد رضى الله عن المؤمنين إذ يبايعونك تحت الشجرة

اية 18 سورة الفتح

و هى الشجرة التى بايع فيها المؤمنون الرسول صلى الله عليه و سلم على قتال المشركين بعد صلح الحديبية و التى سميت ببيعة الرضوان

سيدنا عمر قطعها

قطعها علشان الناس بتتبارك بيها

علشان الناس هتفتتن بيها

ايه الاولى لينا؟ نتعلم ديننا ونتقى ربنا و الا نتبارك بالشجرة؟

فيلم جديد خالص

2007-02-17T05:36:00.000+02:00

هو بيحبها و هى بتحبه

متعرفش الفيلم ابتدا امتى لكن من اول مشهد عرفت انهم بيحبوا بعض

من صغرهم بيحبوا بعض

و همه جيران بيحبوا بعض

و همه فى الجامعة بيحبوا بعض

الواد غنى و ابن ناس و امه شريرة

و البت فقيرة وطيبة و اهلها ناس طيبين

ام الواد مش موافقة على جوازه منها و الواد مصمم انه يتجوزها

ام الواد عايزة تجوزه بنت تانية تبعها اهلها غناى و يمكن تكون بنت اختها و الا اخوها

يحصل حادثة و يتعور فيها الواد و البت مستنياه و لما مايجيش تعرف انه باعها فاتروح تتجوز العريس اللى جايباهولها امها

الواد يفقد الذاكرة او امه تعمل اسفين فى البت بتاعته يقوم هو كمان يقبل يتجوز البت اللى جايباهاله امه

و لما البت تتخطب و الواد يتخطب يقوموا يروحوا يتفسحوا و يروحوا كازينوا واحد بالصدفة البحتة و يعدى جنبها و مايشوفوش بعض

بعد اسبوع برضه يروح كل واحد فيهم كازينوا تانى و هناك هيقابلوا بعض المرادى

و تتلاقى نظراتهما

يعاتبوا بعض بالعيون

البت تبصله شوية بنظرة عبط و لما تيجى تمشى الواد يمسك دراعها و يغنى

و يرجع الواد للبت و ترجع البت للواد فى اخر الفيلم

سؤال الحلقة: اذكر اسماء عشرين فيلم فقط تتناول هذه القصة؟

سؤال

2007-02-11T07:48:00.000+02:00

هاسألكوا سؤال

لو احنا كنا فى عصر النبى صلى الله عليه و سلم و قالنا انه رسول من عند الله كنا هانصدقه و نآمن بيه؟

لو احنا كنا فى عصر عمر بن الخطاب رضى الله عنه و لاقانا واقفين فى الشارع فى طريق الناس والا لابسين لبس مش كويس و ضربنا بعصايته كنا هانحبه و نقول عليه عادل و نضرب بيه المثل فى العدل؟

لو احنا فى عصر على بن ابى طالب رضى الله عنه و حصلت الفتنة بتاعة سيدنا عثمان كنا هنبقى مع مين؟ معاه و الا مع معاوية رضى الله عنه و الا مع الخوارج و الا مع الشيعة؟

لو كنا فى عهد الدولة العباسية ايام المأمون فى وقت فتنة خلق القران كنا هنصدق المعتزلة فى افكارهم و الا هنبقى مع احمد بن حنبل رحمه الله ولو جلدونا او قطعونا بالسيوف؟

الحمد لله ان انا اتولدت فى العصر ده

الحمد لله ان انا ما اتحتطش فى اختبارات صعبة زى دى

الحمد لله ان ربنا خلقنى مسلم

تعليم فوتوشوب و عمل المواقع

2007-02-07T04:37:00.000+02:00

كنت قد كتبت موضوع عن بعض الاخطاء اللتى كثيرا ما يقع بها اصحاب المواقع و المدونات تحت اسم نصائح تغيظ

ومن الاخطاء الشائعة هى استخدام الصور بكثرة و اللتى تتسبب فى بطء تحميل الموقع ومن ثم ملل من يدخل عليه و الذى يؤدى الى قلة عدد الزائرين لهذا الموقع

و لتفادى تلك الاخطاء تم افتتاح مدونة جديدة تحمل اسم تعليم و اللتى سوف اشرح بها طريقة استخدام برنامج الفوتوشوب فى عمل المواقع و المدونات و تقليل مساحة الصور و من ثم زيادة سرعة تحميل المواقع و زيادة كفائتها و كذلك سوف اشرح بها بعض الاكواد المستخدمة فى تحسين الموقع و كيفية اضافتها مثل الكود الخاص بشريط الاعلانات ان شاء الله

المدونة هى

http://ta3leem-khaled.blogspot.com/

و الرجاء المساعدة على انتشار هذه المدونة بالاعلان عنها لتعم الفائدة

و شرطى الوحيد لاستخدام هذه المدونة المجانى هو الدعاء لى و لوالداى بالمغفرة و الرحمة

نفسى

2007-02-06T05:42:00.000+02:00

نفسى اركب قطر بيمشى تحت الميه

نفسى انام فى عربية لورى تفضل تمشى بى لغاية ما اصحى

نفسى السرير اللى نايم عليه بيقى ماشى على قضبان و اصحى الاقى نفسى فى الشغل

نفسى يبقى عندى طيارة هيليكوبتر الف بيها العالم و اطلع بيها المريخ

نفسى يبقى بيتى عبارة عن عربية جيب و اركن فى الصحرا بالليل و لون العربية يتغير للاسود علشان ما حدش يشوفنى

نفسى اعلق فى رقبة بوش سلسلة و ادور بيه فى كل حارة عربية و اقول من ده بكرة بقرشين

نفسى اقول لاولمرت يا ابن الكلب

نفسى العرب يفهموا

نفسى يبقى عندى قنبلة نووية العب بيها كل يوم

نفسى اسمع افكار الناس

نفسى يبقى معايا ريموت كنترول و اروح العراق و اقلب المحطة الاقى ان العراقيين فى امان و لا حصل غزو و لا حاجة

نفسى اروح فلسطين و اطفى عليهم النور و يلاقوا الدنيا ضلمة يقوموا يبطلوا خناق

نفسى يكون عندى كلاب كتير ابعتهم اسرائيل و كل كلب ياكله بتاع اتنين تلاتة من اليهود

نفسى افتح دماغى و اهرش فى مخى شوية

نفسى لما استحمى افتح دماغى برضه و انضف مخى بالليفة و الصابون

نفسى اخد كل المسلمين بالحضن و اتف على كل اللى يمسوهم بالسوء

نفسى اقفل البوست ده لغاية كده

مصطلحات

2007-02-05T01:50:00.000+02:00

تصحيح لمفاهيم خاطئة

بحث مقدم من حضرتى

الجزار

اه ده اكيد الشخص اللى بيبيع جزر

الزبال

طبعا اللى بيبيع زبالة

الشحات
الراجل اللى بنشحت منه

براد الشاى

هى الحاجة اللى بنستعملها لعمل مقلب فى ضيف رزل علشان نشربه شاى بارد

المسقعة

مقلب غلس لما حد يرفع من عليك البطانية و انت نايم فى عز الشتا

السيكو سيكو

دى بقى دبلرة للسيكو الواحدة

النافوخ

هو الشخص اللى قاعد ينفخ م الغيظ

الفياجرا

دق المسامير ع الحيط زى ما باشوف فى قناة روتانا

الكلينكس

شكلها كده كلاكس و حرفوها زى ما هو مكتوب فى عبد الحفيظ الصحاح

القطار

وسيلة تعذيب حديثة

عروبة

حب ركوب العربيات طبعا

السلطانية؟

مرات السلطان

وطنية

ممممم

اخت السلطانية صح؟

التاج

كان زمان موجود فوق راس السلطان دلوقت منتشر فى المدونات

المهلبية

دى اللى مالية دماغ كل عربى

التهييس

الحرية المطلقة اللتى كفلها الدستور لكل مواطن

السلام

كلمة مشهورة فى موقف الميكروباص

العالم

قرية صغيرة فى الكرة الارضية الامريكية المتحدة

امين الشرطة

الراجل الامين اللى ما بيخبصش على ظباط الشرطة

الانترنت

الحاجة اللى بوظت الواد و البت

النقطة

دى بقى اللى هاتجيلك من كتر قرايتك لمدونتى

فلس ..........طين

2007-02-04T01:11:00.000+02:00

انت يا عيل منك له العبوا مع بعض بلاش كده

ما هو اللى ابتدا

لا هو اللى ابتدا

يا واد انت وهو انا مش قلتلكوا العبوا مع بعض؟ ايه ما بتسمعوش الكلام؟ و الله خسارة فيكم اللى احنا بنعمله عشانكم؟ عمالين نشحت و نديكم

نحرق فى دمنا علشان تعيشوا

و انتو زى الكلاب بتضربوا فى بعض و ناسيين ان انتو اخوات

سايبين الواجب و بتلعنوا فى بعض

سايبين الكلاب بتنهش فيكوا و فى اخواتكوا و انتم بتنهشوا فى بعض

و الله ما تستاهلوا تعيشوا زى البنى ادمين

ما تستاهلوا حتى ان ندافع عنكم

صحيح

فلس

طين

كنا عيال

2007-02-02T23:35:00.000+02:00

بريللا بريللا بريلليلا

***

لاعبينى و الاعبك

لاكسر صوابعك

صوابعك اللولى

فى طبق بنورى

***

افتحولى الباب ده

الجاموسة واااالدة

***

واحد اتنين تلاتة

ابرة الخياطة

خيطيلى كمى

اوعى تقولى لامى

امى تقول لابويا

ابويا يضربنى

و الخروف ينطحنى

***

واحد اتنين سرجى مرجى

انت حكيم و الا تمرجى

انا حكيم الصحية

العيان اديله حقنة

و المسكين اديله لقمة

نفسى ازورك يا نبى

يا اللى بلادك بعيدة

فيها احمد و حميدة

حميدة ولدت ولد

سميته عبد الصمد

***

يا فار يا بنى

اوعى تاكلنى

كلنى بالليل

الساعة اتنين

رحت للقاضى

قاللى مش فاضى

رحتله تانى

قرقش ودانى

ااه يا ودانى

***

كانت ايام جميلة

ايام كلها لعب

كنت زى ما بيقولوا كده مقرون و هى كانت لسة بضفاير

مش عارف ايه اللى خلانى اكتب الكلام ده

يمكن عايز افتكر الايام الجميلة

ايام الطفولة البريئة؟

يمكن عايز اهرب من واقعى

يمكن مش عايز افكر فى مستقبلى؟

هيكون شكله ايه؟

هو انا لما كنت صغير كنت فاكر ان انا مش هاكبر

هو انا كنت فاكر ان انا مش هاتحمل المسؤولية فى يوم من الايام؟

كنت بافكر فى اللى بيتعمل فينا؟

من اعدائنا؟

من اعداء ديننا؟

مش عارف ازعل علشان كبرت و الا احسد نفسى ان انا كنت صغير

بس لى سؤال

هو الطفل فى العراق كان بيلعب زيى كده؟

كان بيغنى و فرحان زيى؟

كان ليه اب بيصرف عليه؟

كان ليه ام بتاخده فى حضنها؟

كان ليه اخ كبير يعلمه؟

كان بيروح مدارس؟

و الا ما عرفش فى حياته الا البكاء و صوت الرصاص؟

سايتات بايظة

2007-02-02T19:45:00.000+02:00

عاااااااااجل

جانى ايميل بيحذرنى من بعض المواقع الاسلامية او اللى الناس فاكراها كده و فيها كلام مغلوط عن الاسلام و المواقع دى من صنع اليهود

و ده نص الرسالة

Beware of the following websites:

1. www.answering-islam.org

2. www.aboutislam.com

3. www.thequran.com

4. www.allahassurance.com

These sites have been developed by the Jews

Who

Intentionally spread wrong information about the

QURAN , the

HADITH and the Islam

Please spread this information

To all the

Muslim brothers and sisters around the world.

Al ways check the source of any Islamic web site even if it is very convincing

يا عراق

2007-02-01T01:34:00.000+02:00

بعد دقائق من التهريج و المرح و كتابة اخر مدونتين زرت مدونة لأخى العراقى العراق صوت الحق و انفطر قلبى من هول ما رأيت

لا وقت للافراح

لا وقت لمثل هذا العبث

كنت اسمع و لكن معيشتى مع ابواى الامنة لم تصور لى حال العراق و اهل السنة كما يجب

اخوانى أمنوا على دعائى

اللهم انت الاحد انت الصمد لا اله الا انت لا اله غيرك ندعوه لا اله غيرك نشكوا اليه مر ما لاقينا من ايدى البشر

يا جبار يا قهار

اللهم انا نجعلك فى نحورهم و نعوذ بك من شرورهم

اللهم ارحم المستضعفين من المسلمين فى العراق و فى كل بقاع الدنيا

يا رب رحماك بأهل ملتك المستضعفين

يا رب رحماك باهل الحق و الدين

يا رب ارحمهم اللهم ثبت اقدامهم و انصرهم

اللهم سدد رميهم ووحد صفهم و اربط على قلوبهم

يا ارحم الراحمين

لكى الله يا عراق

لكم الله يا أهل الاسلام

لكم الله يا اهل السنة

لم استطع منع نفسى من البكاء اكاد اشعر بمذاق الدم فى حلقى من كثرة ما تعانون منه

ادعوكم اخوانى للدخول لمدونة اخى العراقى لتروا ما يعانيه اهل السنة اخواننا هناك فى بلدنا

العراق

تاج تاج تاج

2007-01-31T23:55:00.000+02:00

بقولها تلات مرات و باكشف راسى و اقول منك لله يا اللى كنت السبب

منك لله يا سوه دبستينى فى التاج ده

ما انا كنت قاعد فى حالى

منك لله يوديكى الجنة ان شاء الله

الاسئلة

إيه اللي هيحصل لإيميلك لما تموت؟

مش عارف

لما اموت هاعرف ساعتها

اديت الباسوورد لحد قبل كده؟

لا لا لا

اسمك؟

خاااااااااااااااااااااااااااااااالد

اسم الدلع المشهور بيه وسط اصحابك؟

خللود

عمرك؟

تلاتين سنة

برجك؟

ششش هص

ما باهتمش

مجال دراستك ؟

كله و الا حتة منه؟

انا اساسا خريج كلية التجارة قسم اقتصاد مع انى شغال فى مجال شبكات الكمبيوتر و ده مجال دراستى التانى

شخصيتك نوعها ايه ؟

يعنى ايه؟

اه بالصودا

انا طيب وهاااااادى جدا و نرفوووز جدا ازاى ما اعرفش بس ممكن تقول ان نرفزتى مابتطلعش بسهولة و ما بتبانش لحد و خصوصا اللى بحبهم

المود بتاعك؟

حسب الحالة اما تطلب

وقت فراغك بتعمل فيه ايه ؟

كمبيوتر كمبيوتر كمبيوتر

الأكلة المفضلة؟

المكرونة ام بشاميل و محشى ورق الخص

الصفات اللي اخدتها من باباك؟

الهدوء و الطيبة و العقل

الصفات اللي اخدتها من مامتك؟

السمار و الذكاء

اكتر ست حاجات بتكرهها ؟

الغباء

الجهل

الخيانة

الكذب

الغتاتة

قلة الادب

اكتر ست حاجات بتحبها؟

الدين

العلم

الصدق

الاخلاص

الاخلاق

الطيبة

الشغل بالنسبه لك؟

استمرار الحياة و مزيد من العلم

الانترنت بالنسبالك؟

شغل

تعليم

مراسلات

التاج التاني

خمس حاجات ماحدش يعرفها عنى؟

انى ساعات بحس ان ماليش اصدقاء و ساعات بحس ان اللى حواليا مش مخلصينلى

باااااااااس خلاااااااااااااااااااص كفاية حرااااام

امرر التاج لمين؟

لمها ميمو و نوهيل و الكلام نوعان و الاباصيرى و الوردة السوداء

نصائح تغيظ

2007-01-31T11:05:00.000+02:00

ايوة صح العنوان كده فعلا نصائح تغيظ

كل الناس قالوا اكيد ان انا هأقول نصائح لناس تانية غايظانى

لأ مش كده أنا هأقول نصائح ليكم من عندى و النصائح دى علشان تغيظو الناس اللى بيزورا مدوناتكم و يمكن تقدروا تطفشوهم

النصيحة الاولى

علشان تعمى الغلبان اللى جاى يزورك اتعمد انك تختار الوان غامقة سودة مثلا و اكتب بلون غامق زى اللون البنفسجى او اللون الازرق

النصيحة التانية

اختار اصغر بنط تقدر عليه او اختار اكبر بنط لغاية ما الكلام يدخل فى بعضه

التالتة

كتر من الصور فى مدونتك لأنها اسهل وسيلة علشان تخلى الموقع يفتح ببطء يشل اللى امه دعت عليه و دخل عندك

الرابعة

طريقة تانية بجانب الصور لتبطئ الموقع انك تكتر من اكواد الجافا و خصوصا الاكواد اللى بتغير شكل الماوس و الاكواد اللى بتحطلك فراشة طايرة فى موقعك

الخامسة

يا سلام تعمل اعلانات كتير علشان تتوه السادة الزائرين و ما ياخدوش بالهم من مواضيعك اساسا و بالذات الاعلانات اللى بتفتح فى شاشة لوحدها

السادسة

احسن حاجة تعملها تبطألك الموقع و تغيظ اللى دخله انك تحط خلفية صوتية لمدونتك و يا ريت تعيد نفسها تلقائيا

السابعة

تخلى صفحة التعليقات تفتح فى شاشة مستقلة علشان تكتر للزبون الشاشات المفتوحة فى جهازه يمكن جهازه يهنج و الا حاجة

التامنة

تحط صورة مستفزة فى البروفايل بتاعك و يا سلام بقى تبقى غتت و الا دمك تقيل علشان تكملها

التاسعة

.......................

النصيحة العاشرة

ما تسألنيش عن التاسعة

كيف تعرف أنك تعيش في العام 2007

2007-01-30T22:32:00.000+02:00

بقالى كام بوست كده واخدها جد و بتكلم عن الشيعة مرة و عن المذاهب و الشيعة مرة و عن الفرق و الشيعة و مؤتمر التقريب و حسن نصر الله

قلت بقى لازم اهدى اللعب شوية و اكتب حاجة خفيفة و ومرحة

منقول من الاميل

كيف تعرف أنك تعيش في العام 2007

تكتشف أنك لم تلعب السوليتير بورق لعب حقيقي منذ عدة أعوام

تكتشف أن لديك خمسة عشر رقمًا هاتفيًا تخص أسرتك التي لا تزيد على ثلاثة اشخاص

تخطئ وتكتب كلمة السر على فرن الميكروويف

ترسل بريدًا الكترونيًا لزميلك في العمل الذي يجلس على مكتب مجاور لك

تتدهور علاقاتك بأفراد أسرتك أو أصدقائك ممن ليس لديهم بريد الكترونى

تقف بالسيارة تحت البيت ثم تتصل بالبيت بالموبايل لتطلب من يساعدك في حمل البقالة

كل إعلان في التلفزيون ينشر موقع إنترنت في أسفل الشاشة

مغادرة البيت من دون أن تأخذ معك الموبايل الذى لم تكن تستعمله طيلة عشرين أو ثلاثين عامًا من حياتك تسبب لك الذعر فتعود لتأخذه

تصحو في الصباح فتفتح الإنترنت قبل أن تشرب القهوة

أنت الآن تقرأ هذا الكلام فتهز رأسك وتبتسم

أما الأسوأ فهو أنك تعرف من سترسل له هذه الرسالة ليقرأها

أنت مشغول جدًا لدرجة أنك لم تلحظ أن القائمة بلا رقم 9

لقد حركت السطور لتتأكد من أنه لا يوجد رقم (9) مع انه لا يوجد ترقيم اساسا

حسن نصر الله

2007-01-30T07:10:00.000+02:00

قال إنهم يعملون لإثارتها خدمة لإسرائيل

نصرالله يتهم اقطابا في السلطة بالسعي الى فتنة شيعية سنية

اتهم الامين العام لحزب الله الشيعي حسن نصرالله مساء الاحد 28-1-2007 اقطابا في السلطة اللبنانية بالعمل لاثارة الفتنة بين السنة والشيعة في لبنان.

كلام جميل يا نصر الله

لرئيس الوزراء العراقي بعث السيد نصر الله بتمنٍ عليه أن يعلن للملأ الدورَ الاميركي في حيثيات تنفيذ اعدام الرئيس العراقي السابق

لا تزر وازرة وزر أخرى هي الضابطة التي شدد السيد نصر الله على اعتمادها من قبل العالمين العربي والاسلامي في سبيل تقييم الاحداث في العراق

و ده كمان كلام حلو

ومما قاله سماحته انه من الغباء ان يظن سني او شيعي في العراق ان اميركا ضمانة له، ويجب حصر الخطأ بفاعله : سنيا كان أو شيعيا

و ده احلى و أجمل

بس الكلام ده فعلا حقيقى؟

يعنى انت صادق فى كلامك و ما بتستخدمش معانا التقية الشيعية المشهورة و بتزوقلنا الكلام علشان نحبك و نمشى وراك؟

ما بتكدبش علينا؟

انا مفيش حاجة بينى و بينك

عجبتنى لما حطيت دماغ اسرائيل فى التراب

عجبتنى لما وقفت قصاد حكومتك

عجبتنى لما منعت انصارك من اثارة الشغب فى بيروت

واثق من نفسك و من كلامك

بس ده مش معناه ان احب مذهبك

انا سنى و انت شيعى

انا بحب ابو بكر و عمر و انتم بتكرهوهم و بتدعوا عليهم

بتسموهم صنمى قريش

انا بحب السيدة عائشة و انتم بتقولو عليها افظع الاتهامات

احب ابو هريرة و ابو سفيان فى نفس الوقت اللى انتو بتنقصو منهم و تفتروا عليهم

الصحابة نقلولنا كل حاجة قرآن و سنة بمنتهى الامانة و ما غيروش و لا بدلوا

عندنا الانبياء بس همه اللى معصومين

كل واحد ممكن يغلط و يترد عليه الا الرسول صلى الله عليه و سلم

حتى لو كان عالم

حتى لو كان امام

الوحى انقطع بموت الرسول

احب سيدنا على و الحسن و الحسين رضى الله عنهم

احب السيدة فاطمة رضى الله عنها

بس مش باغالى فى حبى ليهم

بحبهم زى ما بحب باقى الصحابة

يا نصر الله

مفيش حاجة شخصية بينى و بينك

و انا معاك ان احنا لازم نقفل باب الفتنة بين السنة و الشيعة

بس عمرى ما ها انسى ان انت شيعى

عمرى ما ها انسى الفروق اللى بيننا

عمرنا ما ها نتقرب عقائديا

ممكن نتقرب سياسيا بس

و ده اتمناه

اااااااااه

2007-01-29T06:24:00.000+02:00

اااااااااه

ااااااااى

ااااااوه

ااااااااااااااى

يا ام السعد

يا رب

اااااااااااااااااااااااااااااااااااااااااااااااااااااااااااه

وااااااااااااااااااااااااااااااااء

وااااااااااااااااااااااااااااء

و تمخض الجبل عن فأر

عملتم ايه يا بتوع التقريب؟

قربتم بين السنة و الشيعة؟

اجتمعتم؟

اتكلمتم؟

ارتاحتم؟

وصلتم لايه؟

مش انا قلتلكم؟

انتو بتنفخو ف قربة مقطوووووووووعة

الفرق و الشيعة

2007-01-27T06:26:00.000+02:00

قال رسول الله صلى الله عليه وسلم

افترقت اليهود على إحدى وسبعين فرقة فواحدة في الجنة وسبعون في النار وافترقت النصارى على ثنتين وسبعين فرقة فإحدى وسبعون في النار وواحدة في الجنة والذي نفس محمد بيده لتفترقن أمتي على ثلاث وسبعين فرقة واحدة في الجنة وثنتان وسبعون في النار قيل يا رسول الله من هم قال الجماعة

الراوي: عوف بن مالك - خلاصة الدرجة: صحيح - المحدث: الألباني - المصدر: صحيح ابن ماجه - الصفحة أو الرقم: 3241

الحديث اللى فات ده حديث صحيح زى ما هو باين من درجته و رقم الحديث للى عايز يتأكد بنفسه لأن قلت الحديث ده قبل كده فى مدونة تانية و صاحبة المدونة قالت ان الحديث ده ضعيف و تم ضحده من اكثر من عالم متنا و سندا و ما قالتش مصدر كلامها و الا حتى قرته فين؟ مع انه صحيح و الكتاب اسمه صحيح ابن ماجة لناصر الدين الالبانى

و الحديث بيوضح نبوءة الرسول صلى الله عليه و سلم بإفتراق الامة الاسلامية على ثلاث و سبعين فرقة كلهم فى النار الا واحدة فى الجنة

يعنى ان كل الفرق ضالة و مذهبها فاسد الا فرقة الجماعة زى ما قال الرسول

و ظهر من زمان فرق كتير و كل فرقة لها عقيدتها المستقلة
ظهرت الخوارج والمعتزلة و الجهمية و القدرية و الاشعرية و الجبرية و و و

كلهم غيروا

كلهم بدلوا

كلهم ضلوا

الا من كان على سنة الرسول و اصحابه

لان فى حديث تانى صحيح قال لما سألوه عن الفرقة الناجية - ما أنا عليه و أصحابى

و الجماعة الناجية هى ذات العقيدة الصحيحة و اللتى اتبعت ما كان عليه الرسول و اصحابه

يعنى ما غيرتش و لا بدلت السنة

زى ما استلموه من الرسول سليمهولنا زى ما هو بدون تحريف اوتبديل او حتى كتمان اى حاجة منهم

و لو ادعى بعض الناس ان الصحابة كتموا حاجة فهو ادعاء باطل

ولو ادعى بعض الناس ان القران اللى فى ايدينا ناقص فهو صاحب فكر ناقص

و لو ادعى بعض الناس ان الامام احسن من الانبياء فهو كاذب

و لو ادعى بعض الناس ان فيه بشر معصوم غير الانبياء فهو ضال

و يتبع

*****

قال اية الله تسخيرى الشيعى فى مؤتمر التقريب بين السنة و الشيعة فى الدوحة لما سألوه عن قبر أبو لؤلؤة المجوسى قاتل سيدنا عمر بن الخطاب فى ايران و انه اصبح مزار دينى و له عيد اسمه عيد فرحة الزهراء قال ان القضية سخيفة لا قيمة لها و ابو لؤلؤة مجرم لاوزن له

اضغط هنا

صورة لمقام شجاع الدين ابو لؤلؤة فيروز قاتل عمر بن الخطاب بمدينة كاشان بايران مع صورة اية الله تسخيرى

طيب

شوف الفيديو

http://www.youtube.com/watch?v=hzeM4Q9GgR4

و لو شفت الفيديو هتلاقى مكتوب على القبلة اللهم العن الجبت و الطاغوت

عارف ايه هو الجبت و الطاغوت عندهم؟

ابوبكر و عمر

عاملين مزار دينى لقاتل عمر بن الخطاب

بيعظموه لأنه قاتل عمر

عمر اللى قال عليه الرسول

قد كان فى الامم قبلكم محدثون فإن يكن فى أمتى احد فإن عمر بن الخطاب منهم

محدثون يعنى ملهمون

الحديث صحيح فى البخارى برقم 3294 و فى صحيح مسلم برقم 2396

و قال الرسول ايضا

اقتدوا باللذين من بعدى أبى بكر و عمر

حديث صحيح فى صحيح الجامع رقم 1142

ونفى تسخيري ما يتردد بأنه مزار فخم جدا في شكله المعماري ومطلي بماء الذهب "أبدا.. أنا حقيقة لم أره، لكني الأنباء التي سمعتها تؤكد أنه ليس مبنى فخما أو شيئا من هذا القبيل،

طبعا شفنا الفيديو

طيب و الراجل هيكدب يعنى؟

ايوة هيكدب لأن عندهم حاجة اسمها التقية و التقية دى يعنى انه يجوز لأى شيعى أن يكذب و يظهر خلاف ما يبطنه و هم يكذبون ليأمنوا الناس و التقية بالنسبة لهم عبادة يتقربون بها الى الله

عن أبى عبد الله (عليه الصلاة و السلام!) قال من تركها (يعنى التقية) قبل خروج قائمنا فليس منا

من كتابهم اثبات الهداة3 ص 477 و القائم فى معتقداتهم هو المهدى الامام الثانى عشر اللذى سيخرج لينتقم من أهل السنة

و عن الصادق قال عليكم بالتقية فإنه ليس منا من لم يجعلها شعاره و دثاره مع من يأمنه لتكون سجية مع من يحذره

من كتابهم وسائل الشيعة

عايزيننا نصدقهم بقى؟

يعنى لو طلعلنا واحد شيعى فى القنوات الفضائية و كان كلامه حلو معسول هنحبه و نصدقه؟

المذاهب و الشيعة

2007-01-25T06:00:00.000+02:00

اليومين دول فيه موضة واخدة الكل و كل الناس بتتكلم فيها و بقت لبانة فى بق كل واحد

اللبانة دى اقصد الموضة دى هى التقريب بين السنة و الشيعة و يتكلم فيها اللى يسوى و اللى ما يسواش و عاملينلها مؤتمر فى الدوحة حاضره عن السنة الشيخ يوسف القرضاوى و عن الشيعة اية الله تسخيرى الايرانى

و فى المؤتمر ده بيحاولوا يوهمونا ان الشيعة مذهب زى اى مذهب سنى يعنى عايزين يعملوه زى المذهب الحنفى و المالكى و الشافعى و الحنبلى

طيب ايه هو تعريف المذهب و ايه هى المذاهب الاربعة و الفرق بينهم علشان نعرف ايه الفرق بينهم و بين المذهب الشيعى؟؟

اولا احب اوضح ان دين الاسلام له ناحيتين اساسيتين و هما العقائد و العبادات

و ان اختلاف المذاهب الاربعة السنية فى جانب العبادات و ما بيختلفوش فى جانب العقائد و هى الشئ الثابت اللى بيفرق بين المسلم و غير المسلم

العقيدة او الايمان خمسة اركان و هى الايمان بالله و كتبه و رسله و ملائكته و بالقضاء خيره و شره و دى شئ متفق عليه كل الفقهاء فى المذاهب الاربعة و الاختلاف فى الناحية دى يخرج من الملة

اما الناحية الفقهية او جانب العبادات و المعاملات اللى فيه اختلافات كتيرة بين المذاهب لاتخرج من الملة و انما هو رحمة لينا زى ما قال الامام مالك لأن فيه تيسير كتير ع المسلمين

طيب ايه سبب الاختلافات دى؟

سببها حاجتين اساسيتين : السبب الاول ان من الممكن ان يكون هناك حديث صحيح وصل لأمام فيأخذ بيه و يفتى بناءا عليه و ما وصلش للتانى او وصله و لقى فيه ضعف فمايعملش بيه

السبب الثانى هى اختلاف مصادر التشريع بينهم يعنى ايه؟

يعنى ان عالم الدين علشان يفتى فى مسألة او يصدر حكم عليها لازم يكون اخذ فتواه من دليل قوى مش من رأيه الخاص و الادلة دى متعددة

زى ايه؟

زى القران و السنة و كل المذاهب بتقدمهم على كل الادلة و ده مفيهوش اختلاف

يعنى الفقيه او العالم لما يصدر حكم معين يشوف القران صدر فيه الحكم ده و الا لأ؟ لو لقى يبقى ياخد بيه و مايلتفتش لغيره و لو مالاقاش الحكم ده يشوف السنة و هى الاحاديث الصحيحة المنقولة عن النبى صلى الله عليه و سلم

طيب لو مالقاش فى الاتنين؟

يبقى ييجى هنا مصادر اخرى بيختلف فى ترتيبها الفقهاء و اختلاف الترتيب ده (طبعا الترتيب بعد القران و السنة) هو سبب اختلاف الفقهاء

من امثلة المصادر دى فتاوى الصحابة و القياس

المذهب الحنبلى مثلا لا يعترف بالقياس او بياخد بيه فى اضيق الحدود و المذهب الحنفى بيتوسع فى استخدام القياس و القياس ده يعنى لو فيه مسألة ملهاش دليل و فيه مسألة تانية متشابهة معاها نبقى نحكم على التانية نفس الحكم

زى مسألة المخدرات حكمها التحريم قياسا على الخمر لأنها مشتركة معاها فى نفس العلة و هى ذهاب العقل

و المصدر التانى اللى الفقهاء الاربعة بياخدوا بيه و هو السنة يعنى كل حديث صحيح و صلنا و اتفقوا على كتب معينة شاملة لمعظم الادلة المستخدمة فى التشريع و هى الكتب الستة و هى صحيح البخارى و صحيح مسلم و سنن الترمذى و النسائى و ابن ماجه و سنن ابى داود

و البخارى و مسلم اصح كتابين بعد القران باتفاق العلماء يعنى انهم شاملين الاحاديث الصحيحة بس بعكس الكتب الاربعة التانية اللى ممكن تشتمل على الصحيح و الضعيف

و الشيعة بقى مابتعترفش بالسنة النبوية بتاعتنا يعنى ما بتعترفش بالاحاديث الصحيحة اللى هى المصدر الثانى للتشريع يعنى هدمت ركن اساسى من الشريعة الاسلامية اللى من غيرها تبقى فيه احكام كتييييييييييير مالهاش اساس

ما بيعترفوش الا بالاحاديث المنقولة عن الشيعة فقط و ما قلة هذه الاحاديث ناهيك عن ضعف معظمها ان لم يكن كذبه

يبقى ماينفعش نعمل مذهب خامس من غير السنة النبوية و هى المصدر الثانى الاساسى و اللى قائم عليه المذاهب الاربعة

والشيعة مابتاخدش بفتاوى الصحابة و الذى يعتبر المصدر الثالث للتشريع لأنهم ببساطة بيلعنوهم بالذات ابى بكر و عمر لأن فى رأيهم ان الصحابة ما نفذوش وصية الرسول بولاية على

طيب ما هو على و فاطمة رضى الله عنهما بايعوا لابى بكر و عمر و عثمان رضى الله عنهم اجمعين

و هل الصحابة كلهم غلطوا لما بايعوا ليهم؟ يعنى الشيعة اللى همه لا صحابة و لا تابعين هيبقوا احسن من الصحابة و هيعرفوا اللى معرفهوش؟ تيجى ازاى؟

اما من ناحية العقائد فعقيدتنا ان نؤمن بالله و رسله و لانفرق بين احد من رسله و ان الرسل معصومون فقط يعنى مافيش

بشر معصوم الا الانبياء و ده اللى مختلفين فيه مع الشيعة اللى بيعتبروا ائمتهم معصومون و بيعتبروا ان الوحى ما انقطعش بموت الرسول صلى الله عليه و سلم

يبقى الناس دول بينفخوا فى قربة مقطوعة و الا لأ؟
يا عالم ارحمونا بقى سيبوا الدين فى حاله

ملحوظة : المراجع اللى جبت منها الكلام ده كتير منها كتب العقائد زى شرح العقيدة الطحاوية لابن عز و فيه كتاب جميل لابن الجوزى و هو تلبيس ابليس فيه كلام كتير عن الفرق الشاذة وامور الفقه عن كتب الفقه للمذاهب الاربعة و كتب اصول الفقه و القواعد الفقهية مثل القواعد الفقهية للشيخ محمد بكر اسماعيل

اسمع عن عقائد الشيعة للشيخ أسامة سليمان

تعديل: خطبة أخرى اكثر من رائعة تكشف عقيدة الشيعة من كتبهم

تعديل: اقرأ نبذة عن الشيعة

الحملة

2007-01-24T02:38:00.000+02:00

بعد تصريحه بأنه يفدي الإسلام بروحه

حملة إلكترونية عالمية تشطب فاروق حسني من قائمة أعداء الحجاب

ده الخبر اللى قريته فى موقع العربية و ممكن تقروه انتو كمان لو ضغطتو عليه

طبعا ناس كتير شتمته و كنت انا كمان معاهم لما اتكلم ع الحجاب

لما قال ان الاسلام دينه و عقيدته و انه يفدى الاسلام بروحه واحد علق و قال هكذا نحن العرب سرعان ما ننخدع بالاقوال المعسولة و ننسى الاقوال المسمومة

و ناس شتمته تانى و ناس قالت انه بيضحك ع الجهلاء بكلامه

طيب الراجل غلط و اتشتم

سؤال بقى هو اتشتم ليه؟

الاجابة: لأنه اتكلم بجهل فى الدين و هاجم الحجاب

لأ مش قصدى اسأل السؤال بطريقة تانية ايه مبرراتنا احنا علشان نهاجمه و نشتمه؟

غيرة ع الاسلام؟ و الا لاقينا هيصة بيتشتم فيه وزير م الحكومة قلنا نشتم احنا كمان؟

لو غيرة ع الاسلام هقولك ان احنا غضبنا لما اساء و المفروض ان نرحب بيه لو رجع عن اسائته و الا ايه؟

و الا فى الحالتين مشتوم مشتوم؟

يا فاروق يا حسنى كلامك عجبنى و ارجو ان يكون عن صدق و اذا كان كده فأنا معاك و بطلت اشتم فيك مع ان ما وردش عنك انك اعتذرت و أسأل الله لى و لك الهداية و للمسلمين أجمعين

المدونات

2007-01-22T04:49:00.000+02:00

كلاكيت تانى مرة

اكتشفت عالم المدونات ده من صديق عزيز و لما عرفت اسم المدونة بتاعته رحت قريتها و بعدين نسيت الحكاية كلها
بعد كده لما اتنشرت فضايح وسط البلد و التحرش الجنسى لقيت الصحف و القنوات الدشية ( القنوات اللى ع الدش يعنى) بتقول ان المواضيع دى منقولة عن احد المدونات و برضه نسيت الحكاية

ستووووووب

حيلك حيلك انت استاحليتها و الا ايه؟ انت مش قلت الكلام ده قبل كده؟

ايوة قلته فى بوست حاجة ببلاش كده بس المرة دى هقول حاجة جديدة

اما نشوف

أكشن

دخلت عالم المدونات و عملتلى مدونة خاصة بى اشمعنا الناس دول كلهم؟ ده فى كل مكان فى العالم عارفينه و انا ما اعرفوش؟

قريت مدونات و اتعرفت على مدونين و كتبت مواضيع و رديت على مواضيع بس فى وسط الكلام ده كله لقيت ان فيه مدونات مشهورة جدا يمكن فى شهرة جريدة الاهرام كده

منها المدونات الاخبارية و منها الفكاهية و منها الدينية و حاجات كتير لكن

شد انتباهى مجموعة منهم الناس بتدخلهم بالالاف و التعليقات بالعشرات على الموضوع الواحد و كان فيه منهم اللى بتثير جدل كبير بين المعلقين

و فى ذات الايام بينما انا جالس و باتفرج و باشوف برنامج العاشرة مساءا على دريم لقيتهم بيتناقشوا فى نفس الموضوع اللى بنتكلم فيه يعنى المدونات

و كانوا مستضيفين اتنين من المدونين و مندوب عن منظمة المراسلين بلا حدود و دكتور فى السياسة من جامعة حلوان و كان ساعتها فيه اتصال من اللواء احمد ضياء مساعد وزير الداخلية للشئون القانونية و كان بيقول ان المدونات بتثير الاشاعات و بتجيب مواضيع مالهاش اساس من الصحة

ساعتها انا قلت ف بالى طبعا ما انت من وزارة الداخلية وزارة التعذيب و مصادرة الاراء و حرية التعبير و عقلكو قاصر عن استيعاب الطرق الجديدة فى نقل الاخبار و التعبير بحرية عن الاراء الشخصية و كمان من مصلحتكو تهاجموها علشان بتفضحكو و تكذبكو زى ما حصل فى موضوع التحرشات الجنسية بتاعة وسط البلد و نفيتها الداخلية بشدة فى نفس الوقت اللى كل الناس عارفة ان ده حصل

بعد الحلقة دى رحت على مدونة واحد من اللى كانوا مستضيفنهم و فتحتها و عجبتنى و فى يوم من ذات الايام كنت بأعمل سيرش فى جوجل و لقيت موضوع قديم مكتوب بعبارة سوقية جدا لا يستخدمها الا اصيع خلق ربنا فى اعفن حارة فى القاهرة و كانت فى مدونة صاحبنا

فتحت الموضوع و فوجئت ان مراته هى اللى كاتبة الموضوع ده و كانت بتحكى عن رحلة طيران ليها و كان فيه راجل قعد جنبها و مد ايده فى بنطلونه و .... قعد يمارس العادة السرية جنبها

طبعا انا بقدر الامكان باستخدم الفاظ متداولة و ماتخدش حياء اى حد

بس دى كانت بتستخدم اشنع الالفاظ و اقذرها و ما كنتش اتخيل ان اسمعها من راجل فى مجتمع متحضر و على الملأ فى مدونة بيدخلها كل يوم الاف ما بالك دى بنت

مسكت نفسى بالعافية علشان كنت هتف عليها بس افتكرت ان التفة هتيجى على شاشتى انا و ما كانتش هتطول مدونتها بحاجة

دى بقى المدونة المشهورة بتاعت الواد علوة و مراته منمن؟ دول الناس اللى بيدافعوا عن الحريات و عاملين فيها صحفيين و بيجيبوا الخبر من بق الاسد؟ هى دى بقى الحرية؟ الحرية ان اشتم و اجعجع و اقل ادبى و انشر كلام وسخ زى اللى قالته و للاسف محسوبة علينا انها هى و جوزها من مصر؟

اتفو و الف اتفو علي الحرية لو كانت بالمنظر ده؟

عندك حق يا سيادة اللواء دول فعلا ناس بيسيئوا استخدام الحاجة اللى تحت ايديهم

دول ناس بينشرو فكر فاسد و ثقافة قذرة

دول ناس عاملين مدونتهم صفيحة زبالة بيرمو فيه اللى همه عايزينه

مش بس دول !! فيه ناس تانيين ، ناس مش زينا مش طبيعيين

ناس لقوا برضه الحرية فى المدونات و ابتدوا يكتبوا فيها عن نفسهم ... ، عن لواطهم ، عن قذارتهم

بيكتبوا عن حب الذكر للذكر و الانثى للانثى

و اقصد طبعا الحب بمعناه الشامل ، يعنى حب العواطف و الاجساد و بيسموا ده بالمثلية

بيقلبوا الكلام و يحوروه و بيلاقوا لنفسهم مبررات بس مش هتغير من الواقع حاجة

انهم ناس وسخة

بجد مش قادر خلاص

اتفوا و الف اتفوا ع اللى هيفكر ان دى الحرية

يا سيادة اللواء انا معاك ان الناس اللى زى دول لازم يتوقفوا عند حدهم و تتطولهم ايد الشرطة همه دول فعلا اللى يستحقوا التعذيب

ستوووووووووووووووووب

على طريقة صدام

2007-01-21T07:16:00.000+02:00

من كام يوم سمعنا عن الولدين فى اذربيجان اللى شنقوا نفسهم مقلدين صدام

و بعدها شنق طفل نفسه فى باكستان مقلدا صدام

و لقى طفل تونسى مصرعه عندما شنق نفسه على طريقة صدام

و شاب مصرى يشنق نفسه على طريقة صدام

قد كده العالم متأثر بصدام؟ و بإعدامه؟

ده بيفكرنى ايام حرب الخليج التانية و ضرب الامريكان للعراق بمساعدة الدول العربية و دول العالم و ظهر واحد بسيط من صعيد مصر و سمى ابنه اللى خلفه فى الظروف دى بصدام و النكتة ان الاب كان بالصدفة اسمه حسين

و كان غيره كتير

و من يومها بقى صدام بطل غصب عن امريكا و بوش الاب و الابن كمان و غصب عن حكام العرب و العالم كله

و بكده اثبتوا كلهم مدى غبائهم السياسى و قصر نظرهم اهو اللى بيحاربوه طلع بطل

الناس نسيوا قساوته و اللى كان بيعمله فى اخواتهم نسيوا كل اللى كان بيعملوه فيهم مخابراته و شرطته

افتكروا بس ان الامريكان عايزين يحتلوا العراق

الامريكان بيضربوا ف بلد عربى و مسلم

الامريكان عايزين البترول

الامريكان ما يهمهومش تحرير الشعوب العربية من حكامها الدكاترة قصدى الدكتاتوريين

افتكروا المثل انا و اخويا على ابن عمى و انا و ابن عمى ع الغريب

فى نفس الوقت اللى فيه ناس بتهيص مع امريكا و تلعن فى صدام حتى بعد ما مات

قعدوا يلعنوا فيه لما امريكا ضربته اول مرة

و قعدوا يلعنوا فيه لما امريكا ضربته تانى مرة

و قعدوا يلعنوا فيه لما امريكا شنقته

و قعدوا يهللوا و يهيصوا و لسة بيلعنوا ف صدام

صدام بقى عقده للاحباب و الاعداء

بقى بعبع كل الناس خايفة لحسن يجيلهم بالليل

الامريكان بيذلونا و احنا نشتم فى صدام

الامريكان بيستبيحوا اعراضنا و احنا نشتم فى صدام

انا بقى مع المواطن البسيط الفلاح اللى مالهوش فى السياسة و مايفهمش فى التحليلات السياسية و لا وجع دماغ

انا مع صدام لو كان اعداؤه يهود وامريكان

انا مع صدام لو ظهر الخونة و عملاء امريكا و قعدوا يقسموا التركة

انا مع صدام اذا انتشرت الفتنة بين السنة و الشيعة و الاكراد

و اذكروا محاسن موتاكم

انا بكره الامريكااااااااااااان و بحب صدام حسيييييييييييييييييييييييييييين

و ايييييييييييييييييييييييييييييييييييه

مين؟

2007-01-21T06:30:00.000+02:00

مين؟

مين اللى بينادى؟

انت سامع حاجة؟

لأ و انت؟

لأ برضه امال مين اللى بيتكلم و قاللنا ان فيه حد بينادى

اه تقصد عمك سيد درويش لما كان بيقول قوم يا مصرى مصر دايما بتناديك؟

اااااااااايوة

طب اقعد اقعد ده كان بينادى ع المصرى و كان بيقول له ان مصر بتناديه

ايوة عارف ما هو عشان كده قمت

ما يقصدكش انت ده كان بينادى ع الرجالة الجدعان اللى اسمهم مصريين اللى قرينا عنهم فى كتب الاساطير

قصدك كتب التاريخ

تاريخ ايه يا عم انت صدقت؟ التاريخ ده يعنى فترة قديمة لناس كانوا بيدافعوا عن بلادهم بدمهم و كان عندهم عزة نفس و كرامة ورثوها للى بعدهم انما الاساطير مجرد حكاوى زى ابو زيد الهلالى و الزناتى خليفة ما ينبناش منها اللا الحكايات

طب و مصر؟

مالها؟

هنسيبها تنادى؟

يا عم ما هى طول عمرها بتنادى دى بس تلاقيها عايزة تشيل البلاص و تقيل عليها علشان كده بتنادى على حد يشيلها وولادها كتير اكيد هتلاقى فيهم اللى يشيلها و ممكن يشيل عنها كمان ما هو طول عمرهم بيشيلوا

على رأيك ما احنا طول عمرنا شايلين البلاص بتاعنا اشمعنا المره دى؟ و الا يعنى علشان البلاص جديد؟

يوم باهظ التكاليف

2007-01-21T05:19:00.000+02:00

مقتل 13 أمريكيا بتحطم مروحية قرب بغداد

طالبان تدمر موقعا عسكريا أمريكيا بلغمان و تسقط جنوده ما بين قتلى و جرحى

عبوة ناسفة تدمر دبابة للناتو فى قندهار

فدائى يهاجم نقطة للمارينز بسيارة مفخخة بالقائم قرب بغداد

مصرع خمسة جنود أمريكيين بهجوم فى كربلاء

كل ده فى يوم السبت اللى سموه يوم باهظ التكاليف

تعيش وتاخد غيرها يا بوش

وهيلارى جيالك و أيامك أسود من قرن الخروب و هتمسك فى شعر لورا و تردحلها وسط البيت الابيض و هتجيب النساويين بتوعها يشلحوا للجمهوريين و ساعتها تنتصر المرأة و تكون رئيسة أقوى دولة فى العالم و يكون للمرأة حق التشليح زى ما هى عاوزة و تلغى قانون الحد من التشليح وتوقع اتفاقية التشليح النووى وانت هتقعد فى البيت ترضع الاولاد و تبقى سيدة المجتمع الاولى

-----------------------------------

الاخبار نقلا عن : العربية.نت ، الجزيرة ، موقع مصراوى ، موقع مفكرة الاسلام

السفاح

2007-01-20T00:47:00.000+02:00

ظهر سفاح فى المعادى بيعور البنات فى مناطق حساسة من جسمهم و كالعادة اتسعرت الشرطة و بقت تقبض ع اللى رايح و اللى جاى و الحكاية بقالها كتير و لغاية دلوقت معتروش فيه

بس انا عارف مين السفاح!!! ايوة عارفه ده أصلا واد معتوه و تعبان نفسيا و ما بيدراش باللى بيعمله بالظبط زى سفاح بنى مزار و العسكرى اللى ضرب الاسرائيلين بالنار ع الحدود

طبعا هى عايزة فكاكة؟

بس أنا مستغرب ان سفاح كرموز و ريا و سكينة و حسب الله و عبدالعال ما طلعوش معتوهين و الا ما حدش خاد باله من كده؟

انا الشعب

2007-01-19T02:11:00.000+02:00

احب اعرفكم بنفسى

اسمى : كلكو عارفينه

سنى : زيكو بالظبط

عنوانى : بلدى

القسم التابع له: بتاع الباشا

الحزب التابع له: ما انتو عارفينه

الحالة المادية : من أسرة فقيرة بيقولوا عليها متوسطة

عدد أفراد الاسرة : كتير

التعليم : زى قلته

المهنة : عاطل بالوراثة

مكان العمل : القهوة و الناصية

الهواية المفضلة: مشاهدة المسلسلات و ماتشات الاهلى

الرياضة التى امارسها : الكرة الشراب و الضرب ع القفا

المطرب المفضل : جعورة

الاغنية المفضلة : بحبك يا حمار

الجريدة المفضلة : الجريدة الصفراء

الأملاك : على الحديدة

المثل المفضل: تعالى فى الهايفة و اتصدر

انا بإختصار مصرى

ارحمونا بقى

2007-01-16T00:48:00.000+02:00

بالرغم من انى عملت المدونة دى علشان احط فيها مذكرات شخصية و اظهر بعض الحاجات اللى بتغيظ فى مجتمعنا و السخرية منها و ممكن اتقمص شخصية واحد من الشارع و ابتدى اكتب و على الرغم من ذلك هاكتب هنا عن موضوع بقى موضة الايام دى

انا مش عايز اعمل مدونتى دى مدونة اخبار لان مدونات الاخبار كتير و مش هضيف حاجة جديدة

و مش عايزها تبقى دينية لان فيه الاف المواقع الدينية اولا و ثانيا ان انا مش مهيأ للفتاوى و الكلام فى الدين

لأنه لا دخل للاراء فى الدين

الرسول صلى الله عليه و سلم ما امرناش و نهينا من رأيه الخاص

الصحابة رضى الله عنهم لما نقلولنا القرآن و الاحاديث ما حطوش رأيهم الخاص و كذلك التابعين و اتباع التابعين

ديننا هو اللى بيقول

و ما ينطق عن الهوى ان هو الا وحى يوحى

سورة النجم الاية 3 و 4

***

الموضوع اللى انا هتكلم عليه هو موضوع توحيد الصف المسلم بين السنة و الشيعة

و زى كل موضوع يعمل بلبلة و ياخدله فتره كل الناس بتتكلم عليه و يبقى زى اللبانة فى بق كل واحد

يا عالم ده ديننا

سيبوا الدين فى حاله

ايش عرافكم انتم فى العقائد و الفرق بين الفرق و ايه هى عقيدة السنة الصحيحة؟

اراهن ان حد من الناس دول مايعرفش ايه هى العقيدة؟

طب تعرف ايه الفرق بين السنة و الشيعة؟

طب عارف الشيعة عملوا فى السنة ايه؟

تعرف انهم بيسبوا الصحابة؟

بيسبوا ابى بكر و عمر؟

يا عالم ارحمونا هو الدين عندكم رخيص للحد ده؟

هو سهل قوى تفتو فى الدين و تقولو ارائكم؟

هو كل واحد عامللى فيها عالم دين و ماسك فى رأيه بديله و سنانه؟ امال فين بقى العوام؟ امال ايه بقى الفرق بين العلماء و عوام الناس

ارحمونا يا عالم سيبو الدين فى حاله

اتقو الله

تعديل

باختصار الشيعة دول اللى عايزين نتوحد معاهم هيصلوا صلاتنا و فى مساجدنا و يأذنوا نفس اذاننا؟

هيتبعوا رسولنا فى كل حاجة؟ و اذا خالف واحد من أئمتهم الرسول هياخدوا بكلام الرسول؟

و الا المطلوب مننا احنا ان نسيب صلاتنا و مساجدنا و أئمتنا و نروح نتبعهم ؟

الانتقام

2007-01-14T18:40:00.000+02:00

استيقظت هذا الصباح و قد تملكنى شعور غريب سيطر على مشاعرى و كيانى كله

كم كنت احمقا فى الماضى ، كم كنت اتساهل فى كثير من الامور التى كنت اجدها تافهه

كنت طيبا لاقصى الحدود ، بل قل كم كنت ابلها

استيقظت و قد قررت الا اكون ضعيفا تافها

من الان لن يكون لهذا الشخص وجود

كأننى ولدت من جديد

لكن

كلى شعور بالغضب و حب الانتقام ، لقد زايلنى ذلك الشعور بالضعف

لم أعد ذلك الضعيف الذى يصمت حينما يجب الكلام

الذى يعفو عندما يجب الانتقام

الذى يحب عدوه بالرغم مما يحمله له من كره

الذى قلما يغضب و اذا غضب سريعا ما يسيطر على نفسه ويكبح جماحها

***

اتخذت مقعدى خلف عصا القيادة

و بينما تبدأ المحركات فى العمل كان ذهنى شريدا لابعد الحدود

كنت افكر بها

رسم لها عقلى صورة كبيرة ظلت تطاردنى

ربما لأنها اول من عرفت

ربما لأنها اول من به وثقت

ربما لأنها اول من خانتنى واستغلت تلك الطيبة اللعينة

ضغطت ذلك الزر فى عصا القيادة فارتفعت بى سريعا

و انطلقت

انطلقت نحو منزلها

نعم اعرفه جيدا

طالما زرتها و اهلها به

طالما احتفوا بى

طالما دق قلبى عنده

ها هو قد اقترب

هبطت قليلا لاراه فى وضوح

ها هو يظهر على شاشتى

انها اللحظة اللتى كنت انتظرها هذا الصباح

ضغطة زر تعلن عن لحظة انتقامى

لحظة مولدى

امتدت يدى الى الزر الاحمر بطريقة الية و ............................. و ضغته

اضيئت لمبة حمراء فى نفس الوقت الذى سمعت فيه صوتا يشبه فحيح الافعى و ذيل من الدخان يتجه نحو بيتها

لقد فعلتها

انتقمت

حاجة ببلاش كده

2007-01-12T10:54:00.000+02:00

اكتشفت عالم المدونات ده من صديق عزيز و لما عرفت اسم المدونة بتاعته رحت قريتها و بعدين نسيت الحكاية كلها

بعد كده لما اتنشرت فضايح وسط البلد و التحرش الجنسى لقيت الصحف و القنوات الدشية ( القنوات اللى ع الدش يعنى) بتقول ان المواضيع دى منقولة عن احد المدونات و برضه نسيت الحكاية

و ف ليلة رأس السنة و على ما أفتكر انه كان تالت يوم العيد الكبير كنت بتابع موضوع عن تطوير المواقع و لقيت موضوع عن الاستضافة المجانية ، يعنى هيبقالى سايت ع النت ببلاش قمت فكرت كده ،، و ليه لأ؟ ما أعمل سايت و احط فيه اى حاجة و اهى تجربة و اطوره بعد كده براحتى!! قمت ما كدبتش خبر و رحت عامللى السايت بتاعى من غير فلوس

لما جه تفكيرى عند نقطة " من غير فلوس دى " افتكرت موضوع المدونات اللى قلى عليه صديقى بس كنت نسيت مكان مدونته

المهم وف نفس اليوم رحت عامل المدونة دى ، ما هى ببلاش ايه المانع؟

ايه المانع صحيح؟

مش حاجة ببلاش؟ ما استفدش منها ليه؟ و دى مش اول مرة افكر بنفس الطريقة لان قبلها بسنوات كنت عامل لنفسى ييجى سبعة تمانية اميل من ابو بلاش و مسجل نفسى فى عشرات المنتديات من ام بلاش و معظمها ناسيه طبعا و الاميلات ما بستخدمش منهم الا اتنين او تلاتة بالكتير

الحكاية دى بتفكرنى بحنفى ، جوز فوزية فى مسرحية سك على بناتك ، انا لقيت طابور طويل بحسبه جمعية قلت ازاحم يمكن اخدلى صابونة !! ادونى الصورة دى ، خدتها قلت يمكن تغلى

واحد يقرا الكلام ده فيزوى ما بين حاجبيه و تضيق عينيه و يرمينى بشرر يكاد يحرقنى و يقوللى ايه الهبل ده؟

اقول له بذمتك انت ما فكرتش بنفس الطريقة دى؟

هى يعنى المدونات دى لو بفلوس كنت هاتعملك مدونة؟

و الا كنت هتلاقى مدونات مليانة تهييسات و تخاريف كده؟

احب اقلك ، يا عزيزى كلنا هذا الرجل

كلنا حنفى

ازيك يا ريس

2007-01-11T20:03:00.000+02:00

عارفين سوق الخضار؟

لأ مش السوق انا قصدى التمثيلية

امبارح انا شفت حلقة منها و كانت البطة القذيرة( اقصد البطلة القديرة ايه ده الكيبورد بتعلق ) فيفى عبده الغازية رايحة الحى علشان بتمثل انها عايزة تقابل رئيس الحى و كالعادة البت السكرتيرة لاطعاها و بتدخل الناس المهمييييييييييييييييييييييين و اللى شكلهم حلو و سايباها لأنها عاملة فى التمثيلية انها غلبانة و لابسة جلابية بلدى

و بتقلها انها عايزة تقابل البيه رئيس الحى ، ردت السكرتيرة عليها و قالتلها ان الريس مشغول

راحت بطتنا قالتلها ريس ريس انا معرفش غير ريس واحد فى البلد

عندها حق

كل واحد عاملى فيها ريس

دى بتفكرنى بشركة كنت شغال فيها اسمها المصرية المغفلية كانت شراكة بين واحد مصرى وواحد من دولة المغفلية و كانت الشركة دى رئيس مجلس ادارتها مصرى و عنده ولدين و كان عامل كل واحد منهم مدير و مخترعلهم مناصب علشان يبقى شكلها حلو

اول لما تدخل الشركة دى هتلاحظ ان الكل بينده الكل ب يا ريس

اه و الله ده اللى بيحصل يعنى لما رئيس مجلس الادارة يعدى يقولوله ازيك يا ريس و لما ابنه مدير المصنع يعدى يقولوله ازيك يا ريس و لما ابنه التانى يعدى اللى هو مدير التصدير يقولوله ازيك يا ريس و كذلك المدير العام بتاعهم بيندهوه بالريس و برضه مدير المبيعات و المشرفين بتوع الانتاج و التصنيع وكل كبير و صغير اللى تحته يقولوله يا ريس

ولو مدير المالية راجل لقلولها ازيك يا ريس ، انا كنت عايز اقولها يا ولية

و بقت ازيك يا ريس دى على كل لسان حتى انا كمان بيقولولى ازيك يا ريس مع العلم ان انا مكنتش مدير و لا حاجة

قمت انا برضه قلت اقول زيهم بس ما حصلش ان انا قلت لحد فى المذكورين سابقا يا ريس كنت بقولها لصحابى من باب الهزار

الشركة دى بتاعة لحمة ( بتصنع لحمة) و كل ما تتكلم مع حد يقعد يشتكيلك من المرتب و الظلم اللى عليه و ان هو مستحمل علشان ولاده و مش هيتردد لحظة انه يسيب الشركة اول ما يلاقى فرصة احسن بره

بقى ده العادى عند كل واحد بقى نشيد وطنى للشركة كل يوم بيتقال و لما تشوف اتنين واقفين اعرف انهم بيشتكوا و بيلعنوا سنسفيل اهل الناس اللى ظلموهم

طبعا معروفين

حتى المديرين بيشتكوا

و لما تيجى تشتكى تقعد على الكرسى قدام مكتب المدير العام (ما هو المتحدث الرسمى باسم العائلة المالكة) و تخرج من عنده و انت منشكح بعد الوعود الجبارة اللى وعدهالك و اللى حسستك انك هتعيش حياة رغدة و ليك مستقبل باهر منتظرك و انك هتهبر هبر و هتبقى مليونير اول ما الشركة دى تقف على رجليها

و........ يتلحس الكلام ، شهر شهرين سنة عشرة و انت زى ما انت لا الشركة كبرت و لا انت هبرت و كل اللى مصبرك و مسكتك ولادك

و لو مشيت هايجيبوا غيرك مش هتقف على حد

فى ناس كتير غيرك مش لاقية تاكل

مش لاقية شغل و يمكن احسن منك

هتفضل ع الحال ده خايف على ولادك و هتجيب منين وولادك هيشتغلوا فى الشركة و برضه هيخافوا على ولادهم

الرزق بإيد ربنا سبحانه و تعالى و لازم الناس دول يعرفوا ان ربنا موجود ما بينساش حد حتى لو الناس نسيوه

و اعمل اللى انت عايزه بس لازم تعرف ان دعوة المظلوم لا ترد

يا ظالم

اتحكم فى الناس اللى تحت ايديك براحتك

هددهم براحتك ، كل عليهم حقهم براحتك

اتجسس على تليفوناتهم براحتك

حط عصافيرك فى كل مكان

بس لازم تعرف ان كل ده متعلق فى رقبتك

كتر الحمل على رقبتك مسير الحمل ياخدها و يقع حتى لو ماتعلقتش بحبل

ابنك هيبقى رئيس مجلس ادارة زيك و هيقعد مكانك و هيعمل اللى انت بتعمله دلوقت

و برضه رقبته هتتعلق فيها ظلم الناس فى نفس الوقت اللى ابوه بيتحاسب عند ناس ما بتنساش حاجة و مبتظلمش

كل واحد عملى فيها ريس

يا ريس عايز اقلك ان انا كمان معرفش غير ريس واحد

الهبر وقناة الفجر

2007-01-10T08:20:00.000+02:00

بتهيألى معظمنا عنده دش و اللى معندوش يبقى واخد واصلة

عارفين كويس ان النايل سات لوحده فيه حوالى 370 قناة ما بين قنوات تليفزيونية و قنوات راديو و مشفر و مفتوح

انا طبعا بتكلم عن النايل سات لوحده

و النايل سات يعتبر من اكبر الاقمار احتراما و احتشاما على الرغم من الحاجات اللى مالياه

و يلحق بيه طبعا قمر بدر( العرب سات سابقا) و يعتبر معظمه ما بين قنوات اغانى و كليبات و افلام و مسلسلات

و فيه كمان قنوات اعلانات و قنوات اخبارية و اطفال و رياضة و قنوات تعليمية بجميع انواعها و قنوات دينية

التقسيمات اللى فاتت دى هى التقسيمات الرئيسية لانواع قنوات الدش مش هتكلم عن القنوات الاباحية و قنوات السيكو سيكو زى ما هو موجود فى اقمار تانية زى الاوروبى

بس فيه تقسيمة ما قلتهاش

فيه قنوات للهيافة

ايه ؟ هيافة ايه؟

ايوة هيافة هى القنوات اللى فيها دايما خلفية ثابتة و مذيعة مش مظبوطة مش قادرة تقف وقفة محترمة و بتقول مسابقات و ترد على التليفونات و دى طبعا بتجيب ملايين لوحدها ( يا بخت صاحب القناة ) و طبعا المسابقة عبارة عن اسئلة هايفة زى فيه فاكهة مدورة لونها اخضر و قلبها احمر و جواها لب اسمر تبقى ايه؟ الاختيارات : 1- بطانية 2- بطا مش نية 3- رغيف عيش 4- بطيخة

و علشان اسهلهالك اكتر اسمها فيه حرف ال ب و ال ط و ال ى و ال خ و ة تبقى ايه؟

فيه على الشكل ده كام قناة كده

و القنوات اللى زى دى بتجيب ثروة يوميا من التليفونات اللى الناس الفاضية فاكرين انهم هيكسبوا حاجة و همة مش عارفين ان الناس دول بيستعبطوهم و ياخدوا فلوسهم و نرجع نشتكى الكهربة غالية و التليفونات غالية و اللحمة غالية و ........... غالية

كل حاجة غالية هنجيب منين

يا عم ما تمسك ايدك و ما تديش الناس دول فرصة تضحك عليك انت مش معتوه يعنى علشان تدخل عليك الخدعة دى

طب بذمتك الأسئلة دى فيها اى فايدة؟

و بعدين الناس دول لو فرضنا انهم بيدوا جوايز و اشك و ادوا جايزة كل يوم عربية مرسيدس مش هيأثر معاهم و لا هيقلل من الهبر اللى هبروه من جيوب الغلابة فى الوقت ان فيه قنوات محترمة جدا هادفة جدا جدا مش لاقية حد يصرف عليها

زى ايه

زى قناة الفجر

قناة دينية

قناة بتسمعنا أحلى كلام فى الدنيا

بتسمعنا قران

القناة دى قفلت

قفلت ليه؟

علشان مفيش تمويل كفاية

مش دى حاجة تفقع؟

اقرا الكلام اللى جاى ده

ده جانى عن طريق الاميل و هنقله كله زى ما هو

------------------------------------------

دعوه لنشر الخير وكسب مليارات الحسنات برساله من موبيلك لدعم قناة الفجرتعلمون جميعا اكرمكم الله انه قد تم اغلاق قناة الفجر وبفضل الله تم افتتاحها مؤقتا لكن السبب الذى ادى لغلقها مازال موجود الا وهو عدم وجود المالهل تعل اخى ان ميزانية قناة الفجر كامله بكل برامجها = ميزانية ساعتين ونصف من ميزانية القنوات الفضائيه للاغانى والموسيقى هيا تبرع للقناه برساله من موبيلك بها تستعيد القناه قوتها وتكتب لك الحسنات عند الله لا تبخل على نفسك وعلى اخوانك واعلم ان القناه يشاهدها العالم اجمع واعلم بانك تساهم فى ان توصل القران الى آذان الناس جميعاان كنت من مصر ارسل على

مصر=9331

السعوديه (موبيلى)=6231

السعوديه (جوال)=83440

فلسطين=1283

الجزائر=4549

عمان موبيل=90083شارك ولك الاجر ان شاء الله

-------------------------------------------------------------------

ها هتعمل خير؟

صندوق الفيران

2007-01-09T06:48:00.000+02:00

كان فيه مرة راجل صاحب مزرعة عنده ولدين

فى يوم حس انه كبر فى السن و لازم يسلم المزرعة لواحد من ولاده فجمعهم و قالهم انا هاعملكو امتحان اللى هينجح فيه هو اللى هياخد المزرعة

راح جايب صندوق و ملاه شوية فيران و اداه لابنه الكبير و قاله المطلوب منك انك تخرج الفيران دى من الصندوق و بعدين ترجعهم تانى من غير ما يهرب منك ولا واحد

راح ابنه واخد الصندوق و اول ما فتحه راحت الفيران جريت و كل واحد راح فى حتة و معرفش يمسكهم تانى

و جه الدور على اخوه الصغير و خد صندوق تانى و.... هربت الفيران تانى

مسك ابوهم الصندوق و رجه جامد و راح فاتحه بس الفيران المره دى مهربتش لانهم كانوا مدروخين راح ابوهم قالهم علشان تسيطرو على الفيران لازم تتعبوهم و تطلعو عينيهم و بكده مش هتلاقو ولا واحد يقدر يجرى

----------------------------------------------

السؤال هنا مين فى الولدين هو اللى هيورث المزرعة الكبير و اللا الصغير؟

امتى الحمار يخرج؟

2007-01-09T02:10:00.000+02:00

حمار فى المزرعة

ده اسم موضوع قريته فى مدونة تانية اسمها تخاريف و عجبنى جدا

ادخل اقراها بنفسك لان ما اخدتش اذن صاحبها بنقلها اضغط هنا

من غير ما تاخد على قفاك برضه

2007-01-08T23:47:00.000+02:00

القفا ده حاجة مهمة قوى كلنا طبعا فاكرين الستامونى اللى الف قصيدة على القفا و غناها المزاجنجى و كلنا ضحكنا عليها و ده طبعا فى فيلم الكيف

القفا يعنى الكرامة

القفا يعنى شكلك عند الناس اللى وراك

ازاى؟

لو الناس بتحبك هتبص على قفاك و هى مبسوطة

و لو كارهينك هايبصو على قفاك و نفسهم يتفوا عليك

واشمعنى القفا يعنى ما هو ممكن الوش برضه؟

لأ فيه ناس كتير بتكرهك و كل ما تبصلهم يضحكوا فى وشك لكن لو اديتهم ضهرك يلعنوا سنسفيل اهلك

يبقى القفا ده مهم و الا مش مهم بقى؟

و القفا عند الانسان هو الكرامة يعنى لو واحد ما عندوش كرامة بياخد على قفاه

و الشتاء فصل الكرامة

ازاى؟

مش فى الشتاء كل الناس بردانين و بيضطروا يغطوا قفاهم؟

يبقى عدد اللى بياخدوا على قفاهم هيقلوا؟

صح؟

لأ غلط

لا صيف و لا شتا احنا مش فارقه معانا احنا طول عمرنا بناخد على قفانا و ساكتين و لو حد اتكلم برضه هياخد على قفاه وفى ناس بتتطور معاها و بياخدوا على ............... قفاهم برضه

يا عم عديها و خليك مؤدب ايوه هى قفا القرد

هو احنا اتعودنا على كده خلاص؟

مفيش فايدة؟

مفيش حل؟

و حفاظا على القفا هقولها بصراحة

مش هخاف

هقولها و امرى لله

فليحيا البطيخ

البطيخ ده حلو قوى

انا زى أى مصرى عايش فى مية البطيخ

انا بحب البطيخ

انا بموت فى البطيخ

من غير ما تاخد على قفاك

2007-01-08T09:02:00.000+02:00

البلد فيها حاجات كتير مش عاجباك صح؟

مش قادر تتكلم؟

و لو اتكلمت قفاك هيورم؟

نفسك تقول حاجة؟

نفسك تعمل ثورة؟

نفسك تصرخ و تعلى صوتك؟

انا ممكن احققلك كل ده و كمان من غير ما حد ييجى جنب قفاك

ازاى؟

خش معايا

تعالى نعمل ثورة

تعالى نزعق ونقول

لا للسودانى ابو قشر

لا للنسكافيه من غير لبن

لا للشاى

لا للفول من غير زيت

لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

بطاقة واحد من الشارع

2007-01-08T03:54:00.000+02:00

الاسم: احمق ابن حقاء

السن: اكبر واحد فى القعدة

المهنة: اى حاجة فيها تخلف

الهواية:مزاولة كل انواع الهبل و الغباء

الاصدقاء: الاهبل و العبيط و الغبى و المتخلف و الحمار

الشهادات الحاصل عليها: دكتوراه فى الغتاتة

عضو فى جمعية تنشيط الغلاسة و عضو مؤسس فى نقابة التلامة
-----------------------------------------------
ايه ياعم ده انت وقعت فى زريبة ؟ مين ده اللى انت جايب بطاقته؟
و احنا مالنا احنا؟
يا عم صبرك شوية .... مستغرب ليه دى بطاقة واحد بتشوفه و بتسلم عليه كل يوم ... فى الشارع فى المترو فى الاتوبيس فى الشغل فى الجامعة فى المدرسة فى كل مكان مش مصدق؟
طيب شوف امين الشرطة اللى بيمسك سواق ميكروباص بيعمل فيه ايه؟ و يا ويله لو وقع فى ايد ظابط ...يا نهار اسود ده بيتمرمط بيطلعوا عينيه ده لو كان امين الشرطة مؤدب هيشتمه و يضربه على قفاه بس
عارفين عماد الكبير؟ سواق انتشرت حكايته فى كل مكان و ناس كتير شافو الكليب اللى بيغتصبوه فيه فى القسم
انا اول مرة اعرف حكايته كان على الموبايل جانى الفيديو بالبلوتوث و كانوا مقلعينه البنطلون و امين الشرطة بيحط العصاية فى ... اقصد فى يا عم عديها...
الحكاية التانية كانت لبنت بتضرب على قفاها و تالتة بتضرب بالعصايا على ضهرها و الجديدة كانوا بيمدوها على رجليها و الظابط بيهددها بعمل فعل فاحش معاها
الحكايات دى كتير بس اللى يشوفها كلها يلاقى حاجة مشتركة بينهم كلهم
ان كل اللى بيتعذبوا كانوا بيصرخوا و يقولوا خلاص ياباشا الرحمة ياباشا
باشا
اميييييييييييييييييييييييييييييييييييييييييين شرطة
ظاااااااااااااااااااااااااااااااااااااااااااااااااابط
ما معنى هذه الاسماء؟
هل امين الشرطة حقا امين؟
هو الظابط فعلا ظابط؟ مش الظابط لازم يكون مظبوط الاول قبل ما يظبط حد تانى
بجد انا بكتب الكلام ده و بقاوم دمعة كبيرة حزينة عايزة تطلع بالعافية
هو ده بيحصل فين؟ فى مصر؟ بجد ده و اللا هزار؟ انا كنت فاكر انه بيحصل بس فى سجن ابو غريب او فى جواتيمالا او فى اى حتة تانية الامصر
انا بقاوم شعور بالمرارة جواية ايه اللى بيحصل ده
هو مين اللى بيعمل كده؟ راجل؟ مسلم؟ عربى؟ و بيعمله فى مين؟ فى مسلم؟ فى بلده؟ و ف وسط اهله؟ امال لو دخل علينا اليهود و الا الامريكان او الانجليز هايعملوا فينا ايه؟
ده احنا بنتهان جوة بلدنا وسط اهلنا وسط صحابنا ايه اللى ناقص تانى؟
ازاى وسط اللى بيحصل ده نفكر فى المستقبل البااااااااااااااااااهر و التقدم اللى هنحققه فى يوم الايام تقدم ايه؟ و ازاى؟
" ان الله لا يغير ما بقوم حتى يغيروا ما بأنفسهم"
عارفين ده ايه؟ ده قران!! نسيناه؟
زعلانين على اللبنانيين و اللى بيحصل فيهم؟
ده لو سابونى على اليهود هاكلهم بسنانى
ده لو جم هنا هيلعنوا اليوم اللى اتولدوا فيه
دى مصر ام الدنيا
مصر مقبرة الغزاة
الجندى المصرى شق السما و ضرب و كتب اعظم ملحمة
تحيا مصر
زمان كنا عايزين الاحتلال يرحل و تعيش مصر حرة مستقلة
دلوقت اهه رحل الاحتلال عملنا ايه؟
بقت المصيبة ان الظلم من اهل البلد على اهل البلد
بقت المصيبة ان الواحد بقى حاسس بالقهر جوة بلده
حاسس بالغربة وسط اهله
يبقى الواحد بيتمنى ان دول همه اللى يرحلوا عننا
ايه؟ يرحلوا؟
مين دول؟ اهل البلد؟ و على فين؟ و مين هاييجى غيرهم؟ و اللى هاييجوا دول هايعملوا فينا ايه؟
بقى البشاوات هما اللى بيحكوا البلد
هما اللى بيعملوا اللى همه عايزينه
الباشا
بقى الظالم هو الحاكم
بقى الوالى هوالخائن
الايام دى هى زى ما قال عليها الرسول صلى الله عليه و سلم " ... يؤتمن فيه الخائن و يخون فيها الامين و يتكلم الرويبضة............" بقت الايام دى ما ينفعش ييجى بعدها الا الساعة قال رسول الله صلى الله عليه وسلم "اذا ضيعت الامانة فانتظروا الساعة"
حسبى الله و نعم الوكيل
---------------------------------------------

و لا فى الاحلام

2007-01-07T04:16:00.000+02:00

الرابع من مايو عام الفين و تسعين

جلس رئيس وزراء جمهورية مصر فى مراجعة بعض التقارير الواردة من الوزارات المختلفة وفتح تقرير وزارة الصناعة الخاص بتصدير احدث اجهزة الكمبيوتر الى اليابان و تسائل فى نفسه لماذا وافق مجلس الوزراء على التعامل مع هذه الدولة الفقيرة و ما العائد وراء ذلك و لكنه لا يملك سوى الاعتراض داخل نفسه و لا يبلغ هذا الاعتراض حد الافصاح به لأن نظام الحكم المعمول به انه بعد موافقة المجلس على موضوع ما لا يملك رئيس الوزراء سوى اعتماد هذه الموافقة دون حتى الرجوع لرئيس الجمهورية اذ ان رئاسة الجمهورية مجرد منصب شرفى

بعد ان انهى تقرير وزارة الصناعة فتح تقرير وزارة الزراعة الخاص بتصدير القمح للولايات المتحدة و هنأ نفسه على هذه الصفقة اللتى تعد من اكبر الصفقات حجما بعد صفقة البطاطس للاتحاد الاوروبى

وقد بذل رئيس الولايات المتحدة اقصى جهده سعيا لعقدها و الا عانت الولايات المتحدة اكبر مجاعة عرفها التاريخ و تم الاتفاق على ان يتم نقل الحمولة على الاسطول المصرى الذى يعد اكبر اساطيل العالم و الذى تعمل سفنه بالطاقة النووية وتم الاتفاق عليها بعد توقيع اتفاقية السلام بين مصر و الولايات المتحدة بعد سنوات من الحصار المصرى لها و الذى كاد ان يعيد زمن التفكك و الحروب الاهلية

انتفخت اوداج رئيس الوزراء عند بلوغه هذه النقطة و استرجع ايام طفولته و تذكر ما كانت به البلاد منذ خمسين عاما و اى معجزة حدثت لنقل حال البلاد من الظلام الذى امتد عشرات السنين تحت الحكم الملكى الغاشم و كيف قفزت عجلة الصناعة و التطوير بها لتخطف لقب القطب الاوحد و الذى كانت تتمتع به الولايات المتحدة من قديم الازل اذ اخبره جده عما كان يسمى بالحرب الباردة و الاتحاد السوفيتى و كيف انهار هذا الاخير و لكن ... ما طار طير و ارتفع الا كما طار وقع ها هى القطب الاوحد يعانى منذ سنوات من الفقر و الضعف حتى باتت تتسول قوت يومها من الدولة التى طالما تسولت منها قديما .............. من مصر

-----------------------------------------------------

هبل ع الهوا

2007-01-06T20:56:00.000+02:00

طبعا بتتفرجو ع التليفزيون و الدش و بتشوفو البرامج اللى بيقدمها المذيعين و المذيعات و كمان دخل فى اللعبة الممثلين و كمان الصحفيين ويمكن تلاقى نفسك بتقدم برنامج و انت مشهور و متعرفش

كتير من الناس بيتفرجو عليهم باهتمام شديد وبياخدو منهم دروس و عبر تنفعهم فى حياتهم.... طبعا مش هما بيطلعو فى التليفيزيون و مشهورين يبقى بيتكلمو صح و عارفين كل حاجة و مبيغلطوش

تعال شوف الناس المحترمين دول بيتكلمو ازاى؟ هتلاقيهم كل شوية بيقاطعو بعض و يتكلمو فى نفس واحد متعرفش هما بيقولو ايه وللا عايزين ايه مش كان الاحسن يروحو يعملو محضر فى القسم علشان ما يتخانقوش؟ هو احنا ذنبنا ايه فى الهبل ده؟ كل واحد بيتعصب على التانى لان كلامه مش عاجبه طب ما كلامك انت كمان مش عاجب التانى اشمعنا انت؟ الناس دول بيطلعو ع الهوا علشان يخلو الدنيا كلها شاهدة على حماقاتهم و هبلهم

نداء للناس دول : بلاش تنشرو غسيلكم الوسخ قدام الناس اذا بليتم فاستتروا

مطبات

2007-01-06T13:38:00.000+02:00

امبارح كنت مسافر لمحافظة البحيرة سفر يوم واحد يعنى رحت و رجعت فى نفس اليوم ، المسافة لغاية هناك حوالى 100 كم (ميت كيلو) و متتخيلوش كمية الحفر و المطبات اللى كانت فى الطريق لأ و ايه مطبات غير صالحة للاستخدام الادمى و لا حتى اجدعها حمار يرضى يمشى فى الطرق دى

مطبات لا تخضغ للمواصفات القياسية و لا حتى لغير القياسية ، هتقوللى طب و ايه يعنى ما احنا متعودين على كده و مصر مليانة مطبات كتير؟ اقولك ان كل مطب من دول سواء اللى كنت بأنجح فى كشفه بوسيلة جهنمية او كنت بافشل و كان بيفاجئنى كان بيفكرنى بالمطبات اللى مالية حياتنا، ايوة مطبات ، مطبات من اللى قلبك يحبها ، مطبات تمام

هى لما تطلع واحدة تافهه بتشتغل مذيعة و بيقولو عليها دكتورة و تتكلم فى الدين و تتعمد انها تختار مواضيع بتسير البلبلة و تخلى راس المواطن البسيط يلف و يبقى مش عارف الصح من الغلط و تشككه حتى فى اكتر الامور بديهية يبقى ده مش مطب؟ اقولك ده خازوق و خازوق كبير كمان، مرة الهانم تتطلع تتكلم عن جواز المسيار و مرة تتطع تتكلم عن رضاعة الكبير و مرة تتكلم عن.... احم معلش مش هقدر اتكلم اصل انا بتكسف

اشمعنى المواضيع دى بالذات؟ هى ناقصاكى انتى كمان و ياريت بتستضيف حد عدل دى بتستضيف ناس زيها واخدين دكتوراه فى الهيافة و قلة الادب قولولى نعمل ايه فى المطب ده؟ مطب جامد صح؟

ممكن حد يقول ان دى مذيعة فى محطة فضائية يعنى مش كل الناس بتشوفها و كمان مش معقولة المواطن البسيط اللى ممكن يتأثر بيها انه يكون عنده دش!!! طب ايه رأيك فى مسئول كبير، كبير قوى و يهاجم الدين و الادهى انه المسئول عن العقول ،... عن اللى بيدخل العقول مسئول غسيل المخ ووزير الجهل؟

عمرك شفت واحد احمق؟

2007-01-05T22:52:00.000+02:00

لو شفت واحد مش عارف حاجة هتقول عليه ايه؟ جاهل صح؟

طب لو شفت نفس الواحد اياه (الجاهل بتاعنا) بيتكلم فى موضوع بيجهله هتقول ايه؟

انا اقولك هنقول عليه احمق صح؟ طيب تعالى نتخيل واحد جاهل و بيتحامق و بيتكلم فى الطب وواحد بيقوله بطنى بتوجعنى اعمل ايه؟ يرد عليه و يقوله حط فى عينك قطرة!! و....

- دماغى بتوجعنى...؟

- شرب ابنك الصغير شربة.

- عندى امساك....؟

اعمل كمادات.؟؟؟؟؟؟

منتهى الحماقة صح؟ ليه؟ علشان الدكتور بيقضى ست سنين من عمره فى كلية الطب و يشتغل فترة ويحضر ماجيستير و دكتوراه و يتخصص فى مجال معين ، يقوم يجى الاحمق اياه و يفتى فى (الطب) بكل بساطة .

يبقى اللى بيفتى المفروض يكون دارس و طالع عينه فى المذاكرة و بعدين يبقى يقدر يفتى!!

الكلام اللى فات طبعا كله قعد يشتم فى ابن الحمقاء و ازاى يفتى فى (الطب) . الطب طبعا من العلوم الصعبة اللى لازم تتذاكر فترة طويلة و بنحترم المهنة دى و ان حد سألنا نقوله مش عارفين احنا مش دكاترة.

طيب و الدين؟ يعنى اللى بيفتى فى الدين بدون علم؟ وللا الطب منقدرش نتعدى حدودنا فيه و الدين هو اللى بنقدر عليه؟ هو علشان قريتلك كتاب او اتنين وللا حديث او اتنين تقوم تعتبر نفسك عالم و تفتى كده بكل بساطة؟ عارف عمر بن الخطاب؟ قعد يدرس سورة البقرة لوحدها عشر سنين و ده عمر الصحابى اللى قال عليه الرسول لو كان نبيا بعدى لكان عمر!!! قد ايه علمه ده؟

الاحمق الحقيقى هو اللى بيعتبر نفسه "وكيل" عن الله عز وجل ويفتى و يحكم و كل ده علشان واخده غروره وازاى يقول مش عارف؟

عارف الامام مالك اتعرض عليه كام سؤال رد على 80% تقريبا بكلمة " لا اعلم" و ما اتكسفش.

ظهر اليومين دول كام واحد صحفى او مذيع او صحفية او مذيعة او حتى وزير و يتكلمو فى الدين. (وزراء جهل)

دول اللى قال عليهم الرسول (صلى الله عليه و سلم) ( سيأتى زمان على امتى .................و يتكلم الرويبضة ، قيل و من الرويبضة يا رسول الله قال الرجل التافه يتكلم فى أمر العامة)

عايز تكون رويبضة؟ عايز تكون تافه؟ اذن اتكلم فى الدين..

ساعتها تكون عملت زى الاحمق اللى حكينا عليه. ها عمرك شفت واحد احمق!!!!!

فش غلك براحتك

2007-01-04T10:32:00.000+02:00

بصو بقى الواحد بيقابل حاجات كتير فى حياته بتغيظه و تطلع عينيه فحبيت اعمل الموقع ده علشان الواحد يفش غله فيه براحته